CHAPTER EIGHT

PAKANTA-KANTANG lumabas si Zalheia sa pribadong opisina ni Morgan. Inutusan siya nitong kunin sa Accounting Department ang ilang papeles na kakailanganin nito para sa pag-approve ng next project ng kanilang valued merchant.

It was almost one month nang panliligaw ng binata sa kanya, at sa loob ng isang buwang iyon ay masasabi niyang seryoso ito at talaga namang determinadong pasagutin siya. Hatid-sundo pa rin siya nito. Minsan ay lumalabas sila para mag-date. Bumibisita rin ito sa kanila ni Charlotte at close na ito sa kanyang 'anak'.

Napangiti siya, saka akmang liliko na sana papuntang accounting room nang biglang may tumawag sa pangalan niya. Awtomatiko siyang napalingon. Mas lalong lumapad ang pagkakangiti niya nang mapagtantong si Misis Cordova iyon. Nakatayo ito sa malawak na lounge ng kompanya.

Agad niya itong nilapitan at binati. Nakipagbeso-beso siya sa mabait na biyuda. "Napasyal ho kayo, Ma'am?" nakangiti niyang tanong.

"Oo, may pinuntah