Chapter 31: Stranger

KRIESHA

Nang masiguro kong tuloyan na siyang umalis ng penthouse, ang mga luha ko ay parang agos ng tubig sa gripo na agad umagos.

Ang sikip ng dibdib ko, lalo pa't nababalot ito ng lungkot at sakit. Hindi naman ako immortal para hindi masaktan. Kahit pilitin ko pang huwag umiyak at manatiling okay sa harap niya o kaya ng marami, titiklop at titiklop pa rin ako dito.

Kung pwede lang sana na ipagdasal na hindi matuloy ang kasal, pinagdasal ko na. Pero hindi. Hindi ko kayang gawin iyon para lang sa kapakanan ko.

Mahal ni Tres si Lian. Matagal na siyang naghintay dito para lamang dumating ang araw na ito. Hindi ko maaatim na sirain ito. At wala akong ibang magagawa, kundi ang manood at maging masaya kahit sa napakasakit kong damdamin.

Bakit sa lahat ng lalake sa mundo, si Tres pa talaga ang napili ng puso kong magkagusto? Hindi ko rin napansin o na realize agad na nagustohan ko na pala siya. At mas lalong hindi ko sinasadyang mahulog sa kaniya...

Napahilig ako sa likuran ng pintuan