Yurich Martinez: One Hot Night With You

Jhen

Sobra-sobra ang pagod ko nang matapos ang huling eksena para sa bagong movie na ginagawa ko. Ala-una y medya na ng madaling araw pero ako at buong staff, gising pa kahit na antok na antok na ako pero hindi pu-puwedeng matulog.

Habang inaayos ko ang personal kong gamit. Panay ang hikab ko. Mayroon naman akong loyal assistant pero hind ko inaaasa lahat sa kaniya pero siya ang nagbibitbit noon para dalhin sa sasakyan ko.

“Ako na lang kaya ang tatapos n'yan para matulog ka na sa sasakyan,” alok ng assistant ko na si Ate Germaine, dahil tapos na siya sa ginagawa niya nadala na rin n'ya sasakyan ko.

“Okay lang po ate, kere pa naman,” tugon ko pero ang totoo babagsak na ang mata ko. Nakailan na nga akong inom ng kape wala pa rin epekto talagang inaantok na ako ng sobra.

“Ayan tapos na,” saad ko sa kaniya natatawa siyang kinuha naman sa akin ang mga gamit ko.

“Ang sipag mo talaga,” saad niya ngumiti lang ako.

Busy rin magligpit ang buong production staff biniro pa nga ako ng isa, kung kaya ko pa raw ba kasi panay ko raw hikab.

“Kung hindi lang po ako kasama sa artista baka sumuko na ako,” tugon ko sa kaniya sabay napipikit na. Ako rin ang pinakabata sa kanila dahil twenty two pa lang ako. Pero may anak na ako kambal sila at tatlong taon na.

Yes, bata akong naging ina sa edad na eighteen at secret iyon maliban sa manager ko at ang aking assistant lang ang may alam. Dahil ayaw ng manager ko na ilantad sila. Kung ako lang, gusto ko sabihin na may mga anak na ako. Proud ako sa kanila ngunit utos ng manager ko para sa image ko. Kaya hindi ako makapalag kahit guilty ako sa mga anak ko dahil itinatago ko sila.

“Tapos na kayo magligpit?” saad ng leading man ko sa pinto ng tent namin para sa mga babae. Mahigpit na ipinagbabawal ng direktor namin ang pagpasok ng mga lalaki sa loob ng tent para sa mga babae kaya hanggang sa labas lang sila.

Napangiti ako ng kinilig si Ate Germaine, sa kaniya. Crush n'ya kasi ito ang bago kong ka-loveteam na si Emir Castro.

"Hi, Emir. Ang pogi mo talagang bata ka," saad ng Ate Germaine sa kaniya.

"Salamat po Ate Germaine. Ikaw rin naman maganda at sexy pa," tugon n'ya aba't itong si Ate Germaine akala mo naman teenager kung kiligin parang may bulate sa tiyan n'ya ang likot nito.

"Ako ba ang sinilip mo bago umuwi?" biro rin n'ya kay Emir.

Mahinang tumawa si Emir. "Sorry Ate, pero si Jhen, po talaga ang gusto kong makita," aniya natigilan si Ate Germaine, kaya malakas akong humalakhak lalo na pinandiltan siya ng mata ni Ate. "Nagbibiro lang po ako Ate, magtatanong din baka pwede akong sumabay sa inyo?” saad n'ya nakangiti.

"Kung hindi lang kita crush. Itinulak na kita r'yan. Nasaktan ako roon ha?" sabi ng Ate. Kaya si Emir naman ang natigilan. Kaya iiling-iling ako lalo na ng pumalakpak si Ate Germaine, dahil nakaganti nang pang-aasar kay Emir.

"Ate, dalawang balik na lang po tayo," tinutukoy ko ang mga gamit ko. Marami kasi iyon hindi kaya ng isang dalahan lang.

"Sige dito ka ba muna? Ihahatid ko muna ang iba para mamaya pagbalik ko. Sabay ka na sa akin. Nandito pa rin naman si Emir, sakto lang din,"

"Opo ate sige po," tugon.

"So, pwede ako sumabay sa inyo?" tanong ulit ni Emir.

