٧

في المدرسة، تجلس لين منتظرة عودة لارا وماريا.

كان الصمت يملأ المكان، لكن التوتر كان واضحًا على وجوه الجميع.

ينظر ريان حوله وكأنه ما زال يحاول استيعاب ما حدث.

"أنا مش عارف أستوعب اللي حصل ده... حاسس إننا كنا في حلم."

بعد صمت طويل، يتحدث آدم بهدوء:

"وطالما دخلناه... يبقى لازم نخلصه للآخر."

تظل لين تنظر من النافذة، وعيناها شاردتان.

"دي مش مسألة رياضية مش عارفين نحلها... أو آلة محتاجة تتصلح."

تصمت لحظة ثم تكمل:

"ده موضوع العلم ميقدرش يحله."

ينظر كريم إليها بجدية.

"إحنا عارفين ده كويس... لكن إحنا خلاص بقينا معاكي وبإرادتنا."

يضيف ريان:

"صح... لازم ننهي المشكلة دي كلنا سوا."

يقترب كريم من لين وكأنه يريد قول شيء، لكن في تلك اللحظة...

يفتح الباب.

تدخل لارا، وخلفها ماريا.

ما إن تراها ماريا حتى تركض نحو لين.

"لين!"

تقترب منها لين بسرعة.

"أنتِ كويسة؟"

تهز ماريا رأسها.

"أيوه... هما ق..."

لكن لارا تقاطعها فورًا بنظرة تحذيرية.

لم تكن تريد أن تسمع لين المزيد الآن.

لقد كان كافيًا عليها كل ما عرفته من الظلال حتى هذه اللحظة.

وفجأة يصل الأستاذ يعقوب والأستاذ قاسم إلى المكان.

تلتفت لارا إليهما.

"أستاذ يعقوب... إحنا كنا لسه هنجيلك."

يقول الأستاذ قاسم:

"إحنا عرفنا إنكم جيتوا، فجينا نطمن ونعرف سبب وجودكم هنا."

تنظر لين إليهما بجدية.

"الظلال رجعوا."

تتسع عينا الأستاذ يعقوب للحظة، لكنه يخفي توتره سريعًا خلف ابتسامته المعتادة.

"ظلال إيه يا لين؟ دول اختفوا من سنين طويلة جدًا."

تبدأ الفتيات في شرح كل ما حدث.

ويؤكد ريان كلامهن، رغم أنه لم يستطع إخفاء توتره مما رآه.

يصمت الأستاذ يعقوب للحظات، ثم يقول بصوت منخفض:

"اللي كنت خايف منه حصل."

تنظر إليه لين بقلق.

"إيه؟"

ينظر إليها ثم يقول:

"لين، لارا، ماريا... تعالوا معايا بره دقيقتين بس."

يخرج الأستاذ يعقوب والأستاذ قاسم مع الفتيات من الغرفة.

خارج الغرفة، يقف الأستاذ يعقوب أمامهن بجدية لم يعتدنها منه.

"لين... أنا مش هقدر أخبي عليكي."

يصمت قليلًا.

"أنتِ في خطر حقيقي."

تنظر إليه لين بصمت.

"وجودك في المدرسة... أو حتى البيت... بقى خطر كبير عليكي."

ثم ينظر إلى الأستاذ قاسم.

"الأستاذ قاسم هيساعدكم في بعض التعاويذ للحماية، وبعدها هينقلكم لمنزل على حافة المدينة لحد ما نشوف هنعمل إيه."

داخل الغرفة، ينظر كريم إلى الباب منتظرًا عودة لين.

يلتفت آدم إليه، فقد لاحظ منذ فترة تغير صديقه.

الخوف والقلق الذي يظهر عليه تجاه لين لم يكن شيئًا معتادًا عليه.

يسأله كريم:

"تفتكروا الأستاذ يعقوب يعرف حاجة؟"

يبتسم ريان بسخرية خفيفة.

"أنت بس اللي قلقان زيادة عليها يا كريم."

ينظر إليه آدم.

"كلنا قلقانين... أنت مش شايف اللي بيحصل؟"

وقبل أن يكملوا حديثهم...

يفتح الباب فجأة.

تدخل ماريا، ثم تدخل الفتيات وخلفهن الأستاذ قاسم.

ينهض كريم فورًا بمجرد رؤية لين.

يلتفت آدم إليه، يلاحظ رد فعله، ويبتسم بهدوء دون أن يقول شيئًا.

يتحدث الأستاذ قاسم:

"للأسف يا شباب... أنتم بقيتوا جزء من كل ده خلاص. مينفعش تخرجوا منه."

يرد آدم دون تردد:

"وإحنا مكناش هنخرج حتى لو كان فيه طريقة."

تنظر لين إلى الأستاذ قاسم.

"أستاذ قاسم... أنت تعرف حاجة عن الكلام اللي القائد قاله؟"

يبتسم الأستاذ قاسم بهدوء.

"كل حاجة هتبان في وقتها."

ثم يضيف:

"دلوقت هستخدم بعض التعاويذ للحماية، لأن بره المدرسة مش أمان... وبعدها هننقلكم للمنزل اللي الأستاذ يعقوب قال عليه."

يقوم الأستاذ قاسم بإلقاء بعض التعاويذ حولهم، فتشعر المجموعة بطاقة غريبة تحيط بالمكان.

وبعد لحظات، ينتقلون جميعًا إلى منزل مخفي.

كان منزلًا على حافة المدينة، محاطًا بتعاويذ حماية قوية.

مكان لا يستطيع رؤيته سوى من يحتاج إليه.

يدخل الأصدقاء إلى المنزل وهم ينظرون حولهم بدهشة.

يقول الأستاذ قاسم:

"هتفضلوا هنا لحد ما أعرف الخطوة الجاية."

ثم ينظر إليهم.

"ولحد ما ده يحصل، أنا وبعض الأساتذة هنجي كل يوم عشان نتولى تدريبكم."

يتوقف لحظة، ثم ينظر إلى لين.

"أما أنتِ..."

تصمت الأنظار عليها.

"أنا اللي هتولى تدريبك."

يصمت قليلًا، وكأنه يفكر في شيء.

ثم يكمل:

"لكن..."

يتغير تعبير وجهه.

"لو عرفتي مدى قوتك الحقيقية... مش هتحتاجي لتدريب."

وقبل أن تستطيع لين سؤاله عن معنى كلامه...

يختفي الأستاذ قاسم فجأة، تاركًا خلفه أسئلة أكثر مما تركه من إجابات.