Midnight Mha Death Novels & Stories

Sumandal siya sa mesa at humalukipkip, "Over my dead body. Hangga't walang bangkay na hinaharap sa akin, hindi ako maniniwala." Pero mukhang sinusubok ang pasensya niya dahil kahit isang buwan na ang lumipas ay wala pa rin siyang mahanap. Gusto na niyang mawalan ng pag-asa pero ayaw niya ring sumuko. Kanina niya pa tinititigan ang bawat report sa kanya. Lahat ng iyon nagsasabing wala na si Crystal at lalong wala na si Serenity.

Isang news report ang kasalukuyang ipinapalabas. Sa loob ng ilang segundo, tila naging tahimik ang mundo ni Miles. 'Ilang taon na mula noong huling balita natin sa sniper killer na si Death.' Bahagyang napakunot ang kanyang noo. 'Sa mga hindi nakakakilala, si Death ay isang misteryosong killer na pumapatay sa mga taong may malalaking kaso sa lipunan na hindi na nakayanan ng justice system na resolbahin dahil patuloy nilang nalulusutan ang batas.'