All Chapters of ما بعد الخيانة: Chapter 51 - Chapter 60

عادت عاليا إلى الفندق مسرعة، وقلبها يخفق توتراً، فامسكت هاتفها وطلبت حسام على الفور. أتاها صوته يعاتبها بقلق بدا واضحاً: "كل دا تأخير يا عاليا؟! قلتيلي نص ساعة بالكتير وتكوني وصلتي الأوتيل وتكلميني!" ردت عاليا بنبرة متهدجة تحاول طمأنته: "معلش يا حسام حقك عليا.. وأنا خارجة من الشركة قابلت زميل قديم من أيام الجامعة، وأصر جداً يعزمني على فنجان قهوة، اتكلمنا نص ساعة بالظبط وروحت على طول والله." ضيق حسام نبرته متسائلاً بفضول وقلق غيرة: "طيب، زميل مين دا؟" أجابت عاليا بصدق: "جوني، كان زميل ليا في الدراسة، وطلع إنه هيشارك في المؤتمر اللي هحضره كمان يومين هنا." سكت حسام للحظة ثم قال متجاوزاً الأمر: "ماشي يا حبيبتي.. قوليلي بقى يومك مشي إزاي؟ وأهم حاجة أكلتي ولا لسه؟" ضربت عاليا جبهتها بخفة وقالت باعتراف عفوي: "تمام الحمد لله لحد دلوقتي مفيش مشاكل في الشغل.. تصدق! أنا لسه مأكلتش، نسيت خالص والله من كتر الضغط." هتف حسام بنبرة حازمة تملؤها المحبة والخوف عليها: "بتستعبطي؟! من الصبح مأكلتيش وعمالة توصيني أنا؟! يلا حالا اطلبي الأكل وأنا معاكي على الخط مش هقفل." قالت عاليا بتعب: "طيب

بعد انتهاء العمل، لم يتوجه حسام للمنزل مباشرة، بل مر على أحد المطاعم وأحضر طعاماً تحبه، وجلب لها باقة من الورود التي تعشقها، ونوع الشوكولاتة المفضل لديها كمحاولة للاعتذار. دخل المنزل، وجلس جوارها على فراش الزوجية، وبدأ يوقظها برقة بالغة وهو يمسح على وجهها: "عاليا.. عاليا حبيبتي." فتحت عينيها بتعب وتمتمت: "امممم.." نظر في عينيها بصدق وعينيه تلتمع بالدموع وقال: "أنا آسف.. حقك عليا يا نور عيني. أنا سبتك في حيرتك ونارك دي وفهمت غلط، لكن صدقيني كل إللي سمعتيه وعمر عقلك بيه كدب وغلط في غلط. دا كلام عمال جهلة بيقولوه ومش فاهمين أي حاجة.. البنت دي تبقى (آية) أخت البشمهندس عماد، وجاية تتدرب عندنا في الموقع وكان أول يوم ليها إمبارح وعماد وصاني عليها.. يا عاليا، مفيش حد في الدنيا دي كلها يملى عيني وقلبي غيرك إنتِ وبس." اتسعت عينا عاليا، ودبت الحياة في أوصالها مجدداً، وقالت بنبرة حذرة كأنها تتأكد من حلم: "بجد يا حسام؟ يعني مش هتحب تاني أبداً؟" ابتسم حسام بعشق جارف واقترب منها: "يا حبيبة عمري.. الحب اتخلق علشانك أنتِ وبس، إنتِ القلب إللي اختاره من أول ما فتح عينه على الدنيا، ومش بينبض ول

قصت عليها سارة كل تفاصيل الحوار واللقاء والمشاعر التي شعرت بها، ومنة تستمع إليها بابتسامة متسعة، وما إن انتهت سارة حتى سألتها منة: "طب معرفتيش اسمه إيه طيب؟" أجابت سارة بهيام: "اسمه حازم.. قال لي اسمه حازم." شهقت منة بصدمة ومفاجأة وقالت: "حازم؟! يا نهار أبيض.. دا حازم ابن عم عاليا وليلى ! يا محاسن الصدف يا بنتي!" وفي منزل الزوجية الجديد، وتحديداً في الصباح الثاني للزفاف، كانت ليلى تقف في الصاله ووجهها يكسوه التوتر الشديد، وتفرك يديها بخوف. وفجأة، شهقت برعب وقالت: "في إيه يا رامي.. مالك؟!" تقدم نحوها زوجها رامي بنظرة حازمة قوية وقال: "مالي؟! أنا اللي بسألك مالي؟ بتقفلي عليا باب الأوضة بالمفتاح وتهربي وتنامي في الصالة؟! دا أنتِ يومك مش فايت معايا النهارده!" راجعت ليلى خطواتها للخلف بتوجس وسألته: "أنت.. أنت دخلت هنا الأوة إزاي والباب مقفول؟!" لوى رامي فمه بابتسامة ثقة وقال: "بيتي بقى! وعارف كل مداخله ومخارجه كويس ومفيش باب يقف في وشي." حاولت استجماع شجاعتها وقالت: "أومال مدخلتش امبارح بالليل ليه لما قفلته؟" تنحنح رامي ولانت ملامحه قليلاً وقال بنبرة دافئة: "اممم.. مرضيتش أ

