Novel Web & Cerita Arrogant Contract Marriage Contemporary

Thirteen pa lang si Jana nang pumanaw ang mga magulang niya dahil sa isang aksidente. Dahil palugi na ang mga negosyo ng ama niya, ibinenta ang lahat ng ito. Ang tanging naiwan para sa kanya ay ang bahay nila sa Valle Verde — ang bahay na puno ng masasayang alaala ng kanilang pamilya — kasama ang malaking utang na iniwan ng mga magulang niya. Makalipas ang sampung taon, nagtatrabaho na si Jana sa isang malaking kompanya. Mayroon siyang pangarap na gustong makamit: ang makapag-aral ng Fashion Design sa Milan. Ngunit kailangan niya ang malaking halaga para matupad ang pangarap at para mabayaran ang utang sa bangko upang maisalba ang bahay ng mga magulang niya. May solusyon sa problema niya si Jinu Kale Alcantara, ang hot pero masungit na CEO ng Kale Corporation at boss niya. Kailangan ni Jinu ng asawa sa loob ng isang taon upang makuha niya ang mana niya. Inalok siya ni Jinu ng contract marriage kapalit ng sampung milyong piso. No feelings involved. Pumirma si Jana sa kontrata. Hindi napigilan ni Jana ang sariling umibig kay Jinu. Inakala niyang may pag-asa na nang may nangyari sa kanila at naramdaman niyang mahal din siya nito. Ngunit biglang bumalik ang ex-girlfriend ni Jinu at muling naging malamig ang pakikitungo nito sa kanya. Upang hindi na masaktan pa, nagdesisyon si Jana na lumayo. Nag-aral siya sa Milan. After 5 years, bumalik si Jana sa Pilipinas at nagtayo ng sariling luxury brand sa tulong ng bilyonaryong kaibigan na si Jake at naging kakompetensya ng brand ng ex-girlfriend ni Jinu. Sinuyo siya ni Jinu at pilit na pinabalik dahil hindi pa annulled ang kasal nila ngunit nagmatigas siya. Sa huli, hindi na nakayanan ni Jana na labanan ang puso niya at nagkabalikan sila. Nagpakasal sila at naging masaya kasama ang mga anak nila.

Dalawang taon na nagtatrabaho si MARIA ISABELLA ‘CLAIRE’ LOPEZ bilang isang executive secretary ni MAXWELL ROCKEFELLER III na isang CEO sa isang conglomerate, matapos mag-resign sa dati niyang trabaho. Sa loob ng dalawang taon, tiniis niya ang physically at mentally demanding na posisyon ngunit isang araw, nagbago ang pakikitungo nito sa kanya nang mag drunk email siya sa kaibigan pero na send pala ito sa boss niyang si Maxwell. Handa na siyang mag-resign kinabukasan pero hindi niya ito nagawa dahil pinakilala siya sa mga magulang ng amo niya bilang isang girlfriend. Pumayag rin siyang makipag relasyon kapalit ang isang confidential report dahil may hinala siya na na leak ang kanilang stratehiya sa kabilang kompanya. Dahil sa pagtatrabaho magdamag at paglulutas kung sino ang may pakana nito, totoong nahuhulog na ang kanilang loob sa isa't isa. Pero lumilinaw naman ang mga clues na nagsasabing hindi nila pwedeng pagkatiwalaan ang isa’t isa. Kapag nalaman na ng lahat ang katotohanan, handa ba nilang isakripisyo ang karera para sa pagmamahal? Handa ba sila na harapin ang masakit na katotohanan?