نظرة غيّرت كل شيء

وصل يوسف الحفل ووجد شقيقته فى غاية الروعة والجمال 

يوسف: الله أكبر عليكى يا احلى عروسة فى الدنيا مبروك 

ريمان: الله يبارك فيك يا يوسف يا حبيبى ربنا يخليك ليا يوسف : آمال فين علياء 

ريمان : راحت تجيب حاجة وجاية من فوق 

بعد ربع ساعة أتت علياء كانت فى غاية الروعة والجمال كانت ترتدى فستان أزرق طويل وشعرها ينسدل على كتفيها وترتدى تاج صغير من الورد وحين رآها يوسف لم ينزل نظره من عليها وكانت هذة اول مرة يراها خالد صديق يوسف المقرب 

خالد : ايه ياعم من سعت ما البت نزلت ونتا منزلتش عينك من عليها هى دى بجد قمر ربنا يكرمكم ببعض انشالله 

يوسف: يارب بس هى توافق 

كانت علياء بصحبة مدام سهيلة طيلة الحفلة لانها تحبها بشدة لانها تعتبرها أكثر من ام لها لأنها مفتقدة لحنان الأم التى وجدته بهذة الأم الحنون وما أن رأت يوسف سهيلة وذهبت إليه 

سهيلة : بقولك يا علياء تعالى معايا دقيقة 

علياء: ماشى يا طنط 

سهيلة : يوسف حبيبى جيت امتى 

يوسف: من نص ساعة يا ماما وحشتينى

سهيلة : وإنتا اكتر يا حبيبى هتسافر تانى 

خالد: لا يسافر ايه احنا قاعدينلكم السنادى 

سهيلة: تنوروا يا ولاد ازيك يا خالد عامل ايه 

فى ظل ما كانت والدة يوسف تتحدث إلى خالد كان يوسف ينظر إلى علياء لم ينزل عينه من عليها ابدا طوال الحفل ولكن لم يتحدث معها ابدا مثلما طلبت منه 

حزنت علياء كثيرا من تجاهل يوسف لها وكانت تتمنى أن يتحدث معها ولو كلمة صغيرة ولكن لم يفعل لذلك ذهبت هى 

علياء: مساء الخير 

يوسف: مساء النور 

علياء: عامل ايه 

يوسف: تمام وانتى 

علياء: الحمدلله كويسة يارب دايما 

يوسف: ليا وليكى انشالله 

وجدت علياء أن يوسف يختصر الكلام فقررت أن تتخانق معه لتفهم لما يعاملها ببرود 

علياء: فى ايه يا يوسف بتعاملنى كدة ليه 

يوسف : كدة إلى هو ازاى يعنى انا كلمتك 

علياء: ما هو دة إلى مديقنى انك مبتكلمنيش 

يوسف : مش هو دة إلى انتى عاوزاه مش دة شرطك انى لا اشوفك ولا اكلمك أنا بنفذه مش اكتر 

علياء : بقى كدة الموضوع انا نسيت الحكاية اصلا واستنيتك تكلمنى ومكلمتنيش 

يوسف: نعم نسيتى وانا مستنى ردك طول الفترة دى علشان تقولى نسيتى انتى معندكيش إحساس لا بيا ولا بمشاعرى وبتعذبينى طول الفترة دى وانتى ناسية اصلا 

علياء : انتا فاهم غلط مش حكاية نسيت بس كنت فاكرة انى لما اقولك الشرط دة ترفض بس انتا وافقت وحسيتك أقوى منى فى تنفيذه ومكنتش حابة إبان خسرانة لانى عمرى ما خسرت قبل كدة 

يوسف علشان متخسريش تحرقى قلبى معاكى علشان غرورك تعملى فيا كل دة حرام عليكى يا خسارة مش هى دى علياء ام قلب كبير إلى بتحس بوجع الناس اول واحد دوستى على قلبه هو انا 

علياء : انتا ليه بتقول كدة أنتا فاهم غلط ولما انا وحشة كدة كنت حبتنى ليه انا اسفة انى دوست على قلبك بعد ازنك 

وقبل أن تغادر قام يوسف بضمها إليه 

يوسف: هش انا بحبك ومش هستغنى عنك أبدا حتى لو طلبتى عمرى فاهمة 

بعد أن ضم يوسف علياء إليه نسيت نفسها مع سماع كل كلام يوسف لها وفقدت زاتها وقالت له 

علياء: وانا كمان بحبك طول الفترة إلى فاتت كنت بحاول أقنع نفسى بحاجة غير كدة بس معرفتش انا اسفة انى عذبتك معايا يا حبيبى 

يوسف : قولتى ايه 

علياء: حبيبى كلمة عادية بقولها 

يوسف: لا يا شيخة دى عادية دى اول مرة اسمعها منك بس ايه القمر والحلويات دى الواحد يخاف عليكى كدة لتضيعى منه 