Pero alam ko nagbibiro lang siya dahil ang ganda kaya ng customize car nito talaga lang gusto lang akong subukan, dahil hindi naman lingid sa akin ang panliligaw n'ya ngunit always ‘no’ ang sagot ko.

Mabait at g'wapo naman itong si Emir, sadyang hindi ko lang siya magustuhan at ayaw ko naman na paasahin siya mag-aantay lang siya sa wala. Ilang leading man na ba ang sumubok na manligaw sa akin, hindi lang leading man kahit na kapwa ko artista at may newscaster din sa RMTV nanligaw sa akin ngunit ‘no’ pa rin ang sagot ko.

New project at new contract ko ito. Dapat nga ayaw ko na muna magpirma ng exclusive contract under RMTV. Gusto ko na lang sana freelancer ako. Kasi gusto ko mag-focus sa kambal ko dahil nag-aaral na kasi ang mga anak ko. Isa pa bagong tayo lang ang business kong salon, hindi ko gaanong matutukan kasi nga kulang pa ang oras ko sa mga anak ko. Kaya lang nakiusap naman ang Tita Lian, siya ang manager ko at promise naman niya last na raw ito kaya pumayag na lang ako dahil malaki ang utang na loob ko sa manager ko.

Kung hindi dahil sa kaniya. Baka sa kalsada na kami ng mga anak ko ngayon at palaboy-laboy dahil pinalayas ako ng daddy ko sa bahay.

Nang maisip ko ang daddy ko at bago n'yang pamilya. Uminit ang aking mata apat na taon na akong hindi umuuwi ng Baguio sa bahay namin. Ako ang anak niya ngunit ako ang nawalan ng pamilya.

“Ehem! Alam ko na pogi ako kaya lang ‘wag mo naman ipahalata sobrang tulala mo sa ka-guwapuhan ko,” pabirong sabi ni Emir, na nasa pinto pa pala kakamot-kamot sa buhok niya nakatingin sa akin.

Tipid akong napangiti at tinago ko ang lungkot ko. Malaking bagay na isa akong artista dahil magaling akong umarte kahit na durog na durog ako nakikita nila masayahin ako.

“Sabi ko na nga ba napopigian ka sa akin,” muli n'yang pabiro sabi.

“G’wapo ka naman talaga pero alam mo naman sa sarili mo na walang appeal sa akin kahit na pogi ka," natatawa kong sagot ko sa kaniya.

“Ouch! Grabe ka talaga Jhen. Sa movie mapanakit ka hanggang sa totoong buhay mapanakit ka pa rin,” sabi n'ya nakahawak pa sa dibdib niya animo nasaktan talaga siya. Natatawa ako dahil ang galing ng acting nito. Naluluha na ako sa katatawa nang biglang may sumulpot sa likuran ni Emir.

Nanlaki ang aking mata lalo na mapansin ko parang irritable siya. Hindi pa pala umuuwi si Direk Yurich? Kanina nakita ko umalis ang sasakyan nito. Hanep ha? Nagteleport ba siya kaya nakarating agad dito. Mabuti nakabalik na si Ate Germaine, kaya sa kaniya ako humarap pero nag-angat ako ng tingin may sinabi kasi si direct Yurich.

"Wala ba kayong balak matulog?"

Ewan ko ba bakit kapag nagtatama ang aming mata. Pakiramdam ko nagkita na kami pero impossible iyon dahil hindi ko siya kilala. Ito pa ang pinag tatakhan ko. Sa kaniya lang ako hindi makatingin ng deretso sa mata. Para akong natutunaw kapag siya ang kaharap ko. Mabuti nga nagagawa ko pa rin ang role ko pero hirap na hirap ako, minsan nga nasisigawan na ako kapag ilang take. Kaya iniisip ko na lang ang kambal kong anak kaya nagagawa ko ng maayos ang bawat eksena.

“D-direk…ma-may kailangan po kayo?” nauutal kong tanong sa kaniya ayon na naman uminit ang mukha ko dahil nakataas ang kilay n'ya.

