الفصل الرابع: بين اختبار الأبوة وقيود الوصية

من رواية تضحية مريم

الفصل الرابع

أحمد كان قاعد على جنب في المستشفى، راسه محني وعيونه شاردة في الفراغ.

زينب قربت منه بخطوات مترددة، وبصوت مليان وجع قالت:

"أحمد… انت عرفت إن عندك ابن؟"

أحمد رفع نظره عليها ببطء، وظل ساكت للحظة طويلة، وبعدها همس بصوت بارد:

"إيه اللي عايزة أعمله دلوقتي؟ مريم هتتجوز ابن عمها بعد أسبوعين… خلصت القصة."زينب شهقت من الصدمة، وعيونها مليانة دموع وهي بتقول:

"يعني كده؟ هتسيب ابنك كأنه مش يخصك بحاجة؟!"

أحمد وقف، وماقدر يبص لها، لفّ ظهره ومشي سايبها.

زينب فضلت واقفة في مكانها، مصدومة، وعاجزة تتحرك… كل حاجة حواليها كانت بتنهار بصمت.مريم قربت من أمها زينب، وعيونها مليانة قلق:

"ماما… إنتي ليه واقفة كده لوحدك؟"

زينب كانت شاردة، وصوتها فيه خيبة أمل:

"كنت بتكلم مع أبوك… فكرت إنه رجع عن رأيه، بس شكلُه مصمّم يزوّجك غصب."

مريم نزلت عيونها للحظة، وبعدها بصت لأمها بثبات وقالت:

"ماما… اللي كاتبه ربنا هي حصل. لو أخي محمد كويس، أنا ما عنديش مانع… بقبل أتجوزه في القصر

أحمد كان قاعد في مكتبه، غرقان في أوراقه، بيراجع ملفات وعيونه مركزة على التفاصيل.

دقالباب

أحمد من غير ما يرفع راسه:

"تفضل، فوت."انفتح الباب ودخل معتز، أخو أحمد الكبيرمعتز وهو بيقعد:

"أحمد… ليه مبارح مشيت فجأة؟ إيه اللي حصل؟"

أحمد ترك الأوراق وتنهد:

"اللي حصل… عن زينب. كانت مخبية عني حاجة 16 سنة! تخيل! عندي ولد وهي ساكتة طول المدة دي… مبارح اتصلوا بيا وقالولي إن حياتي كلها كانت كذبة!"

معتز مصدوم وهو بيبص له:

"وانت متأكد إن الولد ابنك؟"

أحمد بحزم:

"ليه لأ؟ زينب… عمرها ما خانتني. ودايمًا كانت واثق فيها، ولسه عندي الثقة دي."

معتز بهدوء:

"بس لازم تتأكد، أحمد… 16 سنة وهي بعيدة عنك… لازم تعرف الحقيقة."

أحمد، بحزن وغصة في صوته:

"عارف… وكمان عارف إن مريم لازم تتجوز بعد أسبوعين، ومش عايز أي حاجة تخرب. أنا وعدت أبوي إننا نكمّل الوصية. وبعدين الانتخابات قربت… ولازم أطلع بالمشهد الصح، الكل يعرف إني عندي بنت وبتتجوز من ابن عمها."

معتز بهدوء:

"أكيد يوسف مش هيعرف يرفض وصية جده…"

أحمد بعزيمة:

"مش عايز أخسر حاجة… لا بنتي، ولا الانتخابات، ولا سمعة العيلة."في مكان تاني…

يوسف كان قاعد على مكتبُه، بيراجع شوية ملفات وعقود، وكل تركيزه فيها. فجأة انفتح الباب.

عمر صاحبه دخل مبتسم وقال:

"يوسف… إزيك يا بني، أهلا!"

يوسف رفع راسه وابتسم:

"أهلا يا عمر… اتفضل اقعد."

عمر قعد قدامه وسأله بلطافة:

"عامل إيه؟ أمورك ماشية إزاي؟"

يوسف تنهد وقال:

"الحمد لله… أنا كويس. وإنت أخبارك إيه؟ الاجتماع الأخير كان عامل إزاي؟"

عمر بفخر:

"الاجتماع كان ناجح جداً! والحمد لله ربحنا الصفقة."

