4

Maya-maya, bumukas ang exclusive elevator na ginagamit lamang ng boss niya-kaya napakunot ang noo niya. Hindi naman oras para gumamit si Clyde ng elevator, at wala rin naman sa listahan na may darating.

Lumabas mula roon ang isang babaeng sopistikada-maputi, matangkad, elegante, at mukhang Mayaman.

Agad niya itong binati.

"Good morning, Ma'am. May appointment po ba kayo?"

Medyo lutang ang tanong niya, dahil wala naman ito sa schedule ni Clyde.

Tumingin siya sa notepad, nag-scroll sa listahan ng names.

"May I have your name, Ma'am?" dagdag niyang tanong habang sinisipat kung saan ilalagay ang guest sa log.

Sa halip na sagutin Siya tinanong nito ang boss niya..

"Where's Clyde?"

"Ahmm... Ma'am, ano po ang pangalan nila?"

"I'm his girlfriend Karla Ventura. Kailangan ko pa ba ng approval niya tuwing pupunta ako dito?" sabay ng konting pagkamataray.

Hindi ako nakasagot..

Biglang bumukas ang p***o Ng opisina ni Clyde..

Lumiwanag ang mukha ng babae at agad na niyakap si Clyde.

"Karla...What are you doing here" seryosong tanong ni Clyde.

"Clyde... sorry, lowbat kasi phone ko kagabi," paghingi ng paumanhin ni Karla.

Tumingin lang si Clyde sa kanya at bumugtong ng hininga.

"It's okay... come in," sagot niya, sabay pinapasok ang girlfriend niya.

Tumingin si Clyde sa akin. Saka tumango, at isinara niya ang p***o ng opisina.

Marahang umupo ako at inayos ulit ang schedule ng boss.

"Thirty minutes nalang kasi may pupuntahan kaming meeting..."

Maya-maya, bumukas ulit nag exclusive elevator at lumabas doon ang tatlong lalaki,

Agad akong tumayo at bumati..

May naamoy akong pamilyar na pabango.

Napahinto ako.

Agad akong napalingon sa tatlong lalaking nakatayo ngayon sa harap ko.

"Hi, miss," ngiting-ngiti ang isa, parang sanay mang-akit.

"pwede ba kay Clyde?" tanong naman ng nasa gitna-nakatingin diretso sa mga mata ko, parang sinusuri ako.

"Ahmm... may bisita pa po si Sir Clyde," sagot ko habang sinusubukan kong maging professional, kahit ramdam kong nagkakalkal ang utak ko.

Habang nagsasalita ako, pilit kong inaamoy ang paligid-hinahanap ang pamilyar na scent na hindi ko maalis sa isipan.

'Yun 'yung pabango kagabi...

Napatitig ako sa kanila.

Kambal ang dalawang lalaki-magkasing-tangkad, magkapareho ang tikas.

Pero 'yung isa... may kakaibang titig...

Titig na titig siya sa akin, nakangisi.

Nakakakilabot pero... parang may alam siya na hindi dapat.

"Small world.."rinig ko pang bulong nito.

Lumapit siya.

Hindi basta lapit-sobrang lapit na halos maramdaman ko ang hinga niya sa gilid ng tenga ko.

Bahagya siyang yumuko...

at sa mababang boses na parang nanunukso, bumulong:

"Nice to meet you again... Miss Maoy."

Parang nanlamig ang batok ko.

"I-ikaw 'yon!!"

Mabilis kong sabi, halos mabasag ang boses ko sa pagkabigla. Nanlaki ang mga mata ko habang tinititigan siya.

Ngumisi lang siya-'yung tipong ngisi na parang alam niya lahat ng ayaw mong aminin.

"Ako? Ang alin?"

tila nang-aasar pa, nakahilig nang bahagya na parang pinaglalaruan ang reaksyon ko.

Tumango-tango pa siya, kunwari inosente, pero kumikislap ang mga mata-

alam na alam niya kung ano ang tinutukoy ko.

At doon ko nalaman-

Sa kanya galing ang pabango.

Nagtaas-baba ang dibdib ko sa galit. Hindi ko na napigil. Bumaba ang tingin niya sa dibdib ko-saglit lang pero sapat na para mawala ako sa sariling pagpipigil.

Napakabastos.

Bago pa ako makapag-isip, nasampal ko na siya.

Napasinghap ang dalawang lalaki sa likod niya, halatang hindi inaasahan ang bilis ng reaksyon ko.

"Bastos ka, ha!!!" sigaw ko, halos nanginginig ang boses sa inis at hiya.

Parang nawala na sa isip ko na naka-duty ako,

nasa opisina, at may mga taong nanonood.

Ang lalaking sinampal ko...

hindi nagalit.

Hindi sumigaw.

Bagkus, dahan-dahan siyang humawak sa pisngi niya at...

ngumisi.

