Init Ng Paghihiganti Novels & Stories

Bilang isang anak ng Diyos ng Kadiliman, alam ni Cassy Aguilar na kailanman ay hinding-hindi niya maabot ang liwanag, na kahit na anong takbo niya ay hindi niya matatagpuan ang sarili na nabababalot ng sinag kundi purong anino at dilim lamang. At iyon ang dahilan kung bakit gustong-gusto niyang makatakas sa tadhanang tila kadenang nagbibigkis sa kanya sa mundo ng kadiliman at kasamaan. Nais niyang makalaya. At ang tanging paraan para mangyari iyon ay ang wakasan ang buhay ng sarili niyang ama, ang Diyos ng Kadiliman. Sakit. Kamatayan. Pagtataksil. Sakripisyo. Pag-ibig. Pakikipagsapalaran. Lahat ng ito ay naghihintay kay Cassy kasama ang mga taong magiging kasangga niya sa pagkamit ng kalayaang hinahangad niya at ang pagtapos sa buhay ng Diyos ng Kadiliman na matagal nang banta sa kapayapaan ng mamamayan.

Lumaki si Louise na mulat sa panglalalaki ng kaniyang ina na siyang naging dahilan para maghiwalay ang kaniyang mga magulang. Dahil pinili ni Louise na sumama sa kaniyang ama, naranasan niyang apihin ng mapagmataas na pamilya ng kaniyang ama. Wala na halos mapuntahan si Louise, pakiramdam niya kalaban niya ang mundo, lalo na nang mapag-alaman niyang niloloko siya ng kasintahan at matalik na kaibigan. Sa paghahangad niyang makalimot sa lahat, isang gabi ang bumago ng tuluyan sa takbo ng buhay ni Louise ng makatalik niya ang pinakamayaman at kilalang bilyonaryo sa bansa. Ang bilyonaryong ito ay matagal ng naghahangad na magkaroon ng tagapagmana. Ngunit dahil sa isang sekretong napag-alaman ni Louise tungkol sa lalaki ay labis siyang natakot para sa kaligtasan ng kambal na pinagbubuntis niya. Naisipan ni Louise na magtrabaho bilang sekretarya sa kompanya para mabantayan ang bawat galaw ng bilyonaryo at masiguradong hindi sila mahahanap ng kambal. Gayunpaman, ginagawa ng bilyonaryo ang lahat at habang nakikita ni Louise kung gaano ito kapursigido na mahanap ang kambal ay mas lalo rin niyang nakikilala ang tunay na katauhan ng misteryosong bilyonaryo. Ngunit kung kailan pa naging sapat ang dahilan niya para ipakilala ang kambal sa ama ng mga ito ay matutuklasan niya na ang sariling ama ang dahilan sa likod ng panganganib ng buhay ng bilyonaryo at ng kambal. Napagtanto ni Louise kung gaano kagahaman sa pera ang ama at gagawin nito ang lahat kahit mapahamak pa sila ng anak mga niya. Sa puntong ito magbabago ang kagustuhan ni Louise sa buhay — ipagkakatiwala niya ang kaligtasan ng kambal sa bilyonaryo at tutulungan itong pabagsakin ang ama at ang pamilya nitong umapi sa kaniya.

Walker, G.R.O, Prostitute. Iilan lang na tawag sa uri ng trabaho ni Agatha. Ganda ng mukha at katawan ang tanging puhunan ng isang kwela at pilyang dalaga na mula nang magkaisip ay nasa mundo na ng bahay-aliwan ng mga lalakeng sabik sa tawag ng laman at handang magbayad para sa panandaliang-aliw. Maaari kayang baguhin ng tadhana ang maruming kapalaran niya kapag nakilala niya ang gwapong CEO na si Mr. Khevin Tolentino? Isang istriktong Boss na umpisa pa lang ay nandidiri na sa pagkatao niya? Paano mabubuo ang pagmamahalan ng dalawang nasa magkabilang uri ng mundo? May pag-asa ba ang gaya ni Agatha na makapasok sa mundo ni Khevin? Kung sa simula pa lang ay ayaw na siya nito bigyan ng pagkakataong maging bahagi ng buhay ng gwapong CEO?

