الح7

احضر كتاب من مجموعته المفضله وظل يقراء

به حتى شروق الشمس

فى ذالك الوقت حضر شيان الى المنزل ومعه ميان والكثير من الحرس

استغرب حازم من وجودهم فذهب اليهم

شيان  . اسمعوا كلامى بتركيز كامل لحد يطلع او يدخل بدون علمى مهما كلف الامر  المدام داليا وبنتها اهم من حياتكم مفهوم وكمان ضيوف المدام عاوز عنيكم على كل مكان تطلع مع الحرس 24 ساعه حمايه اى حركه مش مظبوطه اتصرفه

رئيس الحرس  . امرك يابيه

حازم  . ايه كل الرجاله دى

شيان  . حمايه لداليا ونودى فايز كان معين اكتر من دول بكتير فى انجلترا

حازم  . بس هنا امان عن هناك

شيان  . مافيش حاجه اسمها امان داليا مرات راجل اعمل معروف مستهدف وليه منافسين سبب الوفاه مكنش عادى دى جريمة قتل

حازم ببرود  . كانت مش لسه هى كانت متجوزه رجل اعمال معروف

شيان  . ومازالت حتى لو بقت ارمله فايز مش بالسهل يتمحى يا استاذ حازم ده مكنش شخص اتعرفت عليه فى النادى معرفة كام يوم ده جوزها وحب 7 سنين وبينهم ولاد يعنى حب وابو الولاد انا عارف هى بتفكر ازى

انها كلماته ودلف الى الداخل وجد داليا تجلس على الاريكه بصمت تضع راسها بين يدها وتنظر الى الارض

شيان  . ديلا انتى كويسه دلوقتي

دلوقتي  . الشرطه قالت ايه لقوا حاجه عن اللى عمل كده فى فايز

شيان  . لا لسه جارى البحث

نهضت بعدما اومأت وكانت متجها الى غرفتها

ميان  . على فين

داليا  . عاوزه اخرج من البيت

شيان  . روحى وانا هاجى معاكى

داليا  . لا هروح لوحدى

ميان  . كده مش صح

داليا  . سبونى على راحتى

فى غرفة نودى

حنين  . شفتى ده حلو ازى

نودى  . لا ده لونه وحش

حنين  . الاحمر حلو بس البرتقالى مميز شفتى الورد عليه زاهى ازى

دلف اليهم حازم وهو مبتسم اخر فتره اتصاحب على نودى لدرجه كويسه  . صباح الخير يا حلوين

حنين.. صباح الورد ياحبيبى

نودى... صباح الخير يا انكل

حازم.. بتعملوا ايه

حنين.. ادينى رايك الاحمر ولا البرتقالى

نودى  .مش عاوزه ده ولا ده انا بحب الازرق لون السماء الصافى

حازم  .ههه حلو التشبيه

حنين  .لا الون مش حلو خالص

نودى بزعل  .لا حلو بابى على طول بيقولى انى بكون زى حوريه فى الابيض والازرق

حنين  .انتى حوريه فى كل الفساتين ياقلبى 

اه صح حازم شفت داليا وانت جى هنا

حازم  .ايوه مع ميان

حنين.. طيب خليك مع نودى شويه وجايه

اومأ وهى خرجت

نودى ذهبت الى الدولاب واخرجت فستان انيق للغايه وعرضته على حازم  ايه رايك حلو

كان ابيض انيق

حازم  . هيكون حلو عليكى هيكون بيجنن وخصوصا هيكون لايق على لون عيونك الجذابه دى ولون البشره هتكونى زى الملاك

نودى  .ده كان هديقة عيد ميلادى اللى فات بابى جبهولى  هو وخمسه كمان بس انا بحب ده  اكتر

حازم اكتفه بالابتسامه   . اه صح هو عيد ميلادك امتى

نودى  . 25/5.      ..  وداليا

نودى   .  مامى 19/8

حازم    . بعد شهر من دلوقتي

نودى  . اه

حازم بتفكير  . هى داليا بتحب هدايه زى ايه

نودى  . مامى عندها كل حاجه بس بابى كان على طول بيجيب ليها فساتين شيك اوى او لوحه كان عجباها ومره جبلها عقد الماس شيك اوى بينور فى الظلمه وشكل حلو اوى فى الشمس ومره تاتيه جبلها سلسله حلوه اوى زى دى

