Nararamdaman

Si Cleven Romano ay napilitang mag pakasal sa babaeng napili ng kaniyang mga magulang dahil nakasalalay dito ang kaniyang negosyo at mamanahin. Dahil sa paniniwala niyang lahat na babae ay pare pareho lang pilit niyang nilalabanan ang nararamdaman para sa kaniyang asawa. Hinusgahan niya agad ang kaniyang asawa dahil sa kaniyang nakaraan. Hindi nga niya ito sinasaktan sa pisikal na anyo ay sinasaktan niya naman sa emosyonal na paraan na pinagsisihan niya. Nag bago ang trato niya sa kaniyang asawa ng malaman niya ang nakaraan nito. Ngunit ang kaniyang pag babago ay huli na lalo na't dumating ang kaniyang dating kasintahan, dala ang kaniyang anak na tinago. Sa kagustuhang nais niyang makabawi sa kaniyang anak ay nakalimutan niya ang kaniyang asawa. Nakalimutan niyang sinusuyo niya pala ito. Dala-dala sa sinapupunan ni Gabby ang kanilang anak ay umalis itong walang paalam. Hindi man lang hinanap ni Cleven ang kaniyang asawa dahil naniniwala siyang kung sino ang umalis siya ang dapat bumalik. Galit at poot ang naramdaman niya ng malaman na hindi niya naman pala totoong anak ang sinabi ng kaniyang dating kasintahan. Paghihinayang naman dahil nasayang ang panahon niya. Hinanap niya ang kaniyang asawa at natagpuan niya naman ito. Ngunit hindi na nais bumalik ng kaniyang asawa sa kaniya kung kaya't ginamit niya ang anak nilang dalawa upang maibalik sa puder niya ang kaniyang mag-ina.

Sypnosis Mula pagkabata, hindi na naranasan ni Venisse ang init ng tunay na pamilya. Sa murang edad, natutunan niyang tumayong mag-isa—kahit pa ibig sabihin niyon ay isakripisyo ang sariling pangarap. Sa edad na 23, isang hindi inaasahang pagbubuntis ang tuluyang gumiba sa plano niyang buhay. Unti-unting nawala ang pag-asa. Araw-gabi siyang kumakayod—kahit anong trabaho, mapasukan lang. Para sa gamot, check-up, at isang kinabukasang hindi pa sigurado. Hanggang sa dumating ang panahong wala na siyang pagpipilian. Pumasok siya bilang GRO sa isang kilalang bar—isang trabahong kailanma’y hindi niya inakalang papasukin. Sa bawat ngiti at aliw sa mayayamang bisita, pinipilit niyang itago ang lungkot at takot sa likod ng mata. At doon sila nagtagpo—ni Dr. Kurt Navarro. Isang gabi, isang emergency. Ang batang dinadala ni Venisse sa sinapupunan, nalagay sa panganib. Isang komplikasyon. Isang mahal na operasyon. Isang bayarin na hindi niya kayang pasanin. At sa gitna ng kaguluhan, may inalok si Kurt. Isang kasunduan. Anim na buwang kasal. Walang emosyon. Walang label. Puro papel at pirma. Kapalit: kaligtasan ng anak niya. Pero paano kung habang lumilipas ang bawat araw, unti-unting lumambot ang pusong matagal nang pinatigas ng sakit? Paano kung sa likod ng kontrata, unti-unti niyang nararamdaman ang bagay na hindi kasama sa usapan? Pag-ibig. Isang kasunduan. Isang kasinungalingan. Isang pusong unti-unting bumibigay. Pero sa dulo ng anim na buwan… pipirma ba sila para sa wakas? O para sa panibagong simula?

