Home / الرومانسية / سقطت في حبك رغمًا عني / حين اقتربت القلوب رغم الألم

Share

حين اقتربت القلوب رغم الألم

last update publish date: 2026-05-20 11:31:37

بعد يوم فى كلية الطب ذهبت علياء إلى الكلية وهى 

وهى حزينة لكى تبلغ ريمان بأنها لا تستطيع السفر معها فى الرحلة 

علياء: عاملة ايه يا ريمان 

ريمان : انا كويسة وانتى كويسة طمنيني عليكى 

علياء : انا كويسة الحمدلله وعاملة ايه طنط 

ريمان : كويسة بتسلم عليكى دة عايزة تشوفك علشان تطمن عليكى 

علياء : مفيش داعى طمنيها قوليلها انى كويسة 

ريمان : مالك يا بنتى لوية وشك كدة ليه 

علياء : مفيش 

ريمان : يسلام على أساس انى مش عارفاكى قولى مالك 

علياء : بابا رافض انى اطلع الرحلة لما شاف منظرى امبارح وقالى لما أخف ابقى اروح 

ريمان: لا بقى دة انا دفعت مصاريف الرحلة خلاص ليا وليكى لازم تيجى انا محتاجة الرحلة دى قوى هديق جدا لو مجتيش معايا 

علياء : مرة تانية انشالله يا ريمان ابقى اجى معاكى بابا مش هيوافق

ريمان : ينفع اقعد معاه واكلمه انا هقنعه 

علياء : صعب يا ريمان خلاص متديقيش نفسك مرة تانية يا ريمان 

بعد انتهاء جميع محاضرات علياء وريمان ذهبت علياء إلى المنزل ولم تخبر ريمان بذهابها حتى لا تفتح معها سيرة الرحلة مرة أخري أخذت ريمان تفكر كيف يمكنها أن تقنع والد علياء واذا تحدثت معه على الهاتف ممكن أن يرفض طلبها فقررت الذهاب إليه لحتى تتحدث معه 

وصلت ريمان إلى مقر شركة والد علياء وذهبت لتسال فى السكرتارية عن مكتبه 

ريمان : مساء الخير 

السكرتير العام : نعم يا فندم أهلا بحضرتك تحبى اخدمك بايه 

ريمان : انا عاوزة اقابل البشمهندس محمد هادى 

السكرتير العام : فى معاد سابق يا فندم 

ريمان : لا بس هى حالة طارئة وهو يعرفني 

السكرتير العام : ثواني يا فندم هبلغه 

ذهب السكرتير العام بمكتب المهندس محمد هادي ليبلغه بوجود فتاة تريد مقابلته 

السكرتير العام : محمد بيه 

محمد هادى : فى حاجة يا حازم 

حازم : فى بنت بره بتقول أنها عاوزة تقابل حضرتك ضروري وان موضوع طارئ وان حضرتك تعرفها 

محمد هادى : موضوع طارئ هى دى بنت من بناتى يا حازم 

حازم : لا يا فندم انا عارف الهوانم الصغيرين شكلها غريب عنهم 

محمد : خليها تدخل يا حازم 

حازم : حاضر يا فندم 

ذهب حازم ليخبر الفتاه بالدخول 

حازم : اتفضلى يا انسة 

ذهبت ريمان لمقابلة والد علياء وهى مترددة فى طلبها 

ريمان : مساء الخير يا فندم 

محمد هادى : مساء النور يا بنتى قلقتينى فى حاجة ايه الموضوع الخطير إلى عاوزانى فيه ولامواخذة يا بنتى انا اعرفك 

ريمان : لا حضرتك متعرفنيش وانا اسفة أن كنت هعمل لحضرتك إزعاج انا ريمان احمد حازم بنت اللواء أحمد حازم صلاح الشهيد 

محمد هادى : نورتي يا بنتى والدك الشهيد أحمد حازم 

ريمان : ايوة يا فندم 

محمد هادى : والدك راجل عظيم كان زميلى فى المدرسة واحنا صغيرين بس انا معرفش حاجة عنكم من سعت ما مات معلش متزعليش يا بنتى اصلى معرفش عنوانكم 