علياء : بجد شكلى حلو 

يوسف: حلو دة انتى قمر والله انتى لو مراتى كنت هربت بيكى من هنا 

علياء: يسلام 

يوسف: مش مصدقانى انا مجنون واعملها اخطفك من هنا واتجوزك واسافر بيكى على طول 

علياء: لا لا خلاص يا مجنون 

يوسف: مجنون بيكى 

علياء: بحبك 

يوسف: وانا كمان  

عودة للوقت الحالى فى غرفة نوم علياء وسارة 

علياء: بس يا بنتى وهو دة إلى حصل 

سارة : بجد الله قصة روعة انتى هتافلمى عليا يا علياء 

علياء: والله هو دة إلى حصل صدقينى 

سارة : مش هصدقك غير لما اشوف يوسف دة واتكلم معاه 

علياء: ماشى هو كان هياقبلنى فى النادى بكرة علشان يحدد معايا هيقابل بابا امتى  

سارة : تمام كلميه وقوليله انى جاية معاكى علشان اشوفه واتعرف عليه 

علياء: ماشى يا قردة 

سارة : علياء انتى مش بتقولى هو يعرف سامح معنى كدة انى سامح عارف 

علياء: اه عارف ويوسف طلب ايدى منو وكلمنى سامح وانا قلتله هتفق معاه

الحلقة العشرون من رواية حكاية حب 

هتفق معاه علشان يقابل بابا 

سارة : معنى كدة انى اخر من يعلم 

علياء: لا اكيد كنت هقلك

سارة : بعد ايه على العموم مبروك يا لولو 

علياء : الله يبارك فيكى يا قلب لولو 

كانت سارة سعيدة لسعادة علياء ولم تكن تتوقع أنها ستقابل نفس الشاب الذى التقت به من قبل ولكن للقدر يد فى كل شئ وليس بأيدينا خيار غير المثول للأمر الواقع 

فى صباح اليوم التالى فى النادى 

ذهبت علياء وسارة إلى النادى لكى تلتقى سارة بيوسف زوج اختها المستقبلى ولكن سارة لم تظل مع علياء وذهبت إلى صديقتها نفين ولم تتنبه فى سيرها فتعثرت فى شاب وهى ماشية وصدمت عندما اكتشفت هويته ؟ 

جلست علياء وسارة فى انتظار يوسف 

علياء: تعالى نقعد هنا انا وهو دايما بنقعد هنا هو عارف المكان علشان ميدورش علينا 

سارة : ماشى بس انجزى علشان انا هقابل نفين علشان ورانا مشروع تبع المدرسة عاوزين نخلصه 

علياء: ماشى ادينى هتصل بيه دلوقتى 

فى سيارة خالد 

يوسف: ياعم ليه جبتنا من الطريق دة كدة هتاخر عليهم وهى قايلة أن اختها مديقة من غير حاجة وشكلها هتنكد عليا 

خالد: مديقة على نفسها مش علينا وإنتا ايه إلى جبرك ولا حاجة مدام البت موافقة مال اختها بالموضوع 

يوسف: والنبى ايه شوف مين إلى بيتكلم بقى دة كلامك يا خالد اش حال ما انتا مبهدل بنت من كام يوم من غير زنب وبعدين مش كفاية جيبنى بعربيتك افرض روحوا معايا اوصلهم ازاى 

خالد: اوصلهم انا معاك يا بنى متخفش 

يوسف: ما هو الخوف كله منك انتا الصراحة يا بنى انا هعرفك على خطيبتى ابوس ايدك بلاش خناق مع البنات 

خالد: وانا عملت حاجة متخفش كدة انشف ياد بدل ما تشوف نفسها عليك 

يوسف : احترم نفسك يا خالد ومتوقعش بينا احنا بنحب بعض 

خالد: حب ايه بلا حب بلا وجع دماغ 

يوسف: مسيره يجيلك يوم وتحب وتقعد نفس قعدتى 

خالد بضحك : ههههه لما يجى اليوم دة ابقى ابعتلك تعظيم سلام إدينا قربنا نوصل ورد على الزفت بتاعك إلى جبلى صداع دة 

يوسف: حاضر يا زفت 

يوسف: الو اه يا علياء 

علياء: ايه يا يوسف اتاخرت ليه سارة اتخنقت وعاوزة تقابل صحبتها وهتمشى وراه درس انا جيباها بالعافية اصلا 

يوسف : انا قدام النادى هركن العربية واجى انتى فين 

علياء: انا فى نفس المكان بتاعنا 

يوسف : طب تمام هجيلك سلام 

علياء: خلاص يا سارة هو بيركن العربية وجاى 

فى هذة اللحظة رن هاتف سارة 

سارة: الو اه يا نفين انا فى النادى اه وصلت من بدرى 

نفين : طيب تعالى يلا 

سارة : طيب أخلص من علياء واجيلك

نفين : لا تعالى دلوقتى وأبقى ارجعيلها تانى براحتك علشان انا ماشية 

سارة : طيب ماشى ادينى جاية اجيلك فين 

نفين : عند ملعب التنس انا هناك 

سارة : تمام دقيقة واكون عندك 

علياء: ايه رايحة فين 

سارة : رايحة لنفين اشوف ايه الجديد فى المشروع 

علياء: طيب استنى شوية شوفى يوسف وامشى بسرعة 

سارة : مش هينفع نفين ماشية هشوفها وارجع اقعد معاه على طول يا ستى 

علياء: يعنى فكيتى ونسيتى الموضوع بتاع الاسبوع إلى فات بسببى انا ويوسف 

سارة: ولا يهمك وانا عندى كام علياء وبعدين من كلامك على يوسف انا حبيته ونفسى اشوفه واتكلم معاه وكنت هقعد معاه 10 دقايق وامشى علشان خاطر نفين دلوقتى هقعد معاه كتير 

علياء: خلاص تمام فرحتينى طيب روحى وانا هقعد معاه لحد ما تيجى 

سارة : تمام ماشى