Kabanata 3

Sumiksik ako sa gilid ng kama at lalong napahigpit ang kapit sa kumot na ginawa ko nang panangga sa buong katawan. Pero ang hayop ay mukhang tuwang-tuwa at napangisi pa. Mabagal itong humakbang palapit sa akin.

Paulit-ulit akong umiling. " 'W-wag kang lumapit!" nanginginig kong paki-usap. Nag-uunahang lumandas ang mga luha ko habang nakatingin sa lalaki na animo hibang at handang lapain ako.

Ngisi at tingin niya lang nakakatakot na. Halos hindi na ako makahinga ng maayos sa lakas ng kaba ko. Napatingala ako nang tumapat na siya sa kama ko.

" 'Wag po!" Napapikit ako at napayuko nang umangat ang kamay niya. Halos lumabas ang puso ko sa takot. Napaka-hayop ng lalaking ito.

Humagulgol ako nang bigla nitong hinablot ang kumot. Niyakap ko na lang ang sariling mga tuhod habang pikit-mata at pigil ang paghagulgol

"Tumayo ka at magluto! Nagugutom ako!" singhal niya. Binalibag niya sa akin ang kumot na hinablot niya kanina.

Lalo lamang akong humagugol sa ginawa niya. Nayakap ko na lamang ang lukot na kumot. Lahat ng tapang na binuo ko para maipagtanggol ang sarili sa mga taong mapagsamantala ay naglaho na lamang bigla. Napalitan ng takot dahil sa hayop na ito.

"Tumayo ka na! Kung ayaw mong kaladkalarin pa kita!" duro niya ako. "Puro ka iyak, sakit ka sa tainga!" singhal na naman niya."

Taranta akong tumayo. "O-po... " utal kong tugon. Pinahid ko ang mga luha. Dali-dali akong lumabas ng kwarto, ni ang magtanggal ng muta o magsuklay hindi ko na nagawa. Bahala na kung magmukha man akong aswang. Kaagad ako'ng bumaba ng kubo.

"Saan ka pupunta? Tatakas ka?!" singhal ulit nito na nagpa-igtad sa akin. Nasa likod ko na kasi siya.

At kung makasinghal siya parang utusan niya ako. Hindi man lang ba nito naisip na kung hindi dahil sa akin maaring pinagpyestahan na siya ng mga langgam?

"H-hindi po. K-kukuha po ako ng itlog," nanginginig at mahina kong tugon.

Kumunot ang noo niya pero hindi ko na iyon pinansin. Hinawakan ko ang sariling mga kamay. Maawat ko man lang ang panginginig nito. Luha ko pa, hindi matigil sa pagpatak. Sa tingin ko, hindi ako mamamatay sa taga ng itak, kung hindi sa ataki sa puso.

Hindi na normal ang t¡bok ng puso ko. Nakakapanghina na. Nakakapagod. Pakiramdam ko bubulagta na ako dahil sa nararamdamang takot.

Nakamasid lamang ang hayop na lalaki habang naghahanap ako ng mga itlog sa paligid.

Pakalat-kalat lang kasi ang mga inahin kong manok kung mangitlog. Anim na itlog ang nakuha ko. Walang imik na pumanhik ako at agad nagsaing bago ko naman e-prito ang mga itlog.

Para namang buwayang gutom ang lalaki na nakaupo na sa hapag at hinintay akong matapos magluto.

"Matagal pa ba 'yan?!" singhal na naman nito.

Hindi yata marunong magsalita ng mahinahon ang hayop na ito. Hayop nga pala siya. Kaya hindi marunong magsalita ng mahinahon.

"T-tapos na po," tugon ko. Nilapag ko ang tatlong pritong itlog at pinatong sa lamesa ang maitim sa kaldero.

Nanlaki ang mga mata niya na tumitig sa kaldero at dahan-dahang nag-angat ng ulo. Masyado siyang atat. Kaya mag-tiis siyang harapin ang kalderong kasing itim ng ugali niya.