In the Shadow of Power 💼 Romance / Corporate Drama / Mature (18+) Ayaw naman talaga ni Cassandra Vale na maging CEO ng Vale Industries—pero nung biglaang nawala ang kanyang ama, wala siyang choice kundi akuin ang responsibilidad. Bata pa siya, matalino, pero baguhan sa mundo ng business empires. At ngayon, kailangan niyang harapin ang board na duda sa kanya, ang media na laging may masasabi, at ang mga kalabang handang agawin ang trono niya. Doon bumalik si Damien Kade. Ang lalaking tinawag ng lahat na traydor. Dating top executive ng kalabang kumpanya, sinisisi siya sa halos ikalugmok ng negosyo ng pamilya ni Cassandra. Tahimik, mapanganib, at may karismang mahirap tanggihan—siya ang huling taong dapat pagkatiwalaan ni Cassandra. Pero sa desperasyon niyang maisalba ang Vale Industries, pinili niyang ibalik si Damien. Lihim, laban sa kagustuhan ng board at ng buong mundo. Habang magkasama silang lumalaban sa corporate wars—sa mga lihim na kasunduan, mga banta ng takeover, at mga panganib na di nakikita—unti-unting humihigpit ang tensyon sa pagitan nila. Ang inakala niyang laro ng kapangyarihan at survival, naging apoy na mahirap nang patayin. At habang lumalalim ang nararamdaman nila para sa isa’t isa, mas lalo silang napapalapit sa bangin ng pagkawasak. Pero sa mundo kung saan nabibili ang loyalty at ang pagtataksil ay parang business deal lang—paano malalaman ni Cassandra kung alin si Damien: ang taong magliligtas sa imperyo niya... o ang magpapabagsak nito?

Kinalimutan ni Chelsea ang kanyang pangarap na manirahan at makapagtrabaho sa ibang bansa para gawin ang nais ng kanyang mga magulang kahit labag iyon sa loob niya. Isang mabuting tao ang lalaking papakasalan niya at inaalagaan siya nito, ngunit biglang nagbago lahat ng iyon dahil lamang hindi niya naibigay ang gusto nito. Paiba-iba ang kasama nitong babae at ang mas masaklap na roon ay dinadala niya ito sa kanilang bahay at sa mismong kwarto nila nagtatalik. Gustuhin man niyang makipaghiwalay ay hindi niya iyon basta-bastang magagawa, kaya tiniis na lamang niya lahat ng ginagawa nitong kababuyan. Hanggang isang araw ay sumulpot sa kanyang harapan ang pinsan nitong si Vander at nag-offer ito sa kanya ng isang fake marriage. Walang pag-aalinlangan na tinanggap ni Chelsea ang offer nito dahil alam niyang yon ang tanging paraan upang tuluyang masira ang kanilang engagement ng kanyang fiancé Habang tumatagal ay unti-unting napapansin ni Chelsea na nahuhulog na ang kanyang loob kay Vander, agad niya iyong ipinagtapat sa binata at sobra siyang nasiyahan nang malaman niyang pareho sila ng nararamdaman para sa isa’t isa. Ngunit ang sandaling kasiyahan na iyon ay agad rin napawi, dahil nalaman ng kanyang fiancé na peke lang pala ang kanilang kasal, at sa mismong araw na iyon din ay nalaman ni Chelsea na ginamit lang pala siya ni Vander para sa kanyang sariling interes. Ano kaya ang mangyayari sa kanilang dalawa? Bibigyan ba ni Chelsea nang pagkakataong magpaliwanag si Vander o makikipag-ayos siya sa kanyang fiancé na si Axel?

Nakipaghiwalay si Celeste sa nobyo nang masaksihan n’yang may kahalikan itong ibang babae. Naglasing s’yang mag-isa at habang pauwi ay may nasaksihan s’yang hindi magandang pangyayari. May isang lalaking pinagtutulungan ng tatlong nakaitim na damit. Nang makita n’ya ang mukha ng lalaking nakahandusay sa sahig ay agad s’yang sumingit sa eksena. Niligtas n’ya ito at inuwi sa isang hotel room para gamutin. Dahil sa pangyayaring ito, naging malapit ang loob ng lalaki sa kan’ya. Kinabukasan, pumasok na si Celeste sa trabaho bilang isang office worker sa Horton Incorporation. Pilit na nakikipagbalikan sa kan’ya si Henry pero saktong bumalik na ang CEO, ang uncle ng ex-boyfriend n’ya na nawala ng isang taon at ito ay walang iba kung hindi si Liam Horton, ang niligtas ni Celeste. Binalaan n’ya si Celeste na nasa panganib ang buhay n’ya dahil sa ginawa n’ya kaya naman inoperan s’yang pakasalan ni Liam para sa kan’yang proteksyon. Mabilis namang tinanggap ni Celeste ang offer dahil simula una pa lang ay ito na talaga ang kan’yang plano. Ang pasukin ang buhay ng mga Horton, ng pamilyang Mafia para mag-spy sa kanila dahil si Celeste ay anak ng kalaban nila na pinadala ng tatay nito. Pero paano kung sa misyon na ito ay mahulog ang loob n’ya kay Liam na ngayon ay mahal na mahal na rin s’ya? Makakaya n’ya bang ipaglaban ang nararamdaman o tuluyang pagtataksilan si Liam?

