بعت نفسي

البارت الأول

في قصر الشرقاوي…

كان الهدوء يسيطر على السفرة الكبيرة رغم فخامة المكان.

الخدم يتحركون بهدوء، ورحيم الشرقاوي جالس على رأس السفرة يتابع حفيده أدهم بنظرات مليانة تعب وتفكير.

أدهم نزل بخطوات هادية، ملامحه جامدة كعادته، لكن اللي يعرفه كويس يقدر يشوف الإرهاق اللي مستخبيه جواه.

_ادهم صباح الخير يا جدو

_رحيم صباح الخير يا بني… مراتك فين؟

_ادهم بتنهيدة المدام يا جدي راجعه وش الفجر من سهرتها، مش حاتصحي دلوقتي… وحتي لو صحيت حاتعمل ايه يعني

_رحيم انا اسف يا بني خليتك تتجوزها غصب عنك

_ادهم ياه يا جدي… انت بتعتذر مني وفهمت انو كان غصب عني؟

_رحيم يا بني انت مش بس حفيدي… انت أغلى حاجة عندي، حتي من ولادي اللي مش بيسألوا عني

_ادهم جدي ارجوك حاول تصلح علاقتك بي عمامي، بلاش تسمع كلام عمتو

_رحيم قولي… ولاد عمك لسه علي تواصل معاك؟

_ادهم الحمدلله علاقتنا فضلت كويسة من غير اكرم… وفارس وعدني انو ينزل مصر

_رحيم بجد يا بني؟

_ادهم اه يا جدو… كفاية علاقتي اللي بازت مع اكرم

_رحيم ماتجيبش سيرته قدامي

_ادهم ليه؟ عشان…

_رحيم بعصبية اه عشان كان بيدور عليها ويملا راسك بكلام فارغ

_ادهم ليه يا جدي؟ مايمكن كلامه صح

قبل ما يرد، لمح رحيم عصمت وهي نازلة من فوق، فاتعدل في جلسته بسرعة.

_رحيم اقفل على الموضوع… عمتك نازلة

_عصمت صباح النور عليكم

_ادهم صباح الخير

_رحيم جوزك فين؟

_عصمت نزل بدري عنده شغل كتير

_رحيم بنتك كانت سهرانة فين؟

_عصمت عادي… واحدة من الشلة كانت عاملة حفلة

أدهم ابتسم بسخرية خفيفة وهو بيقوم من مكانه.

_ادهم بقولك يا عمتي وحماتي… كلميها عشان انا زهقت، وقوليلها تخلي بالها من بنتها اللي رامياها مع الدادا

عن اذنكم… رايح شغلي

خرج من القصر، وساب وراه توتر واضح على ملامح الكل.

**عصمت عاجبك كلام حفيدك المدلل؟

**رحيم عنده حق يا بنتي… انتِ مش شايفة تصرفاتها؟ كفاية دلع فيها… وكفاية إنها مش عارفة تجيبلي حفيد تاني. دا حتى بنتها مش عارفة عنها حاجة

**عصمت بعصبية ايه يا بابا؟ حفيدك شحنك على بنتي! وبعدين الخلفه من عند ربنا، بنتي مالهاش يد فيها. وكمان حفيدك مش مدي وش لبنتي، بيهملها جدًا ومش مديها حقوقها الشرعية… حاتخلف منه ازاي؟

ضحك رحيم بطريقة مستفزة وهو يهز راسه.

**رحيم بتتكلمي على الحقوق؟ هو عارف يتلم عليها؟ وهي على طول سهرانة ومش واخدة بالها من جوزها. كفاية إنه اتجوزها غصب عنه ومحافظ عليها ومدلعها. بنتك حياتها سفر وسهر، وآخر اهتمامها جوزها وبنتها. كفاية إنه مستحمل كل ده… لو راجل تاني كان كل يوم مع ست شكل

**عصمت لا والله؟ هو ده اللي ناقص! بنتي مستحملة أدهم بكل قرفه وعقده في الدنيا من ساعة ما…

**رحيم خلاص كفاية… انا طالع، عندي اجتماع مهم

**عصمت اجتماع ايه؟

**رحيم اسألي جوزك

سلام عليكم

ــــــــــــــــــــــ

على الناحية التانية…

كان بيت الرشيدي مختلف تمامًا عن قصر الشرقاوي.

