الفصل الأول تعريف الشخصيات

تستيقظ من نومها على صوت والدتها تخبرها انها تأخرت على الجامعة

بطلتنا مريم الصياد طالبة في كلية الهندسة في سنتها الثالثة

والدتها أمينة سيدة في الرابعة والاربعين من عمرها رية منزل

كريم الصياد والد مريم ٥٥ عام مهندس يمتلك لشركة هندسة كبيرة

محمد الصياد اخ مريم الكبير ٢٨ عام مهندس ويعمل في شركة والده الصياد للمعمار

فاطمة النجار صديقة مريم المقربة وطالبة في كلية الهندسة

كريم الغازي ٢٨ عام دكتور في كلية الهندسة

نور الغازي شقيقة كريم ١٩ عام طالبة في كلية الهندسة في عامها الاول

محمد الغازي والد كريم ونور ٥٠ عام

صفاء زوجة محمد الغازي ٤٣ عام

عمر الألفي ٢٨ عام صديق كريم المقرب ضابط شرطة

تبدأ أحداث روايتنا في عروس البحر المتوسط الأسكندرية وتحديداً في غرفة مريم

أمينة: يلا يا روما هتتأخري على الجامعة

مريم: يا ماما سيبيني كمان شوية

أمينة بمكر: براحتك هروح لمحمد اقوله يمشي هو علشان ميتأخرش معاكي

مريم وهي تنهض من السرير: خلاص خلاص صحيت خمس دقايق وهكون جاهزة

أمينة: ناس متجيش غير بالعين الحمرا

*********

محمد الصياد: جاهزة للسنة الجديدة

مريم وهي تدلف إلى سيارته : طول عمري جاهزة يا هندسة

محمد: ربنا يوفقك يا حبيبتي

********

وصلت مريم إلى جامعتها وأخرجت هاتفها وجدت فاطمة تتصل بها اجابت: صباح الخير

فاطمة: صباح النور انتي فين

مريم: في الكلية عند البوابة

فاطمة: شوفتك جايالك

اتقابلو وذهبو إلى المدرج الخاص بفرقتهم جلستنا تتحدثان حنى سمعا صوت بجانبهم: أنسة مريم عامله إيه

مريم باقتضاب: كويسة

حازم: وحشتينا في الأجازة

مريم بتهكم: على كدا بقا الدفعة كلها بتوحشك

حازم بتوتر: لا طبعا بس انتي غير أي حد

مريم بجدية: الزم حدودك يا بشمهندس وياريت متكلمنيش تاني اتفضل من هنا

فاطمة بضحك على صديقتها: ليه بس كدا يا روما دا شكله كيوت

مريم بعصبية مصطنعة: وربنا لوريكي اصبري عليا

فاطمة: بهزر يا رمضان اي مبتهزرش

مريم: تصدقي أنا غلطانة اني جيت اول يوم بيبقا فاضي كدا

فاطمة: وجيتي لي

مريم: محمد قالي روحي وابدأي السنة بنشاط

فاطمة بحالمية: محمد

مريم وهي توكزها في كتفها: انا مش عارفه اخرتها اي معاكم

كادت فاطمة ان ترد حتى دلف كريم الغازي المدرج بهيبة ووسامة وتعالت الهمهمات عن وسامته

كريم: صباح الخير كل سنة وانتو طيبين يا باشمهندسين انا دكتور كريم الغازي هكون معاكم في مادة ..........

فيه شوية أساسيات لازم نكون متفقين عليها من بداية السنة انا مفيش حد بيدخل بعدي المحاضرة وممنوع الكلام إلا في سياق المحاضرة ويكون معايا والالتزام أهم حاجه الدكاترة بيشيدو بدفعتكم أتمنى تكونوا زي الصورة اللي رسموها ليكم

وبدأ في شرح بعض الاشياء

*********

وبعد انتهاء اليوم حضر محمد الصياد وأخذ مريم إلى البيت

في المنزل وتحديدا على مائدة الطعام

كريم الصياد: عملتي اي النهاردة يا روما

مريم: كان كويس يا حبيبي

محمد: اليوم كان حلو يعني ولا

مريم: يعني كان لذيذ شوية

محمد: ربنا يجعل ايامك كلها لذيذة يا حبيبتي

امينة: ربنا يحميكم يا حبايبي ويجعل ايامكم كلها فرحة

*********

في منزل الغازي

دلف كريم الغازي والقى التحية على والدية وقال مداعبا لوالدته: يا صفصف عاملة اكل اي انا جعان

محمد: انت بتدلع مراتي وانا قاعد يا ولد

كريم وهو يحتضن صفاء:طبعا دي حبيبتي

محمد وهو يبعد كريم عن صفاء: كررها تاني وانا هخليها تترحم عليك يا بشمهندس

كريم بحركة استسلام: لا احنا مش قدك اسفين يا كبير

كانت نور وصفاء تتابعان حوارهما بضحك على مشاكستهما المستمرة

مساءً

تدلف صفاء إلى غرفة المكتب الخاصة بزوجها في البيت

صفاء: مالك يا محمد من وقت ما جينا اسكندرية وانت طول الوقت سرحان ومهموم

محمد وخو يطالعها بحب صادق على رفيقة دربه: مفيش يا حبيبتي انا كويس

صفاء: بتفكر فيهم

محمد بتنهيده طويلة: مش عارف ابطل تفكير وخايف من المواجهة

صفاء: العمر بيجري بينا يا محمد روح لهم معادش في العمر قد اللي راح وكمان ولادك لازم يعرفو عيلتهم احنا مش هنعيش لهم العمر كله

نمحمد: عندك حق يا حبيبتي إن شاء الله خير

**********

في اليوم التالي كانت مريم تمشي بسرعة وفي يدها بعض الاوراق حينما اصطدمت في شخص رفعت عينيها لتجده دكتور كريم

مريم بتوتر: اسفه يا دكتور وذهبت مسرعة ولم تلحظ الورقة التي سقطت منها

كريم بداخله مالها دي

ولاحظ الورقة انحنى والتقطها وعندما هم أن ينادي عليها لكن وحدها ابتعدت كثيرا

********

في المساء كانت مريم جالسة في شرفتها تتذكر لحظة اصطدامها به وضعت يدها على كتفها بألم وقالت: حيطة خرساني متحركة

أما عند كريم الغازي كان شارداً في عينيها العسليتين ولا يدري لماذا يفكر بها نفض افكاره من رأسه وأطفأ الانوار وغط في نوم عميق