رحلة غيرت القلوب

علياء : انا اسفة قوى على إلى حصل منى قبل كدة 

يوسف: ولا يهمك يا انسة علياء وانا اسف برضو بسببى انتى بتعرجى دلوقتى 

علياء: الغلط غلطى من الأول انا إلى مكنتش مركزة فى الطريق يومها واى حد غيرك كان ممكن يخبطنى جات سليمة 

يوسف: على العموم فرصة سعيدة قوى انا مبسوط انى أتعرفت على حضرتك 

علياء : انا أكتر انا متشكرة قوى على مساعدتك ليا بس انا اتاخرت ولازم ارجع الفندق انا تقريبا كدة خلاص خلصت البحث والوقت اتاخر ولازم ارجع 

يوسف: حاضر أوصلك بس الأول 

علياء: ماشى شكرا مرة تانية 

أوصل يوسف علياء إلى الفندق وذهبت بعدها إلى النوم لانها ارهقت كثيرا طوال هذا اليوم

لحلقة السادسة عشر من رواية حكاية حب 

فى صباح اليوم التالى  

استيقظت علياء متأخرة لانها ارهقت أمس من البحث وذهبت مباشرة الى ريمان بالأسفل ظننا منها أنها تتناول الإفطار لأن هذا هو وقت الإفطار 

علياء تسأل ملك عن مكان ريمان لانها لم تجدها بالأسفل 

علياء: صباح الخير يا ملك 

ملك : صباح النور يا علياء عاملة ايه مشفتكيش من سعت ما وصلنا هنا 

علياء: اه أصل انا بدأت البحث بتاعى من امبارح علشان كدة مشفتنيش

ملك : اه طيب احنا كنا لسة جايين كنتى استنيتى شوية 

علياء: لا كدة احسن انا قربت أخلص علشان اتفسح براحتى فى أسوان انا خلصت معظم البحث بتاعى 

ملك : طب كويس دة انا مش عارفة هعمل ايه فغالباً لغاية دلوقتى 

علياء : طيب بسرعة لحسن الوقت بيسرقنا وهنرجع نمتحن على طول ولازم البحث يكون جاهز 

ملك : انشالله ربنا يعنى على البحث دة 

علياء: بقولك ايه يا ملك 

ملك : قولى 

علياء: مشفتيش ريمان صحيت ملقتهاش جنبى قولت يمكن تنزل تفطر 

ملك : لا دى نزلت بدرى قوى مع تقريبا سامح اخوكى أصل مش فاكرة شكله كويس بس هو سامح 

علياء: بجد والله بس دة حتى مقلتليش لا هى ولا هو ماشى لما اشوفهم بس حسابهم معايا شكرا يا ملك 

ملك : العفو اسيبك انا بقى 

علياء: ماشى اتفضلى

ذهبت علياء للتسوق وطباعة البحث لأنه إكتمل وعند عودتها سوف تذهب إلى سامح وريمان لانها تشك بامرهما 

فى محل الطباعة 

علياء: صباح الخير يا انسة 

موظفة المحل: صباح النور أخدم حضرتك بايه

علياء: عاوزة بس اطبع الورق دة ويتصمم كويس 

موظفة المحل : حاضر يا فندم بس حضرتك تسبيلى الورق وبعد نص ساعة تيجى تاخديه 

علياء: ماشى هرجع بعد نص ساعة سلام 

ذهبت علياء إلى أقرب كافيه من محل الطباعة لتجلس فيه مدة النص ساعة لانها لن تسطيع أن تذهب إلى الفندق وتعود فى الميعاد فقررت أن تقضى هذا الوقت فى كافيه وتعود لمقابلة شقيقها وصديقتها

بعد بضع دقائق 

مساء الخير يا انسة علياء 

نظرت علياء إلى الشخص الذى تحدث اليها ووجدته يوسف شقيق ريمان 

علياء: مساء النور انتا بتعمل ايه هنا 

يوسف: انا وصحابى متعودين نفطر هنا كل يوم شفتك من بعيد قلت اجى أرمى السلام وأصبح على الجميل 

علياء: هو انتا على طول كدة بكاش والله بياع كلام انتا واختك 

يوسف: طبعا الواحد لما بيشوف حاجة حلوة بيبدى إعجابه بيها وانا قلت الصراحة ابديت اعجابى بجمالك وبشخصيتك وشياكتك 

علياء: احم احم انتا بتعاكس ولا ايه 

يوسف : لا طبعا ابقى كداب لو قلت انى معاكستكيش بعاكسك طبعا فى حد يشوف القمر وما يقدرش جماله 

علياء: طاب حاسب لتقع من كتر من انتا باصص عليه وهو عالى عليك 

يوسف: ما إلى جنبه القمر اكيد بيعلى ويوصلوا ما إلى جنبه القمر العالى اكيد بيحلى ويحلالى 

علياء: هههههههه دمك خفيف قوى ربنا يخليك دة بس من زوقك 

يوسف: المهم بتعملى ايه هنا 

مستنية النص ساعة تخلص علشان اخد البحث واروح الفندق 

يوسف: اه انتى روحتى تطبعيه 

علياء: اه بس المفروض استلموا بعد نص ساعة ومشوار انى ارجع الفندق واجى تانى فقلت استنى هنا 

يوسف : سيبك من كل دة المهم فطرتى 

علياء: لا لسة مش بفطر انا 

يوسف: لا ياعم مينفعش الكلام إلى انتى بتعمليه دة أهم وجبة فى اليوم هى الفطار لازم تفطرى ايه رايك تفطرى معايا 

علياء: لا انا رايحة خلاص استلم البحث المعاد جه 

يوسف: ايه رايك أوصلك وتفطرى معايا بما أن البحث خلص ومفيش حاجة وراكى تانى تقضى اليوم معايا وافسحك هنا 

