All Chapters of ما بعد الخيانة: Chapter 71 - Chapter 80

التفتت إليها شيرين بغل وقالت بنبرة حادة: "لفت عليه وأخدته مني طبعاً! بقالي سنتين بحاول مع الدكتور رامز وبلمح له ومش مخلية طريقة، وهي في ثانية تيجي تاخده على الجاهز!" أميرة بدهشة: "لفت عليه إيه يا بنتي وحرام عليكي الظلم! كلنا في الكلية عارفين منة كويس وعارفين إن ملهاش في اللف والدوران ومالهاش غير في المذاكرة والدَّح وبس، والكل بيشهد بأدبها." انفجرت شيرين بضحكة خبيثة صفراء وقالت: "والله أنتِ طيبة أوي يا أميرة وعلى نياتك وتصدقي أي حاجة! دا أنا عرفت ووصلت لي معلومات مؤكدة إنها سابت كليتها القديمة بفضيحة كبيرة هناك! وأكيد طبعاً الدكتور رامز ميعرفش الكلام دا ولا عنده فكرة عن ماضيها، ولا حبيب القلب القديم اللِّي كانت معاه يعرفه.. وأنا بقى بمعرفتي وطريقتي هعرفهم كلهم ببعض، ونشوف بقى قصة الحب الجميل الفريد دي هتستمر إزاي، ولا عصافير الكناري دول هيعملوا في بعض إيه لما المستور يبان!" صُدمت أميرة وقالت بقلق: "يا بنتي حرام عليكي اتقي الله! فضيحة إيه بس اللِّي بتتكلمي عنها؟ منة دي غلبانة ومتعرفش الحاجات دي، أكيد أنتِ فاهمة الموضوع غلط أو واصلك كلام مش مظبوط من حد حاقد." هزت شيرين رأسها بسخر

خرج حسام من الغرفة وهو يضحك ويضع المنشفة على كتفه: "إيه يا بنتي في إيه؟ أنتِ بتنادي على بتاع أنابيب مش جوزك الموقر أبدًا! في إيه؟" عاليا بتهلل: "الواد حازم لسه منة قافلة معايا وبتقولي إن أبو سارة وافق خلاص وقراية الفاتحة الخميس الجاي!" حسام بفرحة حقيقية: "أخيراً؟! ألف مبروك والله العظيم! أنا فرحت له من كل قلبي، الراجل تعب وعانى عشانها وبقاله كتير بيحاول." عاليا: "آه والله.. ربنا يفرحهم ويسعدهم يا رب ويتمم لهم على خير." نظر حسام إلى ساعته ثم تطلع إلى فستانها الأنيق: "طب إيه؟ أنتِ جاهزة كدا للمقابلة والشغل؟" دارت عاليا حول نفسها بخفة: "آه جاهزة.. إيه رأيك في اللبس والشياكة؟" حسام بعيني عاشق: "قمرررر.. مش محتاجة كلام." عاليا بجدية وقلق: "لأ بجد اتكلم جِد يا حسام.. أنت عارف الميتنج دا مهم جداً بالنسبة لي، دي أول مقابلة وأول انطباع في البلد هنا، ولازم يكون شكلي بروفيشنال وحلو." حسام وهو يقترب و يقبل يدها: "والله العظيم زي الفل وحلوة جداً، أنتِ حلوة في كل حالاتك أصلاً.. تدري؟ أنا لو صاحب الشغل دا كنت عينتك مديرة الشركة من أول دقيقة وبدون نقاش!" انفجرت عاليا بالضحك وقالت بدلال: "بكا