Damn it. Halata n'ya ba natataranta ako sa presensya n'ya. Tumikhim ako at tipid na ngumiti kahit na walang reaksyon ito sa ngiti ko

Parang badtrip ito nang palitan kaming tiningnan ni Emir. Siya lang naman ang super hot, mayaman at guwapo naming direktor, si Direk Yurich Martinez. Isa sa mga anak ng may-ari ng RMTV kaya talaga may karapatan itong magsuplado. Kaya lang nasobrahan naman ang pagiging seryoso nitong direktor namin at laging salubong ang kilay niya.

“D-direk,” nauutal pa na sabi ng leading man ko pero ako nag-iwas ako ng tingin dahil galit s'yang nakatitig sa amin. Sa akin pala iyon ang pakiramdam ko.

Napakamot ako sa buhok ko kandahaba ang nguso ko dahil alam ko pinagmamasdan niya ako at naiinis siya iyon ang tingin ko.

“I thought you guys were tired, kaya nga hindi na lang tinapos ang ibang eksena,” parang naiirita n'yang sabi.

“Emir! Umuwi ka na!” muli niyang sabi at galit ito.

“O-opo direk, p-pauwi na rin,” nauutal na tugon ni Emir.

Kinalabit ako ni Ate Germaine nagpaalam, una na raw siya lumabas ngunit humawak ako sa braso niya umiling ako.

“Ate lalabas na rin ako,” bulong ko sa kaniya.

“Do you have any plans to go home yet? Madaling araw na,” saad niya pero bakit pakiramdam ko para sa akin ang sinabi n'ya kahit kay Emir siya nakatingin. Alangan hindi kami uuwi. Problema n'ya.

“Jhen,” napatingin ako kay Emir. Sumenyas siya lalakad na kaya tumango ako.

“Uuwi na po ako direk,” saad ko rin pagkatapos hinila ko na si Ate Germaine. Muntik pa nito nabitiwan mga dala-dala dahil sa bigla kong paghila sa kaniya.

Napakamot ako sa buhok ko ng nakaharang siya sa pinto ng tent. Hindi ba siya aalis alam n'ya naman dadaan kami nakaharang siya.

“P-paano p-po kami makalalabas nakaharang ka sa pinto, direk,” nauutal kong sabi baka masungitan niya lang ako.

Tumikhim siya pagkatapos binigyan niya kami ng daan. Alam ko nakatingin siya sa akin habang patungo ako sa sasakyan ko.

Kung pwede nga lang mamili ng director. Pumili na ako. Kaya lang wala akong choice dahil new big project ito at siya ang napili na director. Aba professional ito pagdating sa trabaho kaya kahit pa nakapa sungit at suplado nito kere lang.

Para sa future ng kambal ko. Masasabi ko sila ang blessings ko simula ng itakwil ako ng daddy ko dahil nabuntis ako at hindi ko nakilala ang daddy ng kambal ko. Talaga nga napakabuti ng Diyos sa akin. Dahil sa gitna ng unos may dumating na offer sa akin. Iyong akala ko walang-wala na ako pero mayroon talent manager nakakita sa akin sa gitna ng ulan habang malaki ang tiyan umiiyak dahil pinalayas ako ng daddy ko.

Tinulungan ako ng manager ko. Inalok maging artista. May kutob daw siya na sisikat ako. Ayon nga after ko manganak sa kambal ko. Isinabak n'ya ako sa acting workshop. Paglipas ng six months nagkaroon agad ako ng debut project. Hindi nga ako makapaniwala na sunod-sunod ang offer ko. Bukod sa artista may mga endorsement ako. Kaya sabi ko lucky charm ko ang mga anak ko.

Naulinigan ko humagikhik si Ate Germaine sa likuran ko. Napalingon ako tinaasan ko siya ng kilay.

“Anong nangyari sa iyo Ate?”

“Masaya lang ako at matutulog ako ng mahimbing dahil dalawang crush ko ang nakita ko bago tayo umuwi,” sabi n'ya siyang kinakunot ng noo ko.

