صدفة في قسم الشرطة

ريمان : بقى كدة يا علياء تعملى فيا كدة براحتك مش عاوزة تيجى الرحلة برضو براحتك عن ازنك 

علياء: استنى يا مجنونة متقفليش انا اسفة متزعليش أصل بصراحة مستغربة تصرفاتك انتى وسامح فحبيت اعمل فيكوا مقلب والله متزعليش انا اسفة خلاص دة انا كنت متصلة بيكى مخصوص علشان اشكرك انك اقنعتى بابا انى اروح الرحلة والله دة السبب إلى خلانى اتصل خلاص بقى ميبقاش قلبك أسود حبيبتك انا 

ريمان : ماشى هسامحك المرادى بس متعملهاش تانى المرة الجاية هزعل بجد 

علياء: وعد ياستى مش هتتكرر يلا روحى جهزى حاجتك علشان انا جهزت خلاص 

ريمان : ماشى يا جزمة 

علياء: ماشى بتردهالى براحتك يا ستى مش هتكلم علشان انتى ليكى الحق يلا تصبحى على خير 

ريمان: وانتى من اهلو 

أغلقت علياء الهاتف واسرعت نحو شقيقها لتعطيه هاتفه

علياء : خد تلفونك يا سامح 

سامح : ممكن افهم عملتى كدة ليه 

علياء : عادى حابة اعرف صحبتى اكتر وان إلى فى دماغى صح ولا غلط 

سامح : وليه انا كنتى قلتى سارة 

علياء : اولا سارة مش عيانة انتا إلى عيان وبعدين انا خلاص عرفت إلى انا كنت عاوزاه

سامح : الى هو ايه بظبط

علياء: وإنتا مالك انتا دى حجات بنات وبعدين هى صحبتى ولا صحبتك 

سامح : لوى زراع علياء بغل بقولك ايه انطقى احسلك ايه إلى خلاكى تعملى كدة 

علياء: بصراحة كدة ومتديقيش ريمان شكلها بتحبك 

سامح : نعم انتى بتهزرى 

علياء : الحجات دىفيها هزار بتكلم جد طبعا بس كنت بشوف أن كانت بتحبك انتا ولا الزفت التانى إلى شفته فى الكلية بس طلع شكى فى محله ريمان كدة ليها سنة بتحبك تقريبا بس انا معرفش

سامح : سنة دة ازاى دة انا اصلا مشفتهاش معاكى غير كام مرة مش فاكر اصلا انى اتكلمت معاه كتير 

علياء: لا أتكلمت معاها فاكر رحلة شرم الشيخ إلى روحنها السنة إلى فاتت احنا وأصحاب بابا كلهم 

سامح: اه فاكر 

علياء: كان من ضمنهم ريمان ومامتها مهما يبقوا من ضمن صحاب بابا بنت صاحب بابا الشهيد إلى مات فى الجيش 

سامح : اه افتكرت 

علياء : فاكر البنت إلى انتا نقذتها لما غوطت فى الشلال وكانت هتموت

سامح: اه إلى كانت لابسة اشرب على وشها 

علياء: اه اهى هى دى بقى ريمان بس وشها مكنش واضح وإنتا اتكلمت معاها تقريبا ساعة أو اكتر يومها 

سامح: بتهزرى ولا بتتكلمى جد 

علياء: بتكلم جد طبعا واهزر ليه وبعدين انا بفكرك بالى حصل 

سامح : ماشى ايه إلى يخليها تحبنى دى مش سبب 

علياء: والله دة إلى انا واخدة بالى منو أنها بتحب انى اتكلم عنك وبتسالنى عليك كتير وساعات بتقولى خليه يوصلك وكمان كانت بتحب تيجى هنا علشان تشوفك لكن لو كل إلى بقوله دة غلط يبقى هى عندها حاجات تانى جمعتكم وانا معرفهاش بس كل إلى أعرفه أنها بتحبك بقولك ايه جبتولى صداع هروح انام انا علشان هصحى بدرى تصبح على خير 

سامح : وانتى من اهلو 

ذهبت علياء وتركت سامح فى حيرة يفكر فى جميع لقائته مع ريمان وهل كلام علياء صحيح ام لا ويفكر أيضا هل هو يستحق هذا الحب ام لا !

