All Chapters of The CEO's Unexpected Heir: Chapter 181 - Chapter 184

AVERY POVDahan-dahan kaming naglakad ni Sandro patungo sa kainan. Alalay na alalay pa rin ang kaniyang malapad na palad sa aking baywang habang ang kabilang kamay naman niya ay nakahawak sa aking siko. Sa bawat mabagal kong tapak sa sahig, ramdam ko ang matinding ingat niya, na para bang anumang oras ay pwede akong mabuwal kapag hindi siya nakahawak nang maayos.Pagdating sa hapag-kainan, inabot agad ni Sandro ang unan na nakapatong sa kahoy na upuan at inayos ito sa likod ko. Pinaliklik muna niya ako nang maayos bago siya umupo sa aking tabi."Dahan-dahan lang sa pag-upo, Avery," pabulong niyang paalala habang nakatingin sa akin nang may pag-aalala. "Sabihin mo sa akin kapag kumikirot 'yang tahi mo.""Ayos lang ako, Sandro. Hindi naman na ganoon kasakit," nakangiting sagot ko sa kaniya habang iniaabot ang aking kamay para pisilin ang kaniyang mga daliri.Inihain ni Nanay Elena ang malaking mangkok ng mainit na tinolang manok sa gitna ng mesa. Umusok-usok pa ang sabaw nito at amoy na

AVERY POVDumating si Nanay Elena mula sa kusina na may bitbit na tray kung saan nakapatong ang dalawang baso ng mainit na tsokolate at isang plato ng bagong lutong toasted bread na may palaman na butter at jam. Amoy na amoy ang tamis ng tsokolate habang inilalapag ng matanda ang tray sa maliit na mesa sa tapat ng aming sofa."O, Avery, Sandro, inumin niyo muna habang mainit-init pa," nakangiting sabi ni Nanay Elena habang inaayos ang mga baso. "Maganda 'yang tsokolate para pampa-relax sa hapon.""Maraming salamat po, Nanay Elena," sagot ko habang dahan-dahang umaayos ng pagkakaupo sa tulong ng kamay ni Sandro na nakahawak sa aking likod.Kinuha ni Sandro ang isang baso at dahan-dahang inihain sa akin. Sinigurado niya muna na hindi masyadong mainit ang gilid ng baso bago ko ito hawakan. Uminom ako ng kaunting tsokolate at agad na kumalat ang init nito sa aking tiyan. Napakasarap at napakagandang pampalipas ng oras habang namamahinga kami sa sala."Masarap ba, Avery?" tanong ni Sandro