Novelas web de Sweet Love e historias de Goodgirl ambientadas en Revenge

​Pitong taon ang ibinigay ni Lianne Martinez kay Gabriel Santos, umaasang ang katapatan ay susuklian ng pagpapahalaga. Ngunit sa ikatlong pagkakataon na hindi sumipot si Gabriel sa kanilang kasal para samahan ang kanyang "White Moonlight," ay napagtanto ni Lianne na siya ay isang anino lamang sa buhay ng lalaki. Sa halip na magmakaawa ay pinili ni Lianne na sunugin ang tulay ng kanilang nakaraan. Sa isang tawag ay tinanggap niya ang alok ng kanyang mortal na kaaway na si Xavier Buenavista. Ito ay hindi lamang tungkol sa paghihiganti, ito ay tungkol sa pagbawi sa sariling halaga na matagal na niyang kinalimutan.

Anong gagawin mo kapag nalaman mong ang isang empleyado mo sa kumpanya ay siya ring lihim na sumisira sa kasal mo at ikinakama pala ang asawa mo? Si Alexander Perez, CEO ng Perez Industries, ay hindi naniniwala sa pangalawang pagkakataon pagdating sa pagtataksil. Nang matuklasan niyang ang asawa niyang si Stacy ay may relasyon sa ambisyosong empleyado niyang si Kiefer, hindi siya nagalit. Bagkus ay napangiti pa siya. At naghanda ng mas malupit na ganti. Sa gabi ng silver anniversary ng Perez Industries, inalok niya si Kiefer ng isang bagay na hindi niya matatanggihan. Promotion, kapalit ng pagtikim niya sa asawa nitong si Willa. Ngunit paano kung ang babaeng gusto lamang gawing bahagi ng paghihiganti ay may sariling mga sugat at lihim na hindi alam ni Alexander? *** Si Willa, na walang kamalay-malay sa pagtataksil ng sarili niyang asawa, ay hindi kailanman inakalang magagawa ito sa kanya ni Kiefer. Ang lalaking minahal at pinagkatiwalaan niya ay siya palang maglalagay ng pampatulog sa kanyang inumin at gagamitin siyang kabayaran kapalit ng inaasam nitong promotion. Ang mas masakit? Ang lalaking nais ipagamit sa kanya ni Kiefer ay walang iba kundi ang sarili nitong boss, si Alexander Perez. Akala ni Kiefer ay nagtagumpay na siya sa plano niyang makuha ang posisyong matagal na niyang pinapangarap. Ngunit hindi niya alam na ang gabing iyon ang magiging simula ng sarili niyang pagbagsak. Sa halip na maging magkalaban, sina Willa at Alexander ay magkakampi sa isang planong hindi kailanman inakala ni Kiefer at ng kabit nitong si Stacy, na best friend ni Willa. Sa likod ng mga ngiti at pagpapanggap ay unti-unting binubuo nina Willa at Alexander ang kanilang paghihiganti. Bawat kasinungalingan ay may katumbas na kaparusahan, at bawat pagtataksil ay may presyong kailangang bayaran. Ngunit sa larong ito ng paghihiganti, sino ang unang mawawasak?

⚠️SPG  "Bulag na Pagmamahal: Ang Kwento ni Rheana Belmonte" Si Rheana Belmonte, 20 taong gulang—bulag, ngunit marunong magmahal. Sa kabila ng kanyang kapansanan, ibinuhos niya ang buong puso sa lalaking inakala niyang tagapagtanggol niya... si Darvey Gonsalo. Pero ang pag-ibig na inaakala niyang kanlungan, unti-unting naging impyerno. Nang dumating sa buhay nila si Cindy Buena, unti-unting naglaho ang halaga ni Rheana. Sa mismong tahanan nilang mag-asawa, nasaksihan niya—harapan—ang kababuyang ginagawa ng kanyang asawa’t kabit. Sa harap ng lipunan at ng pamilya ni Darvey, ibinaba siya sa pagiging isang katulong—walang karapatan, walang boses, at lalong walang dignidad. Ang masakit? Hindi lang siya binulag ng kapalaran, kundi pati ng pag-ibig. Hanggang kailan mananatiling martir si Rheana Belmonte? Lalaban ba siya sa sistemang sumira sa kanya—o mananatili siyang bulag habang tuluyang nilalamon ng karimlan ang kanyang mundo?