الحلقة الاولى نبذات الاحداث

فااايز ههههه خد بالك الطريق.

فايز: أخد بالي من إيه؟ الساعة دلوقتي 1، مكنتش أعرف إن الساعة دي في مصر بيكون فيها الطريق فاضي كده، على عكس إنجلترا.

نودي: بابي، أنا عاوزه جولة هنا.

داليا: وأنا كمان يا بابي، بليز.

فايز: هههههه ياسلام! بناتي حابين جولة؟ من عيني.

قبّلته على وجنته.

فجأة، تبعتهم سيارة ووقفت أمامهم، ونزل منها شباب مقنعون.

فايز بحزم وخوف داخلي على زوجته وابنته: متنزلوش تحت أي ظرف.

بعدما نزل من السيارة: أنتم مين؟

أخرج أحدهم مسدسًا: أنا مطلوب مني أخلص منك.

فايز: مين بعتك ليا؟

الشاب وهو يطعنه: مسعود الروبي بيسلم عليك وبيقولك موت واطمن، كل حاجة هتكون في إيده.

صرخت كل من داليا ونودي، ونزلتا من العربية.

فايز بألم: ادخلوا العربية حالًا!

الشاب: إيه الجمال ده؟

فايز الذي ينزف بغضب: ابعد عنهم يا حقير! خدي البنت واهربي يلااا!

لكن باقي الرجال ضربوه بشدة وطعنوه عدة مرات، لكنه نهض بما تبقى له من قوة وحاول إنقاذ أسرته. كان على وشك الوقوع، لكن حملته داليا في السيارة وهربت، ولكنهم تبعوها وافتعلوا الحادثة.

في المستشفى

فتحت عيونها بألم وهي تنادي: فاااااايز!

نظرت إلى من تجلس بجوارها.

حنين: ألف سلامة عليكي يا ديدا.

داليا: فايز فين؟ نودي فين؟

دلف إليهم حازم، الذي حضر لتوه من العمل.

حنين: اهدئي يا حبيبتي، حازم نادى الدكتور.

كانت داليا تنادي بانهيار على صغيرتها وحبيبها: فااااااايزززز نووودييي!

كانت حنين تبكي على حال صديقتها.

دخل الطبيب وأعطاها مسكنًا، فغفت مرة أخرى.

حنين: طمّني عليها يا دكتور.

الدكتور محمد: هي حاليًا في مرحلة الانهيار العصبي، حاولوا محدش يتكلم معاها في اللي حصل لجوزها.

بعد ساعات، رجعت لوعيها.

حنين: انتي كويسة؟ أنادي الدكتور؟

داليا بتعب: عاوزه فايز ونودي.

حازم: نودي جنبك على الطرف التاني.

نظرت بلهفة، فوجدتها نائمة.

داليا ببكاء، وهي تحدّق في عيون صغيرتها التي ورثت نفس عينيها الزرقاوين: نودي...

نهضت بألم بسبب كسر يدها اليسرى وقدمها اليمنى إثر الحادثة.

حنين: اهدئي، بس ترتاحي، انتي تعبانة.

لكنها نهضت بألم، تستند على كل ما يقع أمامها، حتى جلست بجوارها وأمسكت بيدها.

داليا: نودي... نودي اصحي يا روحي، أنا مامي، أنا جنبك يا قلبي، نودي بليز اصحي!

حنين ببكاء ضمتها: اهدئي يا حبيبتي.

ضمتها داليا ببكاء: بنتي حصلها إيه يا حنين؟ بنتي مش بتصحى ليه؟ نودي مش بترد عليا ليه؟

حنين: هي كويسة، محصلهاش حاجة، الحمد لله. انتي بس اهدئي.

داليا ببكاء بين أحضان صديقتها: ليه حصل كل ده؟ كان كل حاجة كويسة، حياتي كانت ماشية كويسة... ليه كده؟ فايز... فايز فين؟ هو كويس؟ هو في أوضة رقم كام؟ حنين، اتكلمي، فايز فين؟

حازم، وأخيرًا خرج عن صمته: للأسف، هو اتوفى من يومين.

نظرت له بصدمة: لا... لا أكيد لا! فايز مستحيل يسيبني لوحدي! أنتم بتكدبوا، صح؟ فايز عايش، حبيبي فايز عايش، مستحيل يبعد عني وعن نودي، هيسبني لمين؟ أنا ماليش غيره! هو فين؟

حنين ببكاء: الجثة لسه في المشرحة، والشرطة بتحقق في اللي حصل.