يوسف ابتسم ابتسامة خفيفة وقال:

"الحمد لله… إن شاء الله دايمًا للأفضل."عمر بفضول:

"طب… إيه الأخبار عن موضوع الجواز؟ قررت إيه؟"

يوسف نظر للأرض وقال بصوت تعبان:

"لسه قاعد… ماقدرش أعمل حاجة. عمي وأبوي مصرّين إني أتجوز البنت، وأنا لسه ما شفتهاش وماعرفهاش أصلاً."

عمر متعجب:

"بنت عمك؟ ومش شفتها ولا مرة؟"

يوسف هز راسه:

"ولا مرة. بس أعمل إيه؟ ماعنديش اختيار… هما عايزيني أتجوزها عشان وصية جدي… وأنا مش هقدر أكسر كلمته."

عمر بهدوء وهو بيبص له:

"هي عمرها 20 سنة، وسمعت عنها إنها طيبة وخلوقة… مش زي أبوها أحمد ولا أمها… إنسانة بسيطة ومتواضعة."

يوسف بسخرية حزينة:

"المشكلة مش فيها… المشكلة فيا أنا. مش جاهز أتجوز واحدة معرفهاش، وأبني حياتي على حاجة مفروض عليا."في المستشفى…

مريم كانت قاعدة جنب أخوها محمد، عم تراقبه وهو نايم بمحبة واهتمام.

زينب دخلت، وابتسمت وهي شايفة مريم قريبة من محمد، مستنية لحظة يفتح عينيه وسط كل التعب.

بس ما طولتش…

دخل أحمد فجأة وقال بنبرة باردة:

"مرحبا…"

زينب ما ردتش… ولا حتى بصت له. فضلت ساكتة كأنها ما سمعتهش.

مريم بجفاف:

"أهلا."

دخل الدكتور، وبصوت رسمي سأل:

"في حاجة أقدر أساعد فيها؟"

أحمد بنظرة حادة ومباشرة:

"عايز فحص أبوة. لازم أتأكد… هل الولد ده ابني ولا لأ."

زينب بصت له، وعيونها مليانة دموع، بس ما قالتش حاجة… اختارت الصمت.مريم وقفت بغضب، وعيونها مليانة قهر وقالت:

"عن جد؟!

أنت… إزاي تبقى أب!؟ من شكلك ما فيكش ذرة حنية…

بتمنى من قلبي ما حد في الدنيا يكون عنده أب زيك!"أحمد ما ردش على مريم… فضل ساكت، كأن قلبه حجر.

الطبيب خرج بهدوء، وسكّر الباب وتركهم لوحدهم.

زينب التفتت لبنتها، وصوتها هادي لكنه مليان تعب وحزن:

"روحي على البيت يا مريم… جيبي شوية هدوم لإخوك، يمكن نحتاج نفضل كام يوم هنا."

مريم مسحت دموعها وهزت راسها:

"تمام… هرجع بسرعة يا ماما."

وطلعت من الغرفة، وهي بتحاول تمشي بثبات، بس جوّاها مكسورة.

أحمد طلع بعد شوية وقعد قدام الباب، ساكت، غارق في أفكاره.

زينب قربت من ابنها محمد، مسحت على شعره بحنية وعيونها مليانة وجع.

همست وهي بتبوس راسه:

"نايم يا روحي… يا ريت ما تصحى وتشوف اللي بيحصل حوالينا… يا ريت ما تحس بالعذاب ده."

برّه الأوضة، رجع الدكتور لأحمد وقال له:

"هنبدأ في إجراءات التحليل، بس النتيجة مش هتطلع غير بعد يومين."

أحمد (بعصبية وهو بيحاول يضغط على الوقت):

"أنا عايز النتيجة بأسرع وقت ممكن!"

الدكتور هز راسه ومشي، وأحمد فضل واقف، عيونه تايهة، ومحدش عارف هو بيفكر في إيه.مريم وصلت البيت، دخلت أوضة أخوها محمد، وبدأت ترتب له شوية هدوم في شنطة.

