الحلقة 2

حنين: هههههه، إيه! ابعد إيدك، هقع كده!

حازم: تؤ تؤ، عيب تقعي وأنا موجود! أمال أنا لزمتي في الحياة إيه غير إني أسندك يا روحي؟

حنين: همم، لا، أنا كده هتعود على الحب والدلال ده!

حازم: اتعودي ولا يهمك، أنا بحبك من غير حد، ولا حدي ليه حدود! حنين، انتي أجمل حاجة في حياتي.

حنين: عندي سؤال يا حازم.

حازم: سؤال واحد بس، علشان أنا جعان جدًا، وانتي عاملة طبق بامية عجب! مش قادر أمسك نفسي.

حنين: إنت ليه رافض تتجوز؟

(نظر لها) حازم: بس أنا متجوزك يا روحي!

حنين: بس أنا مش بخلف، وإنت عاوز سند ليك في الدنيا! حازم، اتجوز، أنا مش هزعل، أنا مش هعرف أديك اللي إنت بتحلم بيه.

حازم: تاني هنعيد في نفس الموضوع! أنا مش هتجوز، أنا بحبك إنتي وبس، مافيش ست غيرك تملى عيني يا حنون.

حنين: بس أنا هفضل شايلة الذنب طول عمري!

حازم: حبيبتي، انتي مكبرة الموضوع ليه؟ أنا راضي بقضاء ربنا، وأكيد ليه حكمة من إننا مش بنخلف، أنا راضي... انتي كمان ارضي.

كانت تود لو تبكي، ولكنها ليست ضعيفة، وهو بجوارها... فهو السند الوحيد لها في تلك الحياة.

---

نتعرف على أول اثنين من الأبطال:

حازم أبو العزم، صاحب أچانس سيارات، ومصنع استيراد وتوريد قطع غيار السيارات. لا يعمل سوى بالتوريد خارج البلد فقط، كما أنه شاطر في حل مشكلة أي سيارة لا تعمل بالتكنولوجيا، فهو خبير في ذلك، وقد ورثها عن والده.

حنين ياسين، ربة منزل، اختارت ذلك رغم أنها حاصلة على شهادة عالية في الفنون، وتعشق الفن. الرسم هو حياتها الثانية بعد حازم.

كانت ابنة أسرة عادية كحازم زوجها، لكنه استطاع أن يكون ما هو عليه بفضل تعبه وجِدّه وموهبته الموروثة عن والده. لم تُرزق بطفل رغم مرور 4 سنوات على زواجها من حازم، لكنه متقبل الأمر بصدر رحب، رغم زنّها عليه من أجل أن يتزوج بأخرى غيرها كي يصبح أبًا، إلا أنه على ذات المبدأ: "لا يصيبنا إلا ما كتب الله لنا."

بعد شهرين

ترن ترن... ترن ترن... ترن ترن...

صوت أثار النوم... ألو؟

- حضرتك آنسة حنين؟

حنين بصوت عادي: لا، مدام حنين، مين حضرتك؟

- مع حضرتك موظفة من مستشفى التحرير التخصصي.

حنين باعتدال: خير، في حاجة؟

- رقم 010........ حضرتك تعرفي صاحبة الرقم ده؟

حنين: أيوه، هو في إيه؟ أنتي قلقتيني!

- حضرتك، صاحبة الرقم ده حاليًا في المستشفى عندنا، جات في حادثة.

حنين نهضت بخضة: حادثة! إزاي وامتى؟

- من ساعة، حاليًا كلهم في غرفة العمليات.

حنين ببكاء: أنا جاية حالًا!

أنهت المكالمة ثم عادت إلى سريرها وهي عازمة على إيقاظ زوجها بانهيار: حازم! حازم! قوم، حازم!

حازم نهض: في إيه؟ بتعيطي ليه؟

حنين ببكاء: داليا في المستشفى، بلغوني دلوقتي!

حازم بعدم فهم: مين داليا دي؟

حنين كانت في حالة من الانهيار.

