Semua Bab Consultant Turned Contracted Wife: Bab 141 - Bab 150

“Sigurado ka ba na pinatay mo ang ilaw?” narinig niyang sabi ng isa. Malalim ang boses, may halong inis.“Oo naman! Paulit-ulit mo pa ngang sinabi sa ‘kin. Nakakarindi na nga, eh!” iritang sagot ng pangalawa.“Mag-ikot kayo,” utos ng unang lalaki, tila siya ang lider.Ayaw man, sumunod ang dalawang kasama. Naghiwa-hiwalay ang mga ito at nagsimulang mag-ikot sa sala, kusina, at banyo, maingat na sinusuri ang bawat sulok, wari’y may hinalang may nangyaring kakaiba.Ang isa sa mga lalaki ay nagsimulang maglakad papalapit sa kwartong kinatataguan ni Axel. Dito na siya kumilos.Mabilis at eksaktong parang lobo na sumalakay, bigla niyang sinunggaban ang lalaking papasok. Hinawakan niya agad ang braso nito at marahas na pinilipit. Mabilis ring tinakpan ang bibig gamit ang kanyang palad upang hindi ito makapalag ng sigaw. Isang hakbang at isang lakas na hatak lang, napaluhod na niya ito at idiniin sa sahig.Nagpumiglas ang lalaki, sumisipa, pilit na lumalaban, pero wala itong binatbat sa laka

“Mabuti siguro maghintay muna tayo. Kapag nagtakipsilim na, saka tayo magsimulang magplano,” sabi ni Barry, sumasang-ayon sa opinyon ni Neera. Hindi rin siya kampante na pasukin agad ang lugar nang walang sapat na cover.Dahil dito, nagpasya silang maghintay sa loob ng kotse. Tumagal ang mga minuto, ngunit hindi sila nagpakampante. Lahat ay nanatiling alerto, pinagmamasdan ang paligid habang unti-unting nilalamon ng dilim ang kalangitan.Pagsapit ng takipsilim, nagsimula na silang kumilos. Ang bawat galaw ay maingat, bawat hakbang ay pinag-iisipan.“Tara na. Nagawa ko nang i-access ang CCTV footage,” ani Tyler habang inilalagay ang tablet sa loob ng sling bag. “Naka-on pa rin ang live feed, pero pinalitan ko na ng looped video. Ang nakikita sa mga camera ay hindi ang totoong nangyayari.”Nauna sa paglapit sina Neera at Tyler. Pareho silang alerto, kabisado ang gagawin. Si Barry naman ay dumidikit lang kay Selena, palaging nasa tabi nito para siguraduhing ligtas siya.Napansin iyon ni

Kasunod nito, marahang nagsara ang pintuan ng elevator. Ramdam nila ang bahagyang pagyanig nang ito’y magsimulang bumaba, tahimik ngunit may bigat ang bawat segundo ng paghihintay.Makalipas ang ilang sandali ay bumukas na rin ang pintuan. Lumakad silang palabas, alerto, ngunit determinado.Kakaunti lamang ang mga ilaw na nakabukas sa loob ng underground facility, subalit sapat na ito upang masilayan ang kabuuan ng lugar. At sa unang tingin pa lang, alam na agad ni Selena na isang malawak na laboratoryo ang kanilang pinasok.Nasa paligid ang naglalakihang aparato, mga makina at kagamitan na hindi siya pamilyar. May mga isolation tubes na kasinglaki ng tao, ilan ay walang laman, ngunit ang iba ay tila may aninong nasa loob. Sa tabi-tabi ay naroon ang mga babasaging lalagyan na may lamang sari-saring kemikal na ginagamit sa eksperimento.Pinakamabigat sa lahat ay ang mga hayop na naka-display, mula sa maliliit na daga hanggang sa mas malalaking unggoy at sawa.Karamihan ay buhay pa, ng

“Agh!” napaatras siya sa lakas ng tama, agad napahawak sa tiyan sa tindi ng sakit.Sinamantala ni Knox ang sandaling iyon.Mabilis niyang nilabas mula sa bulsa ang isang injection pen at bago pa makabawi si Neera, naiturok na niya ito sa leeg ng babae.Isang tusok. Isang segundo.At bumagsak si Neera sa sahig, wala nang malay, walang laban.Nanlaki ang mga mata ni Selena, napatayo siya mula sa kanyang pinagtataguan, akmang lalapit. “Neera—!”“Mrs. Strathmore! Huwag!” mabilis siyang hinawakan ni Barry, mariing pinigil ang kanyang kilos.“Pero Barry—” nais sana niyang ipilit ang sarili, nanginginig ang tinig niya, pero mahigpit pa rin ang pagkakahawak ng lalaki sa kanya.“Dito ka lang, Mrs. Strathmore,” mariing ulit ni Barry, ang tono'y hindi na puwedeng tutulan.Tahimik siyang sumunod, ngunit bakas ang pag-aalala sa kanyang mukha habang sinusundan ng tingin si Barry.Tahimik ding tumayo si Barry at unti-unting naglakad palapit kay Knox, na karga ang walang malay na si Neera.Dahan-daha

Hindi na nag-aksaya ng oras si Barry. Gamit ang makapal na usok, mabilis siyang umatras at nagtago sa usok. Agad siyang tumakbo patungo sa elevator.Sa sandaling makapasok siya, mabilis na pinindot ni Tyler ang button paakyat.Napamura si Knox at sinubukang humabol, pilit na sinisinghot ang usok para lang matunton ang direksyon ng elevator. Ngunit huli na siya.Sa isang iglap, sumara ang pinto ng elevator, at mabilis itong umakyat paalis sa underground facility, habang naiwan si Knox sa pusikit ng usok, galit, natalo, at bigong makapigil.Sa loob ng elevator, sabay na nakahinga ng malalim sina Tyler at Barry habang si Selena naman ay nanatiling tahimik, tila ba malalim ang iniisip. Nakapikit siya saglit, hawak ang sariling mga kamay habang nakatungo.Napansin iyon ng dalawa. Nagkatinginan sina Tyler at Barry, isang tingin ng pag-aalalang may kasamang pagtataka bago nila muling ibinaling ang tingin kay Selena.Si Barry ang unang nagsalita, ang tinig nito'y mahinahon ngunit puno ng pag-