CHAPTER 2

UJ CHAPTER 2 

3RD POV 

Habang lumalaki si Annika, ay naging pasaway na siya sa kanyang ama at kanyang lola. Wala rin siyang ibang ginawa, kun’di ang bigyan sila ng sakit ng ulo. Lagi rin siyang laman ng bar, dahil gusto niyang magpapansin sa kanyang ama. Puro nalang kasi ito trabaho at nakalimutan na nitong may anak ito. 

“Lasing kana naman?” Galit na wika sa kanya ng kanyang lola, kaya malawak siyang napangiti rito. 

“Lola, nandito ka pala? Akala ko pa naman nasa ibang bansa ka.” Ngiting wika niya, habang niyakap ito. 

“Wala kaba talagang balak na ayusin ‘yang sarili mo Annika?” Galit na wika nito sa kanya. 

“Ang akala ko pa naman ay wala nang susunod sa uncle mo, pero ito ka at mas malala pa ang ginagawa mo sa kanya!” Galit na sigaw nito. 

“Lola naman, pwede bang ‘wag kang sumigaw? Sige ka, kapag ikaw laging nagagalit, mas lalo ka pa talagang tatanda.” Ngiting wika niya rito, habang humiga sa sofa. 

“Ayusin mo ‘yang sarili mo! At pwede bang pumasok ka nalang sa silid mo, para hindi ka maabutan ng iyong ama!” Napalingon siya sa kanyang lola, dahil sa sinabi nito sa kanya. 

“Ama? May ama pa ba ako Lola?” Natatawang tanong niya rito. 

“Alam niyo naman siguro na habang lumalaki ako, ay wala na akong nakikitang ama.” 

“Annika!” Sigaw sa kanya ng kanyang lola. 

“’Wag mo nga siyang saktan George. Alam mo naman na bata lang siya.” Wika ng kanyang lola, habang hinawakan nito ang kanyang lolo.

“Bakit Lolo? Gusto niyo rin ba akong saktan, katulad sa ginawa ninyo noon kay Uncle John?” Wika niya, habang nakita niyang natigilan ito. 

“Ganyan naman kayo ‘di ba? Kami lang naman ni Uncle, ang kaya n’yong saktan. Pero si Daddy, hindi niyo siya kayang saktan.” Iling na wika niya, habang tumayo. 

“Alam n’yo bang hanggang ngayon ay hindi ko pa rin maintindihan kung bakit hinahayaan n’yo lang siyang saktan si Mommy?” 

“Tama na Annika! Wala kana ba talagang galang sa amin ng lolo mo?!” Sigaw sa kanya ng kanyang lola. 

“Lola, alam niyo naman na mahal na mahal ko kayo.” Ngiting wika niya, habang tumayo. 

“Kung ganun, magbago ka.” Madiin na wika ng kanyang lolo at mabilis siyang tinalikuran. 

“Ayusin mo na ‘yang sarili mo.” Wika sa kanya ng kanyang lola. Malawak naman siyang napangiti, habang napatingin sa dalawang matanda na umakyat sa hagdan. 

“Maayos naman ako Manang ‘di ba?” Ngiting wika niya, habang nakatingin sa katulong na nasa harapan niya. 

“Tumayo ka r’yan Annika!” Malakas na sigaw ng kanyang ama, habang pilit siya nitong pinapatayo. 

“Bakit ba Dad?” Inis niyang wika habang nanatiling nakapikit ang kanyang mga mata. 

“Puro kahihiyan nalang ba talaga ang ibibigay mo sa akin?” Wika nito, kaya agad siyang napa-mulat ng kanyang mga mata. 

“Kahihiyan?” Natatawa niyang wika. 

“Daddy, ano nama-.” Natigilan siya, habang napabaling ang mukha niya sa kabila. Nang malakas siyang sampalin ng kanyang ama. 

“Alam mo bang pinagsisihan kung pinalaki kita?” Galit na wika nito, habang hindi niya maiwasan na nakaramdam nang sakit, dahil sa sinabi nito sa kanya. 

