الفصل الثامن: عندما كسر يوسف صمته لأجل مريم 🤍

رواية تضحية مريم

بقلم الكتيبة نوهاابوكي

الفصل الثامن

مريم خلصت صلاتها، وسحبت السجادة بهدوء، وقعدت قدام المراية.

خلعت غطاء راسها، ونساب شعرها على كتفها، وبدأت تمشط فيه بأناملها بهدوء.

الشمس كانت بتلمس وشها برقة، وضوها بينعكس على بشرتها النقية، وعلى صورتها في المراية.

يوسف واقف برا الأوضة بعد ما خلّص يبدّل هدومه، وبص عليه… فجأة وقّف في مكانه.

ماكنش متوقع إنها تكون بالجمال ده.

كان عندها جمال هادي، روحاني، طاهر…

جمال من غير صخب، بس فيه سحر يخطف القلب.

فضل يوسف لحظة يتأملها في صمت…

ومريم ما حسّتوش، كانت غارقة في عالمها، بين شعرها المتدلّي وعيونها الهادية.مريم قامت من على الكرسي عشان تاخد حاجة، ولما لفتت وشها لورا شافت يوسف لأول مرة…

بصّوا لبعض، وكان شاب وسيم، عيونه فيها حيوية الشباب وعمق غامض.

وقفت مريم مشدوهة، مش قادرة تحرك ساكن،

وفضلت تراقب ملامحه فترة طويلة، كأنها بتحاول تفهم اللي ورا النظرات دي.

أما يوسف، حس بنفس التأثير، بس حاول يختفي ورا برودة وشه.

نزلت عينها على الأرض، وهو كمان تجاهلها وغمّض عينيه شوية.

بعدها مشي بهدوء على الكنبة، قعد، وأخذ اللاسكوف (مكواة الشعر) في إيده، وبدأ يستخدمه على شعره… كأنه بيحاول يتحكّم في أفكاره ومشاعره المتضاربة.وصل أحمد للقصر، دخل أوضته وأخد دوش، وبعد ما خلص، نزل على الصالون.

العيلة كلها كانت متجمعة على سفرة الأكل،

بس يوسف ومريم لسه في أوضتهم.زينب كانت واقفة في المطبخ، عينيها لسه حمرا من كتر العياط، وقلبها متقيل كإنه شايل همّ الدنيا. كانت بتحضر الأكل لابنها محمد اللي بقاله كام يوم مرمي عالسرير، جسمه ضعفان ومش راضي يتحسّن.

بعد ما خلصت، شالت الصينية بإيدين مرتجفة وطلعت على أوضته. فتحت الباب بالراحة وقالت بصوت كله حنية:

"حبيبي... يلا كُل لقمة يمكن ترتاح شوية."

محمد بصّ لها، صوته واطي ومليان تعب:

"مش عايز آكل... ماما، عايز... عايز أتكلم مع مريم. لو في تليفون خليني أكلمها."

زينب وقفت متجمدة، كلامه نزل عليها زي السهم. قلبها دق بسرعة وهي بتقول جوا نفسها: يا ترى سمع حاجة؟ عرف اللي حصل امبارح بين اناوأحمد

قربت منه وقالت وهي بتحاول تخبي ارتباكها:

"محمد... إنت ليه عايز مريم؟ دي دلوقتي عروسة، ما ينفعش تزعجها."

محمد رد بعفوية وعيونه دمعت:

"ماما... أنا مش عايز حاجة، أنا بس عايز أسمع صوتها، وحشاني زينب تنهدت، وهي بتحاول تمنع دمعتها تنزل، مدّت إيدها وخدت التليفون من عالترابيزة اللي قدامه. فضلت ماسكة فيه لحظة، وبعدها دارت الرقم بهدوء...في القصر، كانت مريم قاعدة في الأوضة، ساكتة وعقلها مشغول. يوسف كان قاعد على الكنبة، هو كمان ساكت،

فجأة، حد خبط على الباب خبطة خفيفة.

يوسف قال بصوت هادي:

"اتفضل."

دخلت الخدامة بانحناءة بسيطة وقالت:

"يوسف باشا، الأكل جاهز."

يوسف رد وهو بيقوم من مكانه:

"تمام، أنا جاي."

ولفّ ناحيتها، بصّ لمريم بعينه وقال بنبرة هادية وناعمة:

"يلا... تعالي معايا."

مريم ردّت من غير ما تبص له، وهي ماسكة التليفون في إيدها، هزت رأسها من غير ما تنطق بكلمة.