فجأة… الباب خبط.

مريم (بهمس لنفسها):

"مين اللي بيخبط دلوقتي؟"

طلعت من الأوضة ورحت تفتح الباب.

فتحت ولقت صاحبتها خديجة واقفة قدامها.

مريم (بابتسامة باهتة):

"أهلاً يا خديجة…"

خديجة (وهي داخلة بسرعة وعيونها مليانة قلق):

"إزيك يا مريومة؟ طمني… محمد عامل إيه؟ كويس؟"

مريم:

"الحمد لله، أحسن شوية… بعد بكرة هيخرج من المستشفى إن شاء الله."خديجة (وهي بتاخد نفسها):

"الحمد لله إنه كويس… بس إنتي لازم تبصي لنفسك شوية، شكلك مرهق… حتى شعرك سايب ومش مترتب!"

مريم (وهي بتحاول تتهرب):

"معلش… مش قادرة."

خديجة ضحكت بخفة، وفتحت الدرج وسحبت أدوات الشعر:

"لأ بقى! النهارده أنا اللي هسرّحلك شعرك بالعافية… يلا اقعدي."

مريم قعدت على الكرسي، وخديجة بدأت تسرّحلها شعرها.

وسط تعبها وضغطها، الضحك الخفيف والمزاح رجّعوا بسمة صغيرة على وش مريم.

وفي نفس الوقت، في مطعم أنيق…

يوسف كان قاعد مع عمر، بيتكلموا وهما بيأكلوا سوا.

عمر (وهو بيرشف العصير):

— طب يا يوسف… بجد، لحد دلوقتي ما شُفتهاش؟

يوسف (متنهد):

— ولا مرة… والله ما أعرف عنها غير اسمها بس.

عمر (مازح):

— يمكن تُطلّع وحشة!

يوسف (ضاحك

— طب ولو وحشة أعمل إيه؟ أطلّقها يعني؟

عمر (ضاحك):

— ما هو الجمال مش كل حاجة… بس لو ما عجبتكش، ما تظلمهاش ولا تظلم نفسك!

يوسف (بجدية):

— المشكلة إن محدش خد رأيي… الموضوع حصل فجأة، وعايزني أتجوز بنت معرفش عنها حاجة.عمر:

— يمكن تُطلّع بنت كويسة… ساعات المفاجآت دي بتبقى أحلى. مش كل حب لازم يبدأ من أول نظرة.

في المساء، جوّه القصر...

العيلة كانت قاعدة حوالين السفرة. الأكل موجود، بس الجو مش مريح.

معتز، أبو يوسف، قاعد على راس الطرابيزة، وعنده نظرة جد.

أحمد، أخوه، قاعد جنبه.

يوسف قاعد قصادهم، ساكت.

معتز (بصوت هادي):

— يوسف... إنت جاهز؟

يوسف (يتنهد وعيونه مش على الأكل):

— طبعًا جاهز... امتى الفرح؟

معتز:

— بعد أسبوعين. لازم نبتدي التجهيزات من بكرة.

قالت عليا، أم يوسف:

— من غير ما يشوف العروسة؟ يمكن ما تعجبوش!

أحمد (بحدة وباصص ليوسف):

— وليه ما تعجبوش؟ دي بنتي حلوة ومؤدبة... مش كفاية إنها يوسف وقف فجأة من على الكرسي، صوته محتقن بالغضب:

— أنا مش هتجوزها عشان هي بنتك!

ولا عشان حلوة أو وحشّة...

أنا هتجوزها عشان جدي كتب وصية!

ولو ما كتبهاش، ما كنتش هتجوزها أصلاً!

ضرب يوسف على السفرة بقوة، واتساب شوية مي، والجو بقى أثقل من قبل.

سكت الكل... وخطواته بتدوي وهو بيطلع من القاعة.

معتز (بهدوء، وهو يبص في الفراغ):

— لازم يمشي على اللي مكتوب... الوصية أكبر من مشاعره.