الحلقة 4

فلاش باااااك..

فايز .. فيزو فيزوووووو

داليا .. عااااااا

فايز . ههههههه ايه مالك يا حبى

نظرة الى الارض بصدمه.. ايه ده

فايز . احم ده تعبان

نظرة له بدهشه مدموجه مع الخوف . ت.. تـ. ايه عااااا ونطت عليه

فايز . هههههه خوافه اوووى

داليا . ده تعبان انت مجنون ابعد بسرعه

فايز بعدما انزلها ارضا ومال الى الثعبان البلاستيك . ده لعبه

نظرة له بغيظ ومن ثم القت عليه الماء . اااااه مجنون غبى

وهمت بالذهاب ولكنه حمل خرطوم الماء واخذ يرشها به وهى ترقض وتضرخ وتضحك

... الحاضر..

اخذت تبكى بحصره على فراقها عن حبيبها وزوجها منقذها من الوحده والظلم والاهم والد صغيرتها والطفل القادم .. اجل هى اكتشفت منذ شهر انها حامل بطفلها الثانى من معشوقها الراحل

داليا بنحيب . قلبى وجعنى اوى يافايز انا حامل انت كنت عاوز نخلف تانى وربنا عوض علينا من تانى بعد نودى بس انت مش جنبى هربى نودى ازى والطفل انا مش قد المسؤوليه دى كلها انت كنت ليا وليها اب انا وضعى ايه دلوقتي..

.ــــــــــــــــــــــــــــــــــــــــــــــــــــــــــــــ.

بعد اسبوع الوضع هادى نوعا ما داليا لسه زى ما هى حبسه نفسها فى الاوضه اكل بسيط لولا ادراكها بأنها حامل لما تقبلت الطعام مطلقا اهملت ابنتها ولكن حنين تعتنى بها وبالصغيره والمنزل تدرك ما تمر به صديقتها اصبح اهتمام حازم ملحوظ بكل من حنين والصغيره وداليا نوعا ما بسبب عدم خروجها من غرفتها كثيرا

فى صباح يوم جديد

حضرت حنين الطعام للجميع على الطاوله

حازم اللى هندم نفسه من اجل الذهاب الى العمل بعدما يوصل الصغيره الى المدرسه

حنين وهى تضع الطعام فى طبق الصغيره.. كلى يلا كل ده

نودى . مامى فين

حنين . مامى نايمه

نودى بزعل . مامى مش بتحبنى زى الاول ليه على طول نايمه

حنين . لا ياقلبى مامى بتحبك اوى بس هى الفتره دى تعبانه انتى عارفه ان باباكى مسافر وداليا زعلانه بس هى بتحبك اوى

نودى . انا كمان زعلانه لان بابى مش بيتصل بيا خالص

حازم اللى حضر للتو . انا كلمته الصبح وقالى ان المكان اللى هو فيه مفهوش شبكه اطر يسافر مكان بعيد علشان يتكلم معانا

نودى . بابى راجع امتى

حازم . محتاج شوية وقت الشغل صعب

نودى . همم ماشى هستناه

قبلتها حنين . شطره ياروحى

حازم . هى داليا كلت

حنين بتنهيد.. اكلها بقى ضعيف لسه هطلعلها الاكل

حازم . طيب هاتى الاكل انا هوديه محتاج اتكلم معاها شوية

حنين . ماشى خد البطق اهو

صعد لها ومن ثم استأذن ودلف اليها

حازم . صباح الخير

داليا بوجه احمر من كثرة البكاء مما زاد من جمالها وشعرها المنعكش الاشقر اللى خلها زى الطفله بس بهتانه اوى بسبب الارهاق . صباح النور

حازم . انتى كويسه دلوقتي .. جلس امامها

داليا . انا مخنوقه اوى

حازم . عارف وضعك مريت بيه

داليا . فايز وحشنى اوى

حازم . كنتى بتحبيه اوى كده

داليا . قد حبك لحنين

ابتسم حازم بهدوء

داليا . نودى فين

حازم . هخدها على المدرسه بعد شويه

داليا . عرفت باللى حصل لفايز

حازم . لا احنا فهمناها ان هو مسافر

داليا ببكاء . هو فعلا سافر بس لبعيد اوى

حازم بزعل.. اهدى انتى فى وضع ميتحملش ابدا انك تفضلى فى اكتئاب جامد كده

داليا . انا حامل

حازم بدهشه . ازى

داليا . من شهر الدكتور قالى انى حامل فى بداية الشهر التانى

حازم . وعجبك اللى بتعمليه فى نفسك ده عجبك قلت اهتمامك بولادك برايك فايز هيكون مبسوط وانتى مهمله فى نفسك وفى ولاده سوء اللى معاكى او اللى لسه مجاش غلط كبير اللى انتى بتعمليه فى نفسك ده

