Kabanata 0005

One week later..

Abala ang Ebeauty Cosmetics Company para sa darating nilang company outing. Hindi alam ni Eula kung makakapunta siya dahil abala siya sa paghahanap ng hustisya para sa kanyang kaibigan. Sinabihan na siya ng kaibigan niya kaso parang hindi kaya ng scheduled niya kaya naman sinabi niyang hindi siya pwede. Wala naman magagawa ang kanyang kaibigang si Rheena.

Pero umasa pa rin naman ito na makakahabol siya kahit last day.

Natuloy ang company outing. Tahimik si Luiz at palinga linga sa paligid. Alam niya CEO si Eula ng EBeauty Cosmetics kaya posibleng dumating ito. Napansin naman ni Rubi ang palinga linga ng kanyang bestfriend at tila may hinahanap na ewan.

"Huy! Kanina pa malayo ang tingin mo dyan best. Sinong hinahanap mo? Ako lang naman ang kaibigan mo rito." ani ni Rubi sabay gulo ng buhok niya. Nakasanayan na rin kasi talaga nito na guluhin ang kanyang buhok.

"Ano ba! Panira ng moment dyan. Wala akong tinitingnan. Gusto ko lang magpakasaya. Alam mo naman buong buhay ko sa lola Mildred ko inalay. Hindi na nga ako nanligaw at nagka girlfriend e, kaya hayaan mo muna ako." ani ni Luiz.

"Huyy! Chill, ang drama mo naman dyan para binibiro ka lang e, sige na hindi kita guguluhin pa." wika nito.

"Salamat." sagot ni Luiz.

At maya maya lang rin tinawag na sila ni Miss Rheena ito ang nagcater ng company outing. May mga pa games rin, kainan at kantahan. Five days sila mag stay dito kaya naman may kanya kanya silang tent. Solo solo sila kung ayaw nilang may kasama sa isang tent.

Pero kung gusto may kasama ay pwede naman.

Wala muna silang games dahil biglang umulan ng malakas ng araw na iyon kaya naman lahat sila ay nagpuntahan sa kani kanilang tent.

Malamig ang gabi at hindi nila alam kung titigil ba ang ulan dahil kung magpatuloy pa ito mas lalo silang mahihirapan. Marami pa silang gagawin na team building pero kung magpapatuloy ang ulan mahirap.

Buong magdamag umulan kaya hindi na rin nakasunod si Eula. Alam naman niya na mahirap ang lugar na pinuntahan ng mga tauhan niya. Kaya naman hindi na siya nagpunta pa.

Kinabukasan maagang gumising si Luiz at sanay talaga siya. Tulog pa ang kasamahan niya sa tent. Samantalang si Eula naman ay on the way na rin sa lugar na iyon. Naisip niya kasi na baka unwind ang kailangan niya para makapag relax ng kaunti. Lalo na't inis na inis pa rin talaga siya sa nangyari. Ang mga kaibiga niya ay niyaya siya na sumunod talaga. Hindi niya sinabi kay Rheena na papunta na siya at balak niyang surpresahin ito.

Abala ang lahat pagsapit ng alas singko ng umaga. At meron nga silang team building para mamaya.

Pinakain muna sila at nagpa zumba muna bago sumabak sa isang team building. Hindi sumali si Luiz sa Zumba dahil lalaki naman siya kaya hinayaan niya na lang ang iba na mag enjoy roon. Hinanda niya ang kanyang mga gamit at inayos at baka umulan na naman kasi at mabasa pa ito. Batid niya na dapat nakikisalamuha siya sa mga kasama pero hindi talaga niya magawa lalo na't bago pa lang siya. Ayaw niyang mamisinterpret ng iba ang kanyang pakikihalubilo.

Lumipas ang alas otso ng umaga. Kanya kanya nang pila sa labas at doon na rin siya lumabas para sumama. Maraming tao roon at di niya mahagilap ang kanyang bestfriend na si Rubi.

Unang game nila ay find the treasure hunt. Pinaliwanag ang mechanics. Lahat sila ay pinagparte parte sa limang grupo. Hindi lahat makakasali dahil marami sila at sa ibang game na lang. Pati siya ay hindi nakasama kaya naiwan siya sa upuan.

Pag alis ng mga kawork niya tumulong na lang siya sa pagluluto ng kanilang lunch. Nakita niya ang hito sa loob ng aquarium kaya iyon na lang ang naisipan niyang iihaw. Napansin siya ni Rheena at lumapit ito sa kanya.

"Hello! Bago ka lang ba sa kumpanya?" tanong nito kaya lumingon siya.

"Opo, ma'am Rheena." sagot naman ni Luiz sabay balik ng kanyang paningin sa pagpapabaga ng apoy gamit ang kahoy.

"Wow! Kilala mo pala ako pero hindi kita kilala. Anyway anong pangalan mo?" tanong nito ulit.

Sa pagkakataong iyon tumayo siya sabay ngiti. Nagpagpag siya ng kamay dahil mauling na. "Hayaan niyo ho akong magpakilala sainyo ma'am Rheena. Ako nga pala si Luiz Cristobal. Nasa IT department ho ako ma'am Rheena. Kilala ko po kayo dahil pinakilala kayo sa aking ng bestfriend ko." ani ni Luiz nang may buong paggalang.

"Ok! Luiz, masyado namang formal. Rheena na lang kung tayo tayo lang. Pakiramdam ko tinamaan ako ay este tumatanda ako." biro ni Rheena.

"Ok, ma'am ay este Rheena." ginaya rin ni Luiz ang pagpapakilala nito.

Maya maya lang natigilan sila sa pag-uusal ng may bumusina. Napalingon si Rheena at napangiti at iniwan si Luiz. Hindi naman na pinansin ni Luiz ang bisitang dumating dahil hindi naman niya kilala ito.