Mga Web Novel na Comedy Romance at mga Kuwentong Playboy Office Relationship

Si Evangeline Yang, kilala sa high-end world ng Ligaya & Adonis bilang Apple Pie, ang pinaka-requested escort—tinaguriang Best Flavor. Pero para kay Eva, hindi ito tungkol sa karangyaan o pagnanasa—isa itong paraan para mabuhay. Ang gabi-gabi niyang bookings ang naging daan para siya'y makatapos ng BSBA major in Marketing, nakabili siya ng studio-type condo unit, at naka pag patayo ng maliit na negosyo para sa kanyang pamilya sa probinsya. Ngunit matapos ang limang taon ng pagtatago sa pangalang hindi kanya, handa na siyang mag-quit. Ang final booking niya: isang weekend sa Euphoria Island kasama ang isang estrangherong basag ang puso. Walang pangalan. Walang expectations. Walang label. Langit sa ilalim ng buwan. Mga halik na masyadong totoo para sabihing trabaho lang. At isang gabing akala nila, kaya nilang iwanan sa isla. Nagkamali sila. Pagbalik sa Maynila, handa na si Eva sa bagong simula-isang lehitimong trabaho sa isang prestihiyosong marketing firm. Pero hindi siya handa sa lalaking naghihintay sa kabilang dulo ng opisina. Gideon Morgan—isang self-made billionaire CEO at charismatic marketing genius—na minsang naniwala at naging bulag sa pag-ibig... matapos siyang paulit-ulit iwan ng babaeng akala niya'y sa kanya. Sa Euphoria, natikman niya ang kalayaang matagal na niyang hinahanap-at ang halik ng babaeng hindi niya malilimutan. Maniniwala na sana siyang hindi totoo ang second chances—hanggang may nagturo sa kanya kung paano muling umasa at buksan ang puso muli. At ngayon, narito ang babaeng 'yon. Sa opisina niya. Bilang kanyang bagong secretary. Sa mundong puno ng power suits, deadlines, at mga lihim na hindi nila sinadyang itago—kaya pa ba nilang manatiling propesyonal? O dadalhin ng Euphoria ang lahat ng damdaming iniwan nila... hanggang sa boardroom?

Dahil sa matinding pangangailangan, napilitan si Marriane Mercadejas na sumama sa kaibigan nito na magpunta sa isang high society exclusive bar para maghanap ng matandang mayaman. Kailangan niya ng pera para hindi sila paalisin ng nanay niya sa inuupahan nitong bahay, pero imbis na matandang mayaman ang makaharap ay nakaharap niya ang kilalang Casanova na si Timothy Axel Laxamana. Ngunit hindi maganda ang una nilang pagkikita, na hahantong pa sa pisikalan dahil sa pagiging palaban ni Marriane. Akala nila ay hindi na mag kukrus ang landas nila, hanggang sa mainterview si Marriane sa kumpanyang inapplyan niya, at ang magiging boss niya? walang iba kundi ang lalaking kinaiinisan niya at kinaiinisan rin siya. Ano kaya ang mangyayari sa dalawa kapag palagi silang nagkikita? mas titindi ba ang bangayan ng dalawa? o tulay ito para sa pagkahulog nila sa isa’t isa.

"Isusuko ko ang lahat para bumalik sa panahong ako pa rin ang mahal mo. Pero kung hindi man aabot sa puntong iyon, ilalaan ko ang buong buhay ko sa paghihintay sa iyo. Baka sakaling paggising ko... ako na ulit ang pipiliin mo." Kimberly Ann Dimagiba, ang babaeng martyr at alipin ng pag-ibig. Mula High School hanggang sa pagiging office employee, siya ang taga-gawa ng projects, taga-ayos ng reports, at tagasalo ng mga kalokohan ng best friend niyang si Jixxer. Ang mayamang playboy at tagapagmana ng kumpanya ng pamilya niya. Sanay si Kim na maging dakilang alila, basta ba manatili siya sa tabi nito. Ngunit nagbago ang ikot ng mundo nang dumating si Dylan. Si Dylan ang misteryosong officemate nila. Masungit, tahimik, at kuripot, pero nakasuot ng relong nagkakahalaga ng milyon-milyon. Higit sa lahat, siya lang ang lalaking palaging sumasagip kay Kim sa tuwing madadawit ito sa anumang klase ng kapahamakan. Dahil sa tindi ng desperasyon ni Kim na mapansin ng kaniyang best friend, tatanggapin niya ang isang kaduda-dudang alok mula kay Dylan. Ang magpanggap bilang girlfriend nito para pagselosin si Jixxer. At para makawala ang binata sa gapos ng kanyang mga magulang. Ang akala ni Kim, ito na ang solusyon para makuha ang lalaking pangarap niya. Ang hindi niya alam, pinasok niya ang isang laro kung saan hindi lang ang puso niya ang nakataya. Kundi pati na ang mga lihim ng mga bilyonaryong unti-unti nang nahuhumaling sa kaniya. Sa laro ng tagu-taguan, sino ang unang bibigay... at sino ang tuluyang maiiwang umaasa?