Isang masayahin at palakaibigan na dalaga si Bella. Matalik niyang kaibigan na lalaki si Vin simula pagkabata. Magkapitbahay lamang sila at madalas na magkasundo sa lahat ng bagay. Naging magkaklase sila ni Vin simula elementarya hanggang high school. Sobrang close nila sa isa't isa kaya madalas silang magkasama. Ngunit pagdating ng college ay kinailangang umalis ni Vin upang mag-aral sa ibang bansa. Hindi naman lingid sa kaalaman ni Bella na nagmula si Vin sa mayamang pamilya kaya hindi na sya nagtaka nung kinailangang umalis ni Vin upang mag-aral sa ibang bansa. Lumipas pa ang mga taon ay bumalik na si Vin sa Pilipinas at nalaman eto ni Bella. Nang magkrus ang kanilang landas ay nagtaka si Bella kung bakit parang iba ang pakikitungo ni Vin sa kanya at madalas ay iniiwasan pa nga siya. Doon na nalaman ni Bella na may nararamdaman na pala si Vin sa kanya. Higit pa sa matalik na magkaibigan. Sobra ang tuwang nadama ni Bella dahil napagtanto nyang mahal na rin nya ang binata. Ngunit isang araw ay napalitan ng lungkot ang saya na nadarama ni Bella nang makita nya si Vin na may kasamang ibang babae, si Nicole, at napag-alaman nyang ikakasal na ang mga eto. Labis na nasaktan si Bella. Akala nya kasi ay si Vin na ang nakalaan para sa kanya pero may ibang plano pala ang tadhana para sa kanila. Magagawa pa kayang ipaglaban ni Bella ang pagmamahal nya kay Vin? O hahayaan na lamang nya etong magpakasal sa ibang babae.

Masaya na at kuntento kahit naghihirap sa buhay ang dalagang si Janiya. Para sa kanya, lahat ay makakaya at malalagpasan niya basta't kasama niya ang kaisa-iss na lang niyang pamilya- ang Papa Crisanto niya. Pero paano kung isang araw, bigla na lang siyang iwan ng pinakamamahal niyang ama? Iniwan siya nito nang wala kahit maayos na paalam man lang. Iniwan siya nito nang walang kahit ano maliban sa isang pirasong papel kung saan nakasulat ang dalawang address ng mga lugar na hindi niya alam. Isa na roon ang lugar na tinawag nitong "Mansion de Castillejos". Doon umano nakatira ang matalik na kaibigang babae ng ama niya- si Yvonne. Ngunit nang marating na niya ang mansiyon, isang nakakagulat na rebelasyon ang sumampal sa kanya- dalawang taon na palang patay ang babaeng pakay niya. At ang tanging naiwan nito sa mansiyon ay ang katulong na si Gervacia at ang nag-iisa nitong anak na lalaki, si Strike Vicencio o "SV"- isang kilalang CEO hindi lang dahil sa kagwapuhang taglay nito kundi lalo na sa pagiging enigmatiko at misteryoso- na walang pagdadalawang-isip na inako ang pangangalaga sa kanya pansamantala habang hindi pa bumabalik ang ama niya. Ano ang nakatakdang mangyari sa pagsasama nila ng binata sa iisang bubong? At paano kung unti-unti ay makaramdam siya ng pagtatangi sa lalaki? Lalabanan ba niya ang sariling nararamdaman o ipaglalaban at gagawin niya ang lahat para maangkin ang supladong bilyonaryo, kahit na sampung taon ang agwat ng edad nila sa isa't-isa at nalalapit na rin itong ikasal sa iba?

Si Elysse Dela Serna ay pangalawa at bunso sa magkapatid. Subalit sa kanilang magkapatid ni Elizabeth ay mas siya ang matured at umaaktong nakatatanda. Matiyaga siya sa lahat ng pangarap at gusto niya sa buhay. Mahal na mahal niya ang kapatid dahil sila na lamang dalawa ang magkasama mula nang mamatay sa isang car accident ang kanilang mga magulang. Upang malaman ang dahilan ng pagpapakamatay ng kanyang kapatid ay hinayaan niyang may mangyari sa kanila ng dating asawa ng nakatatandang kapatid at maikasal din dito. Doon niya natuklasan ang lahat ng katotohan pati na ang toong ugali ng ina ng kanyang asawa. Upang makuha ang hustisya para sa kapatid ay walang takot na hinarap ni Elysse ang lahat ng panganib. Kahit lalong lumalalim ang kanyang pagmamahal kay Carson ay itinuloy pa rin niyang kalabanin ang ina nito. Ngunit, hindi naman niya inaasahang buhay pa pala ang kanyang kapatid at ngayon ay malaki ang galit sa kanya dahil sa pag-aakalang tinaraydor niya ito. Si Celestine na kanyang biyenan din ang pilit na sumisira sa kanilang kapatid. Upang magkaayos silang magkapatid ay ginawa niya ang lahat upang mailabas ang katotoohanan sa mga kasamaan ni Celestine Sa huli ay nakamit din nina Elysse at Elizabeth ang hustisya. Sila naman ni Carson ay nauwi rin sa pagiging masayang pamilya dahil bawat isa ay nagkapatawaran na. Inamin din nitong totoong pag-ibig ang nararamdaman ng lalaki para sa kanya sa kabila ng mga nangyari sa kanilang trahedya.