الحلقة الخامسة عشر من رواية حكاية حب 

فى صباح اليوم التالى استيقظ سامح مبكرا لكى يوصل شقيقته وصديقتها إلى الكلية لأنهم سيذهبون إلى الرحلة من هناك وهو سيذهب خلفهم لأنه لا يستطيع السفر معهم 

سامح: علياء انتى فين تعالى يلا هنتاخر 

علياء : اه انا جيت أهو ايه دة انتا مالك بتسربعنى ليه 

سامح: انتى مش قلتى هنعدى على صحبتك نأخذها معانا 

علياء : هى الحكاية كدة كل دة علشان خاطر ريمان كشفتك 

سامح : ايه إلى انتى بتقوليه دة مفيش حاجة من إلى فى دماغك دى يا سو غيرى ام تفكيرك دة 

علياء بضحك : ههههه ماشى هابقى اغيره يا سموحة 

سامح : اتعدلى فى الكلام معايا 

علياء : منا قلتلك حاضر الله 

سامح : امشى انجرى قدامى 

علياء : حاضر يا سيدي أهو 

بعد يوم فى رحلة الكلية كانت علياء قد بدأت تستعد لرحلة البحث على الأطفال المريضة التى تحتاج الى رعاية ودعم كى تكون طبيبة ماهرة 

فى صباح اليوم التالى استيقظت علياء مبكرة لكى تقوم بالبحث مباشرة ولكن ريمان كانت تريد التنزه فكلا من الاثنين لديه خطط مختلفة فذهبت كل واحدة منهن في طريق 

علياء: صباح الخير يا ريمان 

ريمان: صباح النور يا علياء عاملة ايه مشفتكيش من سعت ما وصلنا هنا 

علياء : اه اصلى بستعد للبحث ونازلة دلوقتى إبداء فيه 

ريمان: طيب استنى شوية لسة قدامنا 4 ايام مستعجلة ليه احنا لسة جايين نتفسح شوية وبعد كدة اعملى البحث 

علياء : لا كدة احسن انا عاوزة أخلص البحث بتاعى وبعد كدة اتفسح براحتى 

ريمان : ماشى براحتك 

علياء : انا نازلة دلوقتى عاوزة حاجة 

ريمان : لا سلام 

علياء: سلام 

ذهبت علياء لكى تبدأ البحث ولكن كانت تريد معرفة إلى أين سوف تذهب لذا طلبت سيارة أجرة تقضى معها اليوم كاملا لانها ليست من سكان مدينة الاقصر ولا تعرف اى مكان فيها 

علياء: صباح الخير يا حج 

السائق محمود : صباح النور يا بنتى 

علياء : انا طالبة فى اخر سنة لى بكلية الطب وكنت بعمل بحث عن الأطفال المريضة وإلى ظروفهم صغيرة وانشالله هعالجهم واساعدهم بس محتاجة اعرف الأقى الأطفال دى فين هنا وانا معرفش حاجة فى لاقصر محتاجة انك تساعدنى 

السائق محمود : فيكى الخير يا بنتى ياريت نلاقى ناس زيك تساعد الناس كدة ربنا يجازيكى خير انا هساعدك حتى ولو من غير حساب يا بنتى 

علياء : لا يا عم محمود حقك محفوظبرضو يلا بينا نبدا ياعم محمود 

بدأت علياء جولتها والتقت حتى الآن 10 اطفال وعالجت منهم من كان مرضه خفيف واحبوها الأطفال كثيرا ولكن لم تكمل جولتها بسبب حادث السير الذى حدث معها فاضطرت إلى الذهاب إلى قسم الشرطة لكى تخرج السائق محمود فى قسم شرطة محافظة الاقصر 

علياء : لو سمحت يا حضرة الظابط دة كله ظلم وافترة هو إلى خبط فينا ليه تقبض على الراجل الغلبان وتسيبوه علشان هو مركز وليه سلطة فى نفس الوقت كان يوسف دخل إلى الغرفة وسمع كل ما قالته علياء 

