Novelas web de Actor / Actress Romance e historias ambientadas en Contract Marriage

Matapos tuluyang wakasan ang kanilang kontrata, nagsimula sina Lia at Adrian ng bagong buhay bilang tunay na mag-asawa kasama si Nico. Habang natututong bumuo si Lia ng sariling pangarap at negosyo, unti-unti naman niyang natuklasan ang mga pangarap at takot na matagal nang itinago ni Adrian. Sa kanilang bagong tahanan, mas lumalim ang kanilang pagmamahalan at nabuo ang isang tunay na pamilya. Ngunit sa pagkakataong wala nang kontratang nagbubuklod sa kanila, isang bagay ang naging malinaw: pinili nila ang isa’t isa hindi dahil sa pera, obligasyon, o kasunduan, kundi dahil sa tunay na pagmamahal.

Si Maria Mendez ay isang simpleng probinsiyana na ang tanging pangarap ay mabigyan ng magandang buhay ang kaniyang mga lolo’t lola. Wala siyang yaman, koneksiyon, o kapangyarihan—pero mayroon siyang tapang na hindi kayang bilhin ng kahit sinong milyonaryo. Hanggang makilala niya si Dustin Monteclaire, ang makapangyarihan at misteryosong bilyonaryong may-ari ng Monteclaire Ranch. Dahil sa isang kasunduang maaaring magligtas sa kaniyang pamilya, pumayag si Maria sa isang contract marriage na tatagal lamang ng anim na buwan. Simple ang kanilang mga tuntunin: walang tunay na pag-ibig, walang pakikialam sa pribadong buhay ng isa’t isa, at walang karapatang masaktan. Ngunit paano kung ang lalaking nangakong hindi iibig ang siya ring unang magselos? Paano kung sa likod ng kaniyang malamig na mga mata ay may pusong unti-unting natutong magmahal? Sa loob ng marangyang hacienda, haharap si Maria sa pangmamaliit, mga lihim ng pamilya, at mga taong gagawin ang lahat upang paalisin siya. Habang lumalalim ang kaniyang relasyon kay Dustin, unti-unti ring nabubunyag ang mga katotohanang maaaring sumira sa kanilang pagsasama. Sa pagitan ng kapangyarihan, pagtataksil, at ipinagbabawal na damdamin, isang tanong ang mananatili: Kapag natapos ang kanilang kontrata, pipiliin ba ni Dustin ang babaeng minahal niya—o ang imperyong buong buhay niyang ipinaglaban?

ANG TAMBAY KONG ASAWA AY ISA PALANG CEO? Akala ni Mira Villanueva ay isang simpleng tambay lamang ang lalaking pinakasalan niya—walang trabaho, walang pangarap, at umaasa lang sa kaniya. Sa kabila ng pangmamaliit ng ibang tao, pinili pa rin niyang mahalin at ipaglaban ang kaniyang asawa. Ngunit paano kung ang lalaking palaging minamaliit ng lahat ay isa palang tagapagmana at makapangyarihang CEO ng Montenegro Holdings? Si Adrian Montenegro ay sadyang namuhay nang simple at itinago ang kaniyang tunay na pagkatao. Ngunit nang muling lumitaw ang mga lihim ng nakaraan, nadamay ang babaeng pinakamamahal niya. Sa likod ng kanilang pagsasama ay may nakatagong kasaysayan ng pagtataksil, ninakaw na kayamanan, at mga kasalanang matagal nang ibinaon sa limot. Habang unti-unting nabubunyag ang katotohanan, mapipilitan si Mira na harapin ang pamilyang maaaring sumira sa buhay ng kaniyang mga mahal sa buhay. Magagawa bang panindigan ni Adrian ang pagmamahal niya kay Mira kahit sariling pamilya ang kaniyang makakalaban? At kapag nalaman ng lahat na ang akala nilang walang silbing tambay ay isang bilyonaryong CEO, sino naman ang unang luluhod at hihingi ng tawad?