ريمان : ولا يهمك يا فندم انا كنت عاوزة حضرتك فى موضوع تانى خالص 

محمد هادى : قولى إلى انتى عاوزاه يا بنتى 

ريمان : انا صحبة علياء بنت حضرتك

محمد هادى : ايه حكاية حضرتك وفندم إلى انتى بتقوليها دى قوليلى يا عمى دة انتى بنت الغالى 

ريمان : حاضر يا عمى انا كنت جاية اكلمك بخصوص علياء 

محمد هادى : اتفضلى يا حبيبتى

ريمان : هى علياء كان المفروض أنها كانت رايحة معايا رحلة إلى الاقصر وأسوان بس حضرتك رفضت

محمد هادى : ايوة يا بنتى انتى شايفة أن علياء تعبانة 

ريمان : ايوة يا عمى بس هى لو جات الرحلة هتخف وهتتبسط وكمان الرحلة متعلقة بالبحث بتاعها وكدة الفرصة هتضيع منها 

محمد هادى : ايوة يا بنتى بس صحتها أهم 

ريمان : يا عمى متخفش عليها انا بهتم بيها كويس وبصحتها 

محمد هادى : بس يا بنتى انا هبقى مش مطمن عليها طول ما هى كدة تعبانة 

ريمان : بس يا عمى انا محتاجة الرحلة دى قوى وماما مش هترضى تودينى غير وعلياء معايا وانا لو علياء مجتش مش هقدر اروح اشوفه

محمد هادى : تشوفى مين يا بنتى 

ريمان : اشوف اخوية يا عمى انا اخوية الضابط يوسف فى الكلية الحربية في لاقصر وانا بقالى اكتر من سنة مشفتهوش وماما سمحتلى اشوفه فى الرحلة دى بس تكون معايا علياء علشان ماما ما بتطمنش غير وعلياء معايا يعنى لو علياء كانت مكانى ونفسها تشوف سامح إلى ليها سنة مشفتهوش كنت هتمنعها يا عمى أتمنى انك مترفضش يا عمى بعد آلى قولته

محمد هادى وأخذ يفكر فى كلام ريمان : بس يا بنتى وفى هذة اللحظة دخل سامح لمكتب والده وتفاجئ بوجود صديقة أخته 

سامح : بابا كنت عاوز توقيع حضرتك على ......

سامح : ريمان انتى بتعملى ايه هنا 

محمد هادى : تعالى يا سامح ريمان كانت بتكلمنى بخصوص الرحلة وان علياء هتزعل لو مرحتش

سامح : طيب انا عندى فكرة يابابا 

محمد هادى : ايه هى 

سامح : هو المفروض انا كنت جاى اخد توقيعك على الموتمر إلى هحضره فى لاقصر ايه رايك أن علياء تروح الرحلة وانا هاخد بالى منها بعد الموتمر اروحلها وارجع معاها بعد الرحلة 

محمد هادى : ...... بس كدة الشغل هيتعطل هنا بس مش مشكلة مدام هتكون مع اختك هكون مرتاح تمام كدة يا بنتى متزعليش وروحى الرحلة ومتديقيش نفسك 

ريمان : انا متشكرة قوى يا فندم

محمد هادى : وبعدين انا مش قلت بلاش فندم دى انتى بنت الغالى والله ابوكى وحشنى ووحشتنى أيامه كان دمه خفيف بشكل وبكاش وما يبطلش ضحك و هزار انتى حتى مش شبه يعنى باين عليكى طالعة لمامتك مدام سهيلة أخبارها ايه 

ريمان : كويسة يا عمى بس انا شبه بابا ماما دايما تقولى انا ويوسف شبه بابا بظبط وكمان مغلبينها 

محمد هادى : انشالله اجى ازوركم قريب ابقى أدى العنوان لسامح يا حبيبتى وصلها يا سامح لحد البيت 