داليا: خدوني على المشرحة!

حنين: مينفعش، انتي...

داليا بصراخ: بقولك خديني على المشرحة دلوقتي حالًا!

حازم: طيب، اهدئي.

ثم أخبر الطبيب وسمح لها برؤية جثمان زوجها الراحل.

عندما رأته، ضمته بشدة وهي تبكي بصوت عالٍ للغاية: لااااا فاااايز! لا، انت لسه معايا! فايز، أرجوك، قوم! انت اللي قلت إنك مش هتبعد عني، وعدتني إنك هتفضل جنبي على طول حياتي، هتفضل معايا أنا ونودي! لو مش هتقوم علشاني، على القليلة قوم علشانها! نودي مش هتقدر تبعد عنك، فااايز!

حنين حاولت إبعادها، لكنها جلست على الأرض بانهيار: ليه كده، فاااايز؟ آآآه ياااارب!

ــــــــــــــــــــــــــــــــــــــــــــــــــــــــــــــ

                            نبذا 2

في الطريق

كانت تنظر من شباك السيارة، تستند عليه، وعبراتها على وجنتها، والهواء الطلق يضرب وجهها بنسيم يعجبها.

حازم: لسه زعلانة؟

نظرت له: هكون فرحانة وأنا فقدت حب عمري إزاي؟

حازم: الحياة مش بتقف على حد.

داليا: فايز مش أي حد، فايز حب حياتي، زي ما أنت كده حنين حب حياتك بالظبط.

حازم: انتي بتكوني زي الأطفال وأنتِ بتعيطي، فيكي شبه من نودي.

داليا بشبح ابتسامة: هي اللي شبهي، أنا أمها.

حازم: أيوه كده، اضحكي، والله قمر.

داليا: أنت بقالك قد إيه أنت وحنين متجوزين؟

حازم: هممم 4 سنين وكام شهر، بس انتي مكنتيش موجودة وقتها، أنا فضلت أسمع عنك حكايات كتيرة من حنين لدرجة أني كنت متحمس أوي أشوفك.

داليا: غصب عني، ظروفي منعتني أحضر فرحكم أو حتى أتواصل مع حنين بعد التخرج. أنا حصلت معايا مشاكل وسافرت على لندن لكام شهر، واتعرفت على فايز هناك، ولما رجعت علشان نتجوز أهلي رفضوا، فهربت مع فايز علشان نتجوز بحضور أهله، وبعدها سافرنا كلنا على بيت العيلة في إنجلترا، وهناك كانت حياتي، وجبت نودي هناك، مرجعتش هنا من بعدها غير من شهرين ونص، واللي حصل حصل.

حازم: انسي علشان تقدري تكملي.

داليا: مقدرش أنسى حب حياتي، أجمل وأحن راجل بعد بابي الله يرحمه، قلبي مش مصدق إنه بعد وسابني.

حازم بغيظ متحكم به: قضاء ربنا.

داليا بحزن: ونِعْم بالله.

بعد ربع ساعة، وقفوا أمام الحديقة، بعد أن تركها وحدها، كان يراقب من بعيد، ولكنها طلبت منه يفضل جنبها ويتكلموا، يمكن يقدر يخفف عنها.

وبعد ساعة من الأحاديث وبعض الابتسامات الباهتة منها، أشعل حازم غيظها منه، فركضت خلفه، وهو يضحك على لطافتها الملفتة.

ولكنها كانت تتابع المشهد، ومشهد مماثل له يحدث في ذاكرتها بينها وبين فايز.

تذكرت فايز لما أخبرها أنه على طول قريب منها حتى لو بعيد، وأخبرها حتى لو بقت دبّة هيفضل يحبها، ومن هنا ركضت خلفه بتلك الطريقة.

وقفت وهي تبكي بصوت مسموع، والدموع تأبى أن تتوقف، وذاك الألم طاغٍ عليها، جلست على الأرض تبكي بشدة من اشتياقها له، وبجوارها حازم يحاول يخفف عنها بلا جدوى.

كانت تنظر حولها بألم، وفجأة وقعت عيونها على خيال لشخص يتابع الأحداث من بعيد.

أقسمت أنها كانت كمن سُكب عليه دلو من الماء المثلج في منتصف البرد القارس.

كانت تنظر بصدمة عارمة ولسانها متلجم لا يقوى على النطق إلا بعد بضعة ثوانٍ، ومن ثم صرخت وهي تركض إلى مكان ذلك الشخص من بعيد وهي تنادي: فااااايز!

