جميع فصول : الفصل -الفصل 40

في غرفتها، فتحت ياسمين هاتفها لتجده يغص بالإشعارات المتتالية من إسلام: "رنيت عليكي كتير ومش بتردي وبعدين التليفون اتقفل..." "انتي كويسة؟" "ياسمين متقلقنيش عليكي اكتر من كدا" "لو حصل حاجة قولي..." "طيب انا زعلتك في حاجة؟" اكتر من عشرين رسالة لقيتهم مبعوتين على الواتساب غير الرنات الكتيرة المفوتة.. بقرأ فيهم بقلب واجف وأنا مش عارفة أرد ولا لأ، طيب أرد وأقول إيه؟! أقولك على الكلام السم اللي سمعته من أختك وبنت عمك فتروح تتخانق معاها وتقلب الدنيا؟! ساعتها الناس هيقولوا إيه؟ لسه مكملتش يومين مخطوباله وقلبت البيت عليه وخربت علاقته بأخته؟! تنهدت بضيق وتساءلت بمرارة: "ليه الناس متكونش لطيفة ورحيمة مع بعضها؟ وبدل ما تسيب كلام يجرح ويهد القلوب، تسيب بصمة وذكرى حلوة؟" أنا مش عارفة إيه حكايتي مع الذكريات وغاوية أجمعها بالشكل ده.. جايز علشان فارقت أصحابي اللي بحبهم فجأة، بقيت عاوزه أجمع ذكريات تفكرني باللي لسه هيفارقوا كمان.. كأن حياتي كلها بقت مقتصرة بس على الفراق والذكريات! لكن فجأة انتفضت داخلي بقوة وقلت لنفسي بحسم: "بس لا.. أنا مش هفضل أجري ورا سراب وأنسى الوقت والنعمة اللي

(فلاش باك) "دايماً بسمع كلام يقلل مني ويعيب في إعاقتي يا دكتور.. هو دايماً بيحسسني إني أحسن حد في الدنيا ومميزة، لدرجة بخاف أوقات تكون النظرة دي مجرد شفقة عليا..." قاطعني الدكتور بابتسامته المريحة وقال: "بس مفيش حد بيتجوز علشان الشفقة يا ياسمين!" نزلت دمعة من عيني وقلت بخوف: "خايفة كلام الناس يأثر فيه بعد فترة، ويبدأ يشوف العيوب بعد ما شرارة الحب الأولى تنطفي.. مش هستحمل أشوف نفسي ناقصة ومش كافية في عيونه هو كمان..." أمسك الدكتور قلمه وقال بنبرة واثقة: "بطلي تسمعي من الناس، وشوفي نفسك بعيونه هو.. شوفي إنك مميزة وكافية زي ما هو شايفك، وهو عنده حق. الناس غلط دايماً؛ بيدوروا على الناقص في اللي قدامهم علشان ينتقدوه وبس! مفيش حد كامل في الدنيا دي، حتى اللي بينتقدك عنده عيوب تهد جبال.. يابخت اللي عيوبه في إيد، ولا رجل، ولا حتى حباية بتطلع في الوش، ولا مناخير كبيرة! في ناس يا ياسمين عيوبهم في قلوبهم.. قلوبهم سودا متتعاشرش، وأخلاقهم زي الزفت ومعندهمش إنسانية! انتي عارفة.. كان فيه مرة راجل عظيم مكنش عنده إعاقة، ولا عيب خلقي، ولا أي صفة سيئة، بالعكس.. كان آية في كل حاجة تتمنيها واتجمع