داليا ببكاء . غصب عنى مش بأيدى انا مش هعرف اتحمل مسؤولية بنتى ولا حتى البيبى انا مكنتش بعرف اتحمل مسؤولية نفسى فايز كان بيعملنى زى بنته كنت زى نودى بالنسبه ليه انا مش جديره بنفسى علشان اكون جديره بولادى

حازم بنفى . غلط طول ما انتى مفهمه نفسك كده هتفضلى كده بس لو جربتى تخدى الخطوه الاولى هتلاقى انك قدها ونص انزلى شوفى شغلك الهى نفسك متخليش الحزن يفوز عليكى اسمعى منى انزلى شوفى شغلك وشغل فايز خدى بالك من بنتك ومن صحتك انتى والبيبى اللى جى ومتخفيش انا وحنين معاكى وفى ظهرك مش هسيبك ابدا وعد

ابتسمت من بين عبراتها . شكرا يا حازم

ابتسم . يلا كلى بسرعه قبل ما الاكل يبرد وساعتها حنين هتقلب علينا احنا الاتنين

ابتسمت وبدات فى الاكل وهو خرج من الغرفه اصتحب الصغيره وذهب بعدما اخبر حنين عن ان صديقتها حامل

نهضت داليا بعدما ما فكرت واضارت كلمات حازم فى عقلها ومن ثم بدلت ملابسها بعدما هاتفة شيان وطلبت لقائه هو وميان خارج المنزل

بدلت ملابسها الى فستان انيق للغايه اسود مناسب للحدث التى تمر به واتجهت الى الاسفل

حنين . اش اش ايه الشياكه دى يا قمر

داليا . انا عاوزه مساعدتك

حنين . عينى ليكى

داليا . عاوزه اعتمد على نفسى واخد بالى من شغلى واولادى انا حامل عاوزه اكون قد مسؤولية ولادى لازم اكون مكان فايز

حنين بحنان.. وانا معاكى يا قلبى بس اهم حاجه انك نويتى تخدى الخطوه

داليا بضعف . بس انا مش قد الخطوه دى يا حنين

حنين . مش داليا اللى تقول كده فين البنت اللى كانت مدوجه شباب الجامعه كلها وكل اللى حوليها يشهد بقوت شخصيتها فين صحبتى اللى كنت اعرفها فين ديلا اللى الكل ميت عليها اجمل واجمد بنت عرفتها دانا كنت بتحامه بيكى فى اى مكان واقول عندى صحبه اخت ليا مش بس قمر لا وشخصيه

داليا بأبتسامه بهته . مظهر يا حنين داليا عكس اللى كانت بتظهر عليه ديلا كانت بتتحامه فيكى انتى علشان اساعدك تخرجى من احباطك كنت بعمل قدامك الشويتين دول داليا حد ضعيف مش اهل للمسؤوليه الوحيد اللى قبلنى على كل عيوبى فايز كنت فكره انوا معايا علشان جمالى وبس. بس كنت غلطانه هو حبنى انا حب داليا من جوه مش مظهر داليا الخارجى شباب الجامعه كلهم حبوا البنت الجميله اللى قدمهم جمال بس ياحنين محبوش داليا من جوه مكنش ده اللى بتمناه اتمنيت حد يحبنى انا لشخصى والحد ده كان فايز فكرت ان ربنا كرمنى وخلاص لقيت اللى اتمنيته بس.. حتى هو سبنى وراح انا بدات اصدق انى منحوسه كل اللى بحبهم بيبعدو عنى بدات ببابا وبعدين جواز ماما وتحكم جدى فيا زى العبه اللى بيستخدمها وقت ما هو عاوز ولما حبيت وقلت خلاص حياتى كملت فايز سبنى .. هو انا وحشه اوى كده يا حنين

حنين وهى تضع يدها على وجنتها . انتى مش كده انتى اجمل واحلى بنت والف واحد يتمناكى ياروحى

داليا . متمنتش الالف دول انا اتمنيت فايز بس هو سبنى ليه

حنين . امر ربنا يا داليا ربنا ليه حكمه من كل حاجه بتحصل معانا ده اختبار من ربنا لازم نرضا بيه

داليا . ونعمه بالله ممكن ده الوقت اللى لازم اتغير علشان ولادى بس انا محتاجه مساعده منك انتى وحازم اللى جى صعب عليا اوى يا حنين محتاجه حد معايا وفى ظهرى انا بتحمس فى لحظه فيها حماس ولكن بضعف تانى بكل سهوله عاوزه لما اضعف الاقى حد يشجعنى

حنين . وانا وحازم معاكى على طول احنا اخواتك

ضمتها داليا . شكرا لدعمك ليا

حنين . عيب كلامك ده يا بت دانتى اختى اللى مجبتهاش امى زيك زى امانى اختى

داليا . عاوزه اخرج تعالى معايا انا هقابل شيان دلوقتي اجهزى

حنين . حاضر