يوسف : فى ايه يا انسة 

علياء : فى تسيب واستهتار وظلم وانا هبلغ الوزير على إلى بيحصل دة 

يوسف : لا يا فندم مش محتاجه تبلغى الوزير اتفضلى معايا ومشكلتك انشالله هتتحل 

علياء : ماشى متشكرة جدا 

نظرت علياء إلى الشخص الذى تحدث اليها ووجدته نفس الشخص الذي رأته مع صديقتها ريمان 

يوسف: اتفضلى يا انسة ريمان المكتب نور والله دة احنا زارنا النبى النهاردة 

علياء : لو سمحت متتكلمش معايا كدة أنتا تعرفنى علشان تكلمنى كدة بالطريقة دى 

يوسف : ماشى يا انسة ريمان ممكن اعرف ايه الموضوع 

علياء: الى حصل أن فى شاب خبط فى التاكسي إلى كنت ركباه وشتم السواق وضربه وهو راجل قد أبوه ولما جاه الظابط إلى كان فى المكتب إلى كنت عنده سمح للشاب انو يمشى وخد سواق التاكس ورماه فى الحجز ودة ظلم وانا هكلم الوزير فعلا على التسيب إلى بيحصل دة 

يوسف : لا يا فندم مش محتاجه تبلغى الوزير الموضوع خلص يا فندم واعتبرى عم محمود هيخرج معاكى ومفيش محاضر والرخصة هترجعله ومفيش اى غرامة عليه ومتديقيش يا فندم احنا اسفين 

علياء : شكرا انا بس اتاخرت عاوزة عم محمود يخرج علشان لسة مخلصتش البحث بتاعى وهو بيساعدنى في كل مكان لانى معرفش حاجة هنا 

يوسف: احنا اسفين يا فندم على التأخير حالا انا ادتهم ازن يخلصوه خلاص بس عفوا منك بحث ايه دة 

علياء : انا طالبة فى اخر سنة ليا فى كلية الطب والبحث عن الأطفال إلى ظروفها ما تسمحش ليهم انهم يتعالجوا انا هعالجهم واساعدهم انشالله 

يوسف : اه والله دى حاجة كويسة قوى تصدقى دى اول مرة الأقى حد بيفكر بالطريقة دى عمرى ما شفت دكاترة بتعمل كدة ربنا يجازيكى خير ولو حابة انى اساعدك معنديش مشكلة برضو احنا تحت أمرك 

علياء: لا انا عاوزة عم محمود هو إلى عارف انا عاوزة ايه 

يوسف: يعنى واثقة فى عم محمود ومش واثقة فى اخو صحبتك على العموم براحتك 

علياء : نعم اخو مين ريمان صحبتى 

يوسف: اه يا انسة علياء اعرفك بنفسى انا الضابط يوسف أحمد حازم صلاح اخو ريمان بس حضرتك بعصبيتك الزايدة ظنيتى فيا ظن مش حلو بس يلا ربنا يسامحك 

علياء : انا اسفة قوى بس يعنى حضرتك خبطتنى 

انا اسفة قوى بس يعنى حضرتك خبطتنى وانا مكنتش طايقة نفسى وشفتك حاضن صحبتى ومش مكتوب على وشك انك اخوها اكيد لازم أشك على العموم فرصة سعيدة وانا اسفة على إلى حصل منى 

يوسف: ولا يهمك يا انسة علياء المهم هتقبلى مساعدتى يمكن انا افيدك اكتر من عم محمود 

علياء: اممممم أفكر 

يوسف : لسة هتفكرى طاب عن ازنك 

علياء : هههههههه اوكيه ماشى وهكون ممنونة ليك 

يوسف : على ايه بس المهم عم محمود خرج عاوزه ولا نخرجه واوصلك بعربيتى 

علياء : تمام ممكن اكلمه اديله حقه 

يوسف : تمام خلوه يدخل 

عم محمود : متشكر يا بنتى ربنا يكرمك زى ما خرجتينى 

علياء : على ايه ياعم محمود دة انا بعتذرلك على إلى حصل انا اسفة يا عم محمود حقك عليا واتفضل ياعم محمود حقك 

عم محمود : لا يا بنتى مش عاوز حاجة ربنا يكرمك بس 

علياء: ابدا ياعم محمود دة حقك والحق دة رايح لولادك لازم تاخده وربنا يكرمك ياعم محمود واشوف وشك بخير يارب 

عم محمود : متشكر يا بنتى ربنا يكرمك زى ما كرمتينى ويرزقك با ابن الحلال إلى يصونك ويحميكى من اى شر يا بنتى 

علياء : ايه ياعم محمود الدعوة الحلوة دى بس ربنا يخليك ياعم محمود ويخليك لولادك يارب اشوفك بخير 

عم محمود : اشوفك بخير سلام يا بنتى 

علياء : سلام يا عم محمود 

ذهبت علياء بعد ذلك مع يوسف وارشدها كثيرا من عم محمود وتكلمت معه كثيرا ووجدته لطيف عما كانت تفكر من قبل