Chapter 03

Yurich pov

“Kuya Atlas?”

“Bro! Please, sunduin mo mamayang labasan ng kambal may lakad kami ng Ate Andrea mo,”

“Kuya, kagigising ko lang ngayon at mayroon ulit kami shooting mamayang alas-otso ng gabi. Kailangan kong magpahinga pa at inaantok pa ako,” reklamo ko sa kaniya. Hindi pa nga ako bumabangon nakahilata pa ako sa kama ko inuutusan niya na ako.

Madalas silang ganito ng kapatid rin namin na si Alexaiver. Kapag may lakad silang mga mag-asawa ako ang kokontakin nila. May iba naman kaming mga pinsan pero ako talaga ang lagi nilang iniistorbo.

“Sige na, ikaw naman ay single pa sa kapatid namin. Sunduin mo lang gising ka naman na labasan ni Layvee at Jeselle alas-dose ng tanghali baka makalimutan mo,”

“Fvck! Kuya Atlas, I haven't agreed yet. H'wag mong sabihin na nag-day off na naman ang yaya ng mga anak mo. Magpalit ka na abusado na ang mga iyon!”

Subalit hindi lang ako pinakinggan. Seven to twelve kasi ang pasok ng grade one kong mga pamangkin sa sikat at private school.

“You love your two nieces, so I'm sure you'll agree. Bawasan mo rin ang pagsusungit mo kaya tuloy hindi ka nagugustuhan ng crush mo dahil palagi kang suplado. Ngumiti ka naman para bata ka tingnan—”

“Sinabi ko na wala akong gusto roon.”

“Tell that to the marine. We know you bro. Isa pa umaasa ka pa rin ba na makikita mo ang babaeng naka one night stand mo? Hindi mo nga ito nakilala kahit man lang namukahaan lang, wala. Kaya move on ka na bro. Para naman magkaroon ka na ng love life. Trenta ka na—”

“Makikita ko siya kuya. Nararamdaman ko makikta ko siya,” mariin kong sabi.

Naulinigan ko napa buntong-hininga si Kuya Atlas. Kahit ako hindi rin confident na mag-krus ulit ang landas namin ng babae. Hindi lang dahil na-guilty ako nakuha ko siya. Kundi niligtas n'ya rin ako sa kapahamakan. Kaya gusto ko s'yang makita para magpasalamat at panagutan din ang nangyari sa amin. Damn it, first time niya iyon nangyari sa amin.

“Ikaw lang ang iniisip namin. Aba, baka ikaw lang ang nag-iisip na magkikita kayo ng babaeng naka one night stand mo. Pero iyong babae. Baka nakalimutan ka na, direk Yurich,” seryoso saad ng Kuya Atlas.

Humugot ako ng hangin. May katotohanan din naman ang advice ng kapatid ko. Pero hindi ko alam kung bakit umaasa pa rin ako hanggang ngayon na magkikita ulit kami.

Mariin akong napapikit. Almost four years na pero wala pang makuha na lead sa paghahanap ko. Sabi nga ng private investigator na kinuha ko. Baka naman daw naligaw lang sa Soltero bar. Tapos hindi naman daw pala rito nakatira sa Pinas.

Okay sana at madali lang mahanap kung namukahaan ko man lang siya. Pero may naiwan siya paggising ko na wala na siya. Pendant yata initial at letter E. Sa daming may initial na ‘E’ ang hirap naman noon hanapin reklamo ng una kong na-hire na private investigator. Pinalitan ko masyadong reklamodor sayang ang binabayad ko, para lang reklamohan ako na initial lang iyon kaya mahirap pa sa butas ng karayom makita.

Napakurap ako nang tumikhim sa kabilang linya si Kuya Atlas. Natahimik pala ako.

“Malay mo may asawa na iyong babae. Kaya hanap ka na lang ng iba. Good catch na rin iyan si Ms. Jhen Paulin, kahit naman anong tanggi mo. Kilala ka namin kahit utot mo. May gusto ka roon kay Ms. Jhen, kaya nga selos na selos ka sa leading man dahil ikaw hindi pinapansin,”

Tang ina. Naalala ko kanina madaling araw na. Nagkwentuhan pa ng ka-loveteam niya. Nagpa-pack up na nga ako, kahit na hindi natapos ang huli n'yang ginagawa na eksena kasi napansin ko nagluluha na sa hikab tapos makikita ko nag-uusap pa ng leading man niya kaya pinauwi ko na.

“Hindi ako nawawalan ng pag-asa Kuya,” bulong ko.

“Pero badtrip ka sa leading man ni Ms. Jhen dahil doon lang ngumingiti. Bawasan kasi pagka suplado. Parang takot ka naman magselos iyong babaeng naka one night stand mo takot madiikit sa mga babae,” pang-aasar pa rin ng kapatid ko.

“Tapos ka na?” naka angil kong sabi.

Malakas na humalakhak si Kuya Atlas sa kabilang linya.

“Marami pa sana akong advice sa iyo pero sige na. Bumaba na ang maganda kong asawa aalis na kami. H’wag mong kalimutan ang mga pamangkin mo ha, direk Yurich. Alas-dose ng tanghali ang labasan nila baka makalimutan mo,”

“Yeah, yeah, kung wala ka nang magandang sasabihin tantanan mo na ako,” saad ko pagkatapos pinatayan ko na siya ng tawag.