Chapter 3

Feeling

"You're injured. You should stay at my place," giit niya sa akin.

"Hindi. Gusto ko sa dorm," tinitigan ko siya nang masama habang nag da-drive siya. Nakakahiya din sa kaniya 'no. Saka, baka kung ano-ano pa ang maisip ko. Patawarin mo po ako Lord.

"Okay fine." And for the third time, he finally gave up.

Sinandal ko ang ulo ko sa may salamin at nanatili ang aking mga mata sa pamilyar na lugar.

Intramuros. Napaka-historical iyong wall na nakapalibot sa buong ciudad. Simbulo nang mapait na nakaraan. Madami din ang tourist spot. Tulad na lamang ng Fort Santiago, Luneta park at ang mga naglalakihang museo kung saan nakatala o nakalagay ang mga kinaiingatan na artifacts. Hindi ko gusto ang Intramuros kapag gising ang mga tao. Masikip, traffic at sobrang daming tao. Masaya ang night life sa Intramuros. Nangingibabaw ang kagandahan nang lugar na ito dahil sa mga ilaw. Para kang ibinabalik sa maka-lumang panahon.

Papasok na sana kami sa street nang dorm ko ngunit hindi lumiko doon si Eros. My forehead furrowed and stared at him with a questioning look.

"Hindi dito dorm namin. Nalagpasan mo na yung street," tinuro ko sa kaniya ang street kung nasaan ang dorm. Hindi na siya nag salita at lumiko na sa may highway.

"Saan mo 'ko dadalhin?" I panic in between words. Ano ba ang naiisip nitong lalaking 'to at gusto pa atang gumala. Four na nang madaling araw at mukhang ayaw niyang matulog. Sanay ba 'to sa night life? Nagagawa niya pa 'yun sa gitna ng sobrang daming aaralin? How to be you po?

"I told you. I will take care of you," he whispered to himself eventhough I heard what he said.

Hindi na ako nakapag salita dahil bigla niyang pinaharurot ang sasakyan ko. "Oh my gosh!" napahawak ako sa upuan at seatbelt ko sa bilis nang takbo. Beating the red light itong si Eros. Mabuti na lang at walang sasakyan. Sobrang bilis nang pintig ng puso ko at hindi ako makahinga sa bilis ng takbo. Hindi naman ako sanay na 180 kph ang takbo. Kapag nasa Manila ka, mabilis na yung kwarenta.

"Kung may balak kang patayin ako, please, gawin mo muna akong doktor!" natataranta kong pagkakasabi. Mahihimatay talaga ako kapag kasama ko 'to.

I heard him chuckled while his right hand is on top of the steering wheel and his left elbow is resting on the arm rest. Sobrang lalim na nang pag hinga ko. Hindi ko na nga magalaw ang aking binti, hindi ko pa magalaw ang buong sistema ko sa sobrang takot.

"Hold on tight," hindi na ako nakapagsalita at mas lalo niya lang binilisan ang takbo.

"Pota, Eros!" Pinikit ko ang aking mga mata sa takot. Narinig ko pa ang pagtawa niya sa reaksyon. Mamatay ako nang maaga sa ginagawa n'ya. Baka nga lasing pa 'to!

"Chill. There's no traffic," tukso niya. Napatili na lang ako nang mas binilisan niya pa ang pag-da-drive.

Dahan-dahan kong iminulat ang aking mga mata at nagtataka kung nasaan ba ako.

I scanned the whole room. Black, white and gray ang kulay ng kuwarto. Minimalistic din ang style. Uupo sana ako sa gilid ngunit hindi ko magalaw ang aking kaliwang binti.

"May tahi pala ako," I whispered to myself. Umupo na lang ako sa kama nang hindi ginagalaw ang aking binti. I flinched when the door of the room open. Sumalubong sa akin ang mapupungay na mata ni Eros. Hawak niya ang isang wooden tray nang pagkain at saka inilapag sa desk.

Kinuha niya ang tray table na naka tago sa drawer at inilagay sa harap ko. Inilapag niya doon ang isang plato ng bacsilog at inilapag niya din ang isang baso ng tsaa at inamoy ko pa ito.

"T-thank you," I bit my lower lip and smiled.