ريمان : مفيش داعى يا عمى هتصرف 

محمد هادى : لا ميصحش يلا يا سامح واقف ليه وصل ريمان لحد البيت 

سامح : حاضر يا بابا يلا يا انسة ريمان 

ذهب سامح برفقة ريمان ليوصلها إلى منزلها وهم فى طريقهم حدث؟  

سامح : اركبى يا انسة ريمان 

ريمان : انا مش عاوزة اتعب حضرتك معايا انا هتصرف 

سامح : لا تعب ولا حاجة اركبى بس هو انتى ساكنة فين بظبط علشان اعرف الطريق لفين 

ريمان : انا ساكنة فى الجيزة وسط الطريق العام وهم فى طريقهم تحدث سامح مع ريمان وقال لها 

سامح : مكنش فى داعى انك تتعبى نفسك وتيجى لحد هنا كنتى كلمتى بابا فى التلفون وهو كان هيتكلم معاكى 

ريمان : مكنتش متوقعة انو ممكن يوافق وكنت خايفة اتصل وما يكنش هو إلى بيكلمنى الموضوع يتأخر اكتر من كدة خلاص الرحلة بكرة وانا ضروري اروح الرحلة دى دة حياتى متوقفة على الرحلة دى محتاجة بجد انى اروحها 

سامح : ياه قد كدة الرحلة دى مهمة عندك 

ريمان : وأكتر من كدة كمان انا ليا اكتر من سنة مشفتهوش ولازم اشوفه 

سامح : هو مين دة إلى لازم تشوفيه 

وقبل أن تجيب رن هاتف ريمان وكانت والدتها من على الهاتف

ريمان : بعد ازنك بس ارد على التلفون 

سامح : اتفضلى 

ريمان : الو اه يا ماما فى ايه مصدعانى من الصبح رن رن رن رن ايه مين مات 

سهيلة : اتكلمى عدل يا بنت كام مرة هقولك اعدلى لسانك انتى بنت مش ولد بطلى حركات يوسف اخوكى دى خلاص خنقتونى 

ريمان : خلاص خلاص يا ست الكل أهدى بس لا يطقلك عرق متزعليش احنا اسفين يا صلاح حقك عليا بس اصلى انشغلت لما رنيتى كتير 

سهيلة : ما انتى لو انشغلتى عليا فعلا كنتى اتصلتى وطمنتينى عليكى انتى وعلياء لكن لا ولا كلمتينى ولا عبرتينى وسيبانى اقلق عليكم 

ريمان : خلاص ياست الكل ما تشغليش نفسك يا قمر برضو كدة زعلك ما يهنش عليا يا ست الحبايب يا احلى سوسو فى الدنيا لما اجى هفهمك كل حاجة واحكيلك متقلقيش يا قمرتى 

سهيلة : ماشى يا ام لسانين ام اشوف أخرتها معاكى 

ريمان : ماشى يا سكرة حياتى سلام 

سهيلة : سلام 

سامح : دة بجد دة ولا هزار 

ريمان : الى هو ايه بظبط 

سامح : الحوار إلى حصل بينك وبين مامتك انا مش بتطفل واتدخل فى إلى حصل بس مستغرب انتى ازاى بشخصيتين وحدة هادية وجميلة ووحدة مشاغبة ولسانها متبرى منها 

ريمان : على أساس أن دة اطراء مع انتقاد ازاى يعنى مش حلوة شخصيتى خالص 

سامح : انا مقلتش كدة بس مستغرب صراحتك وجرئتك فى الكلام مع والدتك وأنها ساكتة على طريقتك دى 

ريمان : ماما دى حتة سكر تتحط على الجرح يطيب بس هى متعودة على طريقتنا كدة انا واخويا كدة مشاغبين وعلى طول مطلعين عينها هى دايما تقولنا اتغيروا واعلقوا ولما تلقينا هاديين تقولنا لا خليكم زى ما انتو شقاوتكم بتفكرنى بابوكم وإنتو قدامى كأنه معايا بظبط فا علشان كدة احنا طريقتنا كدة لكن فى أى مكان تانى بكون هاديين شوية 

