اعتراف تحت سماء أسوان

ريمان : انا لا طبعا ايه إلى انتى بتقوليه دة مفيش حاجة من إلى فى دماغك دى 

علياء: والله آمال إلى مكتوب على الورق دة ايه مش اسم سامح و جنبه قلوب ولا لا يكون سامح تانى غير إلى أعرفه 

ريمان: وانتى بتفتشى فى حاجتى ليه 

علياء: انا مفتشتش فى حاجتك بس حضرتك رجعتى خلصانة من بره ورميتى الورق على سريرى فا من الطبيعى انى اشوفه يا زكية ريمان قولى الحقيقة انتى بتحبى اخويا سامح 

ريمان: أصله أصله 

علياء: ريمان اتكلمى قولى متخفيش عمر الحب ما كان ضعف ولا تردد وإلى يحب ما يخفش انه يعترف بحبه 

ريمان: يعنى انتى رأيك كدة 

علياء: اكيد انا لو مكانك كنت روحت قولتله على طول ويا يبادلك نفس الشعور يا لا وفى الحالتين مش هتخسرى حاجة غير انك اعترفتى بالى فى قلبك ومكتمتيش جواكى حاجة خليكى قوية كدة وانزلى قوليله كل حاجة من غير تردد ولا خوف 

قبلت ريمان علياء وشكرتها على مساعدتها فى هذا الأمر 

ريمان : شكرا قوى يا علياء ربنا ما يحرمنيش منك 

وذهبت لتغير ملابسها لكى تذهب لمقابلة سامح 

فى نفس الوقت كان يوسف شقيق ريمان خارج الغرفة واستمع إلى حديثهم كان ذاهب لرؤية شقيقته كما وعدها بالأمس انه سيقابلها تفاجأ بما سمعه !

الحلقة الثامنة عشر من رواية حكاية حب 

تفاجأ بما سمعه من علياء عن مشاعر شقيقته وأنها لم تخبره طوال هذة المدة أنها واقعة بالغرام فهى أكثر من اخت بالنسبة له هى صديقته المقربة فلما لم تحكى له عن مشاعرها هل خافت منه ولكن ريمان مقربة منه لدرجة أنها لا تحرج منه ابدا فهو ليس شقيقها فقط بل أبوها أيضا وذهب يوسف ولم يقابل شقيقته بعد ما سمعه 

بعد ساعة 

ذهبت ريمان لكى تتحدث مع سامح وتخبره بمشاعرها اتجاهه

ريمان: صباح الخير يا سامح 

سامح : صباح النور 

ريمان : فطرت 

سامح: لا مستنيكى تفطرى معايا 

ريمان بضحك: تمام أخبار رجلك ايه دلوقتى 

سامح: مالك يا ريمان مش احنا كنا عند الدكتور امبارح وقال خلاص انى خفيت 

ريمان: اه صحيح نسيت 

سامح : ريمان إنتى فيكى حاجة تعبانة من حاجة 

ريمان: لا ابدا مفيش حاجة 

سامح : طيب يلا بينا نفطر كان سامح يفكر فى كلام علياء معه على أن ريمان تحبه وهو أيضا شعر بشئ اتجاهها عندما اقترب منها أكثر فى الرحلة فكان يريد أن يصارحها انه يريد الارتباط بها ولأنه كان متوتر فلم يتكلم ولكن ريمان كانت جريئة عنه فتكلمت هى عما يعتمر قلبها وهم يتناولون الإفطار 

ريمان: سامح انا كنت عاوزة اقولك حاجة 

سامح: قولى يا ريمان إلى انتى عاوزة من غير ما تستاذنى 

ريمان: انا انا 

سامح: مالك يا بنتى اتكلمى فى ايه قلقتينى 

ريمان: انا مش عارفة اقولك ايه الصراحة خايفة تزعل منى 

سامح: لا مش هزعل متخفيش وقولى 

ريمان: وعد مش هتزعل 

سامح: اوعدك مش هزعل قولى 

ريمان: بص بقى بصراحة كدة ومن غير لف ولا دوران انا بحبك 

سامح : ايه بتقولى ايه على صوتك كدة علشان مش مصدق إلى سمعته صح ولا غلط قوليها تانى كدة 

ريمان: انا بحبك وبحبك قوى كمان ليا اكتر من سنه بحبك وتعبت من حبى ليك وكان لازم اقولك واصارحك بمشاعرى انا بحبك يا سامح 

سامح: انا مش عارف اقول ايه بس بصراحة انتى طلعتى اجرء منى انا كنت خايف انى اقولك انى عاوز ارتبط بيكى لترفضى بس دلوقتى انا فرحان قوى انك هتفضلى جنبى ومش هتسيبينى ابدا انا كمان بحبك يا ريمان تقبلى تكونى خطيبتى 

اغروقت عيون ريمان بالدموع وهى تهز رأسها فى قبول وهى بتقول موافقة 

ريمان : اكيد موافقة نهض سامح عن مقعده وقام بضم ريمان إليه وكل من بالمكان ظل يصفق لهم وكانت من ضمن الحضور علياء وظلت تصفق كثيرا وذهبت لهم 

