Chased by the Billionaires

BABALA: Ang kwentong ito ay rated SPG. Naglalaman ito ng mga eksena, lengguwahe, at temang hindi angkop para sa mga bata at sensitibong mambabasa. Hinihingi ang malawak na pang-unawa at hindi dapat basahin ng mga edad labing walo pababa.

Kim’s POV

“Sigurado ka ba na gagana ito?” Napapalunok ako dahil sa sobrang lapit ng mukha niya sa akin. Ramdam ko na ang hininga niya na dumadampi sa pisngi ko.

“Do you want to upgrade your relationship with him or not?” masungit niyang tanong.

“Aaah!~” Napasinghap ako nang ilapat niya ang isang kamay niya sa baywang ko at lalo akong hilahin palapit, “S-syempre naman, oo! Since high school pa kaya ako naghihintay, pero hanggang ngayon hindi pa rin ako umuusad sa pagiging best friend niya.”

Pasimple akong sumulyap sa gawi ni Jixxer na naglalakad palapit sa amin.

“Then do what I say.” Sinabi niya iyon nang nakatingin sa mga mata ko, na para bang wala akong ibang dapat na gawin kundi sundin siya.

Ang lakas ng tibok ng puso ko!

“A-anong gagawin ko?” kabado kong tanong.

“Just close your eyes and enjoy.” Walang ano-ano’y hinila niya ako sa batok at hinalikan.

“D-Dyla–”

Nanlalaki ang mga mata ko habang nakatingin sa nakapikit niyang mga mata. Tuluyan akong naestatwa. Nanlambot ang mga tuhod ko nang igalaw niya ang mga labi niya.

“Hmm~” Napapikit ako nang marinig ko ang paos niyang ung*l. Pakiramdam ko ay nalulusaw ako.

Hinayaan kong angkinin ni Dylan ang mga labi ko. Nakikita kaya kami ni Jixxer? Nakita kong papunta na siya sa gawi namin kanina. Pipigilan niya kaya kami at sasabihin niyang nagseselos siya?

Sigurado akong ganoon ang gagawin niya. Overprotective iyon sa akin, eh.

Nagmulat ako ng mata at tumingin sa gawi niya. Bakit hindi siya gumagalaw? Nakatayo lang siya doon at nakatingin sa amin. Hindi ko mabasa kung ano ang iniisip niya. Nagdidilim ang aura niya at nakakuyom ang mga kamao. Nang tumalikod siya at naglakad palayo, malakas kong itinulak si Dylan.

“Jixx—”

“Don’t call him, I’m begging you. Don’t.” Nagmamakaawa ang boses niya. Pero hindi ko maintindihan kung bakit.

Hahabulin ko sana si Jixxer, pero mabilis na nahawakan ni Dylan ang kamay ko at hinigit ako palapit. Niyakap niya ako nang mahigpit at isinubsob sa dibdib niya.

“Dylan, pupuntahan ko si Jixxer. Baka magalit siya sa akin.” Nagsisimula na akong mag-panic. Hindi ko kayang magalit siya sa akin. Ang gusto ko lang naman ay mapansin niya ako.

Lalong humigpit ang pagkakayapos niya sa akin, “We have a deal. Let’s stick to the plan.”

Iyon lang ang sinabi niya, pero may kakaibang bigat ang mga salitang binitiwan ni Dylan. Na parang may iba siyang ibig sabihin pero hindi niya kayang iparating. Kung ano man iyon, sa ngayon ay hindi na importante sa akin.

Titiisin ko ito, para mapansin na ako ni Jixxer.

“Pasok na tayo.” Pagkasabi ko noon ay saka pa lang siya humiwalay sa akin.

Pinagbuksan ko siya ng pintuan at pinatuloy sa bahay. Medyo awkward ang atmosphere sa aming dalawa. Hindi ko malaman kung kukuha ba ako ng juice, ng kape, or ng al*k na lang kaya? Tutal nakakaloka naman lahat ng nangyayari ngayon?

“Are you alone here?” tanong niya habang nililigid ang paningin sa bahay namin.

“A-ahh, hindi, ano… si Mama ang kasama ko. Oo tama, si Mama. Hehe.” Bakit ba nagkakanda-utal-utal ako?!

Kimberly Ann Dimagiba, umayos ka! Huwag mong titigan ang labi niya!