"You're unable to stand so I made sure to give you breakfast in bed," umupo siya sa gilid ng kama at tumitig sa akin. Excited akong kumain dahil first time kong matikman ang luto niya. Sabi nga ng iba, masarap daw siya magluto. Dito na natin makikita kung totoo nga ang chismis. Crush kita pero pagdating sa pagkain, mabilis akong manghusga kung masarap ba ito o hindi.

I inhaled the refreshing aroma of the tea and took a sip from it.

Malamig pa naman ang kuwarto dahil naka-bukas pa ang aircon. A nice cup of tea can warm my whole system.

"Anong tea 'to?" Tumingin ako sa kaniya.

"Chamomile,"

Tumango na lang ako at kinuha ang kutsara't tinidor. Kumuha muna ako nang kapiranggot na bacon, egg at kanin at tinikman ito. Nanlaki ang mga mata ko dahil hindi ko akalain na hindi ito iyong ordinaryong bacon and egg na nakakain ko. Anong nangyayari? Ba't ganon? Hindi makatarungan ito!

"Grabe! Ang sarap naman! Paano mo ginawa?" I need to know the secret recipe. Kung ayaw niyang ibigay, baka maging Plankton na ako dito, nanakawin ang secret recipe ni Mr. Krabs.

"Tss. Bacon and egg lang. Nothing special," he simply shrugged. Lang?

"Ba't ganon? Ang sarap? 'Pag nagluluto naman ako nang bacon and egg, plain ang lasa, pero iyong sa'yo, napaka-flavorful. Anong brand ba gamit mo? May secret sauce ka?" Sunod-sunod kong pagtatanong sa kaniya. Sumingkit ang mata ko at sinusuri ang kanyang reaksyon.

"Knorr seasoning, melted butter and cheese," Tumango ako at itinatak sa isip ko ang sinabi niya. Sa susunod, gagawin ko na din iyon.

Habang kumakain ako, nakatitig lang si Eros sa kanyang phone. Bigla na lamang siyang ngumiwi.

"Bakit?" Naki-chismis pa ako. Ano ba naman 'yan Athanasia.

"Nothing, may quiz daw kami bukas." He simply replied. He stood up and walk towards his study desk. Nasa harap lang iyon ng kama at nang buksan niya ang blinds, halos mabulag ako sa liwanag.

Ang sarap naman mag-aral kapag may view ka na ganiyan. Sa aking kinahihigaan, tanaw mo ang buong Intramuros.

Kumuha siya nang isang makapal na libro sa maliit niyang bookshelf at inilabas niya din ang naka-staple na notes niya.

I just watched his movements as I dig in to my food. Nakatulala lang ako sa kaniya dahil habang nagalaw siya, nag-fe-flex ang kaniyang trapezius, lattisimus dorsi at triceps brachii.

(Trapezius - large paired surface muscle that extends longitudinally from the occipital bone to the lower thoracic vertebrae of the spine

Lattisimus Dorsi- largest muscle in the upper body.

Triceps Brachii - three-headed muscle of the arm)

Ang suot niya lang ay black shorts at isang white t-shirt na kapit na kapit sa kaniyang katawan kaya kitang-kita mo ang kurba nang kanyang muscles. Hindi naman siya ganoong ka-muscled na tao na nakikita mong mga gym instructor. His body is okay.

Pero ang pinaka-gusto ko sa kaniya ay ang kaniyang clavicle. Sabayan mo pa nang prominentia laryngea at jaw line niya.

(Prominentia Laryngea - Adam's apple)

Ang tatay niya, si tito Alfred ay half Spanish, habang 'yung nanay niya, si tita Stella, half Thai. Hawig siya sa kaniyang tatay ngunit ang kaniyang mga labi ay namana niya sa kaniyang ina. Si Caly naman, iyong kapatid niyang babae na nag-ka-choir sa school nila ay parang carbon copy ni Tita Stella. Si Ody naman, cute dahil bata pa ito. In fact, grade seven na nga ito ngayon.

Ang ganda talaga nang genes na na produce nila.

"By the way," lumingon siya sa akin, hawak ang isang reviewer sa kamay. "Aenna called,"

Kumunot ang noo ko.

Huh? Ba't tatawag sa akin si Ae?

"Anong sinabi?" Tinitigan ko s'ya.

