All Chapters of Daddy, Mommy Doesn't Want You, You Have to Work Hard! : Chapter 1 - Chapter 10

Nang magmulat ng mga mata si Alfea, sumalubong sa kanya ang nakasisilaw na ilaw sa kisame. Ngunit ang ikinakunot ng kanyang noo ay ang matapang at masangsang na amoy ng gamot at disinfectant. Natigilan ang nurse na nagsasagawa ng round check sa kanya. Sinuri siya nito para masiguro na hindi reflex lang ang pagmulat niya. Nang makumpirma, humangos na ito palabas ng ward. "D-Doc! Gising na po ang pasyente!" Halos ilang saglit lang ay bumalik din ang nurse na may kasama nang doktor. Matapos suriin si Alfea, hindi ito makapaniwala. "Isa itong himala! After six years of coma... Mabuti na lang talaga at hindi ka sinukuan ni Mr. Valderama." _‘Six years of coma? Mr. Valderama?’_ Sa isang saglit, nagkaroon ng matinding kirot sa likod ng ulo si Alfea. Biglang nagsulputan ang mga piraso ng kanyang mga alaala, at unti-unting luminaw ang lahat. Alfea Grace Valderama ang buong pangalan niya. Dalawampu’t pitong taong gulang na siya ngayon kung totoo ngang natulog siya ng anim na taon. Ang

Pag-uwi ni Maureen ay sumalampak siya sa sofa, agad siyang nilapitan ng katulong. "Ma'am Maureen, tumawag po ang ospital. Ang sabi po nila ay gising na raw po si ma'am Alfea." "O, e, ano naman kung gising na siya?" sagot ni Maureen habang nakapikit at hinihilot-hilot ang kanyang sentido. Bigla siyang napabalikwas. "A-ano?! Ulitin mo nga ang sinabi mo?" Inulit naman ng katulong ang kanyang sinabi. Tumayo si Maureen at nataranta. "S-si mommy? Nandito na ba s'ya?" "Wala pa po ang mommy n'yo, hindi pa po umuuwi." Dali-daling tinawagan ni Maureen ang kanyang ina, ngunit hindi ito sumasagot. Sa Majong-an: "Mare, kanina pa nagri-ring ang cellphone mo, o. Sagutin mo na, natutulilig na ang mga tenga namin, e." wika ng isang ginang sa kalaro niyang may-edad na babae na napapalamutian ng mga alahas. "Hayaan mo s'ya, yung ospital lang naman yan. Mag-a update na naman siguro sa anak-anakan kong hilaw na nakaratay doon. Bakit kasi hindi pa matuluyan para hindi na kami guma

"S-sir, pasensya na po, pero... hindi po talaga namin makita si Master Luke sa mga CCTV footage," nakayukong dispensa ng head guard ng mga Montevalle. Galit na hinampas ni Xavius ang mesa sa kanyang study. "Mga walang silbi!" Nahulog ang ilang dokumento na agad dinampot ng matandang Butler. "S-sorry, Sir. Tingin ko po ay sinadyang iwasan ni Master Luke ang mga CCTV camera hanggang sa makaalis siya ng mansiyon." "Puro kayo excuses! What's the use of hiring you?" "Sir... kung meron mang dapat managot sa nangyari, ako po 'yun." Nahilot ni Xavius ang kanyang noo. "No, Butler Greg. Hindi n'yo po kasalanan." "Hindi po, Sir, dahil ako po ang inatasan ni Miss Maureen na mag-asikaso sa little master. Pero nang sabihin niya sa akin na siya na lang daw ang mag-aasikaso sa sarili niya ay iniwanan ko na siya." "Si Maureen?" pagtataka ni Xavius. "Nagpresinta siya na siya na ang mag-aasikaso kay Luke para mawala ang sumpong ng bata sa kanya, 'yun pala ay ipapasa din niya sa iba?" Tumay

Tinakpan ni Xavius ang bibig ng anak, ngunit sa laki ng kanyang kamay ay pati ang mukha nito ay natakpan na rin niya. “Shut up! You’re disgusting!” aniya sa babae sa kanyang harapan. “Hmph!” Nag-cross arms si Alfea. “Ano, yan lang ba ang sasabihin mo? Akala mo siguro masisindak ako sa’yo, ano?” Nagtiim ang panga ni Xavius sa pagpipigil sa kanyang galit. “I’ll remember this. I... I won’t waste any more time on you.” Hinila niya ang kanyang anak at umalis na. “Sige, layas! Huwag ka nang magpapakita pa sa akin, ha!” sigaw ni Alfea sa likuran nila Xavius. Nang bigla siyang lingunin ni Lucas ay natigilan siya. Ramdam niya ang pag-aasam at ang lungkot sa mga mata ng bata. Bigla din siyang nalungkot at nakaramdam ng panghihinayang. _‘Pasensiya na, Luke. Mukhang... malabo nang magkita pa tayo.’_ “Huy, Fea, ang lakas naman ng loob mo. Talagang nagawa mong pagsalitaan nang ganun si Xavius?” ani Rachelle na tila namamangha. “Hindi ka ba natatakot? Paano kung balikan ka niya dahil sa p

"Teka, teka, sandali!" pigil ni Rachelle nang sunggaban sila ng mga gwardya. "Xavius, hayaan mo muna sanang makapagpaliwanag si Alfea." "At ano pa ang ipapaliwanag niya? Wala akong oras at panahon para pakinggan ang mga kasinungalingan niya, kaya makakaalis na kayo... And I warn you, kapag bumalik pa kayo, ipapaaresto ko na kayo!" "Sandali lang, Xavius... Naniniwala ka ba sa sinabi ni Maureen na inabandona nga ni Alfea ang mga anak n'yo para sumama sa iba? Alam mo ba kung ano ang nangyari sa kaibigan ko six years ago? Sinabi ba yun sa'yo ni Maureen?" Kumunot ang noo ni Xavius, pinatigil niya ang mga guwardiya sa pagdakip sa dalawa. "Ano ang gusto mong sabihin?""Makinig kang mabuti... Six years ago, na-coma si Alfea." Natigilan si Xavius, pakiramdam niya ay tila nagkamali ata siya ng dinig. "Na-coma?" "Oo, dahil nabundol siya ng truck. At halos anim na taon din siyang naratay sa ospital." "Xavius... Hindi totoong inabandona ko ang mga anak ko, dahil hindi ko magagawa yun. Mani