لكنه ابتعد، وفجأة اختفى كأنه الرياح، ولكنها ركضت بسرعة كالمجنونة، وخلفها حازم ينادي عليها، ولكنها لا تسمع ولا ترى سوى حب حياتها فقط، تنادي: فاااااايز! فاااااايز!

ركضت حتى اتجهت إلى الطريق، ولسوء حظها كانت ستفتعل حادثًا، لولا وجود حازم الذي أمسك بها، ولكن يدها جُرحت وكانت تنزف.

حازم بغضب: انتي مجنونة؟! إيه الجنون ده؟!

داليا بهستيريا: فاااااايز! حازم، فايز كان هنا! أنا شُفته، والله شُفته، هو فايز، أنا مستحيل أتوه عنه!

أخذت تنظر حولها وتهتف باسمه: فااااايز! فااااايز!

حازم: لازم نروح المستشفى، يلا.

داليا بالنفي: لا، مش هتحرك من هنا، فايز هنا!

أخذت تركض وتهتف باسمه، وحازم يحاول منعها بلا جدوى، حتى فقدت الوعي.

حازم بخضة: دااااليا!

---

نُبذة 3

داليا: أنا متأكدة إن فايز عايش، يا حضرت الظابط.

علاء بأسف: أنا مقدر اللي انتي فيه، بس...

داليا بعند: صدقني، عايش! أنا امبارح كنت مع حازم في جنينة... وهناك شُفته، أنا شُفته، كان فايز مش وهم، صدقني!

علاء: ممكن يكون خيال بسبب اشتياقك ليه.

داليا بالنفي: لا، أنا أقدر أثبت لحضرتك دلوقتي إنه فايز مش وهم!

علاء: إيه الإثبات؟

داليا: يوم الحادثة، الكلاب اللي ضربوا فايز تسببوا له بجرح في جبينه من جهة اليمين، بس مكنش في جروح تانية على وشه. ولما عملنا الحادثة، أنا كنت واعية شوية، ولما فتحت عيني، كان وشه زي ما هو قبل الحادثة.

ولما صحيت من الغيبوبة وعرفت بخبر موته، طلبت أشوف الجثة، ولما شُفته كان برضو لسه وشه بجرح على جبينه بس.

ولكن لما شُفته في الجنينة، فايز كان فيه دم كتير على قميصه، اللي أصلا معرفش جابه منين! فايز وقت الحادثة كان لابس تيشيرت سماوي، دولابه مفيهوش غير 4 قمصان بيض، ولسه بعددهم فوق! لما شُفته، كان بقميص أبيض وعليه دم من جهة الجزء العلوي، وجروح كتير على وشه، وجرح في إيده الشمال!

علاء: حضرتك شُفتيه قد إيه؟

داليا: دقيقة.

علاء: دقيقة هتلاحظي فيها كل ده؟!

داليا: أنا عندي ذاكرة قوية، لو شُفت حاجة بتتحفر جوه ذاكرتي، يعني لو شُفت وش حد لدقيقة، أقدر أوصفهولك بالتفصيل. وبعدين ده جوزي!

علاء: لو كلامك ده صح، ده يعني إن فعلًا فايز بيه لسه عايش، وإن كل اللي بيحصل ده لعبة علشان يبعد عنك، أو عنده أعداء في الشغل.

حازم: لا، فايز ملوش أعداء، فايز كان بيتقي ربنا في شغله، مكنش بيقبل قرش حرام يدخل جيبه، كان على طول بيقول لي: "آخر الطريق الغلط هلاك، وإن القرش الحرام آخرته موت." وهو عنده اللي يخاف عليه، ومش مستعد يخسر حد بيحبه.

علاء: هممم... تمام، أنا همشي دلوقتي، هطلب إذن تفتيش المقابر، وهتصل على حضرتك تيجي لي هناك.

داليا: أنا كمان هاجي!

حازم: خليكي انتي، أنا هروح معاه.

داليا: لا، أنا مش هخاف، ولا هرتاح لحد ما أكشف اللعبة دي! يا إما ألاقي فايز، أو جثته، وأتأكد فعلًا إن كل ده وهم، وإن جوزي فعلًا مات وسابني. غير كده، هفضل مُصرة على كلامي: جوزي لسه عايش!

---

الحب كلمة لها معانٍ كثيرة، وللقلب الكثير من الأبواب...