All Chapters of The Fake Wife's Perfect Revenge: Chapter 61 - Chapter 70

TAHIMIK na nakatitig si Bianca sa screen ng kanyang cellphone, habang unti-unting nilalamon ng galit ang kanyang dibdib. Subalit sa kabilang banda ay may nabubuo din siyang plano para kay Kian Arevalo.Hindi ito kasing yaman o kasing impluwensyal ni Clyde, ngunit may isang bagay itong wala sa karamihan— access sa media. At higit sa lahat, matagal na nitong kilala si Yumi.Noong college pa lang, si Kian ang unang sumundo kay Yumi sa unang araw nito nito sa university. Palagi itong nakasunod sa babae, laging naghahanap ng pagkakataon na mapalapit kahit saan man ito magpunta. Halos hindi na makasingit noon si Clyde sa tuwing kasama ni Yumi ang lalaki.At alam iyon lahat ni Bianca. Alam din niyang bago pa man umalis si Kian sa kursong Finance, gumawa ito ng isang eksenang hindi malilimutan ng buong campus. Isang public confession sa harap ng maraming tao. Pero malamig lang siyang tinanggihan ni Yumi nang walang pag-aalinlangan, at walang kahit kaunting awa.Hindi iyon nakalimutan ni Bianc

HINDI sumagot si Yumi sa sinabing iyon ng lalaki. Nanatili lamang siyang kalmado, tahimik na nakatingin kay Marco, hinihintay itong magpatuloy sa pagsasalita.“Bago ka napunta sa Zamora Family, maiintindihan ko pa kung ano ang mga pinagdaanan mo noon,” dahan-dahang saad ni Marco. “Survival lang iyon. Walang problema doon. Pero ngayon, iba na. Ikaw na ang humahawak sa Zamora Group. Mas malaki na ang responsibility mo. At kung dahil sa ganitong issue ay maapektuhan ang kumpanya…” bahagyang naging matalas ang boses nito, “hindi ko sigurado kung kakayanin mong akuin ang consequence.”Walang pagbabago sa ekspresyon ni Yumi ng mga sandaling iyon. Na para bang inaasahan na niya ang bawat salitang iyon. Bahagya niyang ikiniling ang ulo, nakatingin pa rin kay Marco, ngunit hindi pa rin nagsasalita.Kaya naman na nakapagpigil si Marco, mukhang napikon na sa attitude na ipinapakita ng step-sister niya.“Yumi,” diretso niyang saad, “napag-usapan na namin ito ni Mama. Mananatili ka sa posisyon mo

HINDI na hinintay ni Adrian ang sagot ni Yumi. Dahan-dahan itong humakbang palapit, saka marahang ipinatong ang isang kamay sa baywang nito at hinila siya papasok sa loob ng condo.Bahagyang yumuko si Adrian at ipinatong ang baba sa ibabaw ng ulo ni Yumi. Huminga ito nang malalim, tila doon pa lamang tuluyang kumalma matapos ang buong araw.“Gusto kitang makita,” mahina niyang saad. “Dumiretso agad ako dito pagbaba ko ng eroplano. Hindi na ako tumawag ulit.”Saglit na natigilan si Yumi, bago marahang ipinatong ang mga kamay sa likod ng lalaki.“Adrian…” mahinahon niyang saad. “Pwede ka namang kumatok. Hindi mo kailangang maghintay sa labas.”Knowing Adrian, alam niyang matagal na itong nakatayo roon.Ngunit imbes na sumagot, mas lalo lamang hinigpitan ni Adrian ang yakap sa babae, na para bang ayaw na siyang pakawalan.Alas-onse na pero nawala ang antok ni Yumi sa sandaling iyon. Dahan-dahan siyang kumalas at tumingin ng diretso sa lalaki.“Come in,” malumanay niyang sabi.Inakay niya

TAHIMIK lang si Clyde. Hindi siya sumagot, pero ang katahimikan niya ay tila mas lalong nagpasiklab sa galit ni Helena. “Ano? Wala kang sasabihin?” madiin nitong tanong. Subalit bago pa makasagot si Clyde, isang mahina ngunit kalmadong boses ang biglang narinig mula sa may pintuan. “Ano’ng kaguluhan ’to nang ganitong oras?” Parehong napalingon sina Clyde at Helena. Nakatayo sa may entrada si Lola Beatriz, inaalalayan ng kasambahay. Dahan-dahan itong naglakad papasok, hindi man lang tiningnan si Clyde o si Helena, at diretsong naupo sa gitnang sofa. May bahagyang lungkot sa mukha nito, ngunit mas kalmado kaysa sa galit ni Helena. “Lola…” mahina ngunit magalang na bati ni Clyde, bahagyang yumuko. Hindi ito agad sumagot. Sa halip, sandali muna siyang tumingin sa apo bago nagsalita. “Pinadala mo na sa abroad si Bianca?” diretso nitong tanong. Tahimik na tumango si Clyde. Narinig pala ng matanda ang usapan ng mag-ina kanina. Hindi na ito nagulat. Para sa kanya, inaasahan na niya a

KUMALAT ang katahimikan sa buong sala matapos magsalita si Hector Monteverde.Kakauwi pa lamang niya ngunit malinaw na narinig niya ang naging usapan. Hindi lingid sa kanya ang tensyon na bumabalot sa pamilya, pati na rin ang pangalan ni Yumi na paulit-ulit na nababanggit.Umupo siya sa sofa nang may kumpiyansa, tila ba kontrolado niya ang lahat. Sa isip niya, si Yumi ay masyadong nagiging arogante. Sa mga huling meeting nila sa opisina, lantaran na nitong kinokontra ang mga desisyon niya. Para sa kanya, isa lamang itong ulila na nakapasok sa kumpanya dahil sa koneksyon ni Clyde. At ngayon, iniisip nitong kaya nitong idikta ang galaw ng Monteverde Group.“Hector…” agad na lumapit si Helena sa asawa, halatang gumaan ang loob nang makita ito. Inayos nito ang suot ng lalaki, tila naghahanap ng kakampi.Samantala, bahagyang yumuko si Clyde bilang pagbati. Tahimik, ngunit halata ang bigat ng kanyang iniisip. Alam niyang hindi niya nagampanan nang maayos ang mga responsibilidad na iniwan sa