سامح : بصراحة حياتكم حلوة مليانة مغامرات ومليانة مرح وحب وسعادة من مامتك ياريت حياتى بسيطة زيك 

ريمان : ليه يعنى مانا دايما حاسة فى ترابط قوى بينك انتا وسارة وعلياء وحتى انكل محمد برضو يعنى حياتكم جميلة 

سامح : معاكى حق بس محرومين من أهم حاجة فى الحياة وهى حنان الأم إلى موجود معاكى مجربناش شكلو ايه خوف ولدتك عليكى واهتمامها بيكى ورضاها عنك كل دة مش موجود معانا لو اقلك ميتة زى باباكى كان ماشى لكن لا دى عايشة بس احساسها ميت 

أثناء ما كان يتحدث سامح كان يتكلم بأسى وحزن شديد لفقدانه حنان الأم شرد وهو يقود السيارة فانحرفت السيارة عن الطريق وخبطت فى شجرة وكانت ريمان تستمع إليه بتركيز شديد فلقد حست به وبحزنه ولم تكن ترى الطريق جيدا وخبطت رأس ريمان فى مقدمة السيارة وسامح خبط زراعه

سامح : ااااه "انتى كويسة يا ريمان 

ريمان : فقدت ريمان وعيها من أثر الخبطة فقلق كثيرا سامح من أن يصيبها مكروه فذهب بها إلى المشفى العام فى الجيزة كانت إصابة السيارة ليست كبيرة فذهبوا بها إلى المشفى فى أقرب وقت انتظر سامح خروج الطبيب من حجرة ريمان لحتى يتطمئن عليها وبعد خروج الطبيب ذهب وتكلم مع سامح 

سامح : خير يا دكتور طمنى عليها هى كويسة 

الكتور : اطمئن هى كويسة بس من أثر الخبطة فقدت وعيها لكن هى كويسة وفاقت تقدر تاخدها لو حبيت 

سامح : شكرا قوى يا دكتور طمنتنى عليها 

الدكتور : دة واجبى بس حضرتك جالك التواء خفيف فى اليد انا قلت للريسبشن انهم يدولك ورقة الكشف وكاتب لحضرتك الدوا ياريت تنتظم عليه هتخف على طول 

سامح : شكرا قوى يا دكتور تعبتك معايا 

الكتور : ولا يهمك كلنا هنا تحت أمرك وألف سلامة وحمدالله على سلامتك وسلامة المدام 

سامح : متشكر قوى يا دكتور ربنا يخليك

ذهب سامح لرؤية ريمان بعد أن افاقت من غيمتها 

سامح : اخبارك ايه انتى كويسة طمنيني عليكى 

ريمان : الحمدلله انا كويسة وإنتا ! ايه دة مال دراعك ايه إلى حصلك 

سامح : لا ولا حاجة جات بسيطة المهم انتى كويسة قلقتينى عليكى لقيتك قاطعة النفس كنت هموت من الخوف والقلق 

ريمان : انا كويسة بس دماغى اتخبطت فا اغمى عليا حمدلله على سلامتك 

سامح : وحمدالله بسلامتك 

ريمان : شكرا مش يلا بينا بقى لحسن اتاخرنا قوى وماما هتقلق عليا 

سامح : تمام يلا بينا انا سددت حساب المستشفى اصلا 

ريمان : ماشى هدخل الحمام وبعد كدة اجيلك 

سامح : تمام هستناكى فى العربية 

ريمان : تمام دقيقة ونازلة 

بعد 15 عشر دقيقة ...................