“Bakit kasi hindi mo nalang ako pinasama kay Mommy?” Wika niya, habang galit itong napatingin sa kanya. 

“Gusto mong sumama sa walang hiya mong ina?” Natatawa nitong wika. 

“Alam mo, dapat pa nga, magpasalamat ka, dahil iniwan ka rito, dahil kung hindi. Baka namamatay kana sa gutom kasama niya!” Sigaw nito sa kanya. 

“Ayusin mo na ‘yang sarili mo, at kung mananatili kang mag-mamatigas. Ipapadala kita sa uncle mo.” Madiin na wika sa kanya ng kanyang ama, kaya napangiti siya. 

“Bakit Dad, gusto mo bang ipasa sa kanya ang responsibilidad mo sa akin?” Wika niya, na ikinatigil ng kanyang ama. 

“Hindi ko iniiwasan ang responsibilidad ko sa ‘yo, ang gusto ko lang ay tumino ka!” Sigaw nito at mabilis na lumabas sa silid niya. 

Inis naman siyang tumayo, para maligo, dahil kahit wala siyang gana na pumasok sa paaralan, ay gusto niya pa ring makita at makasama ang nobyo niya. 

“Nasa’n na sila?” Tanong niya sa katulong, nang mapansin na tahimik ang bahay. 

“Umalis na po sila Ma’am Annika.” Sagot sa kanya ng katulong. 

Umupo siya sa upuan, habang nag-umpisa na kumain, simula kasi ng umalis ang kanyang ina at manirahan sa ibang bansa ang kapatid ng kanyang ama, ay biglang tumahimik ang bahay nila. Ang dating maingay, dahil sa laging pagsigaw ng kanyang lola sa kanyang uncle, ay hindi na niya ito naririnig pa. naririnig niya lang itong magalit sa kanya, tuwing naabutan siya nitong lasing. Pero hindi talaga ito sumisigaw, katulad sa ginagawa nito noon sa uncle niya. 

“Aalis na po kayo?” Tanong sa kanya ng katulong, matapos nitong makitang hindi niya naubos ang kanyang pagkain. 

“Tinatanong mo pa talaga ‘yan? Nakita mo naman na tumayo na ako ‘di ba?” Inis na wika niya rito. 

Nang makapasok sa kanyang kotse, ay agad niyang sinabihan ang driver niya, na pumunta muna sila sa isang mall, dahil may gusto siyang bilhin para kay James. 

Matapos niya itong bilhin ay inutusan na niya ang driver niya na pumunta sa kanyang paaralan. 

Nang makarating ay hindi na niya hinintay pa ang driver niya na pagbuksan siya nito sa pinto ng kotse, dahil excited ba siyang ibigay kay James, ang binili niya para rito. 

Nang makapasok sa silid paaralan, ay nagtinginan sa kanya ang lahat niyang kaklase, dahil basta nalang siyang pumasok, kahit nagsasalita ang professor niya. 

“Ano?” Inis na wika niya sa kanila, habang mabilis na tumabi sa kanyang nobyo. 

“Tingnan mo, may binili ako para sa ‘yo.” Ngiting wika niya, habang kumikindat dito. 

“Pwede bang mamaya mo na ako kausapin.” Galit na wika nito sa kanya, kaya dismayado niyang nilagay sa tabi nito ang relo na binili niya. 

“Maganda ‘yan.” Muling wika niya, habang napapansin niya ang galit sa mukha nito. 

“Tumigil kana.” Muling wika nito sa kanya, kaya kinuha niya ang kanyang phone, pati na rin ang kanyang phone at naglalaro rito. 

Nang makaalis ang professor nila ay muli niyang kina-usap ang kanyang nobyo. 

“Galit ka pa rin ba sa akin?” Tanong niya rito. 

Simula kasing tinanggihan niya ito sa gusto nito, ay na-pansin niya na bigla nalang itong nagbago sa kanya. Pero hindi niya rin maintindihan ang sarili niya, kung bakit takot siyang ibigay kay James ang kanyang pagkababae.