'Yung ngising alam mong mas lalo siyang naiintriga kaysa napipikon.

Bumukas ang p***o. Lumabas si Karla, kasunod si Sir Clyde-halatang aalis sila.

Napatingin si Clyde sa amin, agad na nagbago ang ekspresyon niya nang makita ang tatlong lalaki at ako na halatang tensyonado.

"What's happening here?" tanong ni Clyde.

"Wala," sagot ni Zamiel, nakangiti-'yung ngiting parang nag-eenjoy sa gulo.

Sabay lingon niya sa akin, mabagal, parang sinasadyang ipakitang sinusuri niya ako mula ulo hanggang paa.

"Hindi ko alam," dagdag niya, "na may maganda kang secretary, Clyde."

Nagkatinginan ang dalawang kasama niya, kapwa nakangisi.

Si Clyde naman, biglang tumigas ang panga-'yung tipong galit pero pinipigilan.

Habang si Karla ay napahawak sa braso ni Clyde, halatang nagtataka pero may bahid ng selos.

Ako naman, biglang nanlamig ang kamay.

Nanigas ang panga ni Clyde.

Tumalim ang tingin niya-hindi sa mga kasama nito-

kundi sa'kin.

"Creole," malamig niyang tawag.

Parang biglang lumakas ang tibok ng puso ko.

Humakbang siya palapit, hinila si Karla nang bahagya para mailayo sa eksena.

"Oras ng trabaho," madiin niyang sabi, hindi na nagpipigil. "At dito ka nakikipag-landian?"

Para akong binuhusan ng yelo.

"N-hindi po sir, hindi gano'n-"

"Hindi?"

Sabay tingin niya sa tatlong lalaki, lalo na kay Zamiel na nakangiting aso na parang nanunukso pa.

"Inside my company," aniya, mababa ang boses, "you act professionally.."

Namula ako-sa inis, sa hiya, sa gulat.

At sa likod ko, narinig ko ang dalawang lalaki na bahagyang natawa habang si Zamiel ay lalo pang ngumisi, parang mas lalo siyang naaliw sa eksenang lumalalim ang gulo.

"Clyde, let's go," parang naiinis na sabi ni Karla, sabay hatak sa braso niya. Halatang gusto na niyang umalis at hindi na makita ang tensyon dito.

Ako naman, napayuko.

Hindi ko alam kung dahil sa hiya, takot, o inis na rin.

Ramdam ko ang tingin ni Clyde na parang sinusukat ang bawat paghinga ko.

"Cancel mo ang meeting," malamig niyang utos, walang emosyon pero punô ng bigat.

Napakislot ako.

Y-yes, sir..." sagot ko, kabado.

Hindi ko pa rin maitaas ang ulo ko-ayaw kong makita ang ekspresyon niya.

Bumaling si Clyde kay Karla, halatang masama ang timpla, pero pilit pinipigil upang hindi lumala pa ang gulo sa harap ng mga taong nakatingin.

"Mauna ka na," malamig niyang sabi.

Napakunot ang noo ni Karla.

"Huh!? Ano ba, Clyde?!"

Halata sa boses niya ang pagkalito at pagtaas na ng inis.

Pero napag-usapan na natin 'to, Clyde!!!"

may bahid ng panunumbat, parang pinipilit nitong ilagay siya sa lugar habang nasa publiko.

Pero si Clyde-hindi man lang tumingin sa kanya.

Nanatili ang mga mata nito sa akin, panga niyang nakadiin, para bang may bigat na hindi niya masabi sa harap ng lahat.

"Bye, Karla!"

Rinig ko pa ang pang-iinis ng isa sa mga lalaki-malamang si Zamiel, base sa kapal ng ngiti niya.

"Leche kayo!!"

sigaw ni Karla, sabay walk out na parang rumarampang galit sa buong hallway.

Umalingawngaw pa ang takong niya habang papalayo.

Tahimik ang opisina pagkatapos noon.

Yung klase ng katahimikan na nakakasakal.

"Sa loob tayo."

Aya ni Clyde sa tatlong lalaki, malinaw ang tono-malamig, may awtoridad.

nauna siyang pumasok, sinusundan ng tatlong lalaki..

Samantala...

"Grabe ka talaga, mag‑Mahal, Clyde... Talagang hindi mo hiniwalayan si Karla."

Halos punong-puno ng pagka-frustrate ang tono habang nagsasalita.

Tumingin lang si Clyde kay Xavier, malamig at walang emosyon, pero ramdam ang bigat ng mga mata niya.

Si Karla, long-time girlfriend niya, on-and-off ang relasyon nila.

Alam ni Clyde ang lahat ng kalokohan ng girlfriend niya kapag naghihiwalay sila-katunayan, iyon ang dahilan kung bakit ayaw ng mga kaibigan niya rito.