"Magsisimba daw kayo pero wala ka daw sa condo niya,"

"Shit!" Napasapo ako sa noo nang ma-realize ko na dapat magsisimba kami ni Ae ngayon sa San Agustin. Baka isipin ni Ae demonyo ako at hindi ako nagsisimba! No way!

"I told her you're injured," aniya.

"Tapos?"

"She said she'll becoming here with Charlene after mass," he simply shrugged and went back to his studies.

Mas lalo lang ako na-frustrate dahil pupunta pa sila. Si Eros lang ang nakakaalam na na injured ako. Sabihan ko kaya si France? May quiz pa kasi kami bukas. I really need to go to school no matter what the circumstance is. Kahit isang oras lang ang na skip ko na klase, feeling ko ay one week ang nalagpasan ko. Mag cr ka lang, wala ka nang maiintindihan.

I removed the tray table on top of me and placed it on the side table. Nakita ko ang phone ko na naka-charge sa gilid.

May charger pala siya nang samsung? Akala ko apple lang.

Kinuha ko iyong phone sa table since kaya ko naman siyang abutin. Binuksan ko iyong phone at nakita ko agad na sobrang dami ng text at missed call galing kay Ae.

Aenana: Omg, wru?

Umuwi ka ba sa dorm nyo?

Hoy Lala, sabi ni France alaws ka daw sa dorm

Hey answer my call!

Napasapo na lang ako sa noo ko at akmang tatawagan siya pero naalala ko na baka nagsisimba. Ten thirty na, for sure nakikinig na iyon ng homily. Pupunta naman siya dito so I left her a message instead.

Me: dw, I'm fine. Condo ni Eros. Will wait for the two of u.

Nagiwan din ako nang message kay France na na injured ako kaya hindi ako agad makaka uwi.

Francine: Sinabi na sa akin ni kuya Earl. how r u anyway?

Me: okay lang.

Francine: Landing 'to! Sabi ni Ae nasa condo ka daw ni Eros. Anyare sa inyo dyan?

Me: gagi wala! Tinulungan niya lang ako. Periodt.

Binuksan ko na lang iyong app nang Lecturio para doon na lang ako mag-aaral. May quiz pa kami sa Histo. Naisipan kong magpatugtog ng music kaso hindi naka earphones si Eros. Baka mairita lang siya sa akin kaya huwag na lang.

Mahigit trenta minutos na akong nag-aaral at iniintindi ko na lamang ang mga metabolism nito. Minsan ay napapatingin ako kay Eros na nag-ta-type sa kaniyang laptop, nagawa nang notes. Kung makapal lang talaga mukha ko, hihingi na sana ako sa kaniya nang notes.

Habang nagbabasa ako ng lecture, nakita kong tumayo siya at may kinuha sa drawer niya. Kinuha niya yung jbl speaker niya at inabot sa akin. I furrowed my brows and stared at the speaker he's handing.

"Play a song if you want," his jaw clenched and looked away from me. Kinuha ko iyong speaker at nginitian ko siya.

"Thanks. Paano mo nalaman na gusto kong magpatugtog?" Sumingkit ang mata ko para obserbahan ang reaksyon niya.

"I saw you looking at me through that window," he pointed at the window facing his desk. Napaawang ang labi ko dahil hindi ko naman akalain na makikita pala ang repleksyon ko doon.

"U-um sige," he smirked and walked away. I couldn't fight the urge to smile. He's too observant. E'di nakita niya na lagi akong sumusulyap sa kaniya? Hays. Mag-ingat tayo, Lala.

I connected my phone to the speaker and searched some songs on spotify. Gumawa na din ako nang playlist para tuloy-tuloy.

Hindi na muling luluha, 'di na pipiliting pang

Ikaw ay aking ibigin hanggang sa walang hanggang

Hindi na makikinig ang isip ko'y lito

Malaman mo sanang ikaw ang iniibig ko

Tinigan ko ang reaksyon ni Eros sa kanyang repleksyon sa bintana. Bahagyang kumunot ang kaniyang ulo at tumigil sa kaniyang ginagawa. Tumitig lang ako sa kaniya at naghihintay nang susunod niyang gagawin.