Limang taon na nakulong si Brianna at inakusahan na manloloko ng pamilya Smith at ng fiance nito na si David. Pagkalabas ng kulungan ay pinilit itong mag-donate ng kidney para sa anak ng mga Smith na nauwi sa isang trahedya. Buong akala niya ay tuluyan nang nawalan ng pakielam si David sa kanya ngunit sa burol ni Brianna ay labis ang naging pag-iyak at pagwawala ng lalaki na taliwas sa inaasahan ng lahat na magsasaya siya. At pagkatapos ng tatlong taon, nagulat ang lahat nang makita nila si Brianna, ngayon ay fiance na ng kapatid ni David, buhay at ibang-iba na sa Brianna na nakilala ng lahat. David and the Smiths are all mad... ngunit nagulat ang lahat nang halos magmakaawa si David para lang balikan siya ng dalaga. Ngunit paano gagawin iyon ni Brianna kung halos lahat ng trauma na dinanas niya ay nagmula nang makilala niya ang lalaki?

Sa kabila nang modernisasyon ng mundo ay tahimik na nabubuhay ang grupo ng mga engkantao sa Mt. Talumpit. Sila ang mga nilalang na naging bunga ng pagmamahalan ng mga engkanto at tao noong panahong bago pa man dumating ang mga dayuhang mananakop. Nakalimutan na sila ng mga tao at itunuring na isa na lamang kwentong-bayan. Si Seiri Santos ay anak ng isa sa pinakamayamang negosyante sa Quezon City. Si Matuk ay itinuturing na susunod na pinuno ng mga engkantao. May forever ba kung sakaling bigyan nila ng chance ang isa't-isa? O isa lang itong kaso ng pinagtagpo ngunit di itinadhana?

Gustong bumawi ni EJ kay Jaria sa kanyang mga nagawa noon ngunit nagmamatigas si Jaria. Isang araw ay susubukin ng tadhana si Jaria na kung saan ay kakailanganin niya ng karamay. Kailangan niyang magpakalayo at magpahilom ng sakit dulot ng kanyang kahapon. Samantala, si Mica ay uusigin siya ng kanyang konsensiya at babaguhin siya ng totoong pagmamahal. Sabik ito sa pagmamahal kaya gagawin niya ang lahat para sa ikakasaya ng kanyang mga minamahal. Ngunit paano niya aamin na mahal niya si EJ kung hindi naman siya ang gusto? Magkaiba ng landas ang tinahak ni Jaria at Mica pero paglalapitin sila ng tadhana na siyang magiging mitsa ng bagong kabanata ng kanilang buhay. Sa pagbabalik ni Jaria, may mababalikan pa kaya siya o tuluyan na siyang tatalikuran ng nakagisnan niyang mundo? Hangang saan ang kayang gawin ni Mica sa ngalan ng pagmamahal? Mas mananaig ba ang poot o wawakasan ito ng panibagong problema ng kanilang buhay? Handa ba niyang kalimutan ang sarili niya para mahalin siya ng iba? Handa ba niyang iwanan at talikuran ang responsibilidad niya para sa hinanahangad niyang pagmamahal?

