All Chapters of رواية أنا والمجنونة : Chapter 71 - Chapter 80

وقف ياسين أمام مرآته يمشط شعره ، مرتدياً ثيابه الأنيقة استعداداً للخروج لموعد عشاء مع حبيبته نهى في منزلهم .سمع صوت طرقات على الباب قائلاً : ياترى مين اللي بيخبط دلوقتي .فتح باب منزله وجدها مها شقيقته تقول له : أبيه ياسين مش هتيجي تتعشى معانا .تنهد وهو يفسح لها الطريق قائلاً لها : لا مش هتعشى معاكم ، أنا معزوم بره النهاردة .قطبت حاجبيها قائلة لها : بقى كده يا أبيه هتسيبنا ناكل لوحدنا أنا وبابا .ضيق ياسين عينيه بتساؤل : ليه وماما فين دلوقتي .... !!!مطت شفتيها قائلة له : خرجت بره معرفش فين ، هز رأسه متذكراً نوال لم تأتي شقيقته على ذكرها فقال لها بضيق : طب وفين اللي اسمها نوال دي .حدقت به قائلة له : لسه مجتش من المحل لغاية دلوقتي ، ضم ياسين شفتيه بغضب ناظراً إلى ساعة يده فوجدها الثامنة .فقال لها بجمود : خلاص يا مها روحي بلغي بابا بإني معزوم بره وهبقى أفطر معاكم بكرة .امتعض وجهها قائلة له : ماشي يا أبيه براحتك ، تركته بمفرده ، محدقاً بباب منزله قائلاً لنفسه : ياترى روحتي فين ياماما .هبط ياسين الدرج ونزل بالأسفل واقفاً بجانب سيارته ، فتح بابها وركبها مسرعاً حتى يلحق بميعاده .وصل

تركتها سالي ساخطة من طريقتها في التحدث معها ، باحثة عن جلال ، وهي تتوعدها .خرج جلال بعد قليل بعد أن وقّع على الأوراق متظاهراً بالسعادة ، وكان بصحبته مصطفى ورضوان .بحث ببصره عن مهجة فلم يجدها ، استغرب في نفسه قائلاً : راحت فين دلوك ، يارب متكنش بتعمل مصيبة جديدة آني خابرها زين .أثناء ذلك أتت سالي تتهادى ببطء ناحية جلال قائلة بدلال : إزيك يا عمدة مش تسأل عليه .صُدم من كلماتها لكنه قال لها : الله يسلمك يا آنسه سالي .فقالت لوالدها : دايماً كده يا بابا كل ما ييجي العمدة عندنا ، تستولى عليه كده لنفسك .ضحك مصطفى قائلاً لها : معلش علشان الشغل واطمني هييجي عندنا على طول .فقالت لجلال بدلال : طب طالما خلصتوا شغلكم ممكن تيجي معايا شوية .شعر جلال بالضيق لكنه تظاهر بالإستجابه قائلاً لها : آجي معاكي فين ... !!!فقالت له : هنرقص سوا إيه رأيك .تنهد قائلاً : بس أنا مليش في الحديت ده .فقالت بتصميم : هعلمك يالا بقى متكسفنيش .تدخل مصطفى قائلاً لها : خلاص سيبيه براحته يا سالي جلال بيه ملوش في الكلام ده .فقالت له بحزن مصطنع : خلاص مش هلح عليك أكتر من كده ، بس تعالى معايا أعرفك على اصحابي حتى .ا

