7 - SECRETARY

INI-LOCK ni Alessia ang gym nang masigurong walang security camera sa loob niyon. Hinubad niya ang suot na uniporme at nakigamit siya ng mga equipment doon kahit saglit lang. Sanay kasi ang katawan niya sa ehersisyo kaya hindi maaaring hindi siya pagpawisan. Mabilis din naman siyang lumabas para hindi siya paghinalaan.

Nakasalubong niya si Nena na nagtataka dahil pawis na pawis siya. “Ayusin mo ang mga labahin, Ali.”

“Walang problema.” Nakangiting sagot niya at pakanta-kantang tinungo ang laundry area. Pero hindi niya lubos akalain na sandamakmak ang labahin dahil kasama ang mga makakapal na bedsheet at kumot. Mukhang nanandya si Nena.

Naglalaba naman siya ng sariling damit lalo na kapag nasa misyon siya. Pero ni minsan ay hindi niya pa nasubukan ang ganito karami. She was never trained to do a household chore because they had plenty of maids at home.

Naabutan siya ni Yaya Glo na tila natutulala sa dami ng labahan. Waring nabasa naman nito ang laman ng isip niya.

“Hayaan mo na ‘ya