All Chapters of Consultant Turned Contracted Wife: Chapter 161 - Chapter 170

Simula nang dalhin sa lugar na ito ang tatlong lalaki, walang araw na hindi sila dumanas ng pahirap at paulit-ulit na pagtatangka para sila’y paaminin at magsalita.Ngunit sa kabila ng lahat, wala pa ring kahit anong impormasyon ang kanilang nakukuha.“Ibig sabihin lang niyan, kulang pa ang pagpapahirap niyo sa kanila,” malamig na saad ni Axel habang nakatitig sa tatlong lalaking nakatali at nakaupo sa sahig.Tumalim ang titig niya, tila ba kayang butasin ang balat ng mga ito sa tindi ng kanyang tingin.“Russell. Neera. Barry.”Agad lumapit ang tatlo, handa sa anumang ipag-uutos niya.Bago pa makapagsalita si Axel, humakbang na si Neera palapit sa mga lalaking nakagapos. Naningkit ang kanyang mga mata, matalim at mabigat ang bawat hakbang. Tila binabasa niya ang kaluluwa ng bawat isa habang mariing nakatitig sa kanilang mukha.“Pahngi ako ng tubig at tela,” malamig na utos niya. Kaagad siyang inabutan ng isa sa mga tauhan ni Axel.Walang alinlangan, ibinuhos ni Neera ang tubig sa ulo

Ngunit hindi niya inasahang ang imaheng makikita niya ay ang mukha ng kanyang kapatid na babae.Mabilis na tumindig ang lahat ng balahibo niya, lalo na nang marinig ang kasunod na sinabi ni Axel. Hawak pa rin ang cellphone, tila may tinatawagan ito. “River, pumunta ka sa St. Aurelia Medical Institute. Hanapin mo ang pasyenteng nagngangalang Margarita Rosewood at ang room—”“Huwag!” halos pasigaw at pasabog ang boses ni Vincent. “Walang kinalaman dito ang kapatid ko! Huwag ninyo siyang gagalawin! Subukan ninyo at magkakamatayan tayong lahat!” Nagngangalit ang kanyang mga mata, halatang desperado at handang isugal ang lahat. Hindi siya kailanman papayag na may mangyari sa natatangi at natitirang kadugo niya sa mundo.“Ano naman kaya ang magagawa mo kung sarili mo nga, hindi mo mailigtas?” malamig na wika ni Axel, tila ba sinadyang maglagay ng asin sa sugat ni Vincent.Masakit man ang mga salitang iyon, ngunit alam ni Vincent na totoo ang sinabi ni Axel. Napapikit siya nang mariin, kumak

Sumabat si Neera. “Sino naman ang Jeff na sinasabi mo? At paano siya nasangkot kay Lyka?”Muling nagsalita si Vincent. “Dahil sa matinding kahirapan. Ikinuwento ni Jeff na halos walang makain ang pamilya niya, kaya napilitan siyang gumawa ng ilegal. Doon niya nakilala si Lyka sa black market, naghahanap ng mga tauhan.”Huminga nang malalim si Vincent, kinagat ang labi, saka nagsalita ulit. “Hindi ba’t hinahanap mo rin ang truck driver na muntik nang sagasaan ang asawa mo?”Biglang bumigat ang hangin sa paligid. Walang umimik, lahat nakatingin kay Vincent, naghihintay sa susunod niyang sasabihin.“Si Jeff ang truck driver na matagal mo ng hinahanap.”Dahan-dahan, naningkit ang mga mata ni Axel. Ang ekspresyon niya’y parang bagyong paparating, madilim, nakakatakot.“Si Lyka pa rin ba ang may utos no’n?” malamig at mababa ang tono ng boses niya.Kinilabutan si Vincent, ramdam ang lamig hanggang sa buto, pero pinilit manatiling kalmado. “Hindi, ang sabi ni Jeff may sariling plano si Lyka

Sa isang iglap, nagbago ang ekspresyon ni Gian. Ang iritasyon sa boses nito ay mabilis na napalitan ng pagkilala, tanda na nauunawaan niyang si Selena ang nasa kabilang linya.Nagsalita muli si Selena, maingat ang tinig.“Ikaw si Dr. Gian David, ‘di ba?” tanong niya, halos pabulong na para bang natatakot na baka mali ang kanyang hinala.“Oo,” simpleng tugon ni Gian, diretso at walang alinlangan.Humugot ng malalim na hininga si Selena bago muling nagtanong, hindi maitago ang pag-aalinlangan at kuryosidad sa kanyang boses.“Dr. David… pwede mo bang ikuwento sa akin kung paano kayo nagkakilala ng mom ko?”Mula sa kanyang pagkakahawak sa cellphone, ramdam ni Selena ang unti-unting pagtindi ng tibok ng kanyang puso.Matagal na niyang gustong malaman ang ilang bagay tungkol kay Sofia, ngunit palaging may mga piraso ng kwento na hindi nito isinisiwalat sa kanya.Sa kabila nito, wala siyang itinanim na galit o sama ng loob. Sa halip, nanaig ang kanyang pagnanais na makilala pa ang ina sa iba

“Wala akong alam sa personal na buhay ng iyong ina pero…” sagot ni Gian, ngunit bigla itong napatigil, halatang may naisip. “Pero?” mabilis na usisa ni Selena, sabik na marinig ang kasunod na sasabihin ng doktor. “Ang matalik na kaibigan ni Sofia,” patuloy ni Gian matapos ang ilang segundong pag-iisip. “Siya ang dapat mong tanungin, hindi ako.” Napakunot ang noo ni Selena. Matalik na kaibigan? Ni minsan ay wala pang nababanggit sa kanya ang ina na may matalik pala itong kaibigan. “Sino siya? At saan ko siya mahahanap?” mabilis at sabik na tanong ni Selena. “Hindi ko alam kung saan siya nakatira,” maingat na sagot ni Gian. “Simula nang umalis si Sofia, sumunod din si Neht na umalis. Mula noon, wala nang nakakaalam kung nasaan silang dalawa.” Bahagyang nalungkot si Selena. Buo na sana ang kanyang pag-asa na masasagot ang mga tanong na matagal nang gumugulo sa kanyang isipan, ngunit muli na namang naputol at tila napalayo ang kasagutan. “Ganoon ba…” saglit siyang nag-isip ku