بيت بسيط، لكنه مليان دفء وحياة.

**مليكة يا سها… اصحي بقا

**سها اوف سيبيني انام

**مليكة يا بنتي مش قولتي عندك انترفيو؟ يلا بقا

طلعت من الأوضة وهي بتتنهد، فقابلها عبد الرحمن بابتسامته الهادية المعتادة.

**عبد الرحمن لسه مش عايزة تصحى؟

**مليكة لا… والمصيبة عندها انترفيو

**عبد الرحمن معلش يا حبيبتي تاعبينك معانا

**مليكة لا والله… يلا يا بكاش

دخل خالد وهو بيضحك.

**خالد صباح النور يا مامي

**مليكة يا صباح الفل والعسل على أحلى خالودي في الدنيا… اختك فين؟

في نفس اللحظة، جريت خلود عليها وحضنتها.

**خلود صباح الورد يا مامي

**مليكة يا خواتي على أحلى بنوتة

البيت رغم ظروفه كان مليان حب حقيقي، وده كان أكتر شيء مميز مليكة.

**مليكة يلا على الفطار

حبيبي النهارده عندي وردية وحتأخر شوية، يعني لو ينفع تيجي بدري البيت عشان الولاد. انت شايف سها… اخاف تصحى وتنزل وتنسى زي عوايدها

**عبد الرحمن ان شاء الله

**مليكة مافيش جديد في الشغل؟

**عبد الرحمن والله لسه… انا دفعت في كذا شركة ومستني.

عارفة إن الشركة غيرت نشاطها في آخر لحظة واستغنوا عننا

**مليكة الخير فيما اختاره الله… ماتقلقش، ربنا حيكرمك من وسع. دا انت أحسن مهندس ميكانيكا فيكي يا مصر

**عبد الرحمن بضحك ربنا يخليكِ ليا… على طول بتشجعيني

**مليكة انت الراجل اللي طلعت بيه من الدنيا

**خالد كده يا ست ماما؟ هو انا مش مالي عينك؟

**مليكة بضحك لا يا حبيبي، انت راجل وسيد الرجالة

ضحكوا كلهم، للحظة قصيرة نسوا فيها هموم الحياة.

ــــــــــــــــــــــ

في شركة الشرقاوي…

وقف أدهم قدام الإزاز الكبير في مكتبه، ملامحه جامدة، لكن عقله كان مشغول بنفس السؤال اللي بيطارده من سنين.

**ادهم مافيش أخبار؟

**طارق لا يا أدهم بيه

**ادهم حاتجنن… طول السنين دي ومش عارفين نوصل لحاجة

**طارق معلش يا أدهم بيه… ماضي وخلص

**ادهم بسهولة دي؟ أكيد جدي له إيد في الموضوع ده

**طارق اعمل ايه دلوقتي؟

**ادهم سألت في البلد؟

**طارق سألت… ومافيش حاجة جديدة. والله يا أدهم بيه انا مش ساكت

**ادهم مش حوصيك… الكلام ده يفضل بينا

**طارق أكيد يا أدهم بيه. نسيت أقولك، بعد ساعتين في اجتماع… ورحيم بيه حيحضره

**ادهم غريبة… ماقاليش حاجة خالص

طيب امشي انت دلوقتي… وشكرًا على كل حاجة

أول ما خرج طارق، أدهم رجع يبص من الشباك بشرود.

واضح إن الماضي لسه مطارده… ومش ناوي يسيبه بسهولة.

