٦

ينظر ريان إلى لارا بعدم فهم.

"يعني إيه مش إنسان؟ طب هيكون إيه؟"

تلتفت لين إليها بتركيز.

"تقدري توصفي شكله؟"

تأخذ لارا نفسًا عميقًا وهي تحاول تذكر ما رأته.

"كان كائن ضخم... أسود بالكامل. ملوش رجلين، كأنه طاير فوق الأرض... عامل زي ما يكون روح."

تتسع عينا لين فجأة، وكأنها تذكرت شيئًا لم تكن تتمنى تذكره.

ينظر كريم إليها بقلق.

"لين... أنتِ تعرفي اللي هي بتقول عنه ده؟"

تصمت لين للحظات، ثم تقول بصوت منخفض:

"ظلال الشر."

تتغير ملامح لارا.

"أنا فكرت كده بردو... لكن مستحيل. دول اختفوا من سنين طويلة."

ينظر ريان إليهما باستغراب.

"طيب فهمونا... مين ظلال الشر دول؟"

تجيب لين وهي لا تزال تحت تأثير الصدمة:

"وصفك بيقول إنهم هما."

تهز لارا رأسها بعدم تصديق.

"لا... مستحيل."

تنظر لين إليها.

"أستاذ يعقوب هو الوحيد اللي هيقدر يساعدنا."

يسأل آدم:

"أستاذ يعقوب ده مدير مدرستكم صح؟"

تجيبه لارا:

"أيوه."

تلتفت لين إلى الثلاثة.

"شكرًا ليكوا يا شباب على المساعدة، إحنا هنروح دلوقت لمدرست..."

لكن قبل أن تكمل جملتها، تهب رياح قوية جدًا من خلفهم.

تتوقف الكلمات في فمها.

يلتفت الجميع في نفس اللحظة.

يرفع ريان عينيه بدهشة.

"إيه ده؟"

تظهر أمامهم عدة كائنات سوداء.

نفس الوصف الذي ذكرته لارا تمامًا.

تتحرك الظلال بسرعة، ويبدأ بعضها في مهاجمة لين ولارا.

لكن الفتاتين لا تقفان دون دفاع.

تتفاديان الضربات، وتستخدمان قدراتهما للقضاء على عدد منهم.

وبينما يظنون أن الأمر انتهى...

يظهر كائن آخر بينهم.

كان مختلفًا عن الباقين.

من هيئته وطريقة وقوفه، كان واضحًا أنه القائد.

ينظر مباشرة إلى لين.

"صديقتك كانت مجرد ورقة... عشان نوصل لك."

تتجمد لين في مكانها.

لماذا يتحدث إليها هي؟

يكمل القائد بصوت مليء بالكراهية:

"العنقية مش هي هدفي... الإيلاريون هما السبب في اللي حصل لنا من سنين."

تتراجع لارا خطوة.

"الإيلاريون؟ بس دول مبقوش موجودين."

يضحك القائد بسخرية.

"زي ما فكرتوا إننا مبقناش موجودين بردو."

تنظر لين إليه بحيرة.

"طب وأنا إيه علاقتي بالموضوع ده؟"

يرد القائد بابتسامة غامضة.

"واضح إنك متعرفيش أنتِ مين."

تصمت لين.

لأول مرة منذ وقت طويل، تشعر أنها لا تملك أي إجابة.

كل شيء حولها أصبح غامضًا... وكأنها تسمع عن حياتها من شخص غريب.

تأخذ نفسًا ثم تقول:

"طيب واضح إن مشكلتك معايا أنا... رجع ماريا وأنا موجودة."

تتقدم خطوة للأمام.

لكن يدًا تمسك ذراعها وتمنعها.

تلتفت فتجد كريم.

"أنتِ بتعملي إيه؟ متجازفيش."

يضيف آدم بسرعة:

"متفكريش في حاجة زي دي يا لين. خلينا نتكلم معاه الأول."

يضحك القائد.

"دول أصحابك؟"

ينظر إليهم.

"ده معناه إنهم مشاركين معاكي في نفس الخطر."

ترد لين بحدة:

"محدش مشارك معايا في حاجة. مشكلتك معايا أنا."

لكن ريان يتقدم خطوة.

"لا... إحنا معاها. قول أنت عاوز إيه ورجع ماريا."

تعلو ضحكة القائد.

"أنتم فاكرين إنكم هتقدروا تحموا لين؟ واضح إنكم متعرفوش مين اللي واقفة معاكم... ولا تعرفوا حقيقتها."

ينظر الجميع إلى لين.

لكنها لم تكن مثلهم.

كان وجهها يحمل نفس الحيرة.

وكأنها لا تفهم شيئًا مما يقوله.

ينظر إليها القائد.

"وأنتِ كمان... باين عليكي إنك متعرفيش حقيقتك."

يصمت قليلًا ثم يكمل:

"واضح إن عيلتك خبت عنك أسرار كتير."

يتقدم خطوة.

"صديقتك دلوقت في بيتها. هي مش هدفي زي ما قولتلك... كل هدفي أنتِ... والكتاب."

وقبل أن ينقض عليها...

تتحرك لارا بسرعة، وتصنع دائرة حولهم.

في لحظة، تنتقل لين وباقي المجموعة إلى داخل المدرسة.

تلتفت لارا إلى لين بقلق.

"أنتِ كويسة؟"

تهز لين رأسها ببطء.

"إحنا لازم نطمن على ماريا... وبعد كده نروح للأستاذ يعقوب والأستاذ قاسم. هما الوحيدين اللي هيفهمونا إيه اللي حصل ده."

تقول لارا:

"أنا هروح أطمن عليها وأجي على طول."

ترد لين فورًا:

"هآجي معاكي."

تهز لارا رأسها بالرفض.

"لا. خليكي هنا. طول ما أنتِ في المدرسة أنتِ في أمان. الظلال ميقدروش يدخلوا المدرسة."

تتردد لين، لكنها توافق.

تذهب لارا إلى منزل ماريا.

وبمجرد دخولها الغرفة، تجد ماريا هناك.

ما إن تراها حتى تنهار دموعها.

تقترب منها لارا وتحتضنها.

تقول ماريا بصوت مرتجف:

"قالولي إنهم هيقتلوا لين... لو منفذتش طلباتهم."

تشدد لارا احتضانها.

"اهدي... لين دلوقت في المدرسة عشان نقابل الأستاذ يعقوب."

تمسح ماريا دموعها بسرعة.

"طب يلا... نروح لها."