حازم: اهدئي بس وفهميني، مين داليا دي؟

حنين: صديقة عمري يا حازم، أختي اللي ما جبتهاش أمي!

حازم: مش دي نفسها اللي حكيتي لي عنها وإنها سافرت من 6 سنين على إنجلترا؟

حنين: أيوه.

حازم: طيب قومي البسي، خلينا نروح المستشفى.

أومأت وهمّت بالذهاب، لكنها كانت ترتجف من الخوف.

ساعدها حازم على تجهيز نفسها، ثم ذهبا إلى المستشفى.

عند الاستقبال:

حازم: لو سمحتي، في حادثة حصلت من كام ساعة هنا لبنت اسمها داليا... ثم نظر إلى حنين: داليا إيه؟

حنين: داليا مراد.

الموظفة: هي حاليًا في غرفة العمليات، الدور الثاني.

أومآ لها وذهبا بسرعة.

أمام غرفة العمليات، كانوا في الانتظار:

إحدى الممرضات: حضرتك قريبة المريضة؟

حنين: أيوه، أنا أختها.

الممرضة: طيب، بنت أختك حاليًا في الأوضة دي، هي لسه فاقدة الوعي.

حنين: بنتها! هي عندها بنت؟

الممرضة باستغراب: حضرتك مش أختها؟

حازم: اعذريها، هي حاليًا مصدومة من اللي حصل. قلتي فين الأوضة؟

الممرضة: اللي هناك دي.

اتجها نحوها، وعندما دلفا، ابتسمت حنين على جمال تلك الصغيرة، ابنة صديقة عمرها الوحيدة، التي باتت نسخة طبق الأصل منها: حورية صغيرة، شعرها أشقر طويل يصل إلى منتصف الظهر، ووجهها مستدير لطيف جدًا، وعيون زرقاء جذابة، وبشرة بيضاء حليبية.

حنين وهى تحرك يدها على شعرها . ماشاء الله نسخه من داليا

كان حازم بيتأمل فى جمال تلك الحوريه لطلما تمنا ان يصبح اب ولكن لم يشاء الله ان ينجبه اطفال هو وزوجته التى تعانى من عقم ولكن حبه لها منعه من الابتعاد عنها

حنين بأبتسامه . تعرف يا حازم داليا كانت اجمل بنت فى المدرسه والجامعه فى المدرسه كان كل الولاد نفسهم تقبل تتكلم معاهم بس وفى الجامعه كمان عينيهم كانت عليها بسبب القرب الشديد اللى بينا وان انا الاقرب ليها كانوا بياجوا يطلبوها منى على امل اقنعها ترتبط بحد فيهم ومكنش بغرض الصحبه او الاعجاب كلهم عاوزين منى اقنعها بالخطوبه والجواز بس هى  كانت على المبداء الجواز روتين وانا مليش فى الروتين انا شخصيه مستقله لدرجة انى تأكدت انها مستحيل تتجوز بس شفت النصيب اتجوزت وبقى عنها بنوته قمر اوى زيها

دلفت الممرضه اليهم واعطت للصغيره حقنه

حنين . هى امتى هتصحه

الممرضه . مفعول الدوه قدامه ساعتين

اومات حنين . طيب وداليا .. اقصد المريضه اللى فى اوضة العمليات

الممرضه . اتفضلوا معايا عند الدكتور محمد هو المسؤول عن الحاله عندى اخبار ان العمليه خلصة وحاليا بيجهزه المرضا علشان هينقلوهم للغرف العاديه

اومات حنين وذهبوا معها

الدكتور محمد . انا عملت اللى عليا والباقى على ربنا

حنين . طيب هى هتكون كويسه

الدكتور محمد . انا بتكلم على زوج المريضه المريض التانى هى كويسه الادرار كانت بسيطه عليها بس على عكسوا هو .. فى فجسمه جروح كتير وفى عدة طعنات ونزيف اثر خبطه قويه فى الدماغ