ــــــــــــــــــــــ

في القصر…

كانت كاميليا نايمة بعمق، لحد ما صوت أمها قطع هدوء الأوضة.

**عصمت كامي… يلا اصحي

**كاميليا يوه يا ماما سيبيني

**عصمت قومي بقا، عايزاكي في موضوع مهم

**كامي بعدين يا ماما

**عصمت بصوت عالي قومي يلا

بعد ساعة كاملة، نزلت كاميليا وهي متعصبة وواضح عليها الإرهاق.

**عصمت كل ده عشان تنزلي؟

**ملك مامي وحشتيني

**كاميليا حلي عن دماغي انتِ كمان

**عصمت انا اتجننت! ازاي تكلمي بنتك كده؟

**كاميليا اوف يا ماما… راسي بيوجعني وماشبعتش نوم

بصوت عالي: انتِ يا زفتة… جيبيلي فنجان قهوة

عصمت بصتلها بضيق قبل ما تبعد الطفلة عنها.

**عصمت يا دادا تعالي خدي ملك أوضتها

**كاميليا في ايه يا ماما؟

**عصمت في إن جوزك بيشتكي منك… وكمان جدي اداني درس في الأخلاق

**كاميليا وايه الجديد؟

**عصمت الجديد إن شكل أدهم عرف حاجة عن الماضي وبيـدور فيه… وانتِ فاهمة وانا فاهمة

**كاميليا انتِ بتقولي ايه؟

**عصمت بقولك إنك نايمة على ودانك ونسيتي جوزك. مش هو ده أدهم اللي كنتِ حاتموتي عليه وانتحرتي عشانه؟ ولا خلاص وصلتي للي انتِ عايزاه؟

كاميليا سكتت لحظة، وبعدين اتكلمت بصوت أهدى.

**كاميليا عمره ما حيوصل لحاجة، ماتخافيش. خلاص انا حاتصرف. ماما… أدهم مابيحبنيش، حاولت كتير معاه، انتِ ماتعرفيش هو صعب قد ايه

**عصمت رغم إني شايفة العكس… جوزك بيحترمك، عمره ما قلل احترامه ليكي قدامنا. عايشة عيشة الكل بيحسدك عليها، بتسافري وتطلعي… لحد ما نسيتي إنك أم.

انتِ عارفة ايه عن بنتك؟

قوليلي آخر مرة سافرتي مع جوزك؟ ولا حتى خرجتي معاه؟

سيبك من ده كله… امتى آخر مرة كانت بينكم علاقة؟

كاميليا بصتلها بوجع واضح.

**كاميليا مش عايزة افتكر… هو انتِ فاكرة إني مبسوطة؟ أدهم انا مش فارقة معاه خالص. مش بعيد يكون بيخوني… ولا متجوز عليا

**عصمت متخافيش… مش بيخونك، انا عاملة مراقبة عليه، ولا متجوز عليكي.

بس مش بعيد يتجوز… جدك عايز حفيد ووريث. فوقي يا بنتي

**كاميليا ماما هو انتِ بتهزري؟ انتِ عارفة وانا عارفة ليه تفتحي الموضوع ده؟

**عصمت ما عشان عارفة… لازم نتصرف

**كاميليا قولتلك حاتصرف

دخلت الشغالة بالقهوة.

**الشغالة القهوة يا مدام

**كاميليا بعصبية اتأخرتي ليه؟

**الشغالة معلش… أصل أدهم بيه اتصل، كان بيسأل اذا صحيتي ولا لا

**كاميليا ماشي… يلا غوري

**عصمت شوفتي بقا؟ يكلم الشغالة عشان يسأل عليكي

**كاميليا هشرب قهوتي واطلع أغير… واروحله الشركة وأعزمه على الغدا

**عصمت كامي… انتِ اللي ليا في الدنيا. ماتخليش اللي عملناه يروح كده… اعقلي، خففي سهرك، وحاولي ترجعي علاقتك بيه

ايه رأيكم في أول بارت؟!