At kung hindi man para sa akin

Ang inalay mong pag-ibig

Ay di na rin aasa pa

Na muling mahahagkan

Hindi ko pa din maitanggi na hindi pa din siya nakaka move on sa kaniyang nakaraang relasyon. Ako ang naaawa para sa kaniya. Madami siyang nilalanding babae pero ni isa wala siyang naging ka-relasyon. Gusto ko man magpakipot sa kaniya pero wala e. Tumitibok pa din ang puso niya para sa iba.

Hindi sa umaasa akong magugustuhan niya 'ko but I tried to comfort him. Oo, sinusundan ko siya kasi crush ko pero i-no-obserbahan ko din ang mga kilos niya. Minsan napapatulala na lang siya sa kawalan. Ang lalim nang kaniyang iniisip. Hanggang ngayon, ang misteryoso niya pa rin. Isang tao lang naman ang lubusang kumilala at nagpasaya sa kaniya.

At hindi ako iyon.

Hindi ko na napansin na may luha nang tumulo sa aking mata habang nakatingin sa kaniyang likod. Bumigat ang aking pakiramdam.

Mahirap mahalin ang taong lubusang nagmahal sa iba.

Hindi ko alam kung ano ba itong landas na tinatahak ko para sa kaniya. Crush lang naman pero hindi ko alam kung ito nga ba ang nararamdaman ng aking puso. Mahal ko na ba s'ya kaya ganito ang nararamdaman ko sa kaniya? 'Di tulad nang mga nagiging crush ko noon, hinahangaan ko lang sila pero pagdating sa kaniya, parang isinusugal ko na ang damdamin at buhay ko.

Okay lang ba iyon? Totoo ba na kapag nagmahal ka, isusugal mo ang lahat para sa taong 'yon? Kahit ang kapalit noon ay ang kasiyahan ko?

Does love have to be painful? Kung oo, bakit? At kung hindi naman, tunay pa ba ang nararamdaman mo?

I haven't experienced being in a relationship and I don't know what is the best advice that I can give. Gusto ko siyang maging masaya at bumangon sa kalugmukan pero ayaw kong mamilit kung ano ba ang gusto ko para sa kaniya dahil nasa kaniya ang desisyon kung itatatak niya ba sa utak niya ang payo ko o hindi. It's best to understand what they feel than to give words that can possibly degrade themselves.

Tumayo si Eros sa kaniyang upuan at narinig ko siyang bumuntong-hininga. He turned around, facing me and looked straight in to eyes. His eyes sparked with so many emotions. May isa pang luha ang tumulo sa aking mga mata dahil sa kaniyang titig.

Ang lungkot ng kaniyang mata.

Pinunasan ko ang aking mga luha habang siya naman ay umupo sa gilid ng kama. Nakatingin siya sa babá habang nakasandal ang kaniyang siko sa tuhod. He clasped his hands together and took a deep breathe.

Nakatingin lang ako sa kaniya, ina-abangan ang susunod niyang gagawin.

"Do you want to go to church?" He titled his head to my side. I nodded in response as I looked down at my hands. Hindi ko alam kung ano ba ang i-re-react sa kaniya. Gusto ko din pumuntang simbahan para ma-divert ko ang aking atensyon. I need to recharge.

"My sister have clothes here. I'll pick for you," sinabi niya nang namamaos ang kaniyang boses.

Tumayo siya at naglakad palabas ng kuwarto.

Nakatitig pa din ako sa aking kamay. Naalala ko kung paano niya hinawakan ang aking kamay kagabi. He caressed it with his thumbs and it made me shivered in happiness. Pero mas nagtaka ako noong dinampi ni Dr. Earl ang kaniyang kamay sa aking binti para sa pag-o-opera.

His touch was sensational. Para bang may kung ano sa hawak niyang nagpapakaba sa akin. That's why I hate him so much. Siya lang ang kayang yumanig sa buong sistema ko. Naiinis ako kapag nakikita ko ang mala-demonyo niyang ngiti. Sarap tanggalan nang ngisi e. His presence disturbs me like hell.

I don't know that a simple touch can melt you just like that.

I smiled a little, thinking of what happened last night. Ang hindi ko lang maintindihan ay iyong iritado mukha ni Eros noong tinatahian ang sugat ko. Nagkibit balikat na lang ako.