Hindi ko na hinintay na masalubong pa ang nakamamatay nitong tingin. Tumalikod na ako at hinanda na rin ang baon ko.

Walang imik ang lalaki habang kumakain. Pero ramdam ko ang titig nito mula sa likod ko. Matapos maihanda ang baon ko. Pumasok ako ng silid. Napanganga ako nang makita ang sirang pinto na ngayon ko lamang napansin. Kaya pala siya nakapasok kanina.

Nakuyom ko ang mga kamao at nilingon ang hayop. Pero agad din akong nag-iwas ng tingin nang makita ko ang ngisi nitong mala-demonyo.

Humarap ako sa cabinet, pinahid ang mga luha. Pinilit na ikalma ang sarili. Kahit ang hirap. Nag-ngitngit sa galit ang kalooban ko. Ang kubong inalagaan ko, sinira lamang basta nitong hayop na lalaki.

Ang sama ng loob ko pero wala akong magawa. Ano ba ang laban ko sa kaniya? Singhal at tingin nga lang niya ay nangangatog na ako at halos kapusin na ang paghinga. Ang sama-sama niya. Siguro pati yata mukha niya, kasing pangit din ng ugali niya.

Nanghihina ang buong katawan ko. Hindi ko pa alam kung hahayaan niya ba akong umalis ngayon o ikukulong niya ba ako at gawing utusan.

Ayoko namang magtanong, natatakot ako. Kumuha ako ng damit at tahimik na lumabas ng silid. Kinuha ko sa may lababo ang sabon panligo at shampo.

Yuko ang ulo ko na dumaan sa harap niya. Wala pa rin siyang imik, ngunit kita ko sa gilid ng aking paningin ang pagsunod niya sa galaw ko.

Talagang sinundan niya ang bawat galaw ko. Hinintay ko lang din naman kung ano ang sasabihin niya. Nasa sala na ako, ngunit wala pa rin siyang imik kaya nagtuloy-tuloy akong lumabas at nagtungo sa likod-bahay.

Kumawala ang hagulgol ko pagdating sa batis. Binuhos ko ang lahat ng takot at galit sa tubig. Ang hinanakit at pagsisisi dahil sa tigas ng ulo ko, napapahamak ako ngayon.

Nakakalungkot na ang pagtulong ko sa kapwa, ganito ang kapalit. Nakakatakot din palang tumulong na lamang basta sa taong hindi kilala. Nakaka-trauma! Ayoko nang tumulong pa.

Nilublob ko ang sarili sa tubig, hinayaang humalo ang mga luha ko sa malamig na tubig ng batis. Sigurado akong nagtataka na iyon si Mang Eban, kung bakit hindi pa ako dumating sa bahay nila para kunin ang mga baka na ipapastol ko.

Lahat na lamang nasira dahil sa lalaking hayop na nasa kubo ko. Nawala na nga ang tapang ko. Nawalan ng pinto ang silid ko. Mawawalan pa yata ako ng trabaho dahil sa hayop na tinulungan ko.

Hindi ko akalain na makakatagpo ako ng taong kagaya niya. Walang puso. Hindi marunong tumanaw ng utang na loob. Paulit-ulit kong sinisisi ang sarili. Pero kahit anong pag-sisisi ko. Hindi na magbabago. Nagdala ako ng taong asal hayop sa kubo ko.

Naisip ko pa kung paano ito kumain. Ang takaw, ang laki ng subo. "Sana mabilaukan ang hayop na iyon o hindi kaya malunok niya iyong kutsara at tuluyang mamatay. Para mawala na ang problema ko at bumalik na sa normal ang buhay ko!" maktol ko at napasuntok pa sa tubig.

"Buwesit! Pati itlog at alaga niyang walang buhay ilang beses kong nahawakan. Kung alam ko lang na hayop siya. Hinugot ko na sana iyong lupaypay niyang alaga, at dinurog ang kuyupos niyang itlog!"

"Ano ang sabi mo?!"