ريمان : انا جيت ايه دة انتا هتسوق بدراعك دة لا طبعا مينفعش 

سامح : آمال مين هيسوق غيرى 

ريمان : انا طبعا 

Continue to read this book for free
Scan code to download App

Latest chapter

  • سقطت في حبك رغمًا عني   فرحة العمر

    الفصل السابع والثمانونفرحة العمرساد الصمت للحظات بعدما قال خالد إن عنده هو وسارة خبر حلو عايزين يقولوه لهم.رحاب بصت له باهتمام، ومحمود عدّل قعدته، أما عمر فابتسم وقال بمشاكسة:- خير يا عم خالد؟ إيه الموضوع؟ هو في مفاجأة ولا إيه؟خالد ضحك، وبص لسارة اللي كانت قاعدة جنبه، ماسكة إيده ووشها مليان فرحة وكسوف.قرب منها شوية وقال:- تحبي إنتِ تقولي لهم ولا أقول أنا؟سارة ابتسمت بخجل:- قول إنت يا حبيبي.خالد بص لأهله، وابتسامته كبرت وهو بيقول:- الحمد لله يا جماعة... ربنا كرّمنا أنا وسارة، وهنبقي عيلة كبيرة بضيف جديد ليها وسارة حامل.للحظة، محدش اتكلم من المفاجأة، وكأن الكلمة محتاجة وقت عشان توصل لهم.رحاب فتحت عينيها بفرحة، وحطت إيدها على قلبها:- حامل؟! إنت بتتكلم بجد يا خالد؟خالد ضحك:- أيوه يا ماما، بجد. إحنا رحنا للدكتورة واتأكدنا، والحمد لله الحمل في بدايته وكل حاجة مطمّنة.رحاب قامت بسرعة وقربت من سارة، واحتضنتها بحنان شديد:- يا حبيبتي! ألف ألف مبروك يا بنتي، ربنا يتمملك على خير ويقومك بالسلامة.سارة حضنتها وهي بتضحك ودموع الفرحة لمعت في عينيها:- الله يبارك فيكي يا ماما.رحاب ب

  • سقطت في حبك رغمًا عني   خطوة نحو المستقبل

    الفصل السادس والثمانونخطوة نحو المستقبلما إن دخل خالد وسارة إلى المنزل...حتى استقبلتهما رحاب بابتسامة واسعة.— يا أهلاً يا حبايبي... نورتوا البيت.اقترب خالد وقبّل رأس والدته.— ده نورك يا ست الكل.ثم أشار إلى سارة.— أهي مرات ابنك أمانة عندك لحد ما أرجع.ضحكت رحاب وهي تحتضن سارة.— دي مش محتاجة توصية يا حبيبي، دي بنتي.ابتسمت سارة وقبّلت وجنتها.— ربنا يخليكي ليا يا ماما.خرج محمود من غرفة المعيشة، وما إن رأى خالد حتى صافحه واحتضنه.— إيه يا بطل؟ رجعت القاهرة خلاص؟ قرار نهائى ولا فى سفر تاني ابتسم خالد.— رجعت يا بابا، وهنبدأ الشغل الجديد النهارده إن شاء الله.ربت محمود على كتفه بفخر.— ربنا يوفقك يا ابني، وترفع راسنا دايمًا.ظهر عمر من خلف والده، وهو يقول بمزاح:— طب وأنا؟ محدش بيسأل عليا؟ضحك خالد ومد يده يصافحه.— إنت آخر اهتماماتي يا حبيبي.— لا والله؟ طب خد بالك، أنا اللي هبقى مسؤول عن مراتك في غيابك فا متدايقنيش احسنلكنظر إليه خالد بتحذير مازح.— مرات أخوك في عينيك يا عمر.ضحكت سارة، بينما انفجر عمر ضاحكًا.— خلاص يا عم، دي أمانة عندنا.اقترب خالد من سارة، وقبّل جبينها.—

