بارت الثامن

البارت 8

في المستشفى

**نعمات حمدالله علي سلامه يا ضنايا

**مليكه الله يسلمك ياما طمنيني عليكي ايه اللي حصلك؟؟

**نعمات ماقدرتش استحمل بهدلتك وسط  المجرمين  بعد ما الضابط قالي اشوفلك محامي

وان الباشا حطك في دماغو

حسيت اني مش قادره اخد نفسي ورجليا مش شايلاني

ماحستش بنفسي غير وانا هنا

**مليكه اسفه يا ما علي اللي حصل والله غصب عني

**نعمات عارفه يا بنتي

**مليكه مش زعلانه مني ؟؟

**نعمات لا يا ضنايا انت تربيه ايدي الناس في المحل حاكولي اللي حصل وانك ضربتيه شوفتي لما قولتلك ابعدي عن البت شروق ماشيها بطال استغفر الله سامحيني يا بنتي شايلتك المسؤوليه بدري

وبهدلتك معايا

**مليكه ماتقوليش كده ياما انت في عنيا واخواتي كمان معلش مش حاعرف اشتغل دلوقتي

**نعمات عارفه اني اتصلت بخالك يبعثلي قرشين نساعد بيهم وكنت عايزه اجيب ليكي محامي

ردت عليا مراتو وقالتلي انو مش موجود وان مش معاهم فلوس وقفلت التليفون اتصلت بعمك قولتلو ابعث ليا إيراد البلد قالي مالكيش حاجه عندي

**مليكه اوعاكي ياما تكوني قولتيلو إن محبوسه ؟!؟

**نعمات ودي تيجي بردك لا ماقولتش حاجه حانعمل ايه يابتي في ايجار اللي متأخر علينا

**مليكه هو بس شهر

**نعمات يابنتي الحمل بقا تقيل علينا حانعمل ايه ؟؟ الخضري ليه عندنا فلوس و البقال وحناكل منين

**مليكه بحزن كفايه ياما فكري في صحتك وربنا كريم

**نعمات يارب يرزقنا من عندو

**مليكه يارب انا رايحه اشوف الدكتور

في الشركه

**رحيم وبعدين معاك من ساعت اللي حصلك وانت في ملكوت ثاني سهر وسفر وبقيت تسكر وفاتح شقه لسهرات و الرقاصات

انت مفكر اني نايم علي وذاني انا سايبك بمزاجي بقول خليه يعيش شبابو شويه يمكن ينسا اللي حصلو بس توصل بيك انك تهدد الجربوعه تروحلك الشقه عايز منها ايه دا انا سمعت انها شحاته عجبك فيها ايه ؟!؟!

**ادهم بكل برود ولا حاجه حابيت اكسر مناخرها شويه

**رحيم يا برودك يا اخي انت طالع لمين؟

**ادهم ليك يا جدي مش دا كلامك مش انت اللي قولتلي اتغير وبلاش الطيبه زايده مش انت اللي قولتلي إن كل الستات كلاب فلوس وآخرهم معانا نتمتع بيهم ونرمي ليهم قرشين وان لازم ادوس علي اي حد او حده تيجي جنبي

**رحيم بتنهيده كبيره اه بس مش لدرجه دي لازم تميز مش كل الستات زي بعض عندك جدتك الله يرحمها ست ولا كل الستات اللي بقولو انك تشوف وحده من مستواك الاجتماعي والمادي