صمتت مهجة تحاول أن تستوعب ما سمعته من والدته وتتساءل هل هو بالفعل بهذه الصفات ، أم لانها والدته تقول ذلك .ركب ياسين بجوارها في سيارته بغضب وخشيت منه نوال فلم تستطيع النطق .قاد سيارته وملامحه تنطق بالكثير ، ولم ينطق معها بأي حرف حتى وصل بها إلى المنزل .وقفت بسيارته أمام المنزل بصمت طويل استمر بينهم وقاطعته قائلة له بتردد : شكراً ليك عن اللي عملته علشاني …. عن إذنك .فوجئت به يتمسك بيدها قبل أن تفتح الباب الذي بجوارها ، هاربةً منه ، قائلاً لها بجمود غاضب : رايحة فين كده .تنهدت قائلة له بقلق : طالعه فوق علشان تعبانه وعايزة أنام ، هز رأسه بحنق قائلاً لها بسخط : مش هتطلعي فوق إلا لما تسمعي أنا هقول إيه وأوامري تتنفذ كلها بالحرف الواحد .تنهدت باضطراب من تفحصه لها قائلة له بتوتر : عايز تقول إيه .... ذم شفتيه بقوة ثم أشاح ببصره بعيداً عنها قائلاً لها بتساؤل : ممكن أعرف إيه اللي يأخرك كل ده في المحل .شعرت بالضيق منه قائلة له : مش ده أكل عيشي بردو وأتأخر فيه زي ما آني عايزة .إلتفت إليها غاضباً مرةً أخرى وقال لها : نوال أنا مش هسمحلك بعد كده تروحي المحل وتيجي منه براحتك كده فاهمةقطبت ح

اضطربت مهجة من الخوف والذعر التي تشعر به الآن ، انتفض جسدها أكتر ، وهي تسمع صوت إغلاق الباب وراءها .سحبها وراءه إلى الداخل ، وأدخلها إلى غرفته مغلقاً الباب خلفه.ابتعدت مسافة تفصلها عنه ، خشيةً منه ، يأتي بشيء ما يؤذيها .اقترب منها بتهديد ، فارتعش قلبها واضطربت أعصابها قائلة بصوت مرتجف : هيه ….. هيه نعيمة فين ……ضحك بشراسة قائلاً لها : عايزة إيه منيها …. عايزاها تنقذك مني مش إكده .هزت رأسها بالرفض قائلة له بتردد : لأ آني عايزاها تحضر لك الوكل جبل ما تمشي على الشغل .ابتسم بحدة ساخرة وقال لها : لأ سيبك من الوكل دلوك وعلشان تبجي خابرة زين آني عطيتها أسبوعين أجازة وممكن أكتر كمان .اتسعت عيناها بصدمة ثم شحب وجهها قائلة له بعدم فهم : ليه يا بيه عملت إكده .حدق بها بعينين غاضبتين ، كأنها تطلقان شظايا لهب قائلاً بخشونة : علشان أربيكي من أول وجديد يا مهجة .وضعت يدها على صدرها شاعرة بالخوف والذعر قائلة له : يا مرك يا مهجة يامرك …. بعد ما شاب ودوه الكتاب .امسكها من معصمها وقربها من صدره هامسا بصوت كالفحيح قائلاً لها : آني بجى هجصلك لسانك ده وهخليكي تجولي إن الله حق .تظاهرت بعدم الفهم ق

تهاوت مهجة وراءها على الفراش غير مصدقه ما كان يقصده من وراء كلماته ، قائلة لنفسها بعدم تصديق وذهول : يا لهوي يا مهجة .... شوفي انتي كنتي هتوصليه لأيه ..... ثم صمتت برهةً متابعة مرةً أخرى بشرود : بس وماله يا مهجة ده جوزك وانتي مراته فعلاً وبتحبيه فا يبقى ليه لأ ويمكن يقرب منك أكتر بعدها .هزت رأسها مرة أخرى بالرفض بسرعة قائلة لنفسها بتوتر : لا ..... لا يا مهجة إوعي ده متفق معاكي على الطلاق ، يعني إنتي اللي هتخسري مش هوه .دخل جلال إلى مكتبه ، وجد اتصالاً آتياً من زميله شريف قائلاً له : إزيك يا عمدة ، عملت إيه مع مصطفى محرم .زفر بقوة قائلاً باختصار : خلاص مضيت على عجود الشراكة وكل حاجه ماشية تمام ويعتبر كل الأوراق اللي تدينه معاي بس الأهم باجي شبكته كلها .تنهد قائلاً : وأنا كمان عينتلك مخبر يراقب تصرفات اللي إسمه حوده ، ده خطوة بخطوة ، فقال له بضيق : طب كويس إوعاك يغيب عن نظرك فاهم ، وتعرف كل تحركاته زين وبيروح فين .فقال له بهدوء : حاضر اطمن كل حاجه هنفذها زي ما انت عايز ، أغلق معه الهاتف ، ألقاه بعدها أمامه على مكتبه .ثم استمع إلى صوت طرقات مترددة على الباب فقال بضيق : ادخلي .... ف