يوسف فضّل يبص لها لحظة، وبعدها خرج من الأوضة وساب الباب مفتوح وراه.

أما مريم، فضلت واقفة مكانها، بتحاول تجمع قوتها، كإنها بتحارب جوا نفسها.

مريم خرجت من الأوضة، ومشيت لحد الصالون، لقت العيلة كلها قاعدة حوالين ترابيزة الفطار. فجأة، موبايلها رنّ في إيدها. وقفت مكانها تبص عالشاشة، كان مكتوب: "ماما – زينب".

ابتسمت من غير ما تحس، وردّت بسرعة:

"ألو... ماما!"

جالها صوت زينب من الناحية التانية، صوتها حنون بس فيه لمحة توتر:

"إزيك يا بنتي؟ طمنيني، عاملة إيه؟"

مريم ردّت بهدوء:

"أنا كويسة، الحمد لله..."

زينب بصّت لمحمد اللي قاعد جنبها وقالت وهي بتحاول تخفي قلقها:

"أخوك عايز يكلمك."

مريم ابتسمت أكتر وقالت بحنية:

"تمام... محمد كان سامع كل كلمة في المكالمة، عينيه بتلمع بالشوق.

زينب لمحت النظرة في وشّه، وفهمت على طول هو عايز إيه. مدت له التليفون وهي بتتنهد وقالت:

"خُد يا حبيبي... كلمها."

محمد أخد التليفون من إيدها، وبصّ لمامته وقال بهمس:

"ماما... روحي حضّري الدوا."

فهمت زينب قصده إنه عايز يتكلم مع مريم لوحده. قلبها اتقبض ومكانش مرتاح، بس رغم كده، سابت الأوضة وخرجت بخطوات بطيئة، ولسه جواها قلق مش سايبها.

محمد كلم أخته على التليفون بصوت متوتر:

"مريم... الراجل اللي اسمه أحمد عمل حاجة وحشة امبارح مع ماما زينب."

مريم اتصدمت وعيونها كبرت من المفاجأة:

"يعني إيه؟ إيه اللي حصل؟"

محمد بدأ يحكي بكل التفاصيل، كل حاجة حصلت بين أحمد وزينب، ازاي تصرف، إيه اللي عمله، وكل الأفعال اللي خلت قلبها يتألم.

التليفون وقع من إيد مريم وهي واقفة، وابتدت تحس بغضب وقلق كبير. فضلت واقفة بعيد عن باب الصالون، تبص من بعيد على أبوها أحمد اللي قاعد هناك، ورتسم الغضب على وشه، وكلام محمد يدورفي راسه عن لي عملواحمدفي أمه زينب.يوسف كان قاعد في الصالون مع العيلة كلّها، الجو هادي. فجأة ودخلت مريم وصوتها عالي بيرجّ البيت:

"أحمـــد! أحمـــد! أحمـــد!"

الكل اتصدم، قاموا من مكانهم وبصّوا عليها باستغراب. يوسف كان أول واحد عينه متسمّرة عليها،

مريم وقفت قدّام أحمد، وهي غضب، وصوتها بيرتعش:

"إنت إزاي تقدر تعمل في أمي كده؟! مش إحنا اتفقنا إني أول ما اتجوز تبعد عنها وتسيبها في حالها؟! بس إنت لا التزمت باللي بينّا، ولا حتى احترمتها… بالعكس، بتهينها! والله يا أحمد الغلط ده مش هيعدّي على خير… وهتدفع تمن كل كلمة وكل وجع سببتّه لها!"

أحمد كان بيبص لمريم بنظرة غريبة، مستغرب من والشجاعة الصمت خيّم على الصالون، وكل العيلة عينيهم متعلّقة فيهم.

قال أحمد لمريم:

"أنا جوز زينب… هي مراتي قبل ما تكون أمّك، وأنا أعمل فيها اللي أنا عايزه."

مريم وقالت بعناد:

"تمام… استنّى وشوف مين فينا اللي هينهار في الآخر."

أحمد خطا كان ناوي يمد إيده عليها. فجأة إيده اتشبكت بقوة… رفع عينه، لقى يوسف ماسكها، واقف بينه وبين مريم.

يوسف بنظرة صارمة وصوت ثابت قال:

"إقف مكانك يا عمي أحمد… ما تفكّرش تعمل كده. مريم دي مراتي، وأنا ما بسمحش لأي حد يهينها."