"TITA CALISTA!" Mabilis na tumakbo palapit kay Calista si Morgan at yumakap nang mahigpit nang datnan niya itong naglalaro sa flower shop na pagmamay-ari ni Aimen.Pumikit siya at dinama ang yakap ng anak. Ginantihan niya rin ito ng yakap. Sobrang na-miss niya ito. "How's my baby girl?"Nakangusong kumalas sa pagkakayakap niya si Morgan. "No, Tita I'm already five kaya hindi na ako baby," sabi nito habang nakataas ang limang daliri."Oh, my bad. Kumusta na pala ang big girl ko?" Nakangiti niyang iniipit sa tainga nito ang maiksi nitong buhok."Good! Alam mo, Tita marami na po akong friends sa school. Si Jacklyn, Bobby, Patty, Faye, Sharmaine, at saka si... si William. Kahit inaaway ako minsan ni William friend ko pa rin siya kasi shi-ne-share niya ang snacks niya sa akin," bibong-bibong kwento ni Morgan."Talaga? Wow! That's nice," nakangiti niyang sabi."Nandito ka na pala, Calista."Napalingon siya sa bumukas na pinto. Pumasok mula roon si Aimen. Lumapit ito sa kaniya at yumakap."Ku

HINDI pa rin matahimik ang kalooban ni Clyde dahil sa misteryosong paglitaw ng iniregalo niyang bracelet kay Callie. Palagi niya itong dala kahit saan at palagi niya iyong tinitingnan. Iniisip ang lahat ng posibleng dahilan kung bakit iyon naroon sa Barry Hills. Ninakaw ba iyon kay Callie? Pero kailan pa? Wala siyang naaalalang sandali na hindi iyon suot ni Callie sa tuwing nagkakasama sila. Noong namatay ba ito iyon nawala? Kung noong gabi ng trahedyang iyon ninakaw rito, may posibiladad na ang kumuha n'on ay may kinalaman sa pagkamatay nila at naroon ito ngayon sa Barry Hills.Napapikit siya at bumuga ng hangin. Inilapag niya ang bracelet sa ibabaw ng kaharap na mesa. Sumasakit na ang ulo niya sa labis na pag-iisip.Tiningnan niya na lamang ang chocolate shake na nakapatong sa mesa. Binili niya iyon sa katabi niyang food truck. Unti-unting sumilay ang maliit na ngiti sa kaniyang labi. Chocolates always remind him of Callie. Hindi siya mahilig sa tsokolate pero iyon ang binili niya d

TILA isang musika sa pandinig ni Calista ang mga tumatawang boses ng mga batang tinuturuan niya. Sa tuwing nakakasama niya ang mga ito ay palagi niyang naaalala si Morgan. Sa pamamagitan ng mga batang iyon, kahit papaano ay nababawasan ang kaniyang lungkot dahil sa pangungulila sa anak.Pumalakpak siya nang mabasa ng mga bata ang isa sa mga pangungusap na isinulat niya sa white board."Okay, ngayon itong pangalawang pangungusap naman ang basahin niyo nang sabay-sabay," nakangiti niyang sabi sa mga bata. Itinutok niya na ang hawak na marker sa nakasulat na pangungusap. Muli siyang napangiti nang maayos uli iyong nabasa ng mga bata. Pupurihin niya sana ang mga ito nang bigla siyang natigilan nang biglang sumuot sa kaniyang pang-amoy ang amoy ni Clyde.Dumoble ang bilis ng tibok ng kaniyang puso dahil sa kaba. Base sa tingkad ng amoy ni Clyde, sigurado siyang nasa malapit lang ito. Kailangan niya nang magtago.Akmang pipihit na siya sa kaniyang likuran upang tumakbo pabalik sa tenement na

NAPALINGON si Clyde sa mababang tarangkahan ng bakanteng lote sa tabi ng kanilang barracks nang marinig na may pumalakpak doon. Nakita niya si Allen na nakatayo roon at nakangiti siyang tinitingnan. Dahil sa nakatuon ang buong atensyon niya sa pagsasanay ay hindi niya namalayan na pinanonood pala siya nito. Itinukod niya ang dulo ng hawak na espada sa lupa at nakasimangot na tiningnan ito.Sumaludo si Allen sa kaniya na bihira lang naman niyon gawin. Marahil nagbigay pugay ito sa kaniya dahil naroroon din ang ilan sa mga sundalong sakop niya.Tumungo siya sa bahagi ng tarangkahan kung saan nakasabit ang tuwalya niya. Kinuha niya iyon at nagpunas na ng pawis. Lumapit naman sa kaniya si Allen."Galit na galit, Sir ah," sabi nito.Hindi siya sumagot dahil halata naman iyon sa bawat wasiwas niya ng kaniyang espada. Inaamin niya, hindi siya nakatulog nang maayos dahil doon sa lalaking kasama ni Callie kagabi. Ang dami niya na ngang problema ay dumagdag pa ang lalaking iyon."Pwede ko bang

HINDI kaagad na nakapagsalita si Clyde matapos marinig ang sinabi ni Calista. Hindi niya inaasahan iyon ngunit hindi na rin naman siya nagulat. It seems like he already knew that that time would come sooner or later."You should at least tell me the reason why I should stop seeing you," seryoso niyang sabi kay Calista.Muli, nag-iwas ng tingin si Calista. "I just don't want us to be together again."Nasaktan siya sa sinabi nito. Ito ba ang nararamdaman nito simula noong unang beses silang nagkita ulit doon sa Barry Hills?Sa kabila ng sama ng loob na nararamdaman ay hindi niya iyon ipinakita. Tinanguan niya lang si Calista. "Fine."Nakita niya ang pagkabigla sa mukha nito nang kaagad siyang pumayag sa gusto nito."Pero bago ko gawin 'yang gusto mo, you should also do something in return. Tell me everything." Binigyang diin niya ang huling salita niyang sinabi."There's nothing to tell, Clyde. Anim na taon na ang lumipas... Wala na rin namang mababago kahit pa sabihin ko sa 'yo ang mga