Kabanata 8

Hindi makapaniwala si Shawn na ang junior niya sa Harvard University ay diretsahang tinanggihan ang friend request niya!

Sa mismong sandaling iyon, pumasok sa opisina si Mike at may dalang kape. Nang ilapag niya ang kape sa mesa ng CEO, hindi sinasadyang nakita niya ang screen ng cellphone nito.

‘Ha? May tumanggi sa friend request ni sir?’ gulat na tanong nito sa sarili. ‘Imposible! Paano naman nangyari ‘to?’

Hindi na nakapagpigil si Mike. “Sir, ang junior niyo na ‘yan, kakaiba talaga siya.”

Ngumisi si Shawn. Kakaiba nga ang junior niyang ito dahil ito ang kauna-unahang tumanggi ng friend request niya sa social media.

‘Sige, kung ayaw niya, bahala siya.’

Dinampot ni Shawn ang kape at ininom iyon pero agad din siyang napakamot ng noo.

Muling nagsalita si Mike. “Sir, may problema po ba? Hindi niyo po ba gusto ang kape? Gusto niyo po bang palitan ko ng bago?”

Biglang naalala ni Shawn ang ginagawang kape ni Maxine para sa kanya noon. Hanggang ngayon, iyon lang ang kapeng talagang bagay sa panlasa niya.

Nanatiling walang emosyon ang mukha ni Shawn habang nag-uutos, “Mike, gumawa ka ng cheque na may walong zero. ‘Yan ang bayad para sa diborsyo namin ni Maxine.”

Sinabi nito sa kanya na aalis ito nang wala kahit anong dalang ari-arian—pero hindi naniniwala si Shawn.

Si Maxine ay isang probinsyanang tumigil sa pag-aaral sa edad na disi-sais. Sa isip niya, anong magagawa nito para kumita? Tiyak niyang nagpapakipot lang ito para mas makakuha nang mas malaking halaga mula sa kanya.

Ang tseke na may walong zero ay ang magiging kabayaran para sa tatlong taon nilang pagsasama. Simula sa araw na ito, wala na silang utang na loob sa isa’t-isa.

Tumango si Mike. “Yes, sir.”

Sa sandaling iyon, tumunog ang cellphone ni Mike. Nang sagutin niya ang tawag, napasigaw ito sa tuwa.

“Sir, magandang balita! Tinanggap na ng Legend M na operahan si Miss Monica! Pumayag na siya!”

Si Legend M ay isang magaling na doktor, isang legend sa larangan ng medisina. Ang mga pinakamayayamang tao sa bansa ay pumipila para magamot niya.

Ngunit tatlong taon na ang nakalipas nang bigla siyang mawala na parang bula at walang nakakaalam kung saan siya nagpunta. Basta lang siyang nawala.

Pagkatapos ng tatlong taon, bumalik na ang Legend M na tinatawag nila.

May sakit sa puso si Monica mula pa ng pagkabata. Ilang beses na siyang naospital at sumailalim sa iba’t-ibang uri ng gamutan, pero hindi pa rin bumuti ang lagay niya. Ngayon, ginamit na ni Shawn ang yaman niya para mapagamot si Monica kay Legend M.

Dahil sa narinig, lumambot rin sa wakas ang ekspresyon ni Shawn at bahagyang ngumiti. Maliligatas na si Monica!

Kinabukasan, dumating si Maxine sa pinakamalaking ospital sa lungsod. Sa mga oras na iyon, dumating ang grupo ng mga lalaking naka-itim. Nagdulot sila ng kaguluhan habang sinusubukang paalisin ang mga tao. Napilitang umatras si Maxine kasama ng iba pang naroon.

Sa gilid, nagkwekwentuhan ang dalawang teenager.

“Ano daw ang nangyayari?”

“Hindi mo ba alam? Si Monica, ‘yong sikat na babae dito sa Metro Manila, ang beauty queen, at lead dancer ng Ballet Philippines ay nahilo daw kanina habang nagtatanghal. Ang sabi, si Mr. Velasco daw mismo ang nagsugod sa kanya sa ospital.”

“Talaga? Ginawa ‘yon ni Mr. Velasco? Ang bongga naman,” kinikilig na pahayag ng isa pang teenager.

Kinabahan si Maxine sa narinig. Hindi niya akalaing makakasalubong niya sina Shawn at Monica sa ospital ngayon. Pakiramdam niya tuloy ay pinaglalaruan siya ng tadhana.