“Ha?”

“Si Emir Castro at si Direk Yurich Martinez. Grabe si direk waah…kahit ang sungit at seryoso n'ya. Litaw pa rin talaga ang ka-guwapuhan niya. Lalo pa siyang nagiging g'wapo kapag naiinis,” hagikhik na sabi ni Ate Germaine.

“Akala ko kung ano na,” bulong ko pagkatapos umayos na ng upo para matulog habang nagbabiyahe kami pauwi sa bahay.

Stay-in si Ate Germaine at single pa siya. Si Mang Kulas naman na driver ko, stay out siya. Ayaw ko kasi may kasama kaming lalaki sa bahay kahit sabihin na mapagkatitiwaalan siya, ayaw ko pa rin. Buti na lang malapit lang ang bahay niya kaya hindi siya gaanong nahihirapan lalo kung madaling araw kami umuuwi galing sa taping. Wala e, iyon ang trabaho ko kaya kailangan talaga ng tiyaga. Natutulog naman siya sa sasakyan habang nasa taping ako kaya sapat pa rin ang tulog ni Mang Kulas.

Isa pa anytime kapag wala akong taping o lakad. Pwede silang mag-day off. Kung ilang araw akong walang trabaho. Iyon din ang day off nila. Iyan ang usapan at buo pa rin ang sweldo nila.

Nang makarating kami sa bahay. Mahina akong ginising ni Ate Germaine. Inaantok pa ako ngunit pinilit kong dumilat kahit mahapdi pa ang mata ko. Sobrang pagod at antok ko hindi ko namalayan nasa loob na ng gate ang sasakyan ko.

“Ate Germaine. Bukas ng umaga mo na lang po ilabas sa sasakyan ang mga gamit ko. Magpahinga ka na po,” bilin ko ng binuksan ko ang pinto sa tabi ko. Tumingin din ako sa Manong Kulas. “Magi-ingat ka po sa biyahe. Mag-text ka po sa Ate Germaine kung nakauwi ka na,” magalang na saad ko sa kaniya.

“Salamat po Ma'am Jhen,” magalang din n'yang tugon sa akin tumango ako pagkatapos ay tuluyang lumabas ng kotse ko.

Natanaw ko na ang Nanay Cristy nakaabang sa akin kaya binilisan ko ang lakad ko. Nang pinalayas ako ng daddy ko. Sumama siya sa akin kahit ayaw ko dahil wala ako noon alam na pupuntahan ayaw kong madamay siya sa paghihirap ko. Ang Nanay Cristy kasi ang nag-alaga sa akin simula ng ipanganak ako ng mommy ko dahil pareho sila may trabaho ni daddy. Kaya lang grade 8 pa lamang ako binawi na si mommy sa akin. Kaya malaking pagbabago sa buhay ko simula noon.

“Mano po Nanay Cristy,” wika ko kahit sabay humikab ako ng may tunog.

“Kanina parang inaantay ka ng kambal. Ayaw magsitulog kung hindi lang siguro late na malamang gising pa ang dalawa,” natatawa sabi nito.

Napangiti ako. Nawala ang pagod ko nang maisip ko sila. Ang bata ko pa maging isang ina. Pero hindi ako nagsisi maaga akong nabuntis dahil sila ang naging dahilan ko para lumaban sa hamon ng buhay.

“Babawi na lang po ako bukas. Sa gabi pa po ang taping namin dahil may lakad si Direk," tugon ko sa Nanay Cristy.

“Mabuti naman aba'y sobrang sipag mo anak. Ako ang napapagod sa iyo.”

“Nay, alam mo naman po na malaki ang utang na loob ko sa Tita Lian, kaya kapag may raket hindi ako makatanggi,” nakangiti kong sabi.

Bumuntonghininga ang Nanay Cristy pagkatapos tumango. Hinaplos ang balikat ko. “Siya magpahinga ka na, bukas na natin ituloy ang chikahan,” nakangiti na nitong sabi at pinauna na akong umakyat dahil double check pa raw n'ya kung nakasarado ang gate.