علياء : الله الله سيدى يا سيدى دة الحب ولع فى الدرة وانا مش عارفة مبروك 

سامح: الله يبارك فيكى يا رخمة 

علياء: انا رخمة طيب انا ماشية 

ريمان: لا ماشية رايحة فين انتى قلبى هتسيبينى وتمشى 

علياء: اه طبعا انتوا نايمين فى العسل ونسيتوا أن خلاص كلنا ماشيين دلوقتى اخلصوا بلاش دلع الباص هيمشى سامح وريمان حاضر جايين 

وبفضل علياء أيضا اقنعت الدكتور المسول عن الرحلة أن يأخذ معهم شقيقها سامح وأنه خطيب صحبتها وان والدها أرسله معها لانها مريضة واقتنع الدكتور وأخذوا معهم وهم فى طريقهم كان سامح يجلس بجوار ريمان وكانت علياء تشعر بالملل تشتاق أكثر لرفقة يوسف لها كم كانت سعيدة معه وكانت تفكر فيه هذة المرة ليست كرفيق ولكن هذا شعور قلبها اتجاهه ولأول مرة يخفق قلبها ومن أجل نفس الشخص التى كانت منذ فترة قصيرة تكرهه بشدة هو نفس الشخص الذى خفق قلبها لأجله وهى تفكر وصلتها رسالة من شخص ما؟  

ارسل يوسف لرسالة إلى علياء ولكنه لا يعلم بما سيتحدث كل ما يشعر به أنه يريد مهاتفتها فقط يريد أن يسمع صوتها 

يوسف : وحشتينى 💝

علياء: 📩 وحشتينى 💝 ايه دة رقم مين دة انا مش هرد وبعدين دى قلة أدب مين الحمار إلى بعت الرسالة دى 

بعد 10 دقايق وصلت لعلياء رسالة أخرى 

📩 انا اسف انتى متعرفيش رقمى نسيت اقولك انا يوسف وياريت متديقيش من رسالتى بس دى الحقيقة انتى فعلا وحشتينى 💐 

علياء: ذهلت علياء كثيرا من كلام يوسف فهى لم تعرفه جيدا ولم تراه إلى قليلا فكيف له أن يحبها بهذة السرعة 

وأرسلت له رسالة 

علياء: انتا بتهزر اكيد ازاى دة حصل 📬 

يوسف:لا مش بهزر انا بتكلم جد انا مش عارف ازاى حصل كدة بس من أول مرة شفتك فيها وانا بفكر فيكى وفرحت لما شفتك تانى هنا وزى ما تقولى جتنى فرصة علشان اعرفك ودى حقيقة مش هزار انا بحبك ❤📩 

ذهلت علياء من حديث يوسف معها ولم ترد على رسالته ؟ 

انتظر يوسف لكى ترد عليه علياء ولكن دون جدوى لم ترد فقرر أن يتصل بها 

ترن ترن...... علياء الو مين معايا 

يوسف: انا يوسف يا انسة علياء 

علياء: نعم عاوز حاجة 

يوسف : اه مالك بتردى علياء كدة ليه على فكرة انا مغلطتش انا قولت الحقيقة وافتكر يعنى الحب لا عيب ولا حرام ولا غلط علشان ما اعترفش بيه وانا بحبك ايه الغلط فى كدة ادينى فرصة ادخل قلبك وتعرفينى واعرفك لكن انتى مش مديانى اى فرصة خالص دة طلبى ادينى فرصة انى اخليكى تحبينى 

علياء : ماشى انا موافقة بس بشرط 

يوسف: ايه هو 

علياء: نشوف مين عنده قدره يتحمل اكتر من التانى 

يوسف : ازاى يعنى 

علياء: لا تكلمنى ولا تشوفنى ولو انا كلمتك الأول معناها انى حبيتك ومش هقدر أبعد عنك وأبقى معاك وان انتا كلمتنى الأول يبقى 

خسرت فرصتك وانا محستش ناحيتك باى حاجة وهطلب منك انك تبعد عنى موافق

يوسف: موافق وأنهت الاتصال بعدها 

كان يوسف فاقد للأمل فى أن علياء تحبه لانها لم تعرفه جيدا وان كل ما تعرفه عنه قليل جدا وأنهم تقابلوا اول مرة بمشكلة كبيرة فمن الممكن أن ترفض الارتباط به 

وانتهت الرحلة ورجعوا إلى منازلهم وقرر سامح أن يتقدم لريمان وأخبر والده بذلك ووالده رحب بهذا الزواج لأن الفتاه ابنة صديقه 

بعد أربع شهور حفل خطوبة سامح وريمان 

كانت حفلة كبيرة جدا وجميلة وكانت بفيلا والد سامح وكانت والدة ريمان سعيدة لابنتها بهذا الشاب الذى كرمها الله به وتدعو ليوسف أن يجد الفتاة التي يحبها أيضا