عاليا بمحاولة للوصول لحل وسط: "طيب.. نتفق اتفاق يرضي الطرفين ماشي؟ لو رامز صمم على الفرح في الإجازة دي ومنة وافقت ومكنش في مفر.. اللِّي هتحتاجه من الفلوس خده مني كـ 'سلف'، وإن شاء الله تكتب بيهم ورق أو إيصال أمانة أي حاجة تضمن حقك، ولو الأمور مشيت وقدامك وقت ومأصرتش.. خلاص متأخدش حاجة.. مش دا أحسن وأكرم ما تروح تستلف وتطلب من حد غريب برا؟" فكر حسام في كلامها وعقلانيتها قليلاً، ووجد في نفسه أنها معها كل الحق، وأنه إن لم يأخذ منها سيلجأ حتماً للدين والاقتراض من الغرباء ودا أصعب على كرامته. نظر إليها بامتنان وقال: "خلاص ماشي.. لما ييجي وقتها وننزل مصر ونشوف إيه اللِّي هيحصل، يمكن ربك يفرجها ومحتاجش حاجة." ابتسمت عاليا وقالت: "خلاص.. اتفقنا يا قمر." وفي شقة رامي، كانت ليلى قد بدأت تتحسن قليلاً وتتحرك في أرجاء المنزل. فجأة، رن هاتف المنزل المتروك على الطاولة برقم غريب، فأمسكت به ليلى وأجابت قائلة: "أيوة.. السلام عليكم." جاءها صوت رجل جاد ونبرة عسكرية حذرة: "أفندم.. دا تليفون منزل الرائد رامي؟" ليلى بقلق مفاجئ: "أيوة أنا مراته.. هو فين؟ وأنت مين حضرتك في إيه؟" سمعت ليلى الرد من

نظرت "عاليا" إلى "أحمد" بعينين يملؤهما الانكسار وقالت بصوت مخنوق: "عاليا.. أنا استجدعتك الصبح، عرفت من لهجتك إنك مصري، وإنك وقفت تدافع عن واحدة متعرفهاش وسط الغربة دي." أحمد باهتمام صادق: "طيب ممكن أعرف مالك؟ الصبح مكنتيش بالحالة دي.. فيه حاجة حصلت؟" عاليا بضياع: "متعرفش هنا أوتيلات قريبة؟ عاوزه أوتيل أنزل فيه كام يوم لحد ما أشوف هعمل إيه." كانت عاليا تنظر لهاتفها كل بضع دقائق، تعيد تحديث الشاشة وتتأمل الإشعارات، لكن الهاتف ظل صامتاً. لاحظ "أحمد" توترها الملحوظ، فقال: "أنا شايف في إيدك دبلة جواز.. هو أنتِ كنتِ قاعدة فين قبل كدا؟ على فكرة، ممكن تردي على اللي بيتصل عادي، متقلقيش." عاليا بارتباك شديد: "ثواني.." ردت على الهاتف بيد ترتجف: "ألو؟ أنت مين؟ حسام فين؟ حسام.. حسام، حصله إيه؟! العنوان لو سمحت!" أحمد بقلق: "مالك؟ في إيه؟" عاليا بانهيار يمزج بين البكاء والقلق والإعياء الشديد: "حسام.. حسام عمل حادثة! أنا عاوزه أروح المستشفى." أحمد وهو يحاول الحفاظ على هدوئه: "طيب إيه العنوان؟ ومين حسام دا؟" عاليا بتلقائية ولهفة، وكأن سنوات الخذلان تلاشت في لحظة خوف: "جوزي!" أملت

رامي: "وعرفتي منين إنها مراحتش شقتها؟ روحتي هناك؟" ليلى بحسرة: "ياريت كنت أقدر.. بعت سارة ومنة ومحدش من الجيران شافها، وخبطوا على الباب محدش فتح." رامي محاولاً طمأنتها: "ما يمكن نزلت في أوتيل تريح أعصابها، سواء هنا أو في دبي." ليلى: "حسام سأل في الأوتيلات هناك وملقاش حاجة." مسح رامي على رأسها وقال بجدية: "خلاص، أنا هشوفلك إذا كانت رجعت مصر ولا لأ، وإن شاء الله خير." تطلعت إليه ليلى برجاء: "ياريت يا رامي.. يارب توصل لحاجة." رامي: "إن شاء الله خير، اهدي بس." رن هاتف حسام، وكانت المتصلة "مي" صديقتهما المشتركة.. مي بعتاب مازح: "أنا كويسة الحمد لله.. أنت أخبارك إيه؟ وعاليا؟ كدا يا أندال نسيتوني!" حسام بنبرة خافتة ومجهدة: "معلش يا مي.. حقك عليا بس أنتِ عارفة اللِّي حصل." مي بضحكة: "بهزر يا حسام مالك أخدت الموضوع قفش كدا ليه؟.. بقيت تعرف تتحرك عادي؟ وإيدك أخبارها إيه؟" حسام: "الحمد لله بقيت كويس." مي: "والصداع لسه برضه؟" أغمض حسام عينيه بألم واعتصار وهو يتذكر الحادث وما بعده: "عاليا صممت أعمل أشعة والحمد لله سليمة.. خف كتير على الدواء الأخير والدكتور قال هيخف مع الو