خرج "اسلام" من غرفة العمليات يجر خطاه بتعب، يمسح حبات العرق عن جبينه، فاستقبلته الممرضة بنظرة ذات مغزى. التفت إليها متسائلًا بنبرة منهكة: — "مين يا هناء؟" ابتسمت "هناء" بغموض وقالت: — "ادخل شوفها." في تلك اللحظة، اقترب منه صديقه "محمود" وهو يغمز بطرف عينه بمكر، ويهتف بنبرة صاخبة مازحة: — "أيوة يا عم.. والعة معاك! حد يشوف لنا رقم خطيبته يا جدعان تيجي تظبطه متلبس!" ارتسمت ضحكة متعبة على وجه "اسلام"، وهز رأسه بقلة حيلة وهو يجيب صديقه: — "فيك الخير يا حودا، صاحب واجب طول عمرك، بس مردودة." تحرك "اسلام" بخطوات متمهلة وفتح الباب، ودخل إلى الغرفة لتجف الدماء في عروقه وتتسع عيناه بذهول وهو يراها واقفة أمامه في مواجهته مباشرة... على الجانب الآخر من المدينة، وفي حجرة مظلمة سادها التوتر والندم المتأخر، كانت "سمر" تجلس مطأطأة الرأس وعيناها مغرورقتان بالدموع، تتذكر ما آلت إليه الأمور: "من يوم اللي حصل بعد خطوبته وبابا شادد عليا وبيعاملني وحش جداً.. إسلام غير الشفت بتاعه للصبح ومبقتش أطلع عندهم ولا أشوفه حتى! مريم اتخانقت معايا قبل ما تسافر، وملك كمان مبقتش تيجي ولا ترد عليا.. أن

فركت كفيها بتوتر، ونظرت إليه بعينين تلمعان بالتردد قبل أن تحسم أمرها قائلة: — "بصراحة يا أبيه عاوزه أقولك حاجة.." ابتسم لها بلطف وهو يشير إلى الأطباق أمامه، محاولاً كسر حدة توترها: — "طيب قولي، وتعالي ساعديني علشان نخلص.. لسه ورايا شغل." أخذت نفساً عميقاً وسألته بنبرة خفيضة: — "فاكر الولد اللي لقى الفون لما ضاع؟" انتبه إسلام وترك ما في يده التفاتاً إليها، وأومأ برأسه: — "آه، ماله؟" تابعت وعيناها تترقبان ردة فعله: — "طلع معايا في الجامعة، شفته النهارده." عقد حاجبيه قليلًا وتساءل بنبرة هادئة ومستفسرة: — "وبعدين!!" تنهدت ملك وبدأت تقص عليه ما حدث بنبرة متذمرة من أستاذها: — "كنت بسأل الدكتور على جزئية شرحها ومفهمتهاش، واتريق عليا وقال إني مش بركز واستني لحد الكتاب الجديد ماينزل وابقا أفهمها.. ولما طلعنا الولد دا وقفني وفكرني بنفسه وكدا." ارتسمت علامات الجدية على وجه إسلام، وسألها بنبرة حازمة ولكن دون قسوة: — "ودا بمناسبة إيه؟" أسرعت ملك تطمئنه وتشرح المقصد من الحديث: — "قالي إنه فاهم الجزئية دي وعنده كتاب اشتراه من فترة وفيه كل اللي محتاجاه، وهيجيبهولي بك

في الصباح التالي، حزمت ياسمين أمرها ودلفت من باب البناية متوجهة إلى عملها كالعادة، لكنها تسمرت في مكانها عندما وجدته واقفاً هناك، يستند إلى سيارته بانتظارها. انقبض قلبها من منظره؛ كان مجهداً، هزيلاً، وتحت عينيه هالات سوداء تنطق بقلة النوم. الحقيقة أن مظهر ياسمين لم يكن بأفضل حال من مظهره؛ فقد كان واضحاً عليهما معاً أن جمر التفكير والسهاد قد أكل من ملامحهما، وأن ثمة خطباً خطيراً يشغل بالهما. تقدمت ياسمين نحوه، ونظرت في عينيه المجهدتين وقالت بنبرة جامدة، حاسمة، لم يستطع إسلام تخمين ما تخفيه وراءها من مشاعر أو أفكار: — "عاوزه أتكلم معاك….." أومأ برأسه دون كلمة، واستقلا السيارة صامتين حتى وصلا بعد فترة وجيزة إلى مقهى هادئ قريب من جامعتها. جلسا متواجهين، فكسرت ياسمين الصمت وعيناها تعاتبه بلوعة: — "مالك؟ بتتهرب مني ليه؟" أشاح بوجهه عنها زافراً بضيق وقهر: — "مش بتهرب منك ولا حاجة.. بس متضايق، ومخنوق، وتايه…" امتدت يدها لتلمس طرف كفه برقة، وقالت بنبرة حانية تفيض بالاحتواء والعتاب الدفين: — "المفروض لما تتوه تجيلي، إحنا طريقنا بقى واحد.. مش جايز أبقى دليلك؟ أنا لما روحت للدكت