كانت منة تسير في ممر الكلية، فاستوقفتها إحدى الفتيات بابتسامة صفراء وقالت: "أهلاً أهلاً.. بخطيبة الدكتور رامز!" تدخلت فتاة ثانية بتهكم: "طبعاً.. من هنا ورايح هينجحك بامتياز، مش محتاجة مذاكرة ولا دح بقا يا محظوظة!" وأضافت فتاة ثالثة بحقد: "بقى ليكي واسطة وتقل في الكلية هنا يا عم.. مين قدك؟" عادت الفتاة الأولى وقالت بلؤم: "عاملينا فيها طيبة وغلبانة، وهي سهنة وبتتمسكن لحد ما وقعت الدكتور في حبالها! ويا عالم بقا كانت مجمعة ومظبطة معاه من إمتى ومن ورا ظهرنا!" وانفجرت الفتيات في ضحكات مستفزة ملأت الممر. (عودة للحاضر) اشتعلت عينا رامز بالنشاط والغضب وقال: "بنات مين دول؟! وإزاي متقوليليش في وقتها ولا تردي عليهم وتوقفيهم عند حدهم؟! منة، أنتِ عارفة كويس إنك شاطرة ومن الطلبة المتميزين في الدفعة، وبتنجحي بمجهودك وسهرك طول عمرك، والكل هنا متوقع لك تتعيني معيدة.. ليه تسكتي على الإهانة والغمز اللامز دا؟!" دمعت عيناها وقالت بصوت مخنوق: "مش عاوزة أعمل مشاكل.. أنا ماليش أصحاب في الكلية غير سارة وأنت عارف، وأنت عارف كمان إني سبت الكلية اللي فاتت وضيعت سنة كاملة من عمري ومن الكلية اللي كنت بحلم ب

حسام بابتسامة: "طيب تعالي استنيني جوه المكتب دقيقتين بالظبط." بعد عدة دقائق، أنهى حسام بعض الأوراق السريعة وأخذها ورحلا معاً في سيارته. أخذته عاليا إلى مقهى هادئ يطل مباشرة على النيل لكي تهدأ أعصابه المشدودة. جلسا معاً، فنظرت في عينيه وقالت: "خلينا نتكلم شوية على روقان.. سيبك مني ومن طنط ومصايف أخواتك دلوقتي خالص، كلمني عن الفرصة دي بالنسبة لشغلك ومستقبلك.. كويسة ولا لأ؟" حسام بصدق: "هي كفرصة.. حلوة ومغرية أوي يا عاليا، بس..." قاطعته قائلة: "قلت لك متفكرش فينا دلوقتي.. أنت خايف ليه؟ إيه اللي قالقك بالظبط؟" صاح حسام بشجن: "أنا مش هقدر أعيش في بلد وأنتِ في بلد تانية يا عاليا! الشهر الواحد اللي سافرتيه لبنان كنت ههبل وهتجنن من غيرك في البيت.. إزاي أسافر وأقعد بالشهور ومشوفكيش غير زيارات كام يوم في السنة؟ أنا مش هستحمل بعد تاني.. مش هينفع خالص." ابتسمت عاليا ووضعت يدها فوق يده وقالت بنبرة واثقة: "ومين قالك بقى إني هسيبك تسافر لوحدك؟" نظر إليها بعدم فهم، فتابعت: "أنت تتكلم مع الإدارة وتعرف هيكون إيه وضعك بالظبط، والسكن وكل ترتيبات الإقامة.. وسافر أنت الأول ظبط الوضع شهر أو شهرين بال