**ادهم اه عشان كده كنت بتكره امي عشان كانت بنت فقيره وابويا اتجوزها غصب عنك

**رحيم ولد احترم نفسك وبلاش تتكلم في حاجه اتقفلت من سنين

**ادهم لو اتقفلت عندك انت عندي انا لا لسه فاكر كل حاجه

**رحيم قوم روح القصر خد ليك دوش وريح اعصابك وبلاش تروح ناحيه الشقه خالص

**ادهم ماشي

عن اذنك

وطلع ادهم وهو مش شايف قدامو

راح وراه اكرم

**اكرم ادهم استني لو سمحت رايح فين ؟

**ادهم عايز اطلع البحر مخنوق

**اكرم طيب خليني اروح معاك مش حاسيبك تسوق العربيه وانت في الحاله دي

ركبو العربيه

وادهم راح علي نفس المكان اللي لما يتخنق يروح ليه 

**اكرم انا عارف ان جدي قالك كلام يزعلك زي كل مره

**ادهم انا مش عارف ليه كل ما احاول انسى يفكرني

**اكرم وهو انت فعلا نسيت ؟؟

**ادهم مش عارف بس حاجه جوايا مش قادر اتخلص منها

**اكرم انت ماغلطتش في حاجه انت حبيت من قلبك انسانه غلط وقفت وش الكل عشان ترتبط بيها بس هي ماتستهلش هي تجربه شخصيه ومريت بيها

**ادهم اسوء تجربه في حياتي عارف انك تفضل 4 سنين مخدوع

4سنين من عمري راحو من حياتي عشانها وفي الاخر تخوني مع مين صاحبي

دا انا نقلتها هي واهلها مستوي ماكنوش يحلموا بيه شغلتها بعد التخرج عند صاحبي هي و ابوها واخوها اشتريت ليها شقه كتبتها في اسمها وكمان عربيه كنت بصرف عليها انا خسرت جزء من ورث ابويا عليها وهي كانت بتستغلني لا وكانت عامله ليا فيها شريفه واخلاقها يضرب بيها المثل دا انا كنت بتكسف امسك ايديها كنت عايزها حلالي حافضت عليها من نفسي عمري ما بصيت ليها بصه مش تمام

رغم انها كانت بتحاول معايا وكنت بكدب نفسي كنت بقول يمكن بتتصرف عادي عشان واثقه فيا بس انا ماقدرتش اخون الثقه

لحد ماشوفت ليها فيديو مقزز مع واحد رجل اعمال ازاي كانت كده وانا مش شايف ازاي كانو رجاله بيلمسوها وهي معايا وانا خايف عليها

كسرت جوايا حاجات كثير

وبعدها اي وحده بتعرف عليها بتبقا عايزه بس فلوس وخاصه اللي بتبص لفوق حاولت اندمج مع الطبقه بتاعتنا بلاقي البنات كلهم هايفين و تافهين

تعبت يا اكرم من غير اسطوانه جدك اني ابويا عصا كلامو واتجوز امي الفقيره لا وبقول انها كانت بتخونو

**إكرم الله يرحمهم انا مش عارف جدك عايز يوصل لي ايه ؟!

**ادهم عمتي عصمت هي اللي حكت ليا الكلام دا

**اكرم سيبك منها هي وبنت عمتك اللي شايفه نفسها فوق الكل

اكرم مهما اللي حصلك ماتتغيرش انا شايف ادهم نسخه من رحيم

ارجع يا صاحبي زي ماكنت انت طيب مش وحش

انا بجد اتصدمت فيك إمبارح

**ادهم ليه؟

**اكرم انت بجد كنت مصدق نفسك ؟ بجد كنت عايزها تروحلك الشقه ؟

**ادهم اه وحاتيجي وبكره افكرك اكرم كلهم زباله زي بعض عشان الفلوس ممكن يعملو اي حاجه مايغركش الوش اللي بيرسموه انا اتدربت علي ايدين استاذه في الاخلاق والكرامه

