الحلقه 5

صعدت الى غرفتها ومن ثم حضرت نفسها وهاتفت حازم اللى كان بيتمم على اخر الشغل اللى فى المصنع

حازم . كده كل القطع اللى عندنا جهزه .. ايوه ياحج على انا شغلى مضمون انت اول مره تتعامل معايا عيب الكلام ده انت عارف شغلى كويس العربيات على اعلى مستوى زى ما طلبت بس الجمارك هتاخد سكت شهرين .. على بركة الله مع الف سلامه

اغلق الهاتف وسند رأسه على الكرسى براحه فتلك كانت احد الصفقات الكبيره اللى كان متحمس ليها..

رن الهاتف وكانت حنين .. ابتسم ثم رد .

الو يا حنون

حنين بأبتسامه . ايوه ياحبيبى انا خرجه من البيت

حازم . على فين يا قمرى

حنين . طلعه مع داليا

اعتدل حازم.. هى كويسه حصل حاجه

حنين . مافيش حاجه هى طلبت منى اننا نساعدها زى اخواتها نقف معاها لحد ما تقدر تكون قد مسؤولياتها وانا وافقت نيابه عنك

حازم . انا موافق صحبتك وختك هى اختى وانا رقبتى سداده يا حنون اى حاجه ترضيكى انا معاكى فيها

حنين . حبيبى تسلملى انا هقفل دلوقتي وهكلمك تانى

حازم . تمام خدى بالك على نفسك

حنين . حاضر يا حبيبى...

♡:--------------®----------------:♡

فى الكافيه

ميان . قررتى خلاص

داليا . ايوه بس محتاجه دعمكم معايا

شيان . انا من غير كلام معاكى وفى ظهرك للاخر

ميان . وانا كمان

داليا . هنزل الشركه بس هو فايز كان شغال ايه

شيان . نعم فين السؤال

حنين . لا بتهزرى فى ست فى العالم مش على علم جوزها شغال ايه

داليا . هو مكنش بيقبل اتدخل فى امور شغله مكنتش بسأل عن حاجه

ميان . ايه ده انا مندهشه بجد انتى ايه يا بنتى عايشه مع راجل مش عارفه حتى طبيعة شغله ايه

داليا . مكنتش مهتمه انا واثقه فيه

شيان . فايز عنده  شركات استيراد وتصدير نص منها سيارات والتانى متنوع خضار فواكه اطعمه مجمده وفى 4 مصانع 2 لسيارات شغلنا فيهم بنستورد عربيات قديمه ونعيد تدويرهم تدخل المصنع خرده بلا قيمه تطلع اخر كمال وتتباع بضعف اسعارها بكتير 10 مرات فى دول اروبا

ميان . ومصانع الخضار والسلع المجمده الخضار بيتجمد كويس ويتصدر للخارج

حنين . ماشاء الله .. بس هو مكنش بيتعامل محلى

شيان . لا مش شغلنا محلى احنا بنتعامل مع الدول الناميه بالدولار واليورو والعمل الكبيره بس

حنين . ربنا يزيد ويبارك

داليا . طيب انا هشتغل فى ايه دلوقتي

ميان.. انا مختصه بشغلى وشيان بشغله انا متابعه كل ما هو خاص الأطعمة وشيان السيارات فايز كان مقسمها كده

داليا . انا محتاره اعمل ايه

حنين . بصى انا هشتغل معاكى يوميا انا اتابع من مكان وانتى من مكان تانى اليوم اللى بعده انتى تروحى مكانى وانا مكانك

شيان . كويس وانا معاكى ومعاها

داليا . طيب كده الشغل مشى بس امره وولادى ايه وضعهم

حنين.. مالهم الولاد

داليا . نودى محتاجه رعايه والبيبى كمان

ميان . استنى استنى بيبى ايه ده

حنين . داليا حامل

شيان . من مين

داليا . نعم من مين ازى من فايز الدكتور قالى قبل شهر وشويه من دلوقتي

شيان . طيب وبتفكرى فى شغل وانتى فى الوضع ده

داليا . عاوزه اهتم بكل حاجه وبعدين انتوا معايا

حنين . كلام داليا صح خلونا نتساعد علشان نغيرها من اللى هى فيه

شيان بتنهيد . ماشى موافق

ميان . موافقه

فى المساء على طاولت الطعام

سردت حنين كل احداث اليوم لحازم اللى اعترض فى البدايه على شغل حنين ولكنها اقنعته وهما الان على طاولت الطعام