اخرجت سلسله من داخل ملابسها هو جاب 3 واحده ليا والتانيه لمامى والثالثه ليه

فتحتها امامه فيها الصور بتاعتنا الجزء الاول صورتى كبيره لوحدى والجزء التانى صوره ليه مع مامى وسلسلة مامى فيها صوره كبيره ليها وصوره ليا مع بابى وهى وهو نفس الكلام

واخر عيد ميلاد السنه اللى فاتت خدنى معاه على الاردن  علشان نجيب الهديه كانت فستان ابيض جميل جدا وسوار حلو جدا فى هلال كثير اوى ولونه زى قوس قزح وحلق تصميم

حازم   . تصميم خاص

نودى  . كل الهدايه تصميم خاص بس مامى بتكون اول حد يلبسهم بابى دايما بيقول مامى مميزه وانها زى الملاك اللى بينزل من السماء ولانها مميزه لازم تلبس كل حاجه مميزه زيها لبس مامى كله مركات كبيره ودايما هى اللى بتكون اول حد جربهم فى الشركه

حازم ببعض الاختناق  . ابوكى كان بيحبها اوى

نودى..  اه بابى كان بيقولى ان هو بيحب مامى اكتر حاجه هى فى المرتبه التانيه فى حياته

حازم بسخريه  . التانيه

نودى  . اه نانا اميره وحيدر وجده فى المرتبه الاولى بابى قالى الاهل دايما فى المرتبه الاولى ده لازم واساسى عند اى انسان والمرتبه التانيه للى قلبى يشاور عليه ولما سألت يعنى ايه قالى ان قلبه هو حب مامى اذا هى فى المرتبه التانيه وانا الصغيره فانا فى المرتبه الثالثه والشغل فى المرتبه الرابعه

انا اميرة بابى ومامى الملاك بابى قال كده مامى ملاكه الخاص وانا اميرته الخاصه وهو الفارس الشجاع بتاعى انا ومامى

شعر حازم ببعض من عدم الرغبه فى سماع اى كلمه من تلك الكلمات فى الاوان الاخيره اصبح اسم فايز يزعجه وذالك يزعجه يجعله يغضب من نفسه على ذالك الشعور الغير مفهوم بالنسبه له

دلفت حنين  . ها اتأخرت عليكم يا حلوين

نودى  . لا

حنين  . اخترتى ايه احمر ولا برتقالى

نودى  . ابيض

حنين  . هههه ماشى اجهزى

اتجهت نودى الى الحمام

حازم  . داليا كلت

حنين  . لا هى بتجهز علشان تخرج

حازم بأهتمام  . على فين

حنين لحظة الاهتمام بس نفت ذالك  . قالت حبه تخرج لوحدها شويه

حازم بأنفعال لا اراضى  . يعنى ايه تخرج فى الوضع ده لوحدها

حنين بأستغراب  . مالك ياحازم انت منفعل ليه كده

حازم بتلعثم  . مش منفعل ازى نسيبها تأذى نفسها كده

حنين  . هى عنيده الصفه دى صعب تتمحى من عندها قالت عاوزه اخرج لوحدى محدش قادر يمنعها وبعدين كده احسن ليها

حازم وهو يحمل جاكته  . انا رايح الشغل

حنين  . مش هتفطر الاول

حازم وهو يخرج من الغرفه  . لا هفطر فى المعرض

وخرج من الغرفه والمنزل بأكمله ولكنه ظل داخل عربيته فى جزء قريب من الفيلا فى انتظار خروج داليا شى ما بداخله يمنعه من السيطره على قلقه عليها وتلك الخنقه التى بداخله تجاه ذالك الاعجاب متى وكيف نما لها بداخله لا يدرى ولا مبرر مقنع له حتى هى بالطبع خارقة الجمال ولكن لا يجوز ان يقع فى حب صديقة زوجته ولكن القلب ليس له سلطان ولكن ماذا عن حب زوجته كيف استطاع تبديل ذالك الحب بذالك ولكن هو حقا يعشقها سوفا يجن كيف لقلبه ان يدق لاثنين كيف يحب زوجته وصديقتها هو لا يستطيع تخيل نفسه يفقد حبه الاول انه لا يريد الابتعاد عنها وفى ذات الوقت لا يستطيع السيطره على مشاعره وخوفه على صديقة زوجته ما هذا الشعور الغريب اى قلبا ذالك الذى يعشق اثنين فى ان واحد سيجن من ذالك الشعور.. 

خرجت داليا من الفيلا وكانت ترتدى فستان اخضر اسفله بلوزه بيضاء انيقه