Malalaman mo ‘pag binuksan mo na.

Samantala, sa paliparan, naghahanda si Ruby para lumipad patungo sa lugar kung saan niya sisimulan ang bagong buhay.

Mahigpit siyang niyakap ni Luna habang umiiyak, pinalakas loob siya ni Ruby, “Buhay pa ako, ‘wag kang umiyak na parang nasa kabaong na ako at inilibing mo na ako.”

Lalo pang umiyak si Luna, “Huwag kang aalis! Hindi ko ‘to inaasahan, mas mabuti pang ‘wag na siyang bumalik, para manatili ka pa rin sa amin.”

Hindi inakala ni Luna na aalis ang kaibigan niya ngayong bumalik na ang lalaki. Akala niya’y hihiwalayan lang niya ito at magsisimula ng bagong buhay sa Sleepy Hollow Farm kasama nila. Handa pa siyang maghanap ng mas mabuting lalaki para kay Ruby kesa sa gagong ‘yon.

Tumingin si Ruby kay Thomas para humingi ng tulong, agad namang pinalakas loob ng lalaki ang asawa niya, “Maaari nating dalawin si Ruby kapag may oras tayo.”

Kumawala si Luna sa yakap, “Bawat email ko, sagutin mo ha, huwag mo akong pababayaan, kundi susunduin kita at ibabalik kita sa Sleepy.”

Tumango si R