  • سقطت في حبك رغمًا عني   بين فرحة الأب... وحنان الزوج

    الفصل الخامس والثمنون بين فرحة الأب... وحنان الزوج ابتسم خالد وهو يضمها إلى صدره برفق، وكأن العالم كله اختصر في تلك اللحظة بين ذراعيه. رفع وجهها إليه، ومسح دمعة فرح علقت بطرف عينها بإبهامه. — من النهارده... مش هخلي حاجة تزعلك، ولا تتعبي، ولا تخافي. ابتسمت سارة وهي تستند برأسها إلى صدره، تستمع إلى نبضات قلبه التي كانت تهدأ تدريجيًا. همست: — أهم حاجة... متسبنيش. شدد احتضانه لها أكثر. — مستحيل... إنتِ والبيبي بقيتوا حياتي كلها. رفعت عينيها إليه، وابتسمت ابتسامتها التي يعشقها، ثم طبعت قبلة رقيقة على وجنته. — بحبك يا خالد. ابتسم وهو يقبل جبينها بحنان. — وأنا بعشقك يا سارة... كل يوم أكتر من اللي قبله. أطفأ خالد مصباح الغرفة، ولم يبقَ سوى ضوء القمر يتسلل من خلف الستائر، بينما ظل يحتضنها حتى غلبهما النعاس، وكلٌ منهما يحلم بالغد... وبالروح الصغيرة التي بدأت تنمو بينهما، لتعلن بداية أجمل فصل في حياتهما. تسللت أشعة الشمس الذهبية عبر ستائر الغرفة... لتداعب وجه سارة بهدوء. حركت رموشها ببطء... ثم فتحت عينيها. لأول مرة منذ أيام... لم تشعر بذلك الإرهاق الثقيل الذي كان يلازمها. بل

  • سقطت في حبك رغمًا عني   بداية حياة جديدة

    الفصل الرابع والثمانون "بداية حياة جديدة" ظل خالد يحتضن سارة بعد خروجهما من عيادة الطبيبة... وكأن قلبه يرفض أن يتركها ولو لثانية واحدة. أما سارة... فكانت ما تزال تبتسم بخجل كلما تذكرت كلمات الطبيبة: > "مبروك... الحمل لسه في بدايته، وكل شيء مطمئن بإذن الله." تنهد خالد وهو ينظر إليها بعشق. ثم أمسك يدها، وسارا ببطء نحو السيارة. فتح لها الباب بنفسه، وانتظر حتى جلست، ثم دار إلى مقعده وهو ما يزال يبتسم وحده. لاحظت سارة ذلك، فضحكت. — إيه؟ هز رأسه وهو يشغل السيارة. — مش قادر أصدق. — صدق بقى؟ التفت إليها سريعًا. — لا... لسه. أنا حاسس إني هصحى ألاقي نفسي بحلم. ضحكت وهي هزت رأسها. — لا... مش حلم. ابتسم ابتسامة واسعة. — يعني... إنتِ دلوقتي أم ابني. احمر وجهها خجلًا. — يا خالد...بقا ابتسم بخبث. — طب... أقولك على فكرة؟ نظرت إليه باستغراب. — إيه؟ اقترب منها قليلًا وهو يبتسم بشقاوة. — إيه رأيك... نرجع شقتنا النهارده؟ اتسعت عيناها. — النهارده؟ أومأ بحماس. — أيوة. نرجع بيتنا. سكتت لحظة، ثم قالت بتردد: — طب... وماما... وبابا؟ هيقلقوا علينا. ابتسم وهو يمسك يدها.

  • سقطت في حبك رغمًا عني   نبض صغير

    الفصل الثالث والثمانون"نبضٌ صغير"ظل خالد ينظر إلى سارة، وعيناه لا تفارقان وجهها.كان يبتسم...ثم يضحك...ثم يعود فينظر إلى بطنها وكأنه يحاول أن يستوعب ما سمعه منذ لحظات.أما سارة...فكانت تراقبه بخجل شديد.ثم مدت يدها وأمسكت كفه برفق.— خالد...التفت إليها بسرعة.— نعم يا روح خالد؟ترددت قليلًا...ثم قالت بنبرة جادة:— عاوزاك توعدني بحاجة.ابتسم وهو ما يزال يعيش فرحته.— أوعدك يا حبيبتي هزت رأسها.— لا...اسمع الأول.اقترب منها أكثر.— سامع.تنهدت سارة ببطء وقالت:— متقولش لحد.اختفت ابتسامته للحظة.— ليه؟خفضت رأسها وهي تعبث بأصابعه.— عشان إحنا لسه مش متأكدين.وممكن يطلع مجرد تأخير...أو أي حاجة تانية.مش عايزة نفرح الناس...وبعدين...لو طلع مفيش حمل...كلنا نزعل.ظل خالد