حضرت داليا وجلست معهم

حنين . اخيرا نزلتى تكلى معانا

داليا . حسيت انى مخنوقه فوق لوحدى

حازم.. انتى اللى عامله كده فى نفسك

حنين . حازم

حازم . قلت ايه غلط

داليا . انت عارف انا بمر بأيه

حازم . عارف ومقدر بس انتى كنتى ضعيفه وده غلط

داليا . غصب عنى

نظر لها ثم نظر الى طبقه بصمت

حضرت نودى وعندما رات والدتها رقضت اليها بسعاده.. ماااامى

ضمتها داليا بحب . قلب مامى

نودى . انا اسفه

داليا . ليه انتى عملتى حاجه غلط

نودى . انتى زعلانه منى

داليا . انا مستحيل ازعل منك يا نودى

نودى . امال ليه مكنتيش بتنزلى تكلى معايا ولا بتلعبى معايا زى الاول

داليا . انا اسفه غلط انى بعدت عنك بس كنت تعبانه ومش حابه تتعدى منى

ضمتها نودى . متعمليش كده تانى وانا ههتم بيكى على طول

داليا . بيا انا بس

نودى . لا انتى وبابى

داليا . طيب والبيبى مين هياخد باله منه

نودى . بيبى ايه

داليا . انا حامل

نودى بسعادة . نونو جديد انا هكون اخت كبيره

داليا . ههههه اه مش كنتى على طول تقولى لفايز بابى عاوزه اكون اخت كبيره ويكون عندى اخ صغير اهو بابى نفذ طلب اميرته الصغيره وهيكون عندك بيبى واخ اصغر منك

نودى . مامى هو بابى عرف ان انتى هتجيبى نونو

داليا بحزن . مش عارف

نودى . لما يرجع هنعمل مفاجأه كبيره

داليا بأبتسامه باهته . اكيد

نودى بسعاده.. يااااس واخيرا شكرا يا مامى وضمتها وقبلت وجنتها

ابتسمت داليا لابتسامة وسعادة صغيراتها

وبدأو الاكل الا هى كانت تلعب فى طبقها بعدم وجود شهيه

اتجهت حنين الى المطبخ لاعداد بعض الحلب للصغيره قبل النوم وقهوة حازم عاده قبل النوم ايضا

حازم . مكلتيش ليه

داليا . مليش نفس للاكل

حازم . كده غلط انتى لازم تكلى انتى حامل

داليا بغيظ . ممكن سؤال

حازم.. اتفضلى

داليا . هو انت بارد كده على طول طبع يعنى اصلك من يوم ما شفت وشى انت مش طايقنى

حازم . لا خالص بس وضعك مش عجبنى

داليا . وضعى مش عجبك فى ايه مش فاهمه

حازم . انتى ضعيفه ده مش عحبنى

داليا . مش بأيدى على فكره ده طبع فيا حاجه صعب تتغير

حازم . حسب معرفتى عنك من صحبتك مش من غريب . انك حد حيوى ولما بتصرى على حاجه بتعمليها مهما كانت شفتك  ..  مشفتش كل ده شفت بنت مهزومه بلا هدف

داليا . انا بكون قويه باللى حوليا كلام حنين عنى من دافع حبها فيا انا عكس كده انا شفت كتير اوى فى حياتى يخلينى باللى انا عليه دلوقتي الوحيد اللى كان متقبل داليا البنت الضعيفه اللى الحياة مش سيباها فى حالها كان فايز