Sa kagustuhang makatakas sa kamay ng mga hindi kilalang dumukot sa kanya ay nabundol siya ng sasakyan dahilan kung bakit naratay siya ng matagal sa Hospital. Ngunit sa kanyang pagising ay wala siyang maalala sa nakaraan maging ang kanyang pangalan. Halos mawalan na siya ng pag-asa sa sarili dahil sa malaking pinsala na natamo ng kanyang katawan. Kinupkop siya ni Carlos Montenegro ang lalaking nakabangga sa kanya inaalagaan siya nito, binihisan at binigyan ng pangalan. Lubos niyang hinangaan ang binata at hindi niya maikakailang may nararamdaman na siya para rito subalit unti-unti nang bumabalik ang kanyang alaala at patuloy siyang tinutugis ng kanyang nakaraan...nang kanyang mga nagawang kasalanan na kailangan niyang pagbayaran lalong lalo na sa binata. Hindi maatim ng kanyang konsensya kaya bago pa ang lahat ay inunahan niya na ito. Sa pamamagitan ng liham ay ipinagtapat niya ang Katotohan ng kanyang pagkatao at sa kanyang pagtalikod ng gabing iyon ay kasabay na rin doon ang paglimot sa binata. Hindi rin nakaligltas sa pandinig Kay Carlos ang pag-alis ni Rose. May parte sa puso niyang pigilan ang dalaga subalit nanaig parin ang galit at pagkasuklam niya rito. Para sa kanya walang karapatang mabuhay ang taong pumatay sa pinakamamahal niyang nobya na si Angelica at isinusumpa niyang magdurusa ito habang buhay subalit paano niya lalabanan ang damdaming iyon kung laging ipinapaalala sa kanya ang magandang imahe ng dalaga lalong lalo pa at dinadala nito sa sinapupunan ang nag-iisang maging tagapagmana ng kaniyang angkan.

Dala ng wala nang iba pang solusyon sa sitwasyon ng nag-iisang tagapagmana ng Multi-billionaryong kompanya, si Gabriel Aquinas, nagawa ng kanyang dalawang ama-amahan na gawin ang isang bagay na labag sa kalooban ng dalaga na si Serena Madison ang dalhin nito ang kanyang anak. Ang dalaga lamang ang nag-iisang babae na malapit kay Gabriel dahil pihikan ang binata na makipag-usap o makipagkilala man lamang sa mga babae. Sa una hindi malinaw kay Gabriel kung bakit napakagaan ng loob niya sa dalaga na kahit problema niya sinasabi niya dito kahit nga nililihim niya ang pagkatao sa dalaga. Ngunit ng may mangyari sa kanilang dalawa kaagad naman luminaw ang lahat kay Gabriel. Simula ng may mangyari sa kanila hindi na hinayaan pa ng binata na makalayo sa kanya ang dalaga lalo na nagbunga ang nangyari sa pagitan nilang dalawa. Ngunit ano na nga lang ba ang mangyayari kung wala namang nararamdaman sa kanya ang dalaga at hindi nito nagustuhan ang ginawa niya sa kanya? Paano na kung ang nangyari sa kanila ang dahilan upang mawala ng tuluyan ang tiwala ni Serena kay Gabriel? At paano na rin kung ang matagal nang hinahanap na kahinaan at butas ni Gabriel ng kanyang mga kalaban ay ang dalaga na naging malinaw na nga sa lahat? Paano ba niya mabibigyan ng proteksyon ang dalagang nagalit sa kanya sa likod ng maraming maaring manakit dito? At paano niya mapapatunayan sa dalaga na mahal niya ito? TAMING THE SUNSHINE @DeathWish [HER RETURN 2024]