  • سقطت في حبك رغمًا عني   بين الخوف والحقيقة

    الفصل الثاني والثمانون"بين الخوف... والحقيقة"مرّت دقائق قليلة...حتى ساعد خالد سارة على النهوض من السرير.كانت تبدو أفضل قليلًا...فمجرد رؤيتها له، ووجوده بجوارها، منحها شيئًا من الطمأنينة التي كانت تفتقدها طوال الأيام الماضية.ابتسم لها وهو يسندها برفق.— تقدري تمشي؟ابتسمت ابتسامة صغيرة.— أقدر... متقلقش مش للدرجاديلكنه لم يترك يدها.بل ظل ممسكًا بها وهو ينزل معها درجات السلم ببطء.---ما إن وصلا إلى الصالة...حتى خرجت رحاب من المطبخ وهي تحمل طبقًا كبيرًا.وحين رأت سارة تنزل مع خالد...ابتسمت براحة.— الحمد لله...وشك بقى فيه لون شوية.ابتسمت سارة بخجل.— الحمد لله يا ماما.قالت رحاب وهي تشير إلى السفرة التي كانت قد أعدتها بعناية:— يلا...العشاء جاهز.وبعدين...أظن دلوقتي هتاكلي كويس.خالد جنبك أهو.نظرت سارة إلى خالد...ثم

  • سقطت في حبك رغمًا عني   حادث غيّر كل شيء

    الدكتور : لا أبداً، بس حصلها التواء بسيط من أثر الخبطة مش أكتر. هي بس تربط رجلها بالحزام كويس وتاخد الدوا اللي كتبتهولها، وإن شاء الله تبقى كويسة.يوسف : شكراً قوي يا دكتور، طمنتني.في تلك اللحظة كان سامح قد وصل إلى المشفى العسكري بعد أن ظل الطريق كله يشعر بالقلق على شقيقته. كان قلبه يخبره أن هناك

  • سقطت في حبك رغمًا عني   حادث جمع القلوب

    في مقهى الكلية، ذهبت علياء لمقابلة ريمان وهي تعرج بسبب الإصابة التي تعرضت لها في قدمها، دون أن تنتبه أن هاتفها قد سقط منها بالخارج. وبسبب شجارها مع الشاب الذي صدمها، لم تفكر في الهاتف وتركته مكانه.أما يوسف، فبعد أن غادرت علياء، لاحظ وجود الهاتف على الأرض، فأخذه معه على أمل أن يلتقيها مرة أخرى داخل

  • سقطت في حبك رغمًا عني   صدمة على باب الكلية

    ذهبت كلا من ريمان وعلياء إلى منزلها لتبلغ عائلتها بشأن الرحلة وكانت علياء تتمنى من والدها حقا أن يوافق على ذهابها لانها لم تذهب إلى رحلات من قبل فلما لا يوافق وهذة اول مرة تطلب منه هذا الطلب على العكس ريمان فذهبت ريمان إلى والدتها لتبلغها بأمر الرحلة وأنها متشوقة لرؤية اخوها الذى لم تراه منذ عام كا

  • سقطت في حبك رغمًا عني   أسرار خلف الأبواب

    يوسف : يخرب عقلك كل دة عملته فى البنت والله انتا مجنون حرام عليك انتا متعقد من الجواز طب هى زنبها ايه إلى أنتا عملته معاها والله انا لو مكانها كنت ضربتك على وشك من إلى عملته احمد ربنا أنها سكتت على كدة طب هتعمل ايه دلوقتى خالد : مش عارف بس انا اصلا معرفش اسمها اعرف اسم اختها بس ومش عارف هشوفها فين

More Chapters
Explore and read good novels for free
Free access to a vast number of good novels on GoodNovel app. Download the books you like and read anywhere & anytime.
Read books for free on the app
SCAN CODE TO READ ON APP
DMCA.com Protection Status