حازم . فايز معدش هنا دلوقتي انتى هتقبلى تتقدمى ولا هتفضلى بلا هدف

داليا . انا بتقدم

حازم . بالكلام فين الدليل الملموس

داليا . انا انهارده خرجت من عزلتى وبحاول اخرج من حزنى رغم انى لو فضلت طول عمرى احاول عمرى ما هتخطا فايز ابدا بس انا بحاول اتقدم فى حياتى العمليه علشان مستقبل ولادى علشان فايز يكون مبسوط منى لما نتقابل ويسألنى عملتى ايه خدتى بالك من امنتى ليكى اكون قادره ارد عليه

حازم . خطتى لايه بقى

سردت له ما حدث فى الكافيه ورغم انه على علم فحنين اخبرته ولكنه ود ان يسمع منها هى كى يتابع ردات فعلها

حازم . وانا هكون معاكى بما ان مجال السيارات مجالى

داليا . بجد انت ليك فى المجال ده

حازم . ايوه عندى مصنع واجنسات عربيات فمجالى بس انا بتعامل دولى ومحلى

داليا . لا شيان قالى ان فايز مش بيتعامل غير دولى بس

حازم.. شيان قالك وانتى مكنش عندك علم

داليا بنفى . لا مكنتش اعرف فايز شغال فى ايه

حازم . انتى ساسجه اوى هو فى كده

داليا . ليه ساسجه

حازم . ازى عايشه مع واحد متعرفيش مصدر فلوسه منين مسألتيش هل اللى بيتصرف عليكى ده حلال ولا حرام

داليا . اكيد حلال فايز عمره ماقبل حاجه من حد ولا كان بيعمل حاجه تغضب ربنا طول عمره مواظب على الصدقات واعمال الخير فايز متكفل بدار مسنين كبيره فى مصر هنا وزيها فى السعوديه وكتير من دار الايتام مستحيل يكون بيعمل حاجه غلط ده لما سمع من نودى انها لقت حاجات مش بتاعتها وخدتها من غير علم زعل وعاقبها جامد وحظرها تعمل كده تانى وان الحرام ملوش اخر وسكته مش حلوه وان اللى مع ربنا عمره ما يخسر او يضيع فايز شخص مستحيل الاقى زيه انا بثق فيه مافيش جنيه اتصرف عليا انا وبنتى الا وهو حلال هو مكنش حابب ان انا اتدخل فى الشغل علشان عارف انى لخمه باخد بالى من بنتى ونفسى والمرسم والمعرض بالعافيه كان حابب اكمل واهتم بموهبتى كان حابب يشوفنى من اشهر الفنانين فى مجالى ويكون فخور بيا وانا بحقق حلمى اللى كنت على طول بحلم بيه مجرد ما قلت حابه اكمل فى مجالى فتحلى مرسم فى البيت ومعرض كبير فى انجلترا وقالى عاوز اشوف ملاكى اشهر من اشهر فنانه وانا معاكى فى كل خطوه وكان جنبى خدنى على اشهر جامعات الفن  وتابع كل حاجه بنفسه وعاوزنى بعد كل ده مزعلش ولا احزن على اللى حصل ليه دانا مزعلتش على بابا قد ما زعلت على ظهرى اللى اتكسر مرتين مره بموت بابا والتانيه بموت فايز انا لو هكمل فعلشان ولادى انا وهو

حازم . همم طيب وانا معاكى وقت تحتاجى مساعده انا مش هتأخر عنك

داليا . شكرا انا كنت محتاجه اخ فى ظهرى شكرا بجد ليك

حازم . كلى يلا فكرى فى ابنك

اومات واكلت القليل وبعدها ساعدت حنين فى لم الطاوله واتجهت الى غرفتها ولكن لم تستطيع النوم ومن ثم ذهبت الى مكتب فايز وجلست امام رف مخصص للذكريات فايز بيحتفظ بالصور والذكريات السعيده فيه ده كان خاص بيه بس سوء حاليا او قبل ذالك داليا عمرها ما قربت او ادخلت فى خصوصيات فايز ابدا مكنتش بتحب تدخل فى خصوصياته او تقتحم حريته