Chapter 24

Hindi niya alam kung bakit pinauuwi siya ng asawa ngayon, pero bigla siyang nakaramdam ng kaba dahil sa naging tono at riin ng boses ni Ezra bago patirin ang linya.

‘Ano'ng problema nanaman 'to?’

Napatingin siya sa hinanda niyang dinner set up para sa kanilang dalawa ng asawa niya. Mukang hindi niya na magagamit pa 'to ngayong gabi.

Mabilis siyang naglakad patungong kotse niya, hindi inintindi ang tingin ng mga taong tumulong sa kaniya sa pag-aayos nito; narinig niya pa ang pagtawag sa kaniya ng kaibigan niyang si Raniel, pero hindi niya na ito nagawang lingonin pa dahil dere-deretso na siyang pumasok sa sasakyan niya't mabilis na nagmaneho pauwi ng bahay nila.

Hindi maganda ang kutob niya sa dahilan ng biglaang pagpapauwi sa kaniya ng asawa, talagang kinakabahan na siya ngayon.

Nang marating ang village nila'y nakita niya ang kotse ng asawa niya na basta nalang nakaparada sa labas ng bahay, kaya na