Chapter 10

" Manila Zoo?" Nagtatakang tumingin si Olivia kay Zach. " Dito mo gustong mamasyal?"

Pinatay nito ang makina ng sasakyan at tumingin sa kanya. " I've always wanted to go here since I was a kid. Mahilig kasi ako sa mga animals. Iyon nga lang, walang panahon ang parents ko. Ayaw din naman nila akong payagang pumunta sa mga ganitong klaseng lugar dahil takot sila na baka ma-kidnap ako."

Inabot nito ang isang basket na punung-punk ng pagkain sa passenger seat." You don't mind, do you?"

"N-no, nagulat lang ako," natatawang sagot niya.

"Sino'ng makakapagsabing si Zachariah Forb Rockfeller na isang business tycoon, pangarap makapamasyal sa Manila Zoo?"

"Ang babaw ba?" nakangiting tanong nito habang lumalabas ng kotse. Umikot ito sa kabila para pagbuksan siya ng pinto.

"Hmm, medyo," sagot niya pagkalabas."Pero na-realize kong puwede ka rin palang maging ordinaryong tao katulod ko. Marunong ka rin palang tumapak sa lupa," dugtong niya habang papunta sila ticket booth. "Alam mo si Dad busy iy