9 / مالم يقال

نور مسكت إيد عمر وقربت منه بهدوء، كأنها عايزة توصل له إحساسها قبل الكلام، وكانت عيونها مليانة حنين وارتباك مع بعض.

عمر قرّب ودنه منها، مستعد يسمع أي كلمة من شفتها.

وقالت له بصوت واطي، خافت شوية لكنه حنون:

— ممكن نمشي؟

نظراتهم اتقابلت، وصمت قصير ملأ الجو بالتوتر والدفء في نفس الوقت.

عمر ابتسم بحنية وقال:

— اللي تحبيه… أنا موجود عشانك.

نور ابتسمت ابتسامة صافية، شدّت على إيده بقوة خفيفة، كأنها بتقول له: «أنا هنا، ومعاك، متقلقش».

— شكرًا.

عمر قام وقف، وخطواته كانت سريعة لكنه ما خلعش عينيه عنها.

داليا بصّت له من تحت لفوق، استغربت إنه قام فجأة، وميلت شويه للأمام تراقبه.

— معلش يا جماعة، أنا همشي عشان عندي صداع.

داليا وقفت بسرعة:

— استنى، أنا معايا دوا—

بس عمر وقفها بإيده اليسرى، بنبرة حازمة لكن فيها لطف:

— لا، شكرًا.

نور كانت قاعدة مكانها، ساكتة، بتتفرج على داليا اللي قررت تحسسها إن كان في بينها وبين عمر حاجة قديمة… حاجة زمان.

عمر مدّ إيده تاني لنور.

نور بصّت للإيد، وبعدين رفعت عينيها لداليا بنظرة تحدّي… مسكت إيده بإحكام، وبصّت لداليا بكل وضوح:

— تمام يا حبيبي، أنا معاك… متقلقش.

عيون داليا كانت بتلمع شرار، تحسّس بالغيرة تكسّر قلبها شوية.

قرّبت خطوة من نور وقالت بابتسامة مستفزة وحنونة في نفس الوقت:

— بصي يا نور، اعملي له مساج لراسه، هو بيحب الحركة دي قوي، وبتهدّي الصداع… اسأليني أنا.

نور بصّت لها بثبات، حاولت تخبّي غيظها، ابتسمت ابتسامة هادئة:

— عمر معايا، مش محتاج كل ده. متقلقيش عليه.

عمر بصّ لداليا بعيون فيها غيظ بسيط وقال:

— داليا، روحي كمّلي لعب، ومتشغليش بالك بيا. أنا عارف علاجي.

داليا حاولت تبين هادية، لكنها كانت متعصّبة جواها. ابتسمت ابتسامة مصطنعة، وعينيها مليانة تحدّي وكبرياء:

— هلعب كتير… متقلقش.

عمر أخذ نور ومشيوا سوا في الشارع، والجو كان هادي، لكن كل خطوة كانت مليانة حميمية وتواصل صامت.

نور كانت ساكتة، ماسكة دراعه بكل قوة، ماشية جنبه كأنها بتستخبى جواه، وكل مرة كان بيحس فيها بوجودها، قلبه يدق أسرع.

قال بهدوء:

— نور… مالك؟ ساكتة ليه؟

وقفت فجأة وبصّت له بعينيها اللامعتين:

— عمر، اوعدني إنك مش هتسيبني… وإنّي عمري ما أكون شخص بتتسلّى بيه.

— أنا ما حبتش في حياتي حد قدّك.

سكتت لحظة، ثم كملت بصوت مهزوز ومليان أحاسيس:

— بابا لما سابني، كنت متعلقة بيه قوي… كنت بحبه، وبتخيله معايا طول الوقت… كنت بتكلم معاه وبشوفه… زي ما أنا شايفاك دلوقتي.

بلعت ريقها، وأكملت:

— وماما لما عرفت، ودّتني لدكتور… قالت إني مريضة بيه… أخدت الدوا… وبطّلت أشوفه.

رفعت عينيها لعمر، بصوت صادق:

— عمر، لو أنا مريضة بيك… فأنا حابة كده… مش عايزة أتعالج.

— أوعى تكون خيال… وحتى لو خيال… أنا عايزاك زي ما إنت.

عمر قرب منها، لمس بإيده ذقنها بخفة، وقال بصوت مكسور:

— نور… بصّي لي، لو سمحتي.