"Kailangan ko ng may mataas na Yang energy para hindi ako pasabugin ng kapangyarihan ko, pero teka! Bakit ang pinakamakapangyarihang billionaire ang nabiktima ko?!" Si Celestia ay ang huling Alchemist ng mga White Witches. Sa modernong mundo, nabubuhay siya sa paggawa ng mga mahiwagang pildoras at gamot. Subalit dahil sa isang matinding sumpa, nag-overheat ang kaniyang mahika na mayroong yin. Ang tanging lunas? Ang kumuha ng Pure Yang Energy sa isang lalaki. Pumasok siya sa isang VIP hotel suite at doon naganap ang one-night stand nila. Ang hindi niya alam, ang lalaking kaniyang ninakawan ng enerhiya at iniwanan lang ng limang daang piso bilang 'tip' ay walang iba kundi si Alexander Vance—ang malupit at kinatatakutang billionaire CEO ng bansa. Limang taon ang lumipas. Pumasok si Celestia bilang isang simpleng empleyado sa kumpanya ni Alexander para itago ang kaniyang pagkatao. Ngunit ang kaniyang limang taong gulang na anak na si Basti—ang bunga ng gabing iyon—ay may ibang plano. Dahil sa halo ng mahiwagang dugo ng isang alchemist at ng Pure Yang ng isang billionaire, ipinanganak si Basti na may kakayahang makabasa ng isip ng tao. Sa unang araw pa lang ng trabaho ng dapat na trabaho niya, tumakbo na ang makulit na bata, niyakap ang binti ng supladong CEO, at sumigaw sa harap ng lahat: "Daddy! Sa wakas, nahanap ka na namin ni Mommy! Sabi ko sa'yo, huwag mo na kaming tataguan, eh!" Nakataas ang mga kilay at naguguluhan si Alexander sa batang kamukhang-kamukha niya, lihim namang bumubulong si Basti sa isip ng kaniyang nanay: 'Mommy, relax ka lang. Nabasa ko ang isip ni Rich Daddy. Type ka niya! Ako na ang bahala sa love life niyo!' Paano kaya niya matatakasan ang mapanuring tingin ng isang billionaire kung ang asungot niyang anak ang gumagawa ng paraan para sila ay paglapitin.

Si Lizabeth Villanueva ay isang babaeng may pangarap sa buhay ngunit sa di inaasahang pagkakataon ay nangailangan siya ng malaking halaga para sa sakit ng kanyang ina. Inalok siya ng sikat na aktor na si Kenzo Navarro ng malaking halaga kapalit ng pagiging pekeng asawa nito sa loob ng tatlong buwan Mauwi kaya ang pagpapanggap sa totohanan? Ilang beses paglalaruan ng tadhana ang pareho nilang buhay?

"Kailangan mo ng pera; kailangan ko ng asawa." Si Peony Sinclair, isang workaholic na babae, ay nakilala si Mattia Luigi D'Amato, isang kilalang boss ng mafia na may madilim na sikreto. Habang si Peony ay nagtatrabaho nang husto para mabayaran ang ospital bills ng kaniyang ama, si Luigi ay busy sa pakikipagtalik sa iba't-ibang babae at pagtapos ay babawian niya ang mga ito ng buhay. Sa patuloy na pag-angat ng gastusin sa ospital, kinakailangan ni Peony ng malaking halaga ng pera. Sa kaniyang desperasyon, natagpuan niya ang sarili sa isang auction matapos siyang lokohin ng isang babae na nangakong magbigay sa kan'ya ng magandang trabaho at malaking sahod. Magiging simbolo ba si Peony ng pagbabago para kay Luigi, o haharapin niya ang parehong kapalaran ng ibang biktima ni Luigi?

Si Aika ay isang simpleng empleyada sa kompanya ng mga armas na pagmamay-ari ng bilyonaryong si Don Jacinto Herrera, ay laging nangangarap ng mas magandang buhay. Sa kabila ng hirap ng kaniyang buhay at mababang suweldo, hindi mapigilan ni Aika ang mag-isip ng paraan para makamtan ang kayamanang matagal niyang pinapangarap. Isang araw, nalaman ni Jaika ang isang lihim na matagal nang itinago ng pamilyang Herrera—ang pagkawala ng kanilang nag-iisang anak na si Isaid. Ang plano niya ay makuha ang atensyon ni Isaid at magpabuntis sa kaniya upang maging bahagi ng makapangyarihang pamilyang Herrera. Alam niyang si Isaid ay ang tanging tagapagmana ng imperyo ng kanilang kompanya at ang pagkakaroon ng anak mula sa kaniya ay ang pinakamabilis na daan para maging bilyonaryo siya. Magtagumpay ka siyang magpabuntis kay Isaid? Magiging bilyonaryo rin ba siya?