“Tingnan mo, nariyan na sila!” Tili ng isa pang dalagita.

Pagtingin ni Maxine, nakita niya agad ang matangkad at gwapong pigura ni Shawn kahit sa malayuan. Suot ang isang itim na handmand suit na nagbigay sa kanya ng ranya at tikas.

Nasa bisig niya si Monica.

Pinalibutan sila agad ng ilang mga doktor at nurse mula sa emergency room ng ospital.

“Mr. Velasco, dito po.”

Nagpatuloy si Shawn sa paglalakad dala pa rin ang babaeng walang malay. Tuwang-tuwa ang mga dalagita sa paligid.

“Grabe, ang gwapo talaga ni Mr. Velasco. Siya talaga ang pinaka-gwapong CEO!”

“Tapos, ang ganda at ang puti ni Monica. Classy, sobra! Bagay na bagay talaga sila ni Mr. Velasco!” dagdag ng isa.

“Ay! Ang gwapong CEO at ang sikat na mananayaw—naku, bagay na bagay ang love story nila!”

Hindi sila masisisi ni Maxine. Ang kasal nila ni Shawn ay isang lihim. Ilang tao lang ang may alam nito. At sa mata ng publiko, ang pinagtatambal naman ay sina Shawn at Monica.

Pinanood lang ni Maxine ang eksena habang papalayo sina Shawn sa kinatatayuan niya. Hindi man lang siya napansin nito dahil ang mga mata nito ay nakatuon lang kay Monica.

Sa istoryang ito, isa lang siyang extra sa love story ng dalawa. Huminga nang malalim si Maxine at sinundan ang appointment number sa kanyang cell phone—papunta siya sa Room 120 ng ospital.

Hindi nagtagal, nakita niya sina Shawn at Monica sa loob kasama sina Wilbert at Nora. Nasa kama na si Monica at nasa gilid ang mag-asawa. Hindi siya pinababayaan at inaasikaso ang babae tulad ng isang batang prinsesa.

Dinig na dinig ni Maxine ang usapan nila.

Masaya si Wilbert, “Monica, ang galing! Nakuha na ni Shawn ang Legend M para gamutin ka!”

Napaiyak sa tuwa si Nora. “Oo nga! Grabe! Ang daming tiniis ni Monica dahil sa sakit niya. Pero ngayon, may pag-asa na. Gagaling ka na! Pagkatapos ng gamutan mo, pwede ka na ikasal kay Shawn at magiging masaya na kayo!”

Matamis ang ngiti ni Monica kay Shawn.

Naroon ito sa tabi ng babae habang hinahaplos ang ulo ng babae. Isang napakagandang tanawin ang ipinamalas ng apat.

Natigilan si Maxine sa may pintuan. Hindi niya inakalang ganoon kaliit ang mundo. Ang heart surgery na inayos ni Bernard para sa kanya ay para pala kay Monica.

Ang mainit at masayang tagpo sa loob ay nagpaluha sa mga mata niya. At sa sandaling iyon, tila may napansin si Shawn, lumingon siya at tumama ang matalim na tingin niya kay Maxine.

Hindi nakapaghanda si Maxine sa sulyap na iyon.

Mabilis siyang nilapitan ng lalaki. “Maxine, anong ginagawa mo rito?”

Namutla si Maxine, “H-Ha?”

Lumamig ang boses ni Shawn. “Maxine, sinusundan mo ba ako?”

“Hindi…”

Napansin din siya nina Wilbert at Nora at agad na sinermunan si Maxine. Iniwan nila ang tabi ng pasyente para lapitan siya.

“Anong ginagawa mo rito?” singhal ni Nora. “Hinihintay namin ang Legend M para gamutin si Monica tapos, bigla kang susulpot para manggulo?”

Hindi rin natuwa si Wilbert. “Maxine, wala ka talagang modo. Umalis ka na!”

Hindi nagsalita si Monica pero mula sa kama, tiningnan niya si Maxine nang may yabang.

Lumapit pa lalo si Shawn at hinawakan ang payat na braso ni Maxine. Malamig ang boses nitong sinabi, “Tama na ang pagpapakipot mo. Hindi ka pa nakuntento, sinusundan mo pa ako. Umalis ka na, ngayon din!”