حنين ببكاء . ايه اللى حصل لكل ده

الدكتور محمد . معنديش علم ايه اللى حصل

حازم . شكرا لحضرتك يادكتور

فى غرفة داليا

كانت نايمه اثر العمليه وبجوارها حنين وحازم

حنين ببكاء وهى تمسك يدها . داليا اصحى ياحببتى انتى وحشتينى اوى اوى وحشنى صوتك وجنانك وتحكمك فيا طول الوقت وحشنى دفاعك عنى وحشنى شقوتك وحشنى شغفك للحياة قومى يا ديلا

حازم وهو ينظر بشفقه لزوجته ويضع يده على كتفها . اهدى مافيش خطر عيها هتكون كويسه

دلفت الممرضات بسرير عليه الصغيره النائمه ووضعته بقرب من سرير والدتها

اتجه حازم وجلس بجوار الصغيره النائمه

... بعد اسبوع كانت الاوضاع كما هى داليا وبنتها لسه فى غيبوبه وزوجها اتوفا للاسف

وحازم حنين كل يوم بياجوا يفضلوا مع الام والبنت

وفى يوم كانت حنين بترتب الكنبه لان عليها اطباق الطعام حتى سمعت همسات تصدرها داليا اتجهت لها سريعا .. داليا حببتى اصحى يا قلبى انا جنبك

داليا كانت بتحارب الذكريات السيئه داخل راسها

الذكريات ..

. بحب وهفضل احبك انتى اغلى حاجه عندى

.. هتفضل تحبنى لحد امتى

. هممم لحد اخر نفس فى حياتى انتى عمرك ماكنتى حببتى وبس انتى عالمى كله

.......

فااااايز  ..  ندى  ..  نووودى

دلف ذالك الوسيم وهو يحمل تلك الحوريه على اكتافه .

نودى . ايه يامامى بتنادى ليه

فايز . ايه بتنادى ليه يامامى

داليا . كنتوا فين مش قولنا هنخرج

فايز . اه قولنا بس لغينه الفكره

داليا بغيظ . ننننعم

نودى . مامى اشترينا فيلم حلوا اوى وجبنا اكل كتير

داليا . بس انا عاوزه اخرج

فايز . عينى بكره ارجع من الشركه ونطلع لفه فى اليخت تغيير جو

داليا . همم لو كده اوكى يلا ناكل بقى

نودى بحماس . بوب كورن وعصير تفاح فرش

فايز.. هههههه بس كده .. ثم سلمها الى والدتها وذهب من اجل احضار ما طلبته اميرته

.........

فااايز ههههه خد بالك الطريق

فايز . اخد بالى من ايه الساعه دلوقتي 1 مكنتش اعرف ان الساعه دى فى مصر بيكون فيها الطريق فاضى كده على عكس انجلترا

نودى . بابى انا عاوزه جاوله هنا

داليا.. وانا كمان يا بابى بليز

فايز . هههههه ياسلام بناتى حبين جوله من عينى

قبلوه على وجنته

فجأه تبعتهم سياره ووقفت امامهم ونزل منها شباب مقنعين

فايز بحزم وخوف داخلى على زوجته وابنته . متنزلوش تحت اى ظرف

بعدما نزل من السياره . انتوا مين

اخرح احدهم مسدس . انا مطلوب منى اخلص منك

فايز . مين بعتك ليا

الشاب وهو يطعنه . مسعود الروبى بيسلم عليك وبيقولك موت واطمن كل حاجه هتكون فى ايده

صرخت كل من داليا ونودى ونزله من العربيه

فايز بألم . ادخلوا العربيه حالا

الشاب . ايه الجمال ده

فايز اللى بينزف بغضب . ابعد عنهم ياحقير خدى البنت واهربى يلاااا

ولكن الباقى من الرجال ضربوه بشده وتم طعنه عدة مرات ولكنه نهض بما تبقى له من قوه وحاول انقاظ اسرته وكان على وشك الوقوع ولكن حملته داليا فى السياره وذهبت فاره منهم ولكنهم تبعوها وافتعلوا الحادثه