عينيه كانت مدمّعة، مليانة صدق وحب.

رفعت راسها، وبصّت جواه… وكل كلماتها المحبوسة اتقالت بنظرة واحدة.

— نور… أنا بجد بحبك… أنا مش خيال… أنا معاك، وعمري ما هسيبك مهما حصل.

نور أخدت نفس عميق، كأنها كانت بتغرق ووحده عمر أنقذها.

— بجد يا عمر؟

ابتسم وقال:

— عارفة؟ أحلى كلمة «عمر» ما بسمعهاش غير من شفايفك.

اتكسفت نور، ابتسمت، وضمت دراعه، ومشيت جنبه.

وصلوا عند بيتها، واقفين قدام الباب.

عمر ماسك إيديها الاتنين، وهي باصة لعينيه الساحرتين.

قالت بهمس:

— ممكن أقولك حاجة؟

— اتفضلي.

— أنا بحب صوتك، وكلامك، وهدوءك… ونظرة عينيك ليا، وتنهدتك أول ما بتشوفني… وبصّتك ليا أول ما حد ينادي عليك، كأنك بتشوفني أنا…

ابتسم عمر بحنين:

— ولما تختفي من قدّامي وأنا شايفك من بعيد… كنت بشوف عينيك بتدور عليّ في كل مكان… ولما بنفطر وتقعد جنبي… كنت ببقى مبسوطة قوي.

سكتت شوية، وكملت بخجل:

— وفي الأول، قبل ما نكون أصحاب، لما كنت تيجي تكلمي حد وأنا واقفة معاه… عيني كانت بتخوني وتفضل باصة عليك… ولما دخلنا مشروع الجامعة السنة اللي فاتت سوا… كنت هموت من الفرحة… بس معرفش ليه… ما كنتش عايزة أعترف باللي جوايا.

ثم قالت مبتسمة وخجولة:

— تعرف؟ كنت فاكرة داليا أختك، من كتر ما كنتوا بتتكلموا مع بعض.

ابتسم عمر بس أول ما جابت سيرة داليا، ملامحه اتغيّرت شوية:

— نور، أنا وداليا كنا أصحاب… ماليش دعوة لو هي بتحس بأي حاجة… بس أنا فعلاً عمري ما حبيتها.

نور لمست شفايفه بإيدها الرقيقة، بتسكّته:

— عمر، أنت مش محتاج تبرّر… أنا مش عايزة من الدنيا غيرك.

ابتسموا لبعض، وفجأة تليفونه رن…

اسم داليا ظاهر على الشاشة.

نور بصّت له بهدوء:

— رد يا عمر.

ردّ، وقبل ما يحط الموبايل على ودنه، نور دوست على زر المايك، وصوت صريخ جاء منه:

— ااااه! عمر، الحقني! الحقني يا عمر، أرجوك!

عمر اتخض، لكن نور كانت ثابتة وابتسمت:

— مالك؟ في إيه؟

— أنا في البيت يا عمر… تعالى أرجوك، أنا تعبانة قوي—

الخط اتقفل فجأة.

نور بصّت لعمر بهدوء شديد:

— عايز تروح لها؟

قالت بصوت هادي وحاني:

— لا… روح. هي عايزاك إنت.

— أروح إزاي وأسيبك؟

— أنا تمام… روح لها، وابقى طمّني.

— طب تعالي معايا.

— لا… روح بس عشان متتأخرش.

نور حاولت تبان واثقة فيه وفي حبه… بس اللحظة دي هزّت جواها حاجات كتير، وما اتكلمتش.

عمر سابها، وراح بيت داليا… الباب كان مفتوح نص فتحة. خبط… محدش رد.

دخل يدور عليها:

— داليا…؟

وفجأة، نور كانت قاعدة على الكنبة، الدموع واقفة في عينيها ومش عايزة تنزل. كانت بتسأل نفسها في صمت:

— واضح إنه عارف بيت داليا كويس… قوي كمان… لدرجة إنه… ما سألش حتى هو فين مكان البيت.

لأول مرة، نور ما اتكلمتش… بس قلبها قال كل اللي ما اتقالش، وكانت دي أول مرة تحس إن الثقة ممكن تتوجع من غير ما تتكسر.