علياء: بس اممممم

يوسف: مفيش بس ولا حاجة متخفيش هتتبسطى ومش هتندمى انك خرجتى معايا 

علياء: ماشى بس أعدى استلم البحث الأول 

يوسف: ماشى يلا بينا

الحلقة السابعة عشر من رواية حكاية حب 

ذهبت علياء إلى محل الطباعة لكى تستلم ورق البحث وذهبت بعدها مع يوسف وقضت معه اليوم باكلمه وكانت سعيدة بوجوده معها ومساعدته لها 

علياء: مساء الخير يا انسة 

موظفة المحل : مساء النور يا فندم البحث بتاع حضرتك جهز ثواني بس اجيبه من جوا اتفضلى يا فندم الورق أهو

علياء: متشكرة جدا 

أخذ يوسف علياء معه إلى مطعم لكى يتناولون الغداء 

يوسف : ايه رايك فى المطعم

علياء: انتا قلت نفطر قلت يمكن نفطر فى كافيه مش تيجيبنى مطعم كبير ليه كل دة 

يوسف : الساعة كام معاكى 

علياء: الساعة 2 

يوسف : طيب وانتى ما فطرتيش يبقى نعمل ايه نتغدا 

علياء: ايوة بس انا مش متعودة أكل كتير والمطعم دة اكله كله لحوم 

يوسف: ايوة آمال هنتغدى ايه جبن اكيد لحوم انتى ضعيفة يا بنتى لازم تاكلى كدة وترمى عضمك 

علياء: هههههههه بتفكرنى بطنط سهيلة دايما تقولى كدة وبرضو مكنتش بسمع الكلام 

يوسف: بقى ماما بتقولك كدة وما بتسمعيش كلامها يبقى وقعتى فى ايد من لا يرحم طالما ما سمعتيش كلام ماما هتسمعى كلامى وهتاكلى غصب عنك 

علياء: هههههه لا مش هاكل كتير 

يوسف : لا هتاكلى وورينى هتعملى 

قضوا يوسف وعلياء معظم اليوم فى منغاشات وهزار ولم يملوا من الحديث معا وعند عودة علياء إلى الفندق حدث؟ 

علياء: أدينى وصلت خلاص هنا متشكرة جدا كان يوم بجد روعة ما تيجى تكمل معانا الرحلة 

يوسف: للأسف انا مسافر بكرة انا متنقل كل يومين فى بلد شكل 

علياء : حتى احنا مسافرين بكرة رحلتنا يومين هنا ويومين فى بلد تانى كان نفسى تبقى معانا دة ريمان هتفرح لما تشوفك 

يوسف : انشالله انتوا هتروحوا فين بكرة 

علياء: احنا رايحين أسوان هنقعد يومين وبعد كدة نرجع نمتحن على طول 

يوسف: انتى بتتكلمى جد هتروحوا أسوان 

علياء: اه ما هى الرحلة 4 ايام لمدينة لاقصر وأسوان 

يوسف : طاب كويس قوى 

علياء: طاب امشى انا علشان الحق أجهز حاجتى علشان بكرة نادى يوسف على علياء مرة أخرى 

يوسف : علياء 

علياء: رجعت إليه نعم 

يوسف: نسيت اديكى حاجة 

علياء : حاجة ايه 

يوسف: اتفضلى العلبة دى 

علياء: دى علبة ايه دى 

يوسف: افتحيها دى بتاعتك 

علياء: بس انا مشتريتش حاجة 

يوسف: افتحيها بس 

قامت علياء بفتح العلبة ووجدت هاتف بها وصدمت به ! 

علياء: ايه دة دة تلفونى جبته منين 

يوسف: اه ما هو وقع منك يوم ما خبطتك وانتى مركزتيش وقع فين انا لقيته بس انتى فى المستشفى كنتى عصبية جدا ومعرفتش ادهولك ويومها انا وصلت ريمان ومشيت على طول من غير ما ادهولها لانى كنت مستعجل شغلى كان محتاجنى وخوفت اديه لريمان الصراحة تقولى جبته منين وتعملى محضر فقولت لو شفتك تانى ادهولك احسن واوفر رخامة ريمان عليا وتهزيقها مش كدة احسن 

علياء بضحك : ههههههه ماشى يا يوسف متشكرة جدا على التلفون بجد كنت محتجاه ومش عارفة كنت هعمل ايه فى الحجات إلى عليه 

يوسف : العفو على ايه بس 

ذهب يوسف وترك علياء وذهبت علياء لكى تستعد وتنام بعدها لإنها ستسافر صباحا ويوسف أيضا سيسافر صباحا إلى نفس المدينه التى قالت علياء أنها ستذهب اليها وهو لم يخبرها بذلك يريد أن يجعلها مفاجأة لكليهما أولا شقيقته ريمان وثانيا فتاته العندية إلتى بدأ قلبه يخفق لها منذ المرة الأولى التي رائها فيها 

فى صباح اليوم التالى 

استيقظت علياء مبكرة لكى تستعد للسفر وذهبت إلى ريمان لكى توقظها 

علياء : ريمان اصحى الساعة بقت 9 يا بنتى فوقى بقى 

ريمان: حاضر ادينى صحيت أهو 

علياء: ايوة كدة فوقى ساعة وهنسافر هيستنو حضرتك لما تصحى 

ريمان: لا ادينى صحيت خلاص 

علياء : طيب يلا أجهزى علشان ننزل نفطر تحت وبعدين قوليلى هنا كنتى فين امبارح دورت عليكى ملقتكيش ولما رجعت لقيتك نايمة كنتى فين 

ريمان: كنت بعمل البحث بتاعى انا كمان 

علياء: وياترى البحث دة اسمه سامح برضو