Bumukas iyong pinto nang kwarto. Imbis na si Eros ang nakita ko, Si Cha at Ae ang pumasok.

Nakakainis ang ekspresyon ng mukha nila dahil mukha silang namatayan. Hindi naman ako namatay!

"Sabi mo, nakauwi ka na. Nasa hospital ka pala," Sumimangot ang mukha ni Cha at tumabi sa akin. Si Ae naman ay tinignan pa ang sugat ko na natatakpan ng gauze pad.

"Paano ka na disgrasya?" Tumingala ako sa tanong ni Ae habang sinusuri niya nang maigi iyong sugat ko.

"May nahulog na baso sa dance floor. 'Di ko naman akalain na masusugatan ako nang bongga," I chuckled at my statement while the two of them were seriously staring at me.

"Sorry, 'di namin napansin," Napabuntong-hininga na lang ako sa sinabi ni Cha at hinawakan ko ang kaniyang kamay.

"Okay lang. Tinulungan naman ako ni Eros," Ngumisi ako sa kanila. Napahalakhak naman sa tawa itong si Ae at nakita ko kung papaano ngumiti sa akin si Cha.

"Kilig ka naman," pang-aasar sa akin ni Cha. Tumawa si Ae sa kaniyang biro.

"Enebe," I wrinkled my nose to stop myself from blushing. Lakas din mang-asar ng mga kaibigan ko. Basta landi, full support sila sa akin.

"Eto na nga pala iyong pinapa-drawing mo sa akin." Nilabas ni Cha iyong drawing nang atay. Halos makalimutan ko na na may assignment pa nga pala ako. Feeling ko wala akong na accomplish ngayong weekend. Ang bilis ng mga pangyayari. Parang kahapon lang kumakain kami sa ministop.

"Ako na din ang nag print," she lightly scratched her head. I pouted my lips and gave her a hug. Lumapit din si Ae sa tabi ko at sumali din sa pag yakap.

I love my girls.

Nag kuwentuhan pa kami tungkol sa mga buhay namin at sa mga nangyari kagabi.

"Nakita ko nga pala si Juri doon sa dance floor," tumingin kami parehas ni Cha kay Ae.

"Si Juri? Iyong umaway kay Lala dati?" Tanong ni Cha. Inirapan ko naman ang sinabi niya. Parang wala ako dito e.

"Oo. Kasayawan niya si JD. Hindi ko nga alam kung papaano ko sasabihin kay Ellaine," nagkibit balikat na lamang siya.

Si Juri iyong umaway sa akin noong college. Nursing student din siya at ngayon ay nasa clinic siya ng ate niya nagtatrabaho. Nag-away kami dahil doon sa thesis namin. Sabi niya ang bobo ko daw dahil mali yung ginagawa namin. Kinalma ko lang ang sarili ko noon dahil sa totoo lang, siya 'yong walang ginagawa tapos ang lakas niyang mag reklamo sa grupo namin na ang panget daw ng idea. Kami pa nga ang may pinaka mataas na grade sa thesis.

Wala naman siyang ginawa at naging toxic lang tapos pinagyayabang pa sa mga family at friends niya na kami ang pinaka mataas. Grabe nga siyang magwala at sinabunutan pa si Sarah, iyong isang ka-grupo namin, dahil sa naging idea niya. Basta, baliw siya.

"Sinumbong mo kay Ellaine?" Tanong ko.

"Nalaman na niya. Nakakainis din naman kasi si JD, lumalandi pa sa babae," iritadong sabi ni Ae.

"Loyal naman si JD kay Ellaine ah? Baka masyadong friendly kasi si JD o 'di kaya nilasing lang iyon ni bruha" sabi ko.

Kumalma na si Ae at tinikom na ang bibig nang may kumatok sa pinto. Bumukas iyong pinto at nakita ko si Eros na naka-dungaw sa amin.

"Thank you nga pala sa pag-alaga kay Lala," Cha gave him a smile.

"No problem," pumasok siya sa kwarto at naglapag nang damit sa harap ko. He lightly scratched his head and glanced at my friends.

"You can wear that clothes later," I nodded in response. Nagpabalik-balik ang tingin sa amin ni Cha, naguguluhan sa nangyayari.