“Brixie, hanggang childhood sweetheart lang talaga ang turing ko sa iyo. Huwag mong bigyan ng ibang kahulugan ang relasyon natin.” Sa isang pangungusap, gumuho ang pangarap ni Brixie na balang araw ay magiging kaniya ang lalaking minahal niya sa loob ng maraming taon. Sa mismong ika-dalawampung kaarawan niya, ipinakilala ni Morris ang ibang babae bilang girlfriend nito. Mas masakit pa, ang bracelet na inakala niyang para sa kaniya ay isinuot nito sa pulso ng ibang babae. Pagkatapos ng lahat ng taon ng pag-asa, sa wakas ay nagpasya si Brixie na bitawan ang kaniyang first love. Ngunit habang pilit niyang binubuo ang sarili niyang wasak na puso, isang lalaking hindi niya inaasahang magiging mahalaga sa kanya ang tahimik na lumapit. Si Connor Ocampo—guwapo, mayaman, malamig, at ang fiancé ng kanyang nakatatandang kapatid na si Nathalie. Sa likod ng malamig nitong personalidad ay isang lalaking marunong mag-alaga nang hindi humihingi ng kapalit. Sa mga sandaling pakiramdam ni Brixie ay nag-iisa siya, si Connor ang nagiging takbuhan niya. Hindi niya namamalayang ang lalaking tinatawag niyang “Kuya Connor” ay unti-unti nang nagiging higit pa sa isang taong masasandalan. Pero paano niya hahayaang lumalim ang damdaming ito kung ang lalaking nagsisimulang bumihag sa puso niya ay nakatakdang pakasalan ang sarili niyang ate? Lalong nagulo ang lahat nang malaman niyang may ibang lalaking minamahal si Nathalie at ang engagement nito ay isang sakripisyong ginawa para sa kanilang pamilya. Ngayon, nahaharap si Brixie sa isang pag-ibig na maaaring makasira sa relasyon nilang magkapatid. Kung ang lalaking gusto niyang mahalin ay ang lalaking nakatakdang maging asawa ng kanyang ate, pipiliin ba niyang sundin ang puso niya o isakripisyo ang sariling kaligayahan para sa pamilyang minamahal niya?

ANG BOSS KONG HINDI NGUMINGITI Sa edad na dalawampu’t apat, sanay na si Elena sa simpleng buhay at pagtatrabaho bilang secretary sa isang malaking kompanya. Wala siyang karanasan sa pag-ibig at wala rin sa plano niyang pumasok sa isang relasyon—hanggang sa isang araw, biglang nagbago ang lahat. Ang kanyang boss na si Adrian Monteverde ay isang malamig, seryoso, at makapangyarihang CEO na tila walang puwang para sa pag-ibig sa kanyang buhay. Ngunit isang malaking problema ang nagtulak sa kanya upang gumawa ng isang hindi pangkaraniwang alok kay Elena. Isang kasal. Hindi dahil sa pag-ibig, kundi dahil sa isang kontrata. Tatlong taon lamang ang kailangan nilang magsama bilang mag-asawa upang matupad ang isang kondisyon sa pamilya ni Adrian. May malinaw na kasunduan, sariling privacy, at pangakong walang tunay na damdaming dapat mabuo sa pagitan nila. Ngunit may isang bagay na hindi inaasahan ni Elena. Si Lucas, ang anim na taong gulang na pamangkin ni Adrian, ay agad siyang itinuring na mommy. Sa pagpasok ni Elena sa tahanan ng mga Monteverde, unti-unting nagbabago ang kanyang mundo. Ang dating simpleng trabaho ay napalitan ng isang buhay na puno ng mga lihim, responsibilidad, at mga bagay na hindi niya kailanman pinangarap. Habang lumilipas ang mga araw, kaya ba niyang manatiling tapat sa kontrata? O may mga damdaming unti-unting mabubuo sa pagitan nila ni Adrian na hindi kayang pigilan ng kahit anong kasunduan? Dahil minsan, ang isang kontratang ginawa para sa tatlong taon ay maaaring maging simula ng isang kuwentong hindi nila inaasahan.