واخدت علي قفايا

احترم اللي تيجي دغري بس اللي لترسم وش العفاف والشرف لا

**اكرم بس البنت دي لا باين عليها انها مش شمال

**ادهم تراهن علي كلامك؟

**اكرم اراهنك

الوقت دا رحيم كان بيتصل بي ادهم

**ادهم ايوه يا جدي

**رحيم بقولك محامي الشحاته هو اللي بلغ الصحافه

**ادهم متاكد يا جدي ؟

**رحيم ايوه وكمان صاحب المطعم هو اللي جابو وحاسبو وهو اللي اداه  تفريغ الكاميرات

**ادهم ماشي يا جدي المطعم دا لازم يتقفل كلم

حبايبك بتوع الصحه يشوفو شغلهم

**رحيم من غير ماتقولي انا اتصرفت

انت فين دلوقتي ؟

**ادهم علي البحر مع اكرم

**رحيم ماشي سلام

**اكرم في ايه؟

**ادهم عم جورج هو اللي جاب المحامي وهو اللي ادا فيديوهات الكاميرا للقسم والمحامي بلغ الصحافه عشان يضغطو علينا نتنازل

تفتكر عم جورج بيعمل دا الله في الله ؟؟

**اكرم قصدك ايه ؟

**ادهم باينه وضوح الشمس إن بينهم حاجه دا كان خايف عليها

**اكرم استغفر الله العظيم انت خلاص هبت منك علي الاخر

**ادهم في بينا رهن إن حاجبها الشقه وهي اللي حاتيجي برجليها

في المستشفى

**مليكه طمني يا دكتور على حاله امي ممكن تطلع انهارده ؟

**الدكتور ماخبيش عليكي يا مليكه حالتها حرجه جدا لازم عمليه في اقرب وقت

**مليكه يعني ماينفعش تاخد علاج او اي حاجه

**الدكتور الحاله اللي وصلت ليها امبارح خطر لولا ستر ربنا كانت تدخل في جلطه

**مليكه بس يا دكتور انت شايف الحال والعمليه مكلفه اعمل ايه ؟

**الدكتور عارف يا مليكه قدمي الملف الطبي بتاعها في المستشفى علي الله تلاقي محسن خير يعمل ليها العلمية او تستني دورها في العمليات اللي بتتعمل بي المجان

بس كل اقولو إن حالتها متاخره 

**مليكه طيب ممكن تكتب ليها علي خروج هي مش طايقه القعده هنا

**الدكتور لا لازم تفضل تحت الملاحظه احنا بهديها العلاج ومحاليل اول ما حالتها تستقر ساعتها ممكن تطلع

مشي الدكتور وهي الدنيا بتلف بيها حاتجيب مصاريف العمليه منين

في نفس التوقيت

ادهم كان في جناحو في القصر بيتصل بي الحراس بتوعو

**ادهم ايوه يا حوده عرفت عنوانها؟

**حوده ايوه يا باشا بس من امبارح مضهروش

**ادهم جمعلي اكبر عدد من المعلومات عليها من غير ماحد يحس

خليك وراها فاهم

**حوده عينيا ليك يا باشا

ادهم فضل يدخن وبفكر ازاي يرجع كرامتو اللي اتهانت قدام الناس

ازاي يجيب رجلين مليكه لشقه ازاي ينتقم منها وينتقم من كل ست واطيه وخاينه

هو بفكر

لاقا تليفونو برن برقم غريب

**ادهم الو

**شروق ايوه يا سعاده البيه انا شروق

**ادهم شروق مين؟

**شروق انا اللي ساعدتك وحطيت الساعه في شنطه مليكه

**ادهم ايوه عايزه ايه ؟؟مش اخدت فلوس

**شروق ايوه يا بيه بس حضرتك بتوع الصحه قفلو المحل واتقطع عيشي وانا عايزه شغل لو تقدر تساعدني

**ادهم وهو بيضحك من سرعه جدو في حل المشاكل

**ادهم هو انت تعرفي مليكه ؟

**شروق ايوه انا اللي شغلتها بعد ماطردوها من الكباريه

**ادهم بصدمه كباريه ؟؟

**شروق اه يا باشا دي كانت استغفر الله بتنزل لي الزبائن بس ايه هي لتختار بس الرجاله الكباره واللي معاهم فلوس ياما الشباب اللي زي حضرتك ما بتهتمش بيهم قال ايه بفرهطوها وضحت ضحكه قدره

**ادهم ماشي حابقا اكلمك اشوفلك شغل

سلام

****************************