"Anong meron?" Tanong ni Cha kay Eros. Halos ma istatwa ako sa upuan ko nang marinig ang tanong. Pucha, hindi pa kami ni Eros, okay? Sa future pa. Baka mamaya asarin ako ng mga 'to na jowa ko na itong si Eros.

"Magsisimba kami mamaya," Inunahan ko na si Eros. He wrinkled his nose from embarrassment. Tumalikod siya sa amin at akmang aalis na ng kwarto. Cute naman.

"Ah ganun ba? Sige, una na kami ni Ae," Nakita ko ang pag ngisi ni Cha kay Ae at saka tumango ito. Lumingon si Eros sa amin at nagpaalam na din.

"Take care, doc." Kumindat sa akin si Ae at saka hinila na ni Cha. Nag-usap pa sila kasama si Eros paglabas at naiwan ako sa kwarto, tulala.

Binaling ko ang aking tingin sa simpleng white t-shirt at black jumper dress. Napangiti ako sa pinili niya.

Paano niya nalaman na mahilig ako magsuot ng jumper dress?

Nang itinaas ko iyong jumper dress para makita ang kabuuan, nagulat ako at may nahulog na bra at panty.

"Omg," nagpanic agad ako sa nakita ko a tinakpan ang aking tenga na parang baliw.

"Di ko akalain may kasama palang panty at bra 'to," umiling na lamang ako sa sarili ko at huminga nang malalim.

Malamang kailangan ko nang bagong bra't panty para malinis 'no.

Nagkibit balikat na lamang ako at umambang tatayo. Mabuti na lang at nasa tabi ko yung crutches at kinuha iyon. I never imagine the day that I'll be using this. Pumasok si Eros sa kwarto at nagulat sa aking ginagawa.

"What are you doing?" Nakita kong nandilim ang kaniyang paningin sa akin. Napaawang ang labi ko nang lumapit siya sa akin at tinulungan akong tumayo.

"Gusto ko sanang maligo," I bit my lower lip and looked away. Nakatitig siya sa akin ng masama na para bang may ginawa akong mali.

"You shouldn't stand up on your own. You should call me for help," I saw how his jaw clenched from anger and gulped. I nodded in response.

Dinala ako ni Eros sa banyo niya at tinulungan akong maglakad. Hindi pa naman ako sanay gumamit ng crutches kaya kailangan ko pa ng assistance.

"Hold on to this," binigay niya sa akin ang isang monoblock para doon ako humawak. Naglagay siya nang dalawa pang monoblock sa may tapat nang shower head.

Bumaling siya sa akin at tinulungan akong makaupo doon. Naupo ako doon sa tapat ng shower head at itinaas niya ang kaliwang binti ko kung nasaan ang tahi para ipinatong doon sa isa pang monoblock.

Naglakad siya palabas nang shower area at nagbukas ng isang cabinet na puno nang twalya. Napansin ko lang na lahat ng twalya niya ay puti. Ako nga may rainbow pa akong towel.

"Here's your towel," iniabot niya sa akin ang isang puting twalya. "Meron nang sabon at shampoo diyan sa tabi," tinuro niya iyon gamit ang kaniyang nguso. Tumango ako at saka bumaling sa kaniya.

"Thank you. Pasensya na sa abala. Dapat nag-aaral ka ngayon pero naabala pa kita," I nibbled my lower lip and played with my fingers.

"Don't say sorry when you didn't do anything wrong," he sternly said. I titled my head as he pierced his eyes on mine. Pumupungay na naman ang kaniyang mata na punong-puno nang mga nakakalulunod na emosyon.

I didn't realize that a single tear already escaped from my eye while looking intently on to his. It hurts just to see him with those lonely eyes. He walked towards me and leveled himself. His face was so close that I could already inhale his perfume. It smells alluring.

Naramdaman ko ang kaniyang hinlalaki sa aking pisngi at pinunasan ang luhang kaninang tumakas. Hinintay kong magwala ang mga paru-paro sa tiyan ko dahil sa mga hawak ni Eros, ngunit wala akong naramdaman na init. Bakit ganon? Masama ba pakiramdam ko?

"Please don't cry. It hurts," he softly said as sadness clouded his features.

His eyes glistened as pool of tears started to form. I never saw him do that. He usually hides his emotion by drinking or flirting with other girls but this, seeing him, eye to eye, cry in front of me is something I only dreamed of.

Sobrang sakit para sa akin na makita siyang naghihirap sa babaeng hindi na niya muling mababalikan. Ano ba itong nararamdaman ko? Hindi ko maintindihan kung ano ba ang gusto niyang iparating sa akin.

Why is he suddenly doing this to me? As if he would offer his condo to help me because of a single cut that's not that deep.

He's a flirt but he was never serious. Now, his sincerity and obligation to help me is drowning me in a sea of confusion.

What are you trying to say to me, Eros?

~

"He who receives you receives Me, and he who receives Me receives Him who sent Me. He who receives a prophet in the name of a prophet shall receive a prophet's reward; and he who receives a righteous man in the name of a righteous man shall receive a righteous man's reward. And whoever in the name of a disciple gives to one of these little ones even a cup of cold water to drink, truly I say to you, he shall not lose his reward... brothers and sisters, the gospel of the Lord," nakatayo kami ngayon ni Eros sa seventh row nang simbahan, malapit sa altar habang nakiking sa pari nang gospel.

"Praise to you O Lord, Jesus Christ," tugon nang lahat bago kami maupo at handang makinig sa homiliya ni Father Gilbert. Siya ang kasulukuyang parish priest nang San Agustin dito sa Intramuros.

Naka-tuon ang aking atensyon sa pakikinig ng homiliya ngunit hindi ko maiwasang lumingon sa aking tabi. May mag kasintahang naglalandian sa tabi ko. Ang babae ay naka-cross legs pa na akala mo ay mas mataas pa siya sa Diyos.

Bulungan sila nang bulungan at hindi ko na lang sila pinansin. Nasa kalagitnaan na ng homiliya at nakita ko ang pag haplos nang lalaki sa binti noong babae. Nagtitimpi na ako sa aking upuan at gusto ko na silang sigawan. S'yempre, hindi ko gagawin iyon.

Kinulbit ko ang balikat noong lalaking katabi ko at napa-tingin sa akin, kunot ang kaniyang noo.

"What?" Iritado niyang sabi.

"Nasa loob po tayo nang simbahan. Mamaya na po tayo maglandian. Nakakahiya po sa Diyos," mahinahon kong pagkakasabi. "Saka po ate, huwag po tayong mag-cross legs habang nasa misa, bawal po ang naka-de-kwatro," pinaliwanag ko nang kalmado ang aking boses.

"Pasensya na po," kinamot nang lalaki ang kaniyang ulo at binaba na noong babae ang kaniyang hita. Nginitian ko sila at nakinig na muli sa pari. Nakakahiya kasi sila, nakaupo pa sa seventh row at kitang-kita pa ng pari.

Sabi sa amin nung madre sa school ko noong high school, kapag naka-de-kwatro ka sa loob nang simbahan habang nag-mi-misa, ay parang binabastos mo na ang Diyos. Hindi ko alam kung ano ang rason kung bakit.

Noong una, naiinis ako sa mga ganitong patakaran. Masyado silang strikto sa mga ganitong bagay. Nasa misa ka na nga lang pero andaming arte. Bawal sleeveless, shorts, maiksing palda at kung maaari, naka semi-formal ang suot. Pero noong pumunta kami sa Japan at bumista sa mga Templo doon, madami din naman silang batas at tradisyon na dapat mo rin sundin. Doon lamang ako namulat na wala naman itong kinaibahan sa mga patakaran nang simbahang katoliko. Respeto mo na rin iyon sa Diyos.

Lumingon ako kay Eros na nakikinig sa pari. Humiling siya sa akin at nag-angat nang isang kilay. Gosh, his side profile is indeed the best view.

"Thank you," I smiled at him.

"For what?" Tanong niya habang naka-taas pa din ang isang kilay.

"For bringing me here," hindi ko na tinignan ang kaniyang reaksyon dahil tinuon ko na ang aking pansin sa pari. Nahagip ng aking paningin ang ngiti ni Eros na abot hanggang tainga niya.

Pilit na hinahanap ng aking katawan ang init na dapat nagliliyab sa mga oras na 'to ngunit ni isang paru-paro walang